Mateus 22
22
Tsru Niklu Piranapni
1Waneya Jesus hinkaklewatatnaka yapkaklu pirankakayma, wla htshina:
2— Tenhohne pohirewaxyawaka satu phuru pixka rixa. Phuru halpokojixlu tsru niklu hituru hnunrowle tshinanupa.
3Hyokanatna htowrene htshanixyawakapna phuru tshanixlene seyni hi jmerna.
4Waneya hiyrunuko pimrine htowrene hyokanata, waneya wla htshina: “Punkakanna ntshanixlene, nnijitu halixatka: noprane bezerro-ne hiyrunu boi-ne nixownakakanune nuylatatka, ptowruka halpokotatka. Hinanu tsru niklu hnunrowlu tshinanu.”
5— Waneya tshanixkalune hi hislahtokanutna seyni ralimtna. Satu hsana yatka, satu maronewjexikowaka hyatka.
6Pimrine kachitanna phuru towrenni, hkotshipjetatkana, ruylatanatkana towrertshinni.
7Waneya phuru jihekanuwpotuta. Soldado-ne hyokanata ruylaxyawakapna jiylalewaklerune, hiyrun-koxa wanna poktshite hyoxijyawakapna.
8Waneya phuru wla tshinna pimrine htowrene: “Nijittshi halixatka hnunrowlu tshinanu, klu tshinanu nyi rujhalna tshinanu hi htshanixkatkana.”
9Hajewa poktshi hapkaka yoptowakkaka hyanu, htshanixanna katuktako hikchikanune.
10— Hiyáhoni towrertshine poktshi hapo yoptowakkak-yehi hyatkana, rawapyawakapna rumukata hikchikletanune, kihlerune hiyrunu hektune koxa. Waneya tshanixkalune tsepotlu phurupji tsru nikawaka.
11Seyni phuru jihlojinixka retapyawakapna hapokatshine, retlu satu jeji kihleru mkatshri mutakkatu.
12Waneya repomhalu: “Nimatletleru, hanu pixa jihlokleta hewi kihleru mkatshri mutakamtkatyi?”
— Waneya hi ktokanru jeji.
13Waneya phuru wla tshinatkana htowrene: “Hostujixitanru, hostumyotanru koxa waneya maleka sreta mapchahawaka tsru tshiyahlu hiyrunu haskiyhiru yehi hiknokanru.”
14— Klu tshinanu hi heppikna tshanixkalunemka seyni hi híxona nuretkalunetka.
Repomhaluna Jesus Ho Tiyiro Raluka Wenutluna César Ho Hike Piranapni
15Waneya fariseu-ne hapatjeta, rujhahchinikanutna hanhe rumukata kachretluna Jesus htokanu tshinanu.
16 Fariseu-ne hasruklene hyokananwakatluna Jesus Herodes-neyma. Waneya repomhaluna Jesus:
— Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana.
17Hiyáhoni punkakanwu, pkahwaklu minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?
18Seyni Jesus himathetna hektu hchinikanu rixyawakna waneya wla htshinna:
— Hixachatatshinhi! Haklu tshinanhe haluk-himlukantaletno?
19Hekhitanno tiyiro proji César wenuxikolupa. Waneya tiyiro proji ranikna.
20Waneya repomhana:
— Katu yaholunhe kat-hiwaknihe toproji hwatshri?
21Waneya ruhitluna:
— César-ni.
Waneya Jesus wla tshina:
— Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru.
22Xye hjeminixkana, rimyekna Jesus hihixya tshinanna. Hiyáhoni ruchomtluna, hyatkana.
Repomhaluna Yineru Hiwejyawakpatnaka Piranapni
23Wale hohnekotnaka satkaka saduceu hipnatshri mkahwak-hiwekletkane yanwakatlu Jesus repomhiywakapluna.
24Waneya wla htshinna:
— Kasruklewakleru, Moisés-ni yonaxyawu xye hiykolu pirana: “Jeji hipninipa ruknokamtanro hhanunro mwuhenetoko, walen-moleko hnunrotanro waleni hnunro. Twuhenewatanu hipnatshrini whenene hkahwajikowakapna.”
25Waneya pa kata wan-rixa hahijewakatanna sete-ni jejinni moletkakatshinni. Tsrujruni hnunrowatni rupnana mwuhenetniko. Waneya repurni hnunrotlo hipnahnurutatshro.
26Wale koxa hipnana mwuhenetniko. Waneko pixka rixa hahijewakatan-koxa satni mapa rixinri. Sete-ni hnunrotlewatni walaluto suxo. Rupnanna mwuhenenniko.
27Waneya suxni koxa hipnanatka.
28Xawakni hiwejikalur-hohnepatnaka, hanurpatkanhe thanuru? Klu tshinanu ptowruneko hnunrotaplo.
29Waneya Jesus hihita:
— Hixa pupjetatshinhi klu tshinanu hi himatlu Hoyakalu pirana, hi koxa himatlu Hoyakalu himukatlewle.
30Seyni tujra hohne hiweklu yoptotatshinepa hi hnunrowatanu hiyrunu hi hnuruwatanu. Hiwejikalune Hoyakalu towrene tenhohne hajene pixka rixanutkana.
31Seyni hi he het-yonhatlu Hoyakalu tshinyawakhi hipnatshine hiwekkajikowaka pirana tshinanu? Wla htshina:
32Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.
33Waneya hixolune xye jeminixka, rimyekahchinikanutna Jesus hasrujya tshinanna.
Yokanruru Hijhakalur-potuko Piranapni
34Waneya fariseu-ne jeminixkalu Jesus hitshrokkajyawakna saduceu-ne, rapatjetna.
35Waneya satu fariseu-ne, Moisés yonreru pirana himatpotutatshri, hetumhalu Jesus xye hepomhaluyma.
36Wla htshina:
— Kasruklewakleru, kluner-pothe hijhakaluru ptowru Moisés yokanreru yonatkaluruya?
37Waneya Jesus hihitlu, wla htshina:
— “Pamotanru Tsru Hixikatshriwa Poyakalute psoluka pajiyma, psoluka piwejinriyma, hiyrun-koxa psoluka pihchinikanuyma.”
38Xyekni mitshikananu yokanruru, hijhakalur-potukni.
39Yokanruru hepi rixinri waneko pixka rixa hijhakalurni: “Pamotanru pimwastsitanru pamoxnawakwa pixka.”
40Nyi hepi yokanruru poyahokaklu Moisés yokanreru yonatkaluru hiyrun-koxa Hoyakalu tokanu hinkakletatshine tshinyawaka psoluka.
Katnihe Messias Piranapni
41Waneya rapatjekananumtawana fariseu-ne, Jesus hepomhana:
42— Klu hkahwaklu Messias? Katu klopichni wale?
Waneya ruhitluna:
— Davi-ni klopicha.
43Waneya wla htshinna:
— Seyni klu tshinanhe Davi-ni, Hoyakalu Hiwejikaluru tshinanu, Nutsrukate htshinanwakatlu? Klu tshinanu wla htshinatka:
44“Tsru Hixikatshriwa Hoyakalu wan-tshinno Tsru Hixikatshriwa: Ptuplatanu npotukle sreta, haté pkamnitjene pijixi hpuko nutakanu.”
45Davi-ni potuko Rutsrukate tshinru Hoyakalu hiyáhoni hanhe rumukata Davi-ni klopicha hixleta Messias?
46Hike himukata hihretlu hiyáhoni waneklu kananuko hike tsru hchinikanu hepomhale hixatkalu Jesus.
Currently Selected:
Mateus 22: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 22
22
Tsru Niklu Piranapni
1Waneya Jesus hinkaklewatatnaka yapkaklu pirankakayma, wla htshina:
2— Tenhohne pohirewaxyawaka satu phuru pixka rixa. Phuru halpokojixlu tsru niklu hituru hnunrowle tshinanupa.
3Hyokanatna htowrene htshanixyawakapna phuru tshanixlene seyni hi jmerna.
4Waneya hiyrunuko pimrine htowrene hyokanata, waneya wla htshina: “Punkakanna ntshanixlene, nnijitu halixatka: noprane bezerro-ne hiyrunu boi-ne nixownakakanune nuylatatka, ptowruka halpokotatka. Hinanu tsru niklu hnunrowlu tshinanu.”
5— Waneya tshanixkalune hi hislahtokanutna seyni ralimtna. Satu hsana yatka, satu maronewjexikowaka hyatka.
6Pimrine kachitanna phuru towrenni, hkotshipjetatkana, ruylatanatkana towrertshinni.
7Waneya phuru jihekanuwpotuta. Soldado-ne hyokanata ruylaxyawakapna jiylalewaklerune, hiyrun-koxa wanna poktshite hyoxijyawakapna.
8Waneya phuru wla tshinna pimrine htowrene: “Nijittshi halixatka hnunrowlu tshinanu, klu tshinanu nyi rujhalna tshinanu hi htshanixkatkana.”
9Hajewa poktshi hapkaka yoptowakkaka hyanu, htshanixanna katuktako hikchikanune.
10— Hiyáhoni towrertshine poktshi hapo yoptowakkak-yehi hyatkana, rawapyawakapna rumukata hikchikletanune, kihlerune hiyrunu hektune koxa. Waneya tshanixkalune tsepotlu phurupji tsru nikawaka.
11Seyni phuru jihlojinixka retapyawakapna hapokatshine, retlu satu jeji kihleru mkatshri mutakkatu.
12Waneya repomhalu: “Nimatletleru, hanu pixa jihlokleta hewi kihleru mkatshri mutakamtkatyi?”
— Waneya hi ktokanru jeji.
13Waneya phuru wla tshinatkana htowrene: “Hostujixitanru, hostumyotanru koxa waneya maleka sreta mapchahawaka tsru tshiyahlu hiyrunu haskiyhiru yehi hiknokanru.”
14— Klu tshinanu hi heppikna tshanixkalunemka seyni hi híxona nuretkalunetka.
Repomhaluna Jesus Ho Tiyiro Raluka Wenutluna César Ho Hike Piranapni
15Waneya fariseu-ne hapatjeta, rujhahchinikanutna hanhe rumukata kachretluna Jesus htokanu tshinanu.
16 Fariseu-ne hasruklene hyokananwakatluna Jesus Herodes-neyma. Waneya repomhaluna Jesus:
— Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana.
17Hiyáhoni punkakanwu, pkahwaklu minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?
18Seyni Jesus himathetna hektu hchinikanu rixyawakna waneya wla htshinna:
— Hixachatatshinhi! Haklu tshinanhe haluk-himlukantaletno?
19Hekhitanno tiyiro proji César wenuxikolupa. Waneya tiyiro proji ranikna.
20Waneya repomhana:
— Katu yaholunhe kat-hiwaknihe toproji hwatshri?
21Waneya ruhitluna:
— César-ni.
Waneya Jesus wla tshina:
— Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru.
22Xye hjeminixkana, rimyekna Jesus hihixya tshinanna. Hiyáhoni ruchomtluna, hyatkana.
Repomhaluna Yineru Hiwejyawakpatnaka Piranapni
23Wale hohnekotnaka satkaka saduceu hipnatshri mkahwak-hiwekletkane yanwakatlu Jesus repomhiywakapluna.
24Waneya wla htshinna:
— Kasruklewakleru, Moisés-ni yonaxyawu xye hiykolu pirana: “Jeji hipninipa ruknokamtanro hhanunro mwuhenetoko, walen-moleko hnunrotanro waleni hnunro. Twuhenewatanu hipnatshrini whenene hkahwajikowakapna.”
25Waneya pa kata wan-rixa hahijewakatanna sete-ni jejinni moletkakatshinni. Tsrujruni hnunrowatni rupnana mwuhenetniko. Waneya repurni hnunrotlo hipnahnurutatshro.
26Wale koxa hipnana mwuhenetniko. Waneko pixka rixa hahijewakatan-koxa satni mapa rixinri. Sete-ni hnunrotlewatni walaluto suxo. Rupnanna mwuhenenniko.
27Waneya suxni koxa hipnanatka.
28Xawakni hiwejikalur-hohnepatnaka, hanurpatkanhe thanuru? Klu tshinanu ptowruneko hnunrotaplo.
29Waneya Jesus hihita:
— Hixa pupjetatshinhi klu tshinanu hi himatlu Hoyakalu pirana, hi koxa himatlu Hoyakalu himukatlewle.
30Seyni tujra hohne hiweklu yoptotatshinepa hi hnunrowatanu hiyrunu hi hnuruwatanu. Hiwejikalune Hoyakalu towrene tenhohne hajene pixka rixanutkana.
31Seyni hi he het-yonhatlu Hoyakalu tshinyawakhi hipnatshine hiwekkajikowaka pirana tshinanu? Wla htshina:
32Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.
33Waneya hixolune xye jeminixka, rimyekahchinikanutna Jesus hasrujya tshinanna.
Yokanruru Hijhakalur-potuko Piranapni
34Waneya fariseu-ne jeminixkalu Jesus hitshrokkajyawakna saduceu-ne, rapatjetna.
35Waneya satu fariseu-ne, Moisés yonreru pirana himatpotutatshri, hetumhalu Jesus xye hepomhaluyma.
36Wla htshina:
— Kasruklewakleru, kluner-pothe hijhakaluru ptowru Moisés yokanreru yonatkaluruya?
37Waneya Jesus hihitlu, wla htshina:
— “Pamotanru Tsru Hixikatshriwa Poyakalute psoluka pajiyma, psoluka piwejinriyma, hiyrun-koxa psoluka pihchinikanuyma.”
38Xyekni mitshikananu yokanruru, hijhakalur-potukni.
39Yokanruru hepi rixinri waneko pixka rixa hijhakalurni: “Pamotanru pimwastsitanru pamoxnawakwa pixka.”
40Nyi hepi yokanruru poyahokaklu Moisés yokanreru yonatkaluru hiyrun-koxa Hoyakalu tokanu hinkakletatshine tshinyawaka psoluka.
Katnihe Messias Piranapni
41Waneya rapatjekananumtawana fariseu-ne, Jesus hepomhana:
42— Klu hkahwaklu Messias? Katu klopichni wale?
Waneya ruhitluna:
— Davi-ni klopicha.
43Waneya wla htshinna:
— Seyni klu tshinanhe Davi-ni, Hoyakalu Hiwejikaluru tshinanu, Nutsrukate htshinanwakatlu? Klu tshinanu wla htshinatka:
44“Tsru Hixikatshriwa Hoyakalu wan-tshinno Tsru Hixikatshriwa: Ptuplatanu npotukle sreta, haté pkamnitjene pijixi hpuko nutakanu.”
45Davi-ni potuko Rutsrukate tshinru Hoyakalu hiyáhoni hanhe rumukata Davi-ni klopicha hixleta Messias?
46Hike himukata hihretlu hiyáhoni waneklu kananuko hike tsru hchinikanu hepomhale hixatkalu Jesus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil