Mateus 8
8
Hijirohitutatshri Rutskalajyawaka Jesus Piranapni
1Waneya Jesus himriji serpika, hixolune yine homkahitlu.
2Waneya satu hijirohitutatshri yanwakatlu Jesus. Hyoptsojityehitlu Jesus, tshiji rutspakhojita waneya jeji wan-tshinru Jesus:
— Palujiniplu pumukata hitskalakletno.
3Waneya Jesus homyokanwakatlu. Hkamruklu. Waneya Jesus wan-tshinru:
— Hehe, naluka. Putskalakkatka.
Waneklukawa potuko rujirhitle ramhiyatka, rutskalhatka.
4Waneya Jesus hijretlu wla htshinru:
— Petanu. Hike punkakanu seyni pyanutka. Sacerdote pekhimantapinwa putskalhinrixka. Waneya panikanru henekachalu henekawaka nwaka Moisés yonreru tshinyawaka pixka pimrine himaxyawakaplu putskalhiywakatka.
Jesus Hitskalajyawaklu Soldado Pohire Towreru Piranapni
5Jesus Cafarnaum poktshi hapojiniklunu, satu soldado-ne pohire yanwakatlu, ranjitlu repixyawakaplu.
6Wla htshinru Jesus:
— Tsru Hixikatshriwa, ntowreru hiktehatshri hikóluha nopjiya. Hsalewnapotutana.
7Waneya Jesus wan-tshinru:
— Wane nyanu, nutskalajyawakaplu.
8Waneya soldado-ne pohire wla tshina:
— Tsru Hixikatshriwa, hita hike kochpakatshrino nopji potuko pjihlojyawakapa. Seyni pyanumanwakachatanru, ntowreru hitskalhanu.
9Klu tshinanu hit-koxa k-chefe-tno, towutkalurno. Wanepnawaka soldado-ne ntowuta. Satu wane ntshina —“pyanutka” — hiyáhoni hya. Satutnaka wane ntshinru:
— “puna” — hiyáhoni runanwakatno. Ntowreru koxa wane ntshininri: — “xye pkamhanu” — hkamhanru.
10Waneya xye pirana hjemini Jesus, rimyeka. Waneya wane htshinatkana hixolune yine romkahikanatjene:
— Halikaka wane ntshinhi hi israel-nerune tskalako nexyalu xye pixkalutu halixlu.
11Wane ntshinhi hixolune yine hinanu, tkatshi hichpajyawaka sreta, rimxijyawaka sreta, ruchpajinna. Nikjexikowak-yehi tenhohne pohirewaxyawaka hwatshri htuplatanna Abraão-ni, Isaque-ni, hiyrunu Jacó-niyma tenhohne pohirewaxyawaka.
12Seyni pohirewaxyawaka whenene hiknokkalunenapni maleka sreta hwininapa mapchahawakaya waneya rawanu tsru tshiyahlu haskiyhiru koxa.
13Waneya Jesus wla tshinru soldado-ne pohire:
— Pyanutka! Palixle tshinanu panjireru hakanhanu.
Waneya waneklukawa potuko rutskalhatka htowreru.
Jesus Hitskalajyawaklo Pedro Himajiro Piranapni
14Jesus Pedro-pji jihlojinixka, retlo Pedro himajiro, tukoluhakanata tpatshwapotuta.
15Waneya hkachimyotlo tutuk-patshwalemtatka, tyotunomtatka tyinuwaka yomhaletlu.
Pimrinkaka Rutskalajyawaka Jesus Piranapni
16Kayi rixinixka rimxijinixka tkatshi hixolune kkamtshiterune ranikanwakatluna. Waneya Jesus kamtshine maleka ruknoka htokanu tsonuyma hiyrunu ptowruneka yeyixatshine rutskalaka.
17Wan-rixa hpoyahokajyawakapa ptowruka htshinyawaka Hoyakalu tokanu hinkakletatshri Isaías-ni, mitshikawluru tokanu wla htshina: “Wanepnawaka wahijewaklu ranikkatka, raniklu wwamonnu.”
Satkaka Jesus Homkahpiratatshinemka Piranapni
18Waneya Jesus hixolune yine walestsi hajene rexiniklunu, wenu hkopruhajixatkana rasruklene.
19Waneya satu kasruklewakleru hinanchitkaluru pirana hasruklewatatshri yanwakatlu Jesus, wla htshina:
— Kasruklewakleru, hanuktako pyanu pixa nimotsatanyi hita.
20Waneya Jesus wla tshinru jeji:
— Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.
21Waneya satu jejitnaka wla tshinru Jesus:
— Tsru Hixikatshriwa, pitshitanno mitshikananhapkatshi nsatkapamtanu. Nurutshi nkapnamtanu.
22Seyni Jesus wla tshinru:
— Pomkahitanno hita. Petachatanna hipnatshinekakluko kapnakajyawaka.
Jesus Hitukkajyawaklu Tsru Kanniphalu Tsru Powhaya Piranapni
23Waneya kanawa hpokowna Jesus, rasruklene homkahitlu.
24Chinpotukawa tsru kanniphalu yopyoka tsru powhaya. Hiplojha tsepohjetlo kanawa. Seyni Jesus himkakananumta.
25Waneya rasruklene yanwakatlu Jesus, hkomyekluna wane htshinruna:
— Tsru Hixikatshriwa, pepixanunwu. Wupnahetkotanuna!
26Waneya Jesus wla tshinna:
— Klu tshinanhe hpikatka hixa pso halixle jijirunhi?
Waneya hyotunota htshihetjetlu kanniphalu. Pokokha rixatka hipowha.
27Hiyáhoni hi rimat-hichinikanuwatna waleymalune waneya wane htshinna:
— Han-hixatshri koxni xye jeji? Haté kanniphalu hipowha koxa yijnakotlu.
Jesus Yokanaxyawakna Kamtshine Kkamtshiterune Ruchpajyawakna Piranapni
28Waneya Jesus pa sreta wnahlu Gadara tshijne rapojinixka hepi jejine kkamtshiterune hyoptota. Wanna yomletsh-yehi ruchpajyatkana. Hike himukata hiknohlehapota hmatsyinna tshinanu.
29Waneya wane htshin-saplewletna kkamtshiterune:
— Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?
30Hi howukatkana hixoluru porco, hnikakanatna.
31Waneya kamtshine hipokananu hanjitlu Jesus wane htshinruna:
— Porco-ne mane pyokanatanunwu wanna mane wjihlojyawakanapa.
32Hiyáhoni Jesus wan-tshinna:
— Hichpakanutka!
Waneya ruchpakamtatkana kamtshine. Porco-ne mane hitokote hjihlokamtatkana. Waneya hixolunni porco-nni hipjita hijrujyanatka. Hipowha rapokanna waneya hipowha rahyejyanna.
33Waneya porco-ne hinotatshine hasukamta tsru poktshi rapokna. Runkaklewatna ptowruka kkamtshithixapatshine pirana.
34Hiyáhoni wane poktshi hajene ptowruneka hinamta retapyawakapluna Jesus. Seyni rexiniklunruna, hipokananu ranjitluna wanna tshijne ruchpajyawakapa.
Currently Selected:
Mateus 8: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 8
8
Hijirohitutatshri Rutskalajyawaka Jesus Piranapni
1Waneya Jesus himriji serpika, hixolune yine homkahitlu.
2Waneya satu hijirohitutatshri yanwakatlu Jesus. Hyoptsojityehitlu Jesus, tshiji rutspakhojita waneya jeji wan-tshinru Jesus:
— Palujiniplu pumukata hitskalakletno.
3Waneya Jesus homyokanwakatlu. Hkamruklu. Waneya Jesus wan-tshinru:
— Hehe, naluka. Putskalakkatka.
Waneklukawa potuko rujirhitle ramhiyatka, rutskalhatka.
4Waneya Jesus hijretlu wla htshinru:
— Petanu. Hike punkakanu seyni pyanutka. Sacerdote pekhimantapinwa putskalhinrixka. Waneya panikanru henekachalu henekawaka nwaka Moisés yonreru tshinyawaka pixka pimrine himaxyawakaplu putskalhiywakatka.
Jesus Hitskalajyawaklu Soldado Pohire Towreru Piranapni
5Jesus Cafarnaum poktshi hapojiniklunu, satu soldado-ne pohire yanwakatlu, ranjitlu repixyawakaplu.
6Wla htshinru Jesus:
— Tsru Hixikatshriwa, ntowreru hiktehatshri hikóluha nopjiya. Hsalewnapotutana.
7Waneya Jesus wan-tshinru:
— Wane nyanu, nutskalajyawakaplu.
8Waneya soldado-ne pohire wla tshina:
— Tsru Hixikatshriwa, hita hike kochpakatshrino nopji potuko pjihlojyawakapa. Seyni pyanumanwakachatanru, ntowreru hitskalhanu.
9Klu tshinanu hit-koxa k-chefe-tno, towutkalurno. Wanepnawaka soldado-ne ntowuta. Satu wane ntshina —“pyanutka” — hiyáhoni hya. Satutnaka wane ntshinru:
— “puna” — hiyáhoni runanwakatno. Ntowreru koxa wane ntshininri: — “xye pkamhanu” — hkamhanru.
10Waneya xye pirana hjemini Jesus, rimyeka. Waneya wane htshinatkana hixolune yine romkahikanatjene:
— Halikaka wane ntshinhi hi israel-nerune tskalako nexyalu xye pixkalutu halixlu.
11Wane ntshinhi hixolune yine hinanu, tkatshi hichpajyawaka sreta, rimxijyawaka sreta, ruchpajinna. Nikjexikowak-yehi tenhohne pohirewaxyawaka hwatshri htuplatanna Abraão-ni, Isaque-ni, hiyrunu Jacó-niyma tenhohne pohirewaxyawaka.
12Seyni pohirewaxyawaka whenene hiknokkalunenapni maleka sreta hwininapa mapchahawakaya waneya rawanu tsru tshiyahlu haskiyhiru koxa.
13Waneya Jesus wla tshinru soldado-ne pohire:
— Pyanutka! Palixle tshinanu panjireru hakanhanu.
Waneya waneklukawa potuko rutskalhatka htowreru.
Jesus Hitskalajyawaklo Pedro Himajiro Piranapni
14Jesus Pedro-pji jihlojinixka, retlo Pedro himajiro, tukoluhakanata tpatshwapotuta.
15Waneya hkachimyotlo tutuk-patshwalemtatka, tyotunomtatka tyinuwaka yomhaletlu.
Pimrinkaka Rutskalajyawaka Jesus Piranapni
16Kayi rixinixka rimxijinixka tkatshi hixolune kkamtshiterune ranikanwakatluna. Waneya Jesus kamtshine maleka ruknoka htokanu tsonuyma hiyrunu ptowruneka yeyixatshine rutskalaka.
17Wan-rixa hpoyahokajyawakapa ptowruka htshinyawaka Hoyakalu tokanu hinkakletatshri Isaías-ni, mitshikawluru tokanu wla htshina: “Wanepnawaka wahijewaklu ranikkatka, raniklu wwamonnu.”
Satkaka Jesus Homkahpiratatshinemka Piranapni
18Waneya Jesus hixolune yine walestsi hajene rexiniklunu, wenu hkopruhajixatkana rasruklene.
19Waneya satu kasruklewakleru hinanchitkaluru pirana hasruklewatatshri yanwakatlu Jesus, wla htshina:
— Kasruklewakleru, hanuktako pyanu pixa nimotsatanyi hita.
20Waneya Jesus wla tshinru jeji:
— Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.
21Waneya satu jejitnaka wla tshinru Jesus:
— Tsru Hixikatshriwa, pitshitanno mitshikananhapkatshi nsatkapamtanu. Nurutshi nkapnamtanu.
22Seyni Jesus wla tshinru:
— Pomkahitanno hita. Petachatanna hipnatshinekakluko kapnakajyawaka.
Jesus Hitukkajyawaklu Tsru Kanniphalu Tsru Powhaya Piranapni
23Waneya kanawa hpokowna Jesus, rasruklene homkahitlu.
24Chinpotukawa tsru kanniphalu yopyoka tsru powhaya. Hiplojha tsepohjetlo kanawa. Seyni Jesus himkakananumta.
25Waneya rasruklene yanwakatlu Jesus, hkomyekluna wane htshinruna:
— Tsru Hixikatshriwa, pepixanunwu. Wupnahetkotanuna!
26Waneya Jesus wla tshinna:
— Klu tshinanhe hpikatka hixa pso halixle jijirunhi?
Waneya hyotunota htshihetjetlu kanniphalu. Pokokha rixatka hipowha.
27Hiyáhoni hi rimat-hichinikanuwatna waleymalune waneya wane htshinna:
— Han-hixatshri koxni xye jeji? Haté kanniphalu hipowha koxa yijnakotlu.
Jesus Yokanaxyawakna Kamtshine Kkamtshiterune Ruchpajyawakna Piranapni
28Waneya Jesus pa sreta wnahlu Gadara tshijne rapojinixka hepi jejine kkamtshiterune hyoptota. Wanna yomletsh-yehi ruchpajyatkana. Hike himukata hiknohlehapota hmatsyinna tshinanu.
29Waneya wane htshin-saplewletna kkamtshiterune:
— Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?
30Hi howukatkana hixoluru porco, hnikakanatna.
31Waneya kamtshine hipokananu hanjitlu Jesus wane htshinruna:
— Porco-ne mane pyokanatanunwu wanna mane wjihlojyawakanapa.
32Hiyáhoni Jesus wan-tshinna:
— Hichpakanutka!
Waneya ruchpakamtatkana kamtshine. Porco-ne mane hitokote hjihlokamtatkana. Waneya hixolunni porco-nni hipjita hijrujyanatka. Hipowha rapokanna waneya hipowha rahyejyanna.
33Waneya porco-ne hinotatshine hasukamta tsru poktshi rapokna. Runkaklewatna ptowruka kkamtshithixapatshine pirana.
34Hiyáhoni wane poktshi hajene ptowruneka hinamta retapyawakapluna Jesus. Seyni rexiniklunruna, hipokananu ranjitluna wanna tshijne ruchpajyawakapa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil