Juan 9
9
So Jesús ỹomatec so ỹale naca'ogue' da lqai'laxa
1Ca co'na' 'ue yi queetetegue, ca so Jesús iuane'to' so ỹale quiyim co'na' ne'qaañi chaqa'ma' naca'ogue' da lqai'laxa. 2Ca qainato' so'maxare quesaua lapaxaguinatqa, qohinaco':
—Qami' napaxaguinataxanaq, ¿chi'neco' ma' chaqa'ma' qai'laq ñi ỹale co'na' ne'qaañi? ¿Peeta'a sauaxat quiyim 'ue ca lasauaxasete' caua leta'al, loqo'm quecá'maq chi lasauaxaset?
3Ca' so Jesús 'naaco':
—Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare. 4Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan. 5Quiyim ñaqa seuetalec na 'laua, ca' ỹim lcoỹeraxat na 'laua.
6Ca co'na' ime 'naac dajo, ca' so Jesús natoxoñi quena 'laua, ca ỹo'uet so nishaaxa, ca ỹa'meenlgoto naua nqote' so qai'laq. 7Ca co'na'le, ca 'naaco':
—Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'.
Ca' so qai'laq eec, nquiỹo. Ca co'na' rapil, ca neuanchiguiñi. 8Ca ná'maq la'aayaxauaripi, chaqai ná'maq shi'co' quen iuana so'maxare quiyim qai'laq, 'naaco' quen:
—¿Mesqaido' dajo dá'maq nqa'xantañi quen, ca rashiilaxantac?
9Ca 'uo' quen na 'naac:
—Ajá'a, chaqaida da'maxare.
Qam 'uo' quen na 'naac:
—'E', mesqaida, qam chi lashiquiaxaua.
Qam chaqaiso só'maq ỹale 'naaco' quen:
—Ajá'a, chaqaỹim.
10Ca co'na'le, ca' qainat:
—Qam ¿negue' cá'maq 'neeto' quiyim shichi' neuañiriñi?
11Ca so'maxare 'naaco' queso qomyipi:
—So ỹale leenaxat Jesús ỹo'uet so nishaaxa, ca ỹa'meenlgoto naua ñqote'. Ca 'naapiguiỹa': “Quirepegue' añi huaxaỹaq lahi' leenaxat Siloé, ca nquiỹo'e'.” Ca shic na'le, ca na' ñquiỹo, ca seshit ñiuanñi.
12Ca qainato' na'le so'maxare, qohinaco':
—¿Negue' ca hueeta'gue cajo ỹale?
Ca so'maxare 'naaco':
—'Taque'.
Na' mashic imeuec so qai'laq, ca' qainatetac queso fariseoipi
13Co'na'le, ca qaỹauegueu'a so fariseoipi so ỹale só'maq qai'laqo' na'le. 14Co'mataxaquio' na'le ca na'xa'a, co'na' so Jesús ỹo'ueeto' so nishaaxa, ca ỹomatec so qai'laq. 15Ca' vichiguiño' so fariseoipi inato' liỹa so ỹale negue' cá'maq 'neeto' na'le quiyim liỹa neuanñi. Ca so'maxare 'naaco' queso qomyipi:
—So'maxare na'le ỹa'meenlgoto naua ñqote' queso nishaaxa, ca na'le na' ñquiỹo, ca' nagui, ca' ñiuanñi.
16Ca 'uo' na 'naac queso judioipi:
—Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui.
Qam 'uo' na liỹa 'naaco' quen:
—Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic?
Ca' quiyi, ca' se natenta' da la'deenataxanaxac so qomyipi. 17Ca lotqai liỹa pilalec quiyim qainat só'maq ỹale qai'laqo' na'le:
—Qam qami' ¿negue' cá'maq 'ñirac quesó'maq ỹale ỹa'vii naua nqochichi'?
Ca so'maxare 'naaco':
—Ỹim shinac quiyim letaxaỹaxanqajnec ñi qota'a.
18Qam so judioipi sqai huelec quiyim qai'laqo' na'le so'maxare, qam nagui, ca' ishit nauanñi. Vire'to' na' qaroỹaxane'ogalo saua leta'al só'maq ỹale mashic qaỹomatec. 19Ca qainato'o' saua'maxare, qohinaco':
—¿Chaqaida dajo da qachaalliguii dá'maq 'ñiỹaiquen quiyim co'na' ne'qaañi, ca chaqa'ma' qai'laq? ¿Qam negue' cá'maq 'neeto', ma' nagui ishit neuanñi?
20Ca' saua leta'al 'neraco':
—Sa'deenaq quiyim dajo qochaalec, chaqai chaqa'ma' qai'laq na' ne'qaañi. 21Qam se sa'deenaq cá'maq 'neeta quiyim nagui ishit neuanñi, chaqai se sa'deenaq negue' cá'maq ỹomaterec naua nqote' da'maxare. Ca 'maxaraic quiyim chaqai nachii da'maxare, ma' mashic ỹi da'maxare, chaqai ishit quiyim chaqaida da'maxare ra'qaataxanema qamiri.
22Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui. 23Vichiguiño' saua leta'al 'neraco': “Nachii da'maxare, ma' da'maxare mashic ỹi.”
24Ca so judioipi lotqai liỹa roỹaxane'oga so ỹale qai'laqo' na'le, ca qohinaco':
—Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.
25Ca so'maxare 'naaco' queso qomyipi:
—Se sa'den quiyim sauaqhuaic, loqo'm 'e'. Qam qaidaata dá'maq sa'den, quiyim ỹim qai'laq na'le, qam nagui ñiuanñi.
26Ca lotqai qaỹopilalec quiyim qainat:
—¿Negue' ca 'ne'teco' na'le caqami'? ¿Negue' ca 'ne'teco' na' ỹa'vii naua nqochichi'?
27Ca so'maxare 'naaco':
—Shi'gue sa'xatetac, qam qamiri se na'xaỹaxañii. ¿Chi'negue ma' viitaque liỹa sa'xat? ¿Loqo'm qamiri qai'neeta viitaque quiigue so'maxare?
28Ca co'na'le, ca chi qai'naari' so'maxare, qohinaco':
—Qami' qui'sa'pegue' sojo ỹale, qam qomi' qolqata'pegue' so Moisés. 29Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.
30Ca' so ỹale 'naaco':
—¡Qoỹoqsa'a! ¡Ma' sqa 'yiiñii ca chicqa'gue so'maxare, qam aỹim ỹa'vii naua ñqote'! 31Qomi' sa'deenqata quiyim ñi qota'olec se na'xaỹaxana ca sauaqhuaic; chaqainaata ná'maq imaqachintac ñi'maxare chaqai ỹo'uet cá'maq ỹahotaque ñi'maxare. Ca' chaqaina ná'maq na'xaỹaxana. 32Ma' ỹaatqajam se ỹauanapega quiyim 'ue quet ca qara'xaiguelec quiyim liỹa nauanñi nqai'en ca qom quiyim naca'ogue' quiyim qai'laq. 33Ca' sojo ỹale quet sqa chicqo'ot ñi qota'olec, ca' qaica quet cá'maq ishit ỹo'uet.
34Ca qohinaco' queso'maxare:
—Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'?
Ca' quiyi, ca qaỹo'daauec so'maxare caso lapoxoqui na judioipi.
Dá'maq nqai'laxa se re'xogui
35Ca so Jesús la'xaỹaxaco' quiyim qaỹo'daauec só'maq qai'laqo' na'le. Ca co'na' neuañiguit so'maxare, ca 'naaco':
—¿Virelec qami' so llaalec ñi qota'olec?
36Ca só'maq ỹale 'naaco':
—Qami' ỹa'gaxala', ñaqai 'xachitem aỹim ca'maxare, qaiyi seuelec ma'le ca'maxare.
37Ca' so Jesús 'naaco':
—Mashic shi'gue huañita. Chaqaỹim ná'maq ỹim taxaisa'pegue'.
38Ca co'na'le, ca so ỹale ỹa'chi'iñi naua le'cootal quiyi reloqota'ñi so Jesús, ca 'naaco':
—Seuelec qami', qami' ỹa'gaxala'.
39Co'na' ime, ca 'naaco' so Jesús:
—Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.
40Qam 'vio' saua fariseo ỹalequesaho, ca co'na' 'qaachirigui dajo. Ca renataxan'o', 'neraco':
—¿Ca' qomi'o' qai'neeta qomi' qai'la'?
41Ca' so Jesús 'naaco':
—Quetqai qamiri qai'la', ca' qaica quet ca rasauaxashichii. Qam ma' 'ñiỹac nauañichiguiñi, ca' ñaqa 'ue na rasauaxashichii.
Currently Selected:
Juan 9: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
Juan 9
9
So Jesús ỹomatec so ỹale naca'ogue' da lqai'laxa
1Ca co'na' 'ue yi queetetegue, ca so Jesús iuane'to' so ỹale quiyim co'na' ne'qaañi chaqa'ma' naca'ogue' da lqai'laxa. 2Ca qainato' so'maxare quesaua lapaxaguinatqa, qohinaco':
—Qami' napaxaguinataxanaq, ¿chi'neco' ma' chaqa'ma' qai'laq ñi ỹale co'na' ne'qaañi? ¿Peeta'a sauaxat quiyim 'ue ca lasauaxasete' caua leta'al, loqo'm quecá'maq chi lasauaxaset?
3Ca' so Jesús 'naaco':
—Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare. 4Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan. 5Quiyim ñaqa seuetalec na 'laua, ca' ỹim lcoỹeraxat na 'laua.
6Ca co'na' ime 'naac dajo, ca' so Jesús natoxoñi quena 'laua, ca ỹo'uet so nishaaxa, ca ỹa'meenlgoto naua nqote' so qai'laq. 7Ca co'na'le, ca 'naaco':
—Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'.
Ca' so qai'laq eec, nquiỹo. Ca co'na' rapil, ca neuanchiguiñi. 8Ca ná'maq la'aayaxauaripi, chaqai ná'maq shi'co' quen iuana so'maxare quiyim qai'laq, 'naaco' quen:
—¿Mesqaido' dajo dá'maq nqa'xantañi quen, ca rashiilaxantac?
9Ca 'uo' quen na 'naac:
—Ajá'a, chaqaida da'maxare.
Qam 'uo' quen na 'naac:
—'E', mesqaida, qam chi lashiquiaxaua.
Qam chaqaiso só'maq ỹale 'naaco' quen:
—Ajá'a, chaqaỹim.
10Ca co'na'le, ca' qainat:
—Qam ¿negue' cá'maq 'neeto' quiyim shichi' neuañiriñi?
11Ca so'maxare 'naaco' queso qomyipi:
—So ỹale leenaxat Jesús ỹo'uet so nishaaxa, ca ỹa'meenlgoto naua ñqote'. Ca 'naapiguiỹa': “Quirepegue' añi huaxaỹaq lahi' leenaxat Siloé, ca nquiỹo'e'.” Ca shic na'le, ca na' ñquiỹo, ca seshit ñiuanñi.
12Ca qainato' na'le so'maxare, qohinaco':
—¿Negue' ca hueeta'gue cajo ỹale?
Ca so'maxare 'naaco':
—'Taque'.
Na' mashic imeuec so qai'laq, ca' qainatetac queso fariseoipi
13Co'na'le, ca qaỹauegueu'a so fariseoipi so ỹale só'maq qai'laqo' na'le. 14Co'mataxaquio' na'le ca na'xa'a, co'na' so Jesús ỹo'ueeto' so nishaaxa, ca ỹomatec so qai'laq. 15Ca' vichiguiño' so fariseoipi inato' liỹa so ỹale negue' cá'maq 'neeto' na'le quiyim liỹa neuanñi. Ca so'maxare 'naaco' queso qomyipi:
—So'maxare na'le ỹa'meenlgoto naua ñqote' queso nishaaxa, ca na'le na' ñquiỹo, ca' nagui, ca' ñiuanñi.
16Ca 'uo' na 'naac queso judioipi:
—Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui.
Qam 'uo' na liỹa 'naaco' quen:
—Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic?
Ca' quiyi, ca' se natenta' da la'deenataxanaxac so qomyipi. 17Ca lotqai liỹa pilalec quiyim qainat só'maq ỹale qai'laqo' na'le:
—Qam qami' ¿negue' cá'maq 'ñirac quesó'maq ỹale ỹa'vii naua nqochichi'?
Ca so'maxare 'naaco':
—Ỹim shinac quiyim letaxaỹaxanqajnec ñi qota'a.
18Qam so judioipi sqai huelec quiyim qai'laqo' na'le so'maxare, qam nagui, ca' ishit nauanñi. Vire'to' na' qaroỹaxane'ogalo saua leta'al só'maq ỹale mashic qaỹomatec. 19Ca qainato'o' saua'maxare, qohinaco':
—¿Chaqaida dajo da qachaalliguii dá'maq 'ñiỹaiquen quiyim co'na' ne'qaañi, ca chaqa'ma' qai'laq? ¿Qam negue' cá'maq 'neeto', ma' nagui ishit neuanñi?
20Ca' saua leta'al 'neraco':
—Sa'deenaq quiyim dajo qochaalec, chaqai chaqa'ma' qai'laq na' ne'qaañi. 21Qam se sa'deenaq cá'maq 'neeta quiyim nagui ishit neuanñi, chaqai se sa'deenaq negue' cá'maq ỹomaterec naua nqote' da'maxare. Ca 'maxaraic quiyim chaqai nachii da'maxare, ma' mashic ỹi da'maxare, chaqai ishit quiyim chaqaida da'maxare ra'qaataxanema qamiri.
22Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui. 23Vichiguiño' saua leta'al 'neraco': “Nachii da'maxare, ma' da'maxare mashic ỹi.”
24Ca so judioipi lotqai liỹa roỹaxane'oga so ỹale qai'laqo' na'le, ca qohinaco':
—Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.
25Ca so'maxare 'naaco' queso qomyipi:
—Se sa'den quiyim sauaqhuaic, loqo'm 'e'. Qam qaidaata dá'maq sa'den, quiyim ỹim qai'laq na'le, qam nagui ñiuanñi.
26Ca lotqai qaỹopilalec quiyim qainat:
—¿Negue' ca 'ne'teco' na'le caqami'? ¿Negue' ca 'ne'teco' na' ỹa'vii naua nqochichi'?
27Ca so'maxare 'naaco':
—Shi'gue sa'xatetac, qam qamiri se na'xaỹaxañii. ¿Chi'negue ma' viitaque liỹa sa'xat? ¿Loqo'm qamiri qai'neeta viitaque quiigue so'maxare?
28Ca co'na'le, ca chi qai'naari' so'maxare, qohinaco':
—Qami' qui'sa'pegue' sojo ỹale, qam qomi' qolqata'pegue' so Moisés. 29Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.
30Ca' so ỹale 'naaco':
—¡Qoỹoqsa'a! ¡Ma' sqa 'yiiñii ca chicqa'gue so'maxare, qam aỹim ỹa'vii naua ñqote'! 31Qomi' sa'deenqata quiyim ñi qota'olec se na'xaỹaxana ca sauaqhuaic; chaqainaata ná'maq imaqachintac ñi'maxare chaqai ỹo'uet cá'maq ỹahotaque ñi'maxare. Ca' chaqaina ná'maq na'xaỹaxana. 32Ma' ỹaatqajam se ỹauanapega quiyim 'ue quet ca qara'xaiguelec quiyim liỹa nauanñi nqai'en ca qom quiyim naca'ogue' quiyim qai'laq. 33Ca' sojo ỹale quet sqa chicqo'ot ñi qota'olec, ca' qaica quet cá'maq ishit ỹo'uet.
34Ca qohinaco' queso'maxare:
—Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'?
Ca' quiyi, ca qaỹo'daauec so'maxare caso lapoxoqui na judioipi.
Dá'maq nqai'laxa se re'xogui
35Ca so Jesús la'xaỹaxaco' quiyim qaỹo'daauec só'maq qai'laqo' na'le. Ca co'na' neuañiguit so'maxare, ca 'naaco':
—¿Virelec qami' so llaalec ñi qota'olec?
36Ca só'maq ỹale 'naaco':
—Qami' ỹa'gaxala', ñaqai 'xachitem aỹim ca'maxare, qaiyi seuelec ma'le ca'maxare.
37Ca' so Jesús 'naaco':
—Mashic shi'gue huañita. Chaqaỹim ná'maq ỹim taxaisa'pegue'.
38Ca co'na'le, ca so ỹale ỹa'chi'iñi naua le'cootal quiyi reloqota'ñi so Jesús, ca 'naaco':
—Seuelec qami', qami' ỹa'gaxala'.
39Co'na' ime, ca 'naaco' so Jesús:
—Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.
40Qam 'vio' saua fariseo ỹalequesaho, ca co'na' 'qaachirigui dajo. Ca renataxan'o', 'neraco':
—¿Ca' qomi'o' qai'neeta qomi' qai'la'?
41Ca' so Jesús 'naaco':
—Quetqai qamiri qai'la', ca' qaica quet ca rasauaxashichii. Qam ma' 'ñiỹac nauañichiguiñi, ca' ñaqa 'ue na rasauaxashichii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.