Gênesis 26
26
Isaque Filisteu-nerune Tshijne Hyiywaka Piranapni
1Natshi Abraão klu papko hakanhatshri pixka rixa hakanhaletatnaklu tsru natshi wale tshijneya. Hiyáhoni Isaque yanwakatlu Abimeleque, filisteu-nerune pohire Gerar tshinikowaka nwaka hya.
2Waneya Tsru Hixikatshriwa Hoyakalu hakanhayehitatkalu Isaque, waneya wla htshinatkalu:
— Hi Egito tshijne nwaka pyanu seyni pyanru nekhixyayi tshijne nwaka wane pwanu.
3Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.
4Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.
5Wane nixanu klu tshinanu Abraão-ni ntokanu homkahitatshrinixkani, ntshinyawakatkalu hkamhatka hiyrun-koxa ntowuxyalu, nyokanre hiyrun-koxa nasrukle romkahitnixka.
6Hiyáhoni Gerar tshinikowaka rawatka Isaque.
7Waneya jejine wane hajene Isaque hnunro repomhayehitluna. Seyni wale wla tshina:
— Walakni nomole. Hpika hinkakletna hhanunro tixyawaka klu tshinanu waleho jejine wane hajene hiylatanru wale Rebeca hikoluklu tshinanu klu tshinanu kihlero potukni Rebeca.
8Waneya hix-hohne hiknohinixka wane rawyawaka Isaque, Abimeleque tshinkaluru filisteu-nerune pohire hiphaptoswa rimtathiya retlu Isaque hisalwamtlo hhanunro Rebeca.
9Waneya Abimeleque hepuklu Isaque waneya wla htshinatkalu:
— Wala halikakni phanunro hiyáhoni haklu tshinanhe pimole ptshinatkalo?
Waneya Isaque hihitlu, wla htshinatkalu:
— Wane ntshina klu tshinanu wla ntshinatkawa nma mupniywakanupa wala hikolukle tshinanu.
10Waneya Abimeleque wla tshinatkalu:
— Hi pso himtuknutshikananu pkamhiywu. Haklu tshinanhe wane pixwu? Klu tshinanu satkakwu hixa himumkakmaklo phanunro tsru pupjerumka pkamhakjixaninwu.
11Waneya Abimeleque towutna hinerune ptowruneka. Wla htshina hiykoletna:
— Katuktako yotnexinri xye jeji ho hhanunro hyotnexini ruylatko halikaka.
12Waneyakni Isaque hitaklewatatka wale tshijneya. Wale mhaleko ramatkalu cem kata rutakle yohnika klu tshinanu Tsru Hixikatshriwa Hoyakalu hepixatkalu.
13Tsru phuru rixa, hpohirewnale hkosekamxya, htseruwna pohirewnaleta wane pnute haté tsru hitakkaluru potu rixatka.
14Klu tshinanu pratshine carneiro-ne hixolune hpurata, boi-ne hixolune hpurata hiyrun-koxa hixolune towrertshine rimwatka. Hiyáhoni filisteu-nerune hahxatlu.
15Wale tshinanu hakophakaka rurni towrene jítoleru teno pnakakalu rurni Abraão-ni klu papko mitshi walekaka rikajitna filisteu-ne.
16Waneya Abimeleque wla tshinru Isaque:
— Hix-yehi pasujini klu tshinanu pixa hixa yohnika pohirutkatkayi.
17Hiyáhoni wane ruchpajyatka kihlemta tshijiwaka Gerar tshinikowaka nwaka rutakpjitatka nikalumtapji. Wane rawatka.
18Waneya Isaque jitotjixatnaklu hakophakaka teno pnakakalu rurni Abraão-ni jitokjixlerkaka mitshi. Klu tshinanu filisteu-nerune hikajitatkalu hakophakaka Abraão-ni hipnini pnutetka. Waneya Isaque hiwakatlu rurni hiwakaxyawaklu pixka rix-hiwakatletlu.
19Waney-koxa Isaque towrene satuko teno pnalu hjitotatnakna kihlemta tshijiwaka hjitoxyaluna waneya rukchikluna honha rupchekhata.
20Seyni pratshine hislahatshine Gerar tshinikowaka hajene kamnitatkana Isaque towrerune pratshine hislahatshine, wla htshinatkana:
— Xye honha hixanu. Hiyáhoni wale hakopha hiwakatlu Eseque klu tshinanu hkamnitluna wane.
21Hiyáhoni satuko hakopha hjitotatnakna wale kachrijru. Seyni wale hakopha tshinanu koxa hkamnitkana. Wale tshinanu Sitna rutakhiwakatka hakopha.
22Waneya wane hyokmanyatka waneya satu hakopha hjitotjixatnaka. Hi hkamnitkatkana wale hakopha tshinanu. Hiyáhoni hiwakatluna Reobote, wla htshinatka:
— Xawakni Tsru Hixikatshriwa Hoyakalu henekwu wwawakle hiyáhoni xawakni rixolewkakanwu xye tshijneya.
23Waneya wane ruchpajya Berseba tshinikowaka nwaka hyatka.
24Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu:
— Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.
25Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.
Isaque, Abimeleque-yma Htshinkajyawakna Piranapni
26Waneya Abimeleque yanwakatlu, Gerar tshinikowaka ruchpajya. Waleymalutu rimatletleru Ausate, Ficol tshinkaluru soldado-tene chefe-te wan-ya.
27Waneya Isaque wla tshinna:
— Haklu tshinanhe hita nwaka punatka klu tshinanu pixa honukla hahnanutno hiyrun-koxa pyokanatno pix-yehi nuchpajyawakpatka?
28Waneya wla htshinruna:
— Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”
29Ptshinanwu hi pumtukkakanwu, wma yotnexyawakanyi pixka. Hike wixatkayi seyni kihleru tsonu wixatkayi hiyrun-kox-mitshi wyokanatatkayi kihle hwachale pixyawakapa. Pix-honukla Tsru Hixikatshriwa Hoyakalu hepixleryi.
30Waneya tsru niklu hkamha Isaque wanna tshinanu. Hnikna, rurna.
31Waneya wale prika, yetshpotukawa ruptekna, kihle hwachalu runkakkakna. Waneya Isaque yokanatna hyiywakna hiyáhoni kihle hchinikanurune ruchpajyatkana Isaque yehiya.
32Waneya wale hohneko Isaque towrerune hapokatka, runkakluna hakopha teno pnalu hjitolerna pirana. Wla htshinruna:
— Honha wukchikatka.
33Hiyáhoni Seba htshinahiwakatluna. Wale tshinanu Berseba htshinka wale poktshi haté xawakni.
34Esaú hhanunroxinixkalo Judite tshinkaluro Beeri tshinkaluru heteu-neru whene hiyrun-koxa Basemate tshinkaluro Elom tshinkaluru heteu-neru whene hhanunrota quarenta mhaletkalu.
35Seyni nyi hepi suxone wamonuwkakatkana Isaque, Rebeca.
Currently Selected:
Gênesis 26: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 26
26
Isaque Filisteu-nerune Tshijne Hyiywaka Piranapni
1Natshi Abraão klu papko hakanhatshri pixka rixa hakanhaletatnaklu tsru natshi wale tshijneya. Hiyáhoni Isaque yanwakatlu Abimeleque, filisteu-nerune pohire Gerar tshinikowaka nwaka hya.
2Waneya Tsru Hixikatshriwa Hoyakalu hakanhayehitatkalu Isaque, waneya wla htshinatkalu:
— Hi Egito tshijne nwaka pyanu seyni pyanru nekhixyayi tshijne nwaka wane pwanu.
3Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.
4Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.
5Wane nixanu klu tshinanu Abraão-ni ntokanu homkahitatshrinixkani, ntshinyawakatkalu hkamhatka hiyrun-koxa ntowuxyalu, nyokanre hiyrun-koxa nasrukle romkahitnixka.
6Hiyáhoni Gerar tshinikowaka rawatka Isaque.
7Waneya jejine wane hajene Isaque hnunro repomhayehitluna. Seyni wale wla tshina:
— Walakni nomole. Hpika hinkakletna hhanunro tixyawaka klu tshinanu waleho jejine wane hajene hiylatanru wale Rebeca hikoluklu tshinanu klu tshinanu kihlero potukni Rebeca.
8Waneya hix-hohne hiknohinixka wane rawyawaka Isaque, Abimeleque tshinkaluru filisteu-nerune pohire hiphaptoswa rimtathiya retlu Isaque hisalwamtlo hhanunro Rebeca.
9Waneya Abimeleque hepuklu Isaque waneya wla htshinatkalu:
— Wala halikakni phanunro hiyáhoni haklu tshinanhe pimole ptshinatkalo?
Waneya Isaque hihitlu, wla htshinatkalu:
— Wane ntshina klu tshinanu wla ntshinatkawa nma mupniywakanupa wala hikolukle tshinanu.
10Waneya Abimeleque wla tshinatkalu:
— Hi pso himtuknutshikananu pkamhiywu. Haklu tshinanhe wane pixwu? Klu tshinanu satkakwu hixa himumkakmaklo phanunro tsru pupjerumka pkamhakjixaninwu.
11Waneya Abimeleque towutna hinerune ptowruneka. Wla htshina hiykoletna:
— Katuktako yotnexinri xye jeji ho hhanunro hyotnexini ruylatko halikaka.
12Waneyakni Isaque hitaklewatatka wale tshijneya. Wale mhaleko ramatkalu cem kata rutakle yohnika klu tshinanu Tsru Hixikatshriwa Hoyakalu hepixatkalu.
13Tsru phuru rixa, hpohirewnale hkosekamxya, htseruwna pohirewnaleta wane pnute haté tsru hitakkaluru potu rixatka.
14Klu tshinanu pratshine carneiro-ne hixolune hpurata, boi-ne hixolune hpurata hiyrun-koxa hixolune towrertshine rimwatka. Hiyáhoni filisteu-nerune hahxatlu.
15Wale tshinanu hakophakaka rurni towrene jítoleru teno pnakakalu rurni Abraão-ni klu papko mitshi walekaka rikajitna filisteu-ne.
16Waneya Abimeleque wla tshinru Isaque:
— Hix-yehi pasujini klu tshinanu pixa hixa yohnika pohirutkatkayi.
17Hiyáhoni wane ruchpajyatka kihlemta tshijiwaka Gerar tshinikowaka nwaka rutakpjitatka nikalumtapji. Wane rawatka.
18Waneya Isaque jitotjixatnaklu hakophakaka teno pnakakalu rurni Abraão-ni jitokjixlerkaka mitshi. Klu tshinanu filisteu-nerune hikajitatkalu hakophakaka Abraão-ni hipnini pnutetka. Waneya Isaque hiwakatlu rurni hiwakaxyawaklu pixka rix-hiwakatletlu.
19Waney-koxa Isaque towrene satuko teno pnalu hjitotatnakna kihlemta tshijiwaka hjitoxyaluna waneya rukchikluna honha rupchekhata.
20Seyni pratshine hislahatshine Gerar tshinikowaka hajene kamnitatkana Isaque towrerune pratshine hislahatshine, wla htshinatkana:
— Xye honha hixanu. Hiyáhoni wale hakopha hiwakatlu Eseque klu tshinanu hkamnitluna wane.
21Hiyáhoni satuko hakopha hjitotatnakna wale kachrijru. Seyni wale hakopha tshinanu koxa hkamnitkana. Wale tshinanu Sitna rutakhiwakatka hakopha.
22Waneya wane hyokmanyatka waneya satu hakopha hjitotjixatnaka. Hi hkamnitkatkana wale hakopha tshinanu. Hiyáhoni hiwakatluna Reobote, wla htshinatka:
— Xawakni Tsru Hixikatshriwa Hoyakalu henekwu wwawakle hiyáhoni xawakni rixolewkakanwu xye tshijneya.
23Waneya wane ruchpajya Berseba tshinikowaka nwaka hyatka.
24Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu:
— Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.
25Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.
Isaque, Abimeleque-yma Htshinkajyawakna Piranapni
26Waneya Abimeleque yanwakatlu, Gerar tshinikowaka ruchpajya. Waleymalutu rimatletleru Ausate, Ficol tshinkaluru soldado-tene chefe-te wan-ya.
27Waneya Isaque wla tshinna:
— Haklu tshinanhe hita nwaka punatka klu tshinanu pixa honukla hahnanutno hiyrun-koxa pyokanatno pix-yehi nuchpajyawakpatka?
28Waneya wla htshinruna:
— Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”
29Ptshinanwu hi pumtukkakanwu, wma yotnexyawakanyi pixka. Hike wixatkayi seyni kihleru tsonu wixatkayi hiyrun-kox-mitshi wyokanatatkayi kihle hwachale pixyawakapa. Pix-honukla Tsru Hixikatshriwa Hoyakalu hepixleryi.
30Waneya tsru niklu hkamha Isaque wanna tshinanu. Hnikna, rurna.
31Waneya wale prika, yetshpotukawa ruptekna, kihle hwachalu runkakkakna. Waneya Isaque yokanatna hyiywakna hiyáhoni kihle hchinikanurune ruchpajyatkana Isaque yehiya.
32Waneya wale hohneko Isaque towrerune hapokatka, runkakluna hakopha teno pnalu hjitolerna pirana. Wla htshinruna:
— Honha wukchikatka.
33Hiyáhoni Seba htshinahiwakatluna. Wale tshinanu Berseba htshinka wale poktshi haté xawakni.
34Esaú hhanunroxinixkalo Judite tshinkaluro Beeri tshinkaluru heteu-neru whene hiyrun-koxa Basemate tshinkaluro Elom tshinkaluru heteu-neru whene hhanunrota quarenta mhaletkalu.
35Seyni nyi hepi suxone wamonuwkakatkana Isaque, Rebeca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil