Gênesis 41
41
José Phuru Faraó Hipnawle Hyokajyawaka Piranapni
1Waneya hepi mhale hiknohinixka tsru phuru Faraó hipnawatatka. Rupjetlu Nilo wennestsi hyopkakakanaxyawaka tsru phuru Faraó.
2Waneya rupnawleya wenu ruchpakakanaxyana sete wakane pomtalune, hixownatshin-koxa. Hnikakananumtna kotshkawal-sure.
3Waneya xekoyaka hixownatshine hatjini wenu ruchpajyana hiyrunu sete wakane hektune, pomenolune. Rapyehitna wakane kosekatshine wenu wnahluya.
4Waneya wakane hektune nikna wakane sete pomtalunni, hixownatshinni. Waneya phuru Faraó hiyokatka.
5Waneya rumkatnaka, rupnawatatnaka. Pa ksujepka (chiji pixka hixatshri) rakanhiyatka sete kna tsrukakalu kihleru.
6Waneya wane pnute ruchpakkna sete kna pomenolu, hiprihaknatatshri hamephalu popriphalu hiprikakleru.
7Waneya pomenolu kna nikna sete kna tsruru hixownatshinni. Waneya ruyokatka phuru Faraó rupnawakanata.
8Waneya wale prika phuru Faraó kojwakahchinikanutatka hiyáhoni htomhakjixna ptowruneruka kahontshine jimatkalerun-koxa Egito hajene waneya runkakna rupnawle. Seyni hike himukata himatletlu rupnawle.
9Waneya hirkaluru jetumhaklerune chefe-te wla tshinru phuru Faraó:
— Xawakni nuchinikatkalu nma potowutkonni.
10Waneklu mitshi phuru Faraó hahkatkana htowrerune hiyáhoni rutakno preso yehi phuru hinotatshine chefe-te preso-ne hitakjexikowakapjiya. Hita wane hitakka hiyrun-koxa pão kamhatshine chefe-te wane hitakka.
11Waneya mitshi pa yetshno walerutu yetshno wupnawatatka hita, wale. Wupnawle satkaka hiphujetkatka.
12Waneya mitshi wanekananru satu makluji, hebreu-neru phuru hinotatshine chefe-te towreru. Wale mitshi wunkaklu wupnawle waneya wupnawle satkaka hyokakatka klu raluka tshinreta.
13Waneya htshina hinkaklexyakwu potuko hakanhatka. Hita rutakatnaka kamrurtshi nkamhakanatanru nkamhiywakatnaka hiyrun-koxa wale satni rostuplatkanatka.
14Waneya Faraó tomhakjixlu José. Waneya preso-yehi hchireta kochpaklexyaluna. Waneya rali chichaptoletatka, rali hemkaletatka, Faraó hoji sreta hyatka.
15Waneya Faraó wla tshinru José:
— Nupnawatatka seyni hike himukata himatletlu nupnawle runkajyawakno. Seyni njempiranyehityi pixa, pix-hima hipnawatatshri pjemini pimatlu pixa.
16Seyni José hihitlu wla htshinru Faraó:
— Hita hi himukata seyni Hoyakalu hinkakanru Faraó rujhaleru pirana.
17Waneya Faraó wla tshinru José:
— Nupnawle Nilo wenne wnaha nyopkakakanaxya.
18Waneya sete wakane nupjetatka wenu kanjikatshine. Wanna kihlerune, hixownatshine. Kotshkawal-sure hnikakanaxyana.
19Waneya sete wakane hakanhatnaka wanna hatjini. Seyni yeyixatshine, pomenolune, hektun-potukni. Hikeklu netlu Egito tshijneya wane pa hekturune wanna pixkalune.
20Waneya wakane pomenolune, hektune nikatkana wakane mitshikananu nupjetanune hixownatshine.
21Waneya rali nikletanatkana wakanni hixownatshinni rixannukonina wakane pomenolune. Rixa hwalekanaxyawakako rixa hektunutna pomenolune. Waneya nuyokatka.
22Waneya nupnawleya nupjetlu sete kna pa munapkaya kihlerune.
23Waneya nyi hapkatatatshri sete hawa matatajitu hamephalu popriphalu tkatshi hichpajyawaka sreta hichpakaphaxikatshri hiprikakanru hakanhatka.
24Waneya sete hawa matatajitu niklu sete knani kihlerunni. Xye piranamka nunkakna kahontshine seyni hi satukna wanna himata yokakletlu hitaya.
25Waneya José hihitlu wla htshinru:
— Faraó hipnawle satupkalu. Hoyakalu hekhitatkalu Faraó klu hkamhanu wane pnutepa.
26Sete wakane kihlerune yihapkakletlu sete mhale. Hiyrun-koxa sete kna kihlerune yihapkakletlu sete mhale. Pupnawle satupkalu.
27Seyni wakane pomenolune, hektune, hapkatatatshine kankatshine yihapkakletlu sete mhale hiyrun-koxa nyi pixka rixna sete hawa matatajitu, hamephalu popriphalu hiprikakanru yihapkakletlu sete mhale tsru natshipni.
28Hiyáhoni xye tokantshi wane ntshinyawaklu Faraó Hoyakalu hekhitatkalu rupnawleya hanu rix-kamhaletanru Hoyakalu.
29Rawanu sete mhale honantshi tsrupotpákolu, psoluchaka Egito tshijneya.
30Waneya wane pnute sete mhale pnutpatka tsru natshi potpakni waneya wale honantshi tsrur-potuko hamtakko Egito tshijneya klu tshinanu natshi tsru potuko nikatanru tshiji.
31Hiyáhoni hi ruchinikanretko wale honantshi tsru potuko, natshi tsru potuko tshinanu, klu tshinanu natshi tsru potuko hwanu.
32Hepi kata rupnawatatka Faraó klu tshinanu Hoyakalu halikaka wane hixanu hiyrun-koxa Hoyakalu chiretanru wane rixyawakapa.
33Hiyáhoni pnuretanru satu jeji kahchinikanuru, jimatkaleru wale Egito tshijne psoluka htowuxyawakapa.
34Faraó xye pixanu hiyrun-koxa putakanna honantshi hislahatshine waneya honantshi psoji pkochtshekanu Egito tshijne psoluyaka wane pixini sete mhale rawka pchinika honantshi.
35Honantshi hislahatshine hapatjetanru ramlerna psoluka wane sete mhale honantshi hihlenu pchinika Faraó towutle tshinanu rapatjetko, rimretko honantshi tsru poktshi hajene nikleru tshinanupa.
36Hiyáhoni wale honantshi hpoyaho hakotlexyawakapna xye tshijne hajene, honantshi mahle hinatshri pchinika Egito tshijne hma mupniywakanupna yine natshi tshinanu.
José Egito Tshijne Htowuxyawaka Piranapni
37Wale tokanu rukchikhihlenuta Faraó hiyrun-koxa waleyma towutkalune ptowruneka.
38Waneya Faraó wla tshinna waleyma towuwatatshine:
— Wumukata hikchikletluhe satu jeji xye jeji pixkalutu Hoyakalu Hiwejikaluru himwatshri?
39Waneya Faraó wla tshinru José:
— Hoyakalu hekhitatkayi pimaxyawakaplu xye pirana psoluka hiyáhoni hike yineru pixa pa himatkalerutu kahchinikanuru.
40Nopjitshi ptowutapanu hiyáhoni nayinetene ptowruneka yijnakotanru ptokanu. Seyni npohirewaxinri tsonu pixa yohnikayapno hita.
41Waneya wane pnute htshinru Faraó, José:
— Petanu nutakatkayi tsru towutatshripyi Egito tshijne psoluka ptowuxyawakapa.
42Waneya phuru Faraó kochpaklu rumyojre h-marca-pre waneya José-myoji hyochmaklo. Remkakakatkalu kihleru mkatshrimta kamhikolu hmakatatka hiyrun-koxa satu najtshitsa ouro kamhikolu hinoji rostuta.
43Hiyrun-koxa Faraó José hpokownakjixlo carro-ne hapkatatatshro hyapyawaka waneya hkosekamtna saplewatatshine wla tshinatshine: “José sta sreta hasujinixka,” — htshinatkana. Waneya phuru Faraó wane rix-hitakletlu José Egito tshijne psoluka htowuxyawaka.
44Waneya Faraó wla tshinru José:
— Hita ppohirno Faraó seyni pixa ptokanu mmunanhakatu hi satukna yineru Egito tshijne psoluka hajene himukata yotuklemyota hi hijixiko pma mitshitkanuklunuplu, hike rumukata kamhaletanna hma munhaknuklunupyina.
45Waneya Faraó hehiwakatlu José. Zafenate Paneia hhiwakatlu hiyrun-koxa reneklu hhanunroxyawakaplo Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene. Waneya José Egito tshijne psoluka hyajetatka.
46José trinta mhaletkalu Faraó Egito pohire kamrure hyinuwak-kamhaletatka waneya Egito tshijne psoluka hyajetatka José.
47Sete mhale pejnu hix-potuko honantshi papkolu, tshiji hitakkaluru hix-potuko hiptsheka.
48Waneya José hapatjekjixlu honantshi serowatatshritka psol-tshijika Egito-ya, sete mhale kihle sahiwleru honantshi. Waneya tsru poktshikaka rimrexyalu José honantshi hanu sretakta poktshistsi rawya hsana wane sretako rimrexika honantshi.
49Wane rixa hapatjekjixretlu José honantshi hixpotuko, haté ksatuji mar powha hajeru pejnu, haté rutuka hitakyahokletlu klu tshinanu hike himukata wane pso hitakyahokleta.
50Hixpotuko honantshi papko hepi whene tmatkajyatkalu José, Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene.
51Mitshikananu matutatshri José hiwakatlu Manassés. Wane htshinru klu tshinanu wla htshinanwakatlu Hoyakalu: “Hoyakalu nsalewnale ruknojyano nma mchinikanrexyawakanuplu hiyrun-koxa nurupji hajene ptowruneka repixno nma muchinijyawakanna.”
52Hiwhene hepi rixinri Efraim rutakhiwakatlu. Xye hiwaka rutaklu klu tshinanu wla htshinanwakatlu Hoyakalu: “Hoyakalu tserutkakatkano nsalewniywaka tshijneyako.”
53Waneya hixpotuko honantshi klu papko sete mhal-pejnu Egito tshijneya nikawnatka.
54Waneya natshi klu papko sete mhal-pejnu yinuwakatka htshinakanaxyawaka José mitshi. Tsru natshi hakanhatka ptowru tshijneya. Seyni Egito tshijne psoluyaka hi hmahaxya pão.
55Waneya rallikanatatka natshi Egito tshijne psoluyaka hiyáhoni yine yinuwaka hanjirepotutlu phuru Faraó nijittshi rukchijyawakapna. Hiyáhoni phuru Faraó towutatkana ptowruneruka egito-nerune, wla htshinatkana:
— José nwaka hyanu, kluneruktako htshininuphi, wane hixanu.
56Ptowru tshijneka rapokatka natshi. Hiyáhoni José kotpuklu ptowru honantshi himrexikowakkaka waneya wale honantshi ruchankajexyana egito-nerune. Natshi tsru potuko rixa Egito tshijneya.
57Waneya ptowru tshijneko ruchpajyatkana yine, Egito tshijne hyana José ranjitapyapluna honantshi. Klu tshinanu ptowruk-tshijne tsru natshi rixatka.
Currently Selected:
Gênesis 41: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 41
41
José Phuru Faraó Hipnawle Hyokajyawaka Piranapni
1Waneya hepi mhale hiknohinixka tsru phuru Faraó hipnawatatka. Rupjetlu Nilo wennestsi hyopkakakanaxyawaka tsru phuru Faraó.
2Waneya rupnawleya wenu ruchpakakanaxyana sete wakane pomtalune, hixownatshin-koxa. Hnikakananumtna kotshkawal-sure.
3Waneya xekoyaka hixownatshine hatjini wenu ruchpajyana hiyrunu sete wakane hektune, pomenolune. Rapyehitna wakane kosekatshine wenu wnahluya.
4Waneya wakane hektune nikna wakane sete pomtalunni, hixownatshinni. Waneya phuru Faraó hiyokatka.
5Waneya rumkatnaka, rupnawatatnaka. Pa ksujepka (chiji pixka hixatshri) rakanhiyatka sete kna tsrukakalu kihleru.
6Waneya wane pnute ruchpakkna sete kna pomenolu, hiprihaknatatshri hamephalu popriphalu hiprikakleru.
7Waneya pomenolu kna nikna sete kna tsruru hixownatshinni. Waneya ruyokatka phuru Faraó rupnawakanata.
8Waneya wale prika phuru Faraó kojwakahchinikanutatka hiyáhoni htomhakjixna ptowruneruka kahontshine jimatkalerun-koxa Egito hajene waneya runkakna rupnawle. Seyni hike himukata himatletlu rupnawle.
9Waneya hirkaluru jetumhaklerune chefe-te wla tshinru phuru Faraó:
— Xawakni nuchinikatkalu nma potowutkonni.
10Waneklu mitshi phuru Faraó hahkatkana htowrerune hiyáhoni rutakno preso yehi phuru hinotatshine chefe-te preso-ne hitakjexikowakapjiya. Hita wane hitakka hiyrun-koxa pão kamhatshine chefe-te wane hitakka.
11Waneya mitshi pa yetshno walerutu yetshno wupnawatatka hita, wale. Wupnawle satkaka hiphujetkatka.
12Waneya mitshi wanekananru satu makluji, hebreu-neru phuru hinotatshine chefe-te towreru. Wale mitshi wunkaklu wupnawle waneya wupnawle satkaka hyokakatka klu raluka tshinreta.
13Waneya htshina hinkaklexyakwu potuko hakanhatka. Hita rutakatnaka kamrurtshi nkamhakanatanru nkamhiywakatnaka hiyrun-koxa wale satni rostuplatkanatka.
14Waneya Faraó tomhakjixlu José. Waneya preso-yehi hchireta kochpaklexyaluna. Waneya rali chichaptoletatka, rali hemkaletatka, Faraó hoji sreta hyatka.
15Waneya Faraó wla tshinru José:
— Nupnawatatka seyni hike himukata himatletlu nupnawle runkajyawakno. Seyni njempiranyehityi pixa, pix-hima hipnawatatshri pjemini pimatlu pixa.
16Seyni José hihitlu wla htshinru Faraó:
— Hita hi himukata seyni Hoyakalu hinkakanru Faraó rujhaleru pirana.
17Waneya Faraó wla tshinru José:
— Nupnawle Nilo wenne wnaha nyopkakakanaxya.
18Waneya sete wakane nupjetatka wenu kanjikatshine. Wanna kihlerune, hixownatshine. Kotshkawal-sure hnikakanaxyana.
19Waneya sete wakane hakanhatnaka wanna hatjini. Seyni yeyixatshine, pomenolune, hektun-potukni. Hikeklu netlu Egito tshijneya wane pa hekturune wanna pixkalune.
20Waneya wakane pomenolune, hektune nikatkana wakane mitshikananu nupjetanune hixownatshine.
21Waneya rali nikletanatkana wakanni hixownatshinni rixannukonina wakane pomenolune. Rixa hwalekanaxyawakako rixa hektunutna pomenolune. Waneya nuyokatka.
22Waneya nupnawleya nupjetlu sete kna pa munapkaya kihlerune.
23Waneya nyi hapkatatatshri sete hawa matatajitu hamephalu popriphalu tkatshi hichpajyawaka sreta hichpakaphaxikatshri hiprikakanru hakanhatka.
24Waneya sete hawa matatajitu niklu sete knani kihlerunni. Xye piranamka nunkakna kahontshine seyni hi satukna wanna himata yokakletlu hitaya.
25Waneya José hihitlu wla htshinru:
— Faraó hipnawle satupkalu. Hoyakalu hekhitatkalu Faraó klu hkamhanu wane pnutepa.
26Sete wakane kihlerune yihapkakletlu sete mhale. Hiyrun-koxa sete kna kihlerune yihapkakletlu sete mhale. Pupnawle satupkalu.
27Seyni wakane pomenolune, hektune, hapkatatatshine kankatshine yihapkakletlu sete mhale hiyrun-koxa nyi pixka rixna sete hawa matatajitu, hamephalu popriphalu hiprikakanru yihapkakletlu sete mhale tsru natshipni.
28Hiyáhoni xye tokantshi wane ntshinyawaklu Faraó Hoyakalu hekhitatkalu rupnawleya hanu rix-kamhaletanru Hoyakalu.
29Rawanu sete mhale honantshi tsrupotpákolu, psoluchaka Egito tshijneya.
30Waneya wane pnute sete mhale pnutpatka tsru natshi potpakni waneya wale honantshi tsrur-potuko hamtakko Egito tshijneya klu tshinanu natshi tsru potuko nikatanru tshiji.
31Hiyáhoni hi ruchinikanretko wale honantshi tsru potuko, natshi tsru potuko tshinanu, klu tshinanu natshi tsru potuko hwanu.
32Hepi kata rupnawatatka Faraó klu tshinanu Hoyakalu halikaka wane hixanu hiyrun-koxa Hoyakalu chiretanru wane rixyawakapa.
33Hiyáhoni pnuretanru satu jeji kahchinikanuru, jimatkaleru wale Egito tshijne psoluka htowuxyawakapa.
34Faraó xye pixanu hiyrun-koxa putakanna honantshi hislahatshine waneya honantshi psoji pkochtshekanu Egito tshijne psoluyaka wane pixini sete mhale rawka pchinika honantshi.
35Honantshi hislahatshine hapatjetanru ramlerna psoluka wane sete mhale honantshi hihlenu pchinika Faraó towutle tshinanu rapatjetko, rimretko honantshi tsru poktshi hajene nikleru tshinanupa.
36Hiyáhoni wale honantshi hpoyaho hakotlexyawakapna xye tshijne hajene, honantshi mahle hinatshri pchinika Egito tshijne hma mupniywakanupna yine natshi tshinanu.
José Egito Tshijne Htowuxyawaka Piranapni
37Wale tokanu rukchikhihlenuta Faraó hiyrun-koxa waleyma towutkalune ptowruneka.
38Waneya Faraó wla tshinna waleyma towuwatatshine:
— Wumukata hikchikletluhe satu jeji xye jeji pixkalutu Hoyakalu Hiwejikaluru himwatshri?
39Waneya Faraó wla tshinru José:
— Hoyakalu hekhitatkayi pimaxyawakaplu xye pirana psoluka hiyáhoni hike yineru pixa pa himatkalerutu kahchinikanuru.
40Nopjitshi ptowutapanu hiyáhoni nayinetene ptowruneka yijnakotanru ptokanu. Seyni npohirewaxinri tsonu pixa yohnikayapno hita.
41Waneya wane pnute htshinru Faraó, José:
— Petanu nutakatkayi tsru towutatshripyi Egito tshijne psoluka ptowuxyawakapa.
42Waneya phuru Faraó kochpaklu rumyojre h-marca-pre waneya José-myoji hyochmaklo. Remkakakatkalu kihleru mkatshrimta kamhikolu hmakatatka hiyrun-koxa satu najtshitsa ouro kamhikolu hinoji rostuta.
43Hiyrun-koxa Faraó José hpokownakjixlo carro-ne hapkatatatshro hyapyawaka waneya hkosekamtna saplewatatshine wla tshinatshine: “José sta sreta hasujinixka,” — htshinatkana. Waneya phuru Faraó wane rix-hitakletlu José Egito tshijne psoluka htowuxyawaka.
44Waneya Faraó wla tshinru José:
— Hita ppohirno Faraó seyni pixa ptokanu mmunanhakatu hi satukna yineru Egito tshijne psoluka hajene himukata yotuklemyota hi hijixiko pma mitshitkanuklunuplu, hike rumukata kamhaletanna hma munhaknuklunupyina.
45Waneya Faraó hehiwakatlu José. Zafenate Paneia hhiwakatlu hiyrun-koxa reneklu hhanunroxyawakaplo Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene. Waneya José Egito tshijne psoluka hyajetatka.
46José trinta mhaletkalu Faraó Egito pohire kamrure hyinuwak-kamhaletatka waneya Egito tshijne psoluka hyajetatka José.
47Sete mhale pejnu hix-potuko honantshi papkolu, tshiji hitakkaluru hix-potuko hiptsheka.
48Waneya José hapatjekjixlu honantshi serowatatshritka psol-tshijika Egito-ya, sete mhale kihle sahiwleru honantshi. Waneya tsru poktshikaka rimrexyalu José honantshi hanu sretakta poktshistsi rawya hsana wane sretako rimrexika honantshi.
49Wane rixa hapatjekjixretlu José honantshi hixpotuko, haté ksatuji mar powha hajeru pejnu, haté rutuka hitakyahokletlu klu tshinanu hike himukata wane pso hitakyahokleta.
50Hixpotuko honantshi papko hepi whene tmatkajyatkalu José, Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene.
51Mitshikananu matutatshri José hiwakatlu Manassés. Wane htshinru klu tshinanu wla htshinanwakatlu Hoyakalu: “Hoyakalu nsalewnale ruknojyano nma mchinikanrexyawakanuplu hiyrun-koxa nurupji hajene ptowruneka repixno nma muchinijyawakanna.”
52Hiwhene hepi rixinri Efraim rutakhiwakatlu. Xye hiwaka rutaklu klu tshinanu wla htshinanwakatlu Hoyakalu: “Hoyakalu tserutkakatkano nsalewniywaka tshijneyako.”
53Waneya hixpotuko honantshi klu papko sete mhal-pejnu Egito tshijneya nikawnatka.
54Waneya natshi klu papko sete mhal-pejnu yinuwakatka htshinakanaxyawaka José mitshi. Tsru natshi hakanhatka ptowru tshijneya. Seyni Egito tshijne psoluyaka hi hmahaxya pão.
55Waneya rallikanatatka natshi Egito tshijne psoluyaka hiyáhoni yine yinuwaka hanjirepotutlu phuru Faraó nijittshi rukchijyawakapna. Hiyáhoni phuru Faraó towutatkana ptowruneruka egito-nerune, wla htshinatkana:
— José nwaka hyanu, kluneruktako htshininuphi, wane hixanu.
56Ptowru tshijneka rapokatka natshi. Hiyáhoni José kotpuklu ptowru honantshi himrexikowakkaka waneya wale honantshi ruchankajexyana egito-nerune. Natshi tsru potuko rixa Egito tshijneya.
57Waneya ptowru tshijneko ruchpajyatkana yine, Egito tshijne hyana José ranjitapyapluna honantshi. Klu tshinanu ptowruk-tshijne tsru natshi rixatka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil