Mateus 3
3
João Batista Hinkaklewaxyawaka Piranapni
1Waneklu papko João Batista hapoka, runkaklewakanata kahnete poktshiya, Judeia tshijneya.
2Wane htshinamta:
— Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!
3Hoyakalu tokanu hinkakletatshri, Isaías tshinkalurni yonatlu João pirana, wla htshina: “Kahnete poktshiri saplewaxikatshri tokanu: Halpokotanru Tsru Hixikatshriwa hatnu hapote. Hpotukatanru hatnu hapotkaka. Wale tshinanu hpotukatanru hatnu hapkaka.”
4João mkalu camelo pixi kamhikolni, kpixnuru h-cinturão-te couro-mta kamhikolu. Hnijitu tsetseru, wrolha hocha hajeru.
5Jerusalém hajene, Judeia tshijne hajene, hiyrun-koxa ptowruneka Jordão wennestsi hwatshinetka yanwakatlu, hyijnak-tokanuxyawakluna João Batista.
6Waneya ruphujetluna rektunna. Waneya João batiza-tna yine Jordão wenneya.
7Rexinixka João híxona fariseu-ne, saduceu-ne koxa hinanwakamtlu batiza-xikowak-yehi, waneya wane htshina:
— Hixa himnu pixka hixatshinhi, katshinolunhi! Kathe hinkakhi hiwejyawaka Hoyakalu hapnokatle hinatshripa?
8Hkamhanru xako kihleru himaxikowakapa hehchinikanutatka.
9Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.
10Heptshi honra halpokotka hahmunkaka hkastajikowakapa haté hitskihi. Klu tshinanu ptowru hahmuna hektu sahiwleru, kaykako, tshitshmero ruknokko.
João Hiphujetlu Cristo Piranapni
11Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.
12Ruplokapre ralpokota ruplojyawaklu hitataji hkotspalaxyawakapa hipata. Hitataji himrexikowaka hruko rimretakjixinri seyni hipatapni yoxikkona tshitshmeroya hikeklu hohne mnikawnakatupa.
Jesus Batiza-xikowaka Piranapni
13Waneya Jesus Galileia tshijne runya Jordão wenne rapoka João batiza-xyawakaplu.
14Seyni João wan-tshinru:
— Hita haluklu n-batiza-xikowaka pixaya seyni pixlahe hinanwakatno n-batiza-xyawakapyi pixa?
15Waneya Jesus hihita. Wane htshinru:
— Petachatanutshi pchini hohnejiji, hpoyaho hakanhalexyawaka ptowruka Hoyakalu halukanru.
Waneya João koxa hikchikhihlenutlu wan-rixyawaka.
16Waneya hajeyri h-batiza-tkawa Jesus, honha ruchpajyatka waneklukawa tenhohne kotpukka. Waneya Jesus hetlu Hoyakalu Hiwejikaluru motkokoji pixka rixmanemta, rujrukamta, wale hohwaka rapoka.
17Waneya satu tokantshi tenhohne hichpajya, wan-tshinatshri:
— Xyekni Noturu namotleru. Wale poyikowkakno.
Currently Selected:
Mateus 3: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 3
3
João Batista Hinkaklewaxyawaka Piranapni
1Waneklu papko João Batista hapoka, runkaklewakanata kahnete poktshiya, Judeia tshijneya.
2Wane htshinamta:
— Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!
3Hoyakalu tokanu hinkakletatshri, Isaías tshinkalurni yonatlu João pirana, wla htshina: “Kahnete poktshiri saplewaxikatshri tokanu: Halpokotanru Tsru Hixikatshriwa hatnu hapote. Hpotukatanru hatnu hapotkaka. Wale tshinanu hpotukatanru hatnu hapkaka.”
4João mkalu camelo pixi kamhikolni, kpixnuru h-cinturão-te couro-mta kamhikolu. Hnijitu tsetseru, wrolha hocha hajeru.
5Jerusalém hajene, Judeia tshijne hajene, hiyrun-koxa ptowruneka Jordão wennestsi hwatshinetka yanwakatlu, hyijnak-tokanuxyawakluna João Batista.
6Waneya ruphujetluna rektunna. Waneya João batiza-tna yine Jordão wenneya.
7Rexinixka João híxona fariseu-ne, saduceu-ne koxa hinanwakamtlu batiza-xikowak-yehi, waneya wane htshina:
— Hixa himnu pixka hixatshinhi, katshinolunhi! Kathe hinkakhi hiwejyawaka Hoyakalu hapnokatle hinatshripa?
8Hkamhanru xako kihleru himaxikowakapa hehchinikanutatka.
9Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.
10Heptshi honra halpokotka hahmunkaka hkastajikowakapa haté hitskihi. Klu tshinanu ptowru hahmuna hektu sahiwleru, kaykako, tshitshmero ruknokko.
João Hiphujetlu Cristo Piranapni
11Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.
12Ruplokapre ralpokota ruplojyawaklu hitataji hkotspalaxyawakapa hipata. Hitataji himrexikowaka hruko rimretakjixinri seyni hipatapni yoxikkona tshitshmeroya hikeklu hohne mnikawnakatupa.
Jesus Batiza-xikowaka Piranapni
13Waneya Jesus Galileia tshijne runya Jordão wenne rapoka João batiza-xyawakaplu.
14Seyni João wan-tshinru:
— Hita haluklu n-batiza-xikowaka pixaya seyni pixlahe hinanwakatno n-batiza-xyawakapyi pixa?
15Waneya Jesus hihita. Wane htshinru:
— Petachatanutshi pchini hohnejiji, hpoyaho hakanhalexyawaka ptowruka Hoyakalu halukanru.
Waneya João koxa hikchikhihlenutlu wan-rixyawaka.
16Waneya hajeyri h-batiza-tkawa Jesus, honha ruchpajyatka waneklukawa tenhohne kotpukka. Waneya Jesus hetlu Hoyakalu Hiwejikaluru motkokoji pixka rixmanemta, rujrukamta, wale hohwaka rapoka.
17Waneya satu tokantshi tenhohne hichpajya, wan-tshinatshri:
— Xyekni Noturu namotleru. Wale poyikowkakno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil