Gênesis 48
48
Jacó Kihlewaka Htshinanwakaxyawaklu Manassés Hiyrun-Koxa Efraim Piranapni
1Waneya hi hix-hohnewani runkakka José, wla htshinka:
— Puru hima yeyixa. Hiyáhoni hyanwakatlu retapyawakaplu. Hiwhenene jejine hepi ranikatka Manassés tshinkaluru hiyrun-koxa Efraim tshinkaluru.
2Waneya runkakka Jacó, wla htshinka:
— Pituru José hinatka rexyawakapyi. Waneya Israel mixkoxnawa hpalnatka rukoluhakanaxyawakaya htuplaxya.
3Waneya Jacó wla tshinru José:
— Hoyakalu Ptowru Potuko Himukatatshri hakanhayehitno Luz tshinikowakaya Canaã tshijne. Wanekni kihlewaka htshinanwakaxyano.
4Wla htshinatkano: “Nwuhenewakakanyi, nixolewkakanyi satu neru hixolune nixkakanyi. Xye tshiji nenekanyi pimwiywakaplu pixa hiyrun-koxa piklopichane pixa hatjini hakanhatshinepa nenekanru rumutujyawakapluna tshiji hike rixiniko mnikawnakatupa.
5Hiyáhoni xawakni piwhenene jejine hepi pmatkaklene Egito tshijneya pix-yehi nmapokkanuklunuwa Egito tshijneya wanna hitanni Rúben hiyrun-koxa Simeão nimwiywaka pixka rixna.
6Piwhenene wanna hapkatatatshine pixanpatkani. Seyni wanna himolene hiwaka himaxikolupna hyoptoxyawakapluna htshijne hyoptolerupna.
7Padã nunya mitshi tsru wamonnu neta Raquel-ni hipnale tshinanu Canaã tshijneya wunamxinixka mitshi hatnu hapoya. Hi tsru mahatatka Efrata tshinikowaka wapojyawaka tupnanatka. Waneya nkapnatatkalo hatnu hapoya Efrata nwaka hapo. Walekni Belém tshinikowaka.”
8Waneya Israel hexinixkana José whenene jeji repomhalu, wla htshinru:
— Katu whenene nyi?
9Waneya José hihitlu, wla htshinru:
— Nyi nowhenene jejine Hoyakalu henejyano hewi tshijneya.
Waneya Israel wla tshinru:
— Panikanna hita nwaka kihleru ntshinanwakaxyawakapna.
10Israel hi hapkathojipotutatka rutsruknu tshinanu. Waneya José hanikatkana walestsi. Israel hamlutatkana hsaprikatkana.
11Waneya Israel wla tshinru José:
— Hetanu hi nkahwakatkalu pixa nexyawakatnaka seyni Hoyakalu tshinanu hi pixa tsonu netatnaka seyni piwhenene koxa netatka.
12Waneya José Israel hikwakananrene hiwhenene hkochtsheka waneya hyonohiyehitlu tshiji rutspakhojitatka.
13Waneya José hiwhenene hepi ranikanwakatlu ruru Efraim hpotukle sreta rutaklu, Israel pastate sreta. Waneya Manassés José pastate sreta hwa Israel potukle sreta rutaklu. Wane hixatshine Israel-stsi potuko hyatka.
14Waneya Israel hyosurukamyotatka. Seyni himyo potukle Efraim jiwu hoho rutaka, pasta sreta myo Manassés jiwu hoho rutaklu. Manassés-mka whentshi tsrujru seyni Israel hipekomyotatka.
15Waneya kihleru htshinanwakatlu José, wla htshinru:
— Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,
16Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.
17Waneya rexinixka José ruru Efraim jiwu rutakamyoxyawaka hpotukle myo, hi rukchikhihlenutlu. Waneyakmakni himyo rimaletpirata hyahota yokmaklemyotmaklu Efraim jiwu hkochtshekamyoxyawakamkaplu Manassés jiwu hohomka rutajyawakaplu.
18José-mka wla tshinru ruru:
— Papa, hi wane pixanu klu tshinanu xyekni tsrujru. Ppotukle myo Manassés jiwu hoho putakanru — htshinmaklu.
19Seyni ruru hi kajnakotka. Wla htshinru:
— Ha noturu nimatmaka. Wale koxa pa neru ptohi hixikowakapa yineru tsru kahwakpiratkalurupni seyni repuru wale yohnika tsrunupni. Wale whenene hixo nerune hakanhinri.
20Wla rixa kihlewaka tshinyehitna wale hohne:
— Hixa tshinanu kihleru htshinyehitkona israel-nerune, wla hima htshinkona: “Hoyakalu Efraim, Manassés rixyawaka koxa rixanhi hixa.” Hiyáhoni Efraim rutaka mitshikananu rixyawaka Manassés hapkatatatshri rutakatka.
21Waneya Israel wla tshinru José:
— Nupnanu hita seyni Hoyakalu pixaymalu hiyrun-koxa ranikanyi purunni tshijne pyiywakpatnaka.
22Hiyrun-koxa pixa pimolene yehi yohnika tsruyyi hiyáhoni pixa nenekanru tshiji teno mrijiwaka amorreu-nerune nkonrere tshiji. Wale tshiji hitako konyanatkana nkatshraleyma hiyrun-koxa nkachretwayma nkonyanatkana wale tshiji.
Currently Selected:
Gênesis 48: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 48
48
Jacó Kihlewaka Htshinanwakaxyawaklu Manassés Hiyrun-Koxa Efraim Piranapni
1Waneya hi hix-hohnewani runkakka José, wla htshinka:
— Puru hima yeyixa. Hiyáhoni hyanwakatlu retapyawakaplu. Hiwhenene jejine hepi ranikatka Manassés tshinkaluru hiyrun-koxa Efraim tshinkaluru.
2Waneya runkakka Jacó, wla htshinka:
— Pituru José hinatka rexyawakapyi. Waneya Israel mixkoxnawa hpalnatka rukoluhakanaxyawakaya htuplaxya.
3Waneya Jacó wla tshinru José:
— Hoyakalu Ptowru Potuko Himukatatshri hakanhayehitno Luz tshinikowakaya Canaã tshijne. Wanekni kihlewaka htshinanwakaxyano.
4Wla htshinatkano: “Nwuhenewakakanyi, nixolewkakanyi satu neru hixolune nixkakanyi. Xye tshiji nenekanyi pimwiywakaplu pixa hiyrun-koxa piklopichane pixa hatjini hakanhatshinepa nenekanru rumutujyawakapluna tshiji hike rixiniko mnikawnakatupa.
5Hiyáhoni xawakni piwhenene jejine hepi pmatkaklene Egito tshijneya pix-yehi nmapokkanuklunuwa Egito tshijneya wanna hitanni Rúben hiyrun-koxa Simeão nimwiywaka pixka rixna.
6Piwhenene wanna hapkatatatshine pixanpatkani. Seyni wanna himolene hiwaka himaxikolupna hyoptoxyawakapluna htshijne hyoptolerupna.
7Padã nunya mitshi tsru wamonnu neta Raquel-ni hipnale tshinanu Canaã tshijneya wunamxinixka mitshi hatnu hapoya. Hi tsru mahatatka Efrata tshinikowaka wapojyawaka tupnanatka. Waneya nkapnatatkalo hatnu hapoya Efrata nwaka hapo. Walekni Belém tshinikowaka.”
8Waneya Israel hexinixkana José whenene jeji repomhalu, wla htshinru:
— Katu whenene nyi?
9Waneya José hihitlu, wla htshinru:
— Nyi nowhenene jejine Hoyakalu henejyano hewi tshijneya.
Waneya Israel wla tshinru:
— Panikanna hita nwaka kihleru ntshinanwakaxyawakapna.
10Israel hi hapkathojipotutatka rutsruknu tshinanu. Waneya José hanikatkana walestsi. Israel hamlutatkana hsaprikatkana.
11Waneya Israel wla tshinru José:
— Hetanu hi nkahwakatkalu pixa nexyawakatnaka seyni Hoyakalu tshinanu hi pixa tsonu netatnaka seyni piwhenene koxa netatka.
12Waneya José Israel hikwakananrene hiwhenene hkochtsheka waneya hyonohiyehitlu tshiji rutspakhojitatka.
13Waneya José hiwhenene hepi ranikanwakatlu ruru Efraim hpotukle sreta rutaklu, Israel pastate sreta. Waneya Manassés José pastate sreta hwa Israel potukle sreta rutaklu. Wane hixatshine Israel-stsi potuko hyatka.
14Waneya Israel hyosurukamyotatka. Seyni himyo potukle Efraim jiwu hoho rutaka, pasta sreta myo Manassés jiwu hoho rutaklu. Manassés-mka whentshi tsrujru seyni Israel hipekomyotatka.
15Waneya kihleru htshinanwakatlu José, wla htshinru:
— Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,
16Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.
17Waneya rexinixka José ruru Efraim jiwu rutakamyoxyawaka hpotukle myo, hi rukchikhihlenutlu. Waneyakmakni himyo rimaletpirata hyahota yokmaklemyotmaklu Efraim jiwu hkochtshekamyoxyawakamkaplu Manassés jiwu hohomka rutajyawakaplu.
18José-mka wla tshinru ruru:
— Papa, hi wane pixanu klu tshinanu xyekni tsrujru. Ppotukle myo Manassés jiwu hoho putakanru — htshinmaklu.
19Seyni ruru hi kajnakotka. Wla htshinru:
— Ha noturu nimatmaka. Wale koxa pa neru ptohi hixikowakapa yineru tsru kahwakpiratkalurupni seyni repuru wale yohnika tsrunupni. Wale whenene hixo nerune hakanhinri.
20Wla rixa kihlewaka tshinyehitna wale hohne:
— Hixa tshinanu kihleru htshinyehitkona israel-nerune, wla hima htshinkona: “Hoyakalu Efraim, Manassés rixyawaka koxa rixanhi hixa.” Hiyáhoni Efraim rutaka mitshikananu rixyawaka Manassés hapkatatatshri rutakatka.
21Waneya Israel wla tshinru José:
— Nupnanu hita seyni Hoyakalu pixaymalu hiyrun-koxa ranikanyi purunni tshijne pyiywakpatnaka.
22Hiyrun-koxa pixa pimolene yehi yohnika tsruyyi hiyáhoni pixa nenekanru tshiji teno mrijiwaka amorreu-nerune nkonrere tshiji. Wale tshiji hitako konyanatkana nkatshraleyma hiyrun-koxa nkachretwayma nkonyanatkana wale tshiji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil