Luku 10
10
Yezu na a kialandɛnaa pɔsɔbaawenpaa diɛ
1Bɛ kio, Dɛnaa kialandɛnaa pɔsɔbaawenpaa kɔsɔn bɔ, á ǹ dia min papaa. A din bɛ́ re boe kiwin mɛnɛn tumaa nɛ, á ǹ dia bɛn nɛ a nyɛɛnɛ. 2#MAT 9.37-38. Á pɛ ǹ nɛ: «Kaa-piɛ lɛ lɛ á gole, sɛnɛ, a dí-nyalin manə ǹ ba tɛ wa. Lawa mɛn bɛ́ wuru lɛ a dɛnaa lɛa, ka bɛ lɛ nyankɔ a dí-nyalin dia kaa-piɛ lɛ taman yii. 3#MAT 10.16. Ka woo kəni, á ke, masɛ n ka diɛ ka sère nɛn bɛ́ lɔn don ginin bii. 4#MAT 10.7-14; MAR 6.8-11; LUK 9.3-5. Ka baran wɔrɔ saa wa, ka baran màn-bii saa wa, ka baran kɔsɔ paabaa ǹ wɔ saa wa, ka baran golee ka fòo da min kɔ́n nɛ zii la wa.
5«Bɛ̀ ka wɔ kion woo kion ne, ka pɛ bɔrɔ mà kasɛn tá fòo diɛ kion lɛ a minin manɛ, mà Lawa là nyantoro kɔ ǹ la. 6Bɛ̀ min nə́ yɛ bɛa kion lɛ nɛ, á lɛ kɔ Lawa a là nyantoro lɛ ganaa, kaa fòo lɛ á die lɛ sii bɛ ganaa. Bɛ bie wa, kaa fòo lɛ a die lɛ sii kion lɛ ganaa wa. 7#KOR1 9.14; TIM1 5.18. Ka giã bɛa kion lɛ nɛ, màn woo màn, ǹ nə́ die koe ka la, ka bii. A giala ka doamaa-n ka màn-bii ni, ka dí-nyali doamaa bɛ́ ka a saraa-n lɔn. Ka baran n bibiə̃ kion kɔsɔn nɛ ka màn bii wa.
8«Bɛ̀ ka wɔ kiwi woo kiwi ni, yǎa bɛa minin nə n da ka lɛ sɔnbɔraanɛ, ǹ bɛ́ re màn-bii mɛn koe ka la, ka bii. 9Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li. 10#NDS 13.51. Bɛ̀ ka wɔ kiwi mɛn nɛ, yǎa bɛa minin nə n piã ka nɛ, ka soo a ziin la, ka pɛ 11mà haalɛ ǹ kiwi lɛ a tii gusuũ mɛn bɛ́ á kũ ka gòãn ganaa, mà kasɛn man bɛ lɛ dɔ din tuturi ka kɔ ǹ la. Ka pɛ ǹ nɛ, mà ka bɛ din tumaa nɛ, mà ǹ dɔ̃ mà Lawa a kiibaa lɛ dɔ.» 12#SGK 19.24-28; MAT 10.15; 11.24. Yezu pɛ ǹ nɛ kɛnɛn: «Kiri-kurii pinaa, dɔlɔ mɛn bɛ́ re n boe Sodɔmu kiwi babaraa kɛ ganaa bɛa re doe kaa wɔ kɛ li wa.
Kiwin mɛnɛn nə n piã ka golee Lawa li ni
(MAT 11.20-24)
13 #
IZA 23.1-18; EZE 26.1—28.26; ZOW 3.4-8; AMƆ 1.9-10; ZAK 9.2-4. «Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa. 14Sonbore, kiri-kurii pinaa dɔlɔ mɛn bɛ́ re n boe Tiiri laanka Sidɔn kiwin ganaa, bɛa re doe bɛa kiwi màn paa kɛ lɛ wɔ li wa. 15#IZA 14.13-15. Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»
16 #
MAT 10.40; MAR 9.37; LUK 9.48; ZAÃ 13.20. Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»
Kialandɛnan lɛn wusoo a daa ǹ boo
17Kialandɛnaa pɔsɔbaawenpaa lɛ wusoo ǹ nə́ daa ka nyɛnyɛɛ nɛ. Maǹ nə́ goã pii: «Dɛnaa, wɔsɛn nə́ goã pii nɔ̀ɔnɔn dɔn dinin manɛ ka n din tɔ nɛ, wáa ǹ nə n bɔ minin ganaa, ǹ nə́ goã wɔsɛn bɔlɔ sii dɔn!»
18Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn. 19#LOE 91.13. Ka n too kɔ: Á ke, má pàã kɔ ka la, máa ka zɔ́ɔ Sɛtaan pàã din tumaa tuturu, ka tɔ wɔ miɛ̃n laanka tonən la, sii baraa kɔ́n dɔ a re ka yii duduu wa. 20Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»
Yezu nə n nyɛnyɛɛ
(MAT 11.25-27; 13.16-17)
21A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.
22 #
ZAÃ 3.35; 10.15. «Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»
23Bɛ kio, Yezu nə́ n bɔyaa á pɛ a kialandɛnaa lɛn manɛ ǹ gɔrɔn: «Kasɛn wɔ n ka foo kɔɔ̃n nɛ, kasɛn mɛnɛn bɛ́ ka yii goã koo á daa kaa siin kɛn zɛnaa lɛ. 24A giala masɛ n pii ka nɛ, máa ka yii bɛ́ màn mɛn-a, Lawa a boo gii-dali gigiã ka kii gigiã ga li mà ǹ yɛ, sɛnɛ, ǹ yɛ wa. Ka too bɛ́ màn mɛn miɛ, Lawa a boo gii-dalin lɛn laanka kiin lɛn nə́ ga li mà ǹ ma, sɛnɛ, ǹ ma wa.»
Samarii gána giĩ sonbore goon boo
25 #
MAT 22.35-40; MAR 12.28-34. Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»
26Yezu mà a ganaa mà wàa mɛn nə kiɛ̃ nɛ Lawa a boo ne? Mà bɛ̀ á pii mà a tá a giala miɛ?
27 #
TDP 6.5; LWS 19.18. Giĩ lɛ Yezu lɛ si mà a n kiɛ̃-n kɛnɛn: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ ka n taasiɛ din tumaa nɛ, n nə n miã kɔsɔ dɔ narɛ ka n bɛ́ n din narɛ lɔn.»
28 #
LWS 18.5. Yezu pɛ nɛ: «Ń ma lɛ si doɛ̃. N dɔ bɛ lɛ zɛnaa, n tá re nyin nyabaã yii.»
29Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?
30Yezu wusoo á boo saa á pɛ nɛ: «Giĩ goon ne, á soo Zeruzalɛmu a n woe Zerikoo. Á woo n dɔ basaã-kɔlen bii. Ǹ nə́ kũ ǹ ná a gɔn màn yii si, ǹ ná a dinmaa dɛ ǹ nə́ koa gɛ̀ li foɛɛ̃nɛ. Ǹ nə́ woo ǹ nə́ toa tán walan. 31Á daa yaa Lawa a wúlu-bɔle goon nə́ kiɛ̃ ka bɛa zii lɛ nɛ, á giĩ lɛ yɛ, sɛnɛ, á zii lɛ bɔ á kiɛ̃. 32Min mɛnɛn bɛ́ dí nyɛɛ Lawa a wúlu-bɔlen lɛn kio, ǹ nə́ *Levii tɔrɔn lɛa, bɛn goon dɔ́ daa dɔ bɛa bǎã lɛ nɛ, á giĩ lɛ yɛ, sɛnɛ, a dɔ́ zii lɛ bɔ á kiɛ̃. 33#KZS2 28.15. Bɛ kio, Samarii gána min goon na á goã woe zii ni. (Bɛa Samarii gána minin lɛn tìĩ n boe-n Zuifun nyin ni). A bɛ́ á daa á dɔ giĩ lɛ li, a yii bɛ́ á yɛ, a makara kũ. 34Á n zɔ̃ á dɔ busulə lɛ li, á dagòã da a busu lɛn-a, á ǹ yii ka mɔnaa gɔnɔn nɛ. Á busulə lɛ da a din a dii ǹ tɔɔ la, á woo-n tiin yu ǹ kion, á ga a walan. 35A lɛawaa, giĩ lɛ lɛawaa paa dí giɔ̀mɔ bɔ a lon, á kɔ zatiin giĩ lɛ la, á pɛ nɛ mà a ga busulə lɛ walan. Mà a bɛ re màn woo màn ziziɛ̃ a ganaa, mà bɛ̀ asɛ nə́ n bɔyaa mà asɛ á re sarɛɛ.»
36Yezu pɛ nɛ: «N din yɔrɔ-a, bɛa min sɔɔ kɛ lɛ bii, die na á miã-kɔsɔbaa a kɔn-narɛɛ nyaa mɛnaa basaã-kɔlen bii wole lɛ nɛ?»
37Landa sii daraali lɛ ná a lɛ si mà ǹ mɛn bɛ́ á minbaa ǹ dí nya busulə lɛ nɛ.
Yezu pɛ nɛ: «Woo, n dɔ bɛ lɛ miã zɛnaa.»
Yezu n daraa koe Marti laanka Mariya la
38 #
ZAÃ 11.1. Ǹ bɛ́ zii la woe, Yezu wɔ kiwi goon ne, á n yu lɔ goon a piɛ, a tɔ n Marti. 39Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa. 40Marti sɛ na á goã wɛ̃-n dí gigiã ganaa. Á daa pɛ mà Dɛnaa ganaa, mà asɛ diɛ̃lɔ bɛ́ á giã tán-a a na asɛ dinsɔɔ̃ toɛ dí tumaa nyɛɛ ke, mà bɛa sii lɛa a yii li wa? Mà a pɛ nɛ mà a yoo a n dɔ asɛ lɛ.
41Dɛnaa Marti lɛ si á pɛ: «Ma miãnɛn, ma nə n gɔ́ɔ̃ bii n nə́ n là kakaɛ̃ sii gigiã ganaa.» 42Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.
Currently Selected:
Luku 10: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Luku 10
10
Yezu na a kialandɛnaa pɔsɔbaawenpaa diɛ
1Bɛ kio, Dɛnaa kialandɛnaa pɔsɔbaawenpaa kɔsɔn bɔ, á ǹ dia min papaa. A din bɛ́ re boe kiwin mɛnɛn tumaa nɛ, á ǹ dia bɛn nɛ a nyɛɛnɛ. 2#MAT 9.37-38. Á pɛ ǹ nɛ: «Kaa-piɛ lɛ lɛ á gole, sɛnɛ, a dí-nyalin manə ǹ ba tɛ wa. Lawa mɛn bɛ́ wuru lɛ a dɛnaa lɛa, ka bɛ lɛ nyankɔ a dí-nyalin dia kaa-piɛ lɛ taman yii. 3#MAT 10.16. Ka woo kəni, á ke, masɛ n ka diɛ ka sère nɛn bɛ́ lɔn don ginin bii. 4#MAT 10.7-14; MAR 6.8-11; LUK 9.3-5. Ka baran wɔrɔ saa wa, ka baran màn-bii saa wa, ka baran kɔsɔ paabaa ǹ wɔ saa wa, ka baran golee ka fòo da min kɔ́n nɛ zii la wa.
5«Bɛ̀ ka wɔ kion woo kion ne, ka pɛ bɔrɔ mà kasɛn tá fòo diɛ kion lɛ a minin manɛ, mà Lawa là nyantoro kɔ ǹ la. 6Bɛ̀ min nə́ yɛ bɛa kion lɛ nɛ, á lɛ kɔ Lawa a là nyantoro lɛ ganaa, kaa fòo lɛ á die lɛ sii bɛ ganaa. Bɛ bie wa, kaa fòo lɛ a die lɛ sii kion lɛ ganaa wa. 7#KOR1 9.14; TIM1 5.18. Ka giã bɛa kion lɛ nɛ, màn woo màn, ǹ nə́ die koe ka la, ka bii. A giala ka doamaa-n ka màn-bii ni, ka dí-nyali doamaa bɛ́ ka a saraa-n lɔn. Ka baran n bibiə̃ kion kɔsɔn nɛ ka màn bii wa.
8«Bɛ̀ ka wɔ kiwi woo kiwi ni, yǎa bɛa minin nə n da ka lɛ sɔnbɔraanɛ, ǹ bɛ́ re màn-bii mɛn koe ka la, ka bii. 9Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li. 10#NDS 13.51. Bɛ̀ ka wɔ kiwi mɛn nɛ, yǎa bɛa minin nə n piã ka nɛ, ka soo a ziin la, ka pɛ 11mà haalɛ ǹ kiwi lɛ a tii gusuũ mɛn bɛ́ á kũ ka gòãn ganaa, mà kasɛn man bɛ lɛ dɔ din tuturi ka kɔ ǹ la. Ka pɛ ǹ nɛ, mà ka bɛ din tumaa nɛ, mà ǹ dɔ̃ mà Lawa a kiibaa lɛ dɔ.» 12#SGK 19.24-28; MAT 10.15; 11.24. Yezu pɛ ǹ nɛ kɛnɛn: «Kiri-kurii pinaa, dɔlɔ mɛn bɛ́ re n boe Sodɔmu kiwi babaraa kɛ ganaa bɛa re doe kaa wɔ kɛ li wa.
Kiwin mɛnɛn nə n piã ka golee Lawa li ni
(MAT 11.20-24)
13 #
IZA 23.1-18; EZE 26.1—28.26; ZOW 3.4-8; AMƆ 1.9-10; ZAK 9.2-4. «Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa. 14Sonbore, kiri-kurii pinaa dɔlɔ mɛn bɛ́ re n boe Tiiri laanka Sidɔn kiwin ganaa, bɛa re doe bɛa kiwi màn paa kɛ lɛ wɔ li wa. 15#IZA 14.13-15. Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»
16 #
MAT 10.40; MAR 9.37; LUK 9.48; ZAÃ 13.20. Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»
Kialandɛnan lɛn wusoo a daa ǹ boo
17Kialandɛnaa pɔsɔbaawenpaa lɛ wusoo ǹ nə́ daa ka nyɛnyɛɛ nɛ. Maǹ nə́ goã pii: «Dɛnaa, wɔsɛn nə́ goã pii nɔ̀ɔnɔn dɔn dinin manɛ ka n din tɔ nɛ, wáa ǹ nə n bɔ minin ganaa, ǹ nə́ goã wɔsɛn bɔlɔ sii dɔn!»
18Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn. 19#LOE 91.13. Ka n too kɔ: Á ke, má pàã kɔ ka la, máa ka zɔ́ɔ Sɛtaan pàã din tumaa tuturu, ka tɔ wɔ miɛ̃n laanka tonən la, sii baraa kɔ́n dɔ a re ka yii duduu wa. 20Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»
Yezu nə n nyɛnyɛɛ
(MAT 11.25-27; 13.16-17)
21A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.
22 #
ZAÃ 3.35; 10.15. «Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»
23Bɛ kio, Yezu nə́ n bɔyaa á pɛ a kialandɛnaa lɛn manɛ ǹ gɔrɔn: «Kasɛn wɔ n ka foo kɔɔ̃n nɛ, kasɛn mɛnɛn bɛ́ ka yii goã koo á daa kaa siin kɛn zɛnaa lɛ. 24A giala masɛ n pii ka nɛ, máa ka yii bɛ́ màn mɛn-a, Lawa a boo gii-dali gigiã ka kii gigiã ga li mà ǹ yɛ, sɛnɛ, ǹ yɛ wa. Ka too bɛ́ màn mɛn miɛ, Lawa a boo gii-dalin lɛn laanka kiin lɛn nə́ ga li mà ǹ ma, sɛnɛ, ǹ ma wa.»
Samarii gána giĩ sonbore goon boo
25 #
MAT 22.35-40; MAR 12.28-34. Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»
26Yezu mà a ganaa mà wàa mɛn nə kiɛ̃ nɛ Lawa a boo ne? Mà bɛ̀ á pii mà a tá a giala miɛ?
27 #
TDP 6.5; LWS 19.18. Giĩ lɛ Yezu lɛ si mà a n kiɛ̃-n kɛnɛn: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ ka n taasiɛ din tumaa nɛ, n nə n miã kɔsɔ dɔ narɛ ka n bɛ́ n din narɛ lɔn.»
28 #
LWS 18.5. Yezu pɛ nɛ: «Ń ma lɛ si doɛ̃. N dɔ bɛ lɛ zɛnaa, n tá re nyin nyabaã yii.»
29Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?
30Yezu wusoo á boo saa á pɛ nɛ: «Giĩ goon ne, á soo Zeruzalɛmu a n woe Zerikoo. Á woo n dɔ basaã-kɔlen bii. Ǹ nə́ kũ ǹ ná a gɔn màn yii si, ǹ ná a dinmaa dɛ ǹ nə́ koa gɛ̀ li foɛɛ̃nɛ. Ǹ nə́ woo ǹ nə́ toa tán walan. 31Á daa yaa Lawa a wúlu-bɔle goon nə́ kiɛ̃ ka bɛa zii lɛ nɛ, á giĩ lɛ yɛ, sɛnɛ, á zii lɛ bɔ á kiɛ̃. 32Min mɛnɛn bɛ́ dí nyɛɛ Lawa a wúlu-bɔlen lɛn kio, ǹ nə́ *Levii tɔrɔn lɛa, bɛn goon dɔ́ daa dɔ bɛa bǎã lɛ nɛ, á giĩ lɛ yɛ, sɛnɛ, a dɔ́ zii lɛ bɔ á kiɛ̃. 33#KZS2 28.15. Bɛ kio, Samarii gána min goon na á goã woe zii ni. (Bɛa Samarii gána minin lɛn tìĩ n boe-n Zuifun nyin ni). A bɛ́ á daa á dɔ giĩ lɛ li, a yii bɛ́ á yɛ, a makara kũ. 34Á n zɔ̃ á dɔ busulə lɛ li, á dagòã da a busu lɛn-a, á ǹ yii ka mɔnaa gɔnɔn nɛ. Á busulə lɛ da a din a dii ǹ tɔɔ la, á woo-n tiin yu ǹ kion, á ga a walan. 35A lɛawaa, giĩ lɛ lɛawaa paa dí giɔ̀mɔ bɔ a lon, á kɔ zatiin giĩ lɛ la, á pɛ nɛ mà a ga busulə lɛ walan. Mà a bɛ re màn woo màn ziziɛ̃ a ganaa, mà bɛ̀ asɛ nə́ n bɔyaa mà asɛ á re sarɛɛ.»
36Yezu pɛ nɛ: «N din yɔrɔ-a, bɛa min sɔɔ kɛ lɛ bii, die na á miã-kɔsɔbaa a kɔn-narɛɛ nyaa mɛnaa basaã-kɔlen bii wole lɛ nɛ?»
37Landa sii daraali lɛ ná a lɛ si mà ǹ mɛn bɛ́ á minbaa ǹ dí nya busulə lɛ nɛ.
Yezu pɛ nɛ: «Woo, n dɔ bɛ lɛ miã zɛnaa.»
Yezu n daraa koe Marti laanka Mariya la
38 #
ZAÃ 11.1. Ǹ bɛ́ zii la woe, Yezu wɔ kiwi goon ne, á n yu lɔ goon a piɛ, a tɔ n Marti. 39Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa. 40Marti sɛ na á goã wɛ̃-n dí gigiã ganaa. Á daa pɛ mà Dɛnaa ganaa, mà asɛ diɛ̃lɔ bɛ́ á giã tán-a a na asɛ dinsɔɔ̃ toɛ dí tumaa nyɛɛ ke, mà bɛa sii lɛa a yii li wa? Mà a pɛ nɛ mà a yoo a n dɔ asɛ lɛ.
41Dɛnaa Marti lɛ si á pɛ: «Ma miãnɛn, ma nə n gɔ́ɔ̃ bii n nə́ n là kakaɛ̃ sii gigiã ganaa.» 42Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.