Lucas 7:7-9

Ma' aỹim se ra'ñiigui na iuel quiyim yipaca'a quiyim se'guena'a qami'. Vichiguiño' no'uen quiyim chaqaicaata ca ra'qaachiqui' 'ỹaañirec, ca' ñi ilaatec chaqa'ma' imeuec. Ma' ỹim qai'neeta seueta'ñot da lelaataxanaxac na nashillipi, ca' ỹim qai'neeta 'ue na ñalliripi selaretac. Ca' quiyim 'ue ca shinapega ca 'óna quena'maxare quiyim eec, ca' eec. Chaqai no'm 'ue ca shinapega ca 'óna quena'maxare quiyim shinac: “naiquena”, ca' anac. Ca 'nejem quiyim 'ue ca selarelec ca ilaatec, ca' ỹo'uet. Ca co'na' 'xaỹa dajo so Jesús, ca' ỹaatqajam 'uo' da le'laxa queca ỹale. Ime, ca ỹamataugui so qomyipi, ca 'naaco': —Ỹaatqajam llic quena Israel llaalqaipi qaica ca seuana quiyim ỹaatqajam lodegaxat ca lpi'ỹaxac 'nejem cajo ỹale.