Mateus 5
5
Jesus Himriji Hinkaklewaxyawaka Piranapni
1Waneya hixolune rexiniklunu Jesus, himriji hkanka, htuplatatka. Waneya rasruklene yanwakatlu.
2Waneya Jesus yinuwaka hasruklewleta, wla htshina:
3— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.
4— Poyikowatatshinni xye hohne wamonuwatatshine Hoyakalu tshinanu poyikotahchinikanutshinepa.
5— Poyikowatatshinni mayohone klu tshinanu Hoyakalu henekanna xye tshijne psoluka.
6— Poyikowatatshinni Hoyakalu halujyawaka hijhapotutatshine natshitatshine hiyrunu honnuhatewatatshine pixka klu tshinanu jinanurune pixkalunepni Hoyakalu tshinanu.
7— Poyikowatatshinni jetwamonuklerune klu tshinanu Hoyakalu hetwamonutanna wanna.
8— Poyikowatatshinni powra hchinikanurune klu tshinanu retanruna Hoyakalu wale yehiya.
9— Poyikowatatshinni jejine himat-hiykokakatshine kihle hwachlu rixkakna klu tshinanu wanna Hoyakalu whenene htshinkona.
10— Poyikowatatshinni salewnatshine Hoyakalu halukanru hkamhiywaka tshinanna klu tshinanu tenhohne pohirewaxyawaka wannanutkani.
11— Poyikowatatshinephi hixa, pimrine hapaxiniklunhi, ho pimrine saletkajiniklunhi ho hma mixyawakanu hweyawyehixiniklunna, nomkahitjene hixyawaka tshinanu.
12Waneko pixka rix-salewnaletnina mitshikawa hiwekakanatatshinni Hoyakalu tokanu hinkakletatshinni. Hpoyikowatanu, himuwatan-koxa klu tshinanu himlujikolu tsru potuko hyoptotanu Hoyakalu yehiya.
Tuwu Piranapni
13— Hixa xye tshijne tuwre pixkalunhi. Seyni hma tuwrenuklunutka tuwu, kluneru tuwutkotnaka? Hike kihleyatkalu seyni ruknokachatkatka yine katsrexyawaklu.
Katalu Piranapni
14— Hixa xye tshiji katale pixkalunhi. Poktshi teno mriji hwatshri hi himukata yohimletka. Waneko pixka hix-hixa katalu pixkalunhi, hixa hi himukata yohimameroletka.
15Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu.
16Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.
Jesus Poyahokajyawaklu Moisés Hiykole Yonatkaluru Piranapni
17— Hi hkahwakanru nuna xye tshijne Moisés yonreru pirana ho Hoyakalu tokanu hinkakletatshinni yonreru pirana nnikaxyawakapa seyni nuna npoyahokajyawakapna.
18Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.
19Hiyáhoni katukta majnakowaxinri satu hiykolejijipka, hiyrunu rasrujinri satu waneko pixka rix-majnakowlexini, wale jeji mujhapotkotu htshinko tenhohne pohirewaxyawakaya. Seyni katukta kamhajetlu hiyrunu rasrukjetlu xye hiykolukaka wale jeji hijhakalur-potu hkahwakka tenhohne pohirewaxyawakaya.
20Klu tshinanu wane ntshinhi, fariseu-ne hiyrunu kasruklewaklerune hinanchitkaluru pirana hasruklewatatshine kamrure yohnik-potuknurutu hma kamhaknuklunu tenhohne pohirewaxyawaka hi himukata jihlokleta.
Hahnanuwlu Piranapni
21— Hixa jemlu mitshikawluru pirana wan-tshinatshri: “Hi puylalewatanu.” Hiyrun-koxa “hiylalewatatshri hikolukanuwnayehitko.”
22Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.
23Hiyáhoni penekachle panijinri papko, puchinijinri satu pimole pa hixanu hektuwaka htshinanwakaxinyi,
24penekachle henekachalu yoxijikowaka hinaple putakachatanrutshi waneya mitshikananhapka pyanwakatanru pimole, pimatletapanutkalu. Wane pnute psatkapanu yoxijikowaka yehi, penekachle penekanru Hoyakalu.
25— Satu yineru jihyehixinipyi waneya jemahchinikanjexikowak-yehi hyamtkako pchini puhlehapkamtanru wale pirana, heta mayxaklerewatatshri hetanu hma manikkanuklunupyi waneya heta mayxaklerewatatshri kapna yochmaklewjetatshri hma menejyawakanupyi, kapna hitaklewjetatshri kapna mutajyawakanupyi.
26Halikaka ntshinyi, kapna putakkoklunupa hi puchpakanu tiyiro ralujyawaka pso pma menekkanuko pchinika.
Himopatlewlu Pirana
27— Hixa jematkalu mitshikawluru pirana wan-tshinatshri: “Hi pimopatlewatanu.”
28Seyni hita wan-tshinhi: katukta sato suxo hexini waneya ret-tsotanuxinro, rimopatlewatatka hihchinikanuya.
29Piyhale tshinanu pumtuwnini, poplikanru, puknokanru. Klu tshinanu pimane psojite pamtajini pot-kihleyi psol-maneko tshitshmero yehi hma muknojyawakanupa.
30Hiyrun-koxa pimyo tshinanu pumtuwnini, pkastakanru, puknokanru. Klu tshinanu kihle potlu pimane psojite pamtajini, psol-maneko tshitshmero yehi hma muknojikowakanupa.
31— Hixa himatlu Hoyakalu tokanu wan-tshinatshri: “Katukta hichohnunroxini, renekanro papel-mta ruchohnunroxyawaka piran-yehi.”
32Seyni hita wan-tshina: Katukta hichohnunrota, hapoklewlu tshinanu minje, rimopatkaklo hhanunro. Hiyrun-koxa katukta hhanunrotlo hichotkaluro rimopatlewata.
Hinkaklexyalu Pirana
33— Hiyrunukotnaka hixa himatlu Hoyakalu wan-tshinna wutsrukatenni, wla htshinna: “Hi pkachrijetanru ptshinyawakatka seyni halikaka pkamhanru ptshinyawakatkalu Tsru Hixikatshriwa Hoyakalu.”
34Seyni hita wan-tshinhi: Hike hiwakako hmunanhanu. Hi tenhohne hiwakako hmunanhanu klu tshinanu tenhohne honra Hoyakalu tuplaxyawakni.
35Hi tshiji hiwakako hmunanhanu klu tshinanu tshiji honra Hoyakalu hitspakajixiwakleni. Hi Jerusalém poktshi hiwakako hmunanhanu klu tshinanu tsru phuru potuko Hoyakalu poktshitekni wale.
36Hi hixako hijiwu tshinanu halixkowata klu tshinanu hixa hi himukata klatalu hixkakletlu pa jiwutsakna, ho hsajiwkaklu.
37Seyni hehe ho hike htshinini, hi satu pa hixanu hyokajinri. Klu tshinanu pa hixanu hyokajinri kamtshi runya.
Hi Hahnanutanna Hmukchikhihlenutjene Piranapni
38— Hixa jematkalu mitshikawluru pirana wla tshinatshri: “Yhaltshi, yhaltshikakluko. Yhitshi, yhitshikakluko.”
39Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.
40Hiyrun-koxa satu haluk-haniklexinipyi hetamayxaklerewatatshri yehi p-capa-te hkonyawakapa pimkal-koxa hi ptshipexinri.
41Ho satu soldado romano-neru hwunru hitjijixinipyi satu quilômetro pchini, hiyrunu satu quilômetro putjitanru.
42Satu yineru pa hixanu hanjixinyi, penekanru. Hiyrun-koxa katukta pa hixanu haluk-haniklechaxyayi, penekanru.
Hkamnitjene Hamoxyawaka Piranapni
43— Hixa jematkalu mitshikawluru pirana wla tshinatshri: “Puchinikanru pimwastsireru hiyrun-koxa pahnanutanru pkamnitjeru.”
44Seyni hita wan-tshinyi: Hichinikanna hkamnitjene. Hanjihohneyehitanna hsaletjene.
45Pimrine himaxyawaka tenhohne hajeru hiru Hoyakalu whenenetkahi. Klu tshinanu Hoyakalu hichpakaklu htkatshne muhlene tshinanu, kihlerune tshinan-koxa. Hiyrun-koxa hyokanatlu hina poyahokakatshine yehi, mpoyahokkakane yehi koxa.
46Ha puchinikjene tsonu pamoxinipa, kluneru pkahwaka yoptolexnawa Hoyakalu yehiya? Hi he waneko pixka rixjetna jijhawenruklerune?
47Ha himolepka halijinipa, hike hkamha pimrine pnute. Hi he moyakaluten-koxa wan-rixjetna?
48Hiyáhoni potukalunephi, hixa hiru tenhohne hajeru pixka.
Currently Selected:
Mateus 5: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 5
5
Jesus Himriji Hinkaklewaxyawaka Piranapni
1Waneya hixolune rexiniklunu Jesus, himriji hkanka, htuplatatka. Waneya rasruklene yanwakatlu.
2Waneya Jesus yinuwaka hasruklewleta, wla htshina:
3— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.
4— Poyikowatatshinni xye hohne wamonuwatatshine Hoyakalu tshinanu poyikotahchinikanutshinepa.
5— Poyikowatatshinni mayohone klu tshinanu Hoyakalu henekanna xye tshijne psoluka.
6— Poyikowatatshinni Hoyakalu halujyawaka hijhapotutatshine natshitatshine hiyrunu honnuhatewatatshine pixka klu tshinanu jinanurune pixkalunepni Hoyakalu tshinanu.
7— Poyikowatatshinni jetwamonuklerune klu tshinanu Hoyakalu hetwamonutanna wanna.
8— Poyikowatatshinni powra hchinikanurune klu tshinanu retanruna Hoyakalu wale yehiya.
9— Poyikowatatshinni jejine himat-hiykokakatshine kihle hwachlu rixkakna klu tshinanu wanna Hoyakalu whenene htshinkona.
10— Poyikowatatshinni salewnatshine Hoyakalu halukanru hkamhiywaka tshinanna klu tshinanu tenhohne pohirewaxyawaka wannanutkani.
11— Poyikowatatshinephi hixa, pimrine hapaxiniklunhi, ho pimrine saletkajiniklunhi ho hma mixyawakanu hweyawyehixiniklunna, nomkahitjene hixyawaka tshinanu.
12Waneko pixka rix-salewnaletnina mitshikawa hiwekakanatatshinni Hoyakalu tokanu hinkakletatshinni. Hpoyikowatanu, himuwatan-koxa klu tshinanu himlujikolu tsru potuko hyoptotanu Hoyakalu yehiya.
Tuwu Piranapni
13— Hixa xye tshijne tuwre pixkalunhi. Seyni hma tuwrenuklunutka tuwu, kluneru tuwutkotnaka? Hike kihleyatkalu seyni ruknokachatkatka yine katsrexyawaklu.
Katalu Piranapni
14— Hixa xye tshiji katale pixkalunhi. Poktshi teno mriji hwatshri hi himukata yohimletka. Waneko pixka hix-hixa katalu pixkalunhi, hixa hi himukata yohimameroletka.
15Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu.
16Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.
Jesus Poyahokajyawaklu Moisés Hiykole Yonatkaluru Piranapni
17— Hi hkahwakanru nuna xye tshijne Moisés yonreru pirana ho Hoyakalu tokanu hinkakletatshinni yonreru pirana nnikaxyawakapa seyni nuna npoyahokajyawakapna.
18Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.
19Hiyáhoni katukta majnakowaxinri satu hiykolejijipka, hiyrunu rasrujinri satu waneko pixka rix-majnakowlexini, wale jeji mujhapotkotu htshinko tenhohne pohirewaxyawakaya. Seyni katukta kamhajetlu hiyrunu rasrukjetlu xye hiykolukaka wale jeji hijhakalur-potu hkahwakka tenhohne pohirewaxyawakaya.
20Klu tshinanu wane ntshinhi, fariseu-ne hiyrunu kasruklewaklerune hinanchitkaluru pirana hasruklewatatshine kamrure yohnik-potuknurutu hma kamhaknuklunu tenhohne pohirewaxyawaka hi himukata jihlokleta.
Hahnanuwlu Piranapni
21— Hixa jemlu mitshikawluru pirana wan-tshinatshri: “Hi puylalewatanu.” Hiyrun-koxa “hiylalewatatshri hikolukanuwnayehitko.”
22Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.
23Hiyáhoni penekachle panijinri papko, puchinijinri satu pimole pa hixanu hektuwaka htshinanwakaxinyi,
24penekachle henekachalu yoxijikowaka hinaple putakachatanrutshi waneya mitshikananhapka pyanwakatanru pimole, pimatletapanutkalu. Wane pnute psatkapanu yoxijikowaka yehi, penekachle penekanru Hoyakalu.
25— Satu yineru jihyehixinipyi waneya jemahchinikanjexikowak-yehi hyamtkako pchini puhlehapkamtanru wale pirana, heta mayxaklerewatatshri hetanu hma manikkanuklunupyi waneya heta mayxaklerewatatshri kapna yochmaklewjetatshri hma menejyawakanupyi, kapna hitaklewjetatshri kapna mutajyawakanupyi.
26Halikaka ntshinyi, kapna putakkoklunupa hi puchpakanu tiyiro ralujyawaka pso pma menekkanuko pchinika.
Himopatlewlu Pirana
27— Hixa jematkalu mitshikawluru pirana wan-tshinatshri: “Hi pimopatlewatanu.”
28Seyni hita wan-tshinhi: katukta sato suxo hexini waneya ret-tsotanuxinro, rimopatlewatatka hihchinikanuya.
29Piyhale tshinanu pumtuwnini, poplikanru, puknokanru. Klu tshinanu pimane psojite pamtajini pot-kihleyi psol-maneko tshitshmero yehi hma muknojyawakanupa.
30Hiyrun-koxa pimyo tshinanu pumtuwnini, pkastakanru, puknokanru. Klu tshinanu kihle potlu pimane psojite pamtajini, psol-maneko tshitshmero yehi hma muknojikowakanupa.
31— Hixa himatlu Hoyakalu tokanu wan-tshinatshri: “Katukta hichohnunroxini, renekanro papel-mta ruchohnunroxyawaka piran-yehi.”
32Seyni hita wan-tshina: Katukta hichohnunrota, hapoklewlu tshinanu minje, rimopatkaklo hhanunro. Hiyrun-koxa katukta hhanunrotlo hichotkaluro rimopatlewata.
Hinkaklexyalu Pirana
33— Hiyrunukotnaka hixa himatlu Hoyakalu wan-tshinna wutsrukatenni, wla htshinna: “Hi pkachrijetanru ptshinyawakatka seyni halikaka pkamhanru ptshinyawakatkalu Tsru Hixikatshriwa Hoyakalu.”
34Seyni hita wan-tshinhi: Hike hiwakako hmunanhanu. Hi tenhohne hiwakako hmunanhanu klu tshinanu tenhohne honra Hoyakalu tuplaxyawakni.
35Hi tshiji hiwakako hmunanhanu klu tshinanu tshiji honra Hoyakalu hitspakajixiwakleni. Hi Jerusalém poktshi hiwakako hmunanhanu klu tshinanu tsru phuru potuko Hoyakalu poktshitekni wale.
36Hi hixako hijiwu tshinanu halixkowata klu tshinanu hixa hi himukata klatalu hixkakletlu pa jiwutsakna, ho hsajiwkaklu.
37Seyni hehe ho hike htshinini, hi satu pa hixanu hyokajinri. Klu tshinanu pa hixanu hyokajinri kamtshi runya.
Hi Hahnanutanna Hmukchikhihlenutjene Piranapni
38— Hixa jematkalu mitshikawluru pirana wla tshinatshri: “Yhaltshi, yhaltshikakluko. Yhitshi, yhitshikakluko.”
39Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.
40Hiyrun-koxa satu haluk-haniklexinipyi hetamayxaklerewatatshri yehi p-capa-te hkonyawakapa pimkal-koxa hi ptshipexinri.
41Ho satu soldado romano-neru hwunru hitjijixinipyi satu quilômetro pchini, hiyrunu satu quilômetro putjitanru.
42Satu yineru pa hixanu hanjixinyi, penekanru. Hiyrun-koxa katukta pa hixanu haluk-haniklechaxyayi, penekanru.
Hkamnitjene Hamoxyawaka Piranapni
43— Hixa jematkalu mitshikawluru pirana wla tshinatshri: “Puchinikanru pimwastsireru hiyrun-koxa pahnanutanru pkamnitjeru.”
44Seyni hita wan-tshinyi: Hichinikanna hkamnitjene. Hanjihohneyehitanna hsaletjene.
45Pimrine himaxyawaka tenhohne hajeru hiru Hoyakalu whenenetkahi. Klu tshinanu Hoyakalu hichpakaklu htkatshne muhlene tshinanu, kihlerune tshinan-koxa. Hiyrun-koxa hyokanatlu hina poyahokakatshine yehi, mpoyahokkakane yehi koxa.
46Ha puchinikjene tsonu pamoxinipa, kluneru pkahwaka yoptolexnawa Hoyakalu yehiya? Hi he waneko pixka rixjetna jijhawenruklerune?
47Ha himolepka halijinipa, hike hkamha pimrine pnute. Hi he moyakaluten-koxa wan-rixjetna?
48Hiyáhoni potukalunephi, hixa hiru tenhohne hajeru pixka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil