Marcos 15
15
Pilatos Yehi Ranijyawakluna Jesus Piranapni
1Waneya yetshpotukawa rapatjetna judeu-ne tsrukakalune, tsru hixikatshinwa sacerdote-ne, hiyrun-koxa kasruklewaklerune hinanchitkaluru pirana hasruklewatatshine. Rapatjehchinikanutna ptowruneka judeu chefe-teneyma. Rostutluna Jesus, waneya ranikluna phuru Pilatos renejyawakapluna.
2Waneya phuru Pilatos hepomhalu:
— Pixlahe judeu-nerune pohiryi?
Waneya Jesus hihitlu, wane htshina:
— Pixako wan-tshina.
3Waneya tsru hixikatshinwa sacerdote-ne hixo jihyehixikolu htshinyehitluna Jesus.
4Waneya phuru Pilatos hiyrunuko hepomhatnaklu:
— Hi he puhitanu? Petanu hi heppika hima htshinyehityina!
5Hiyrunuko Jesus hi hihita. Hiyáhoni phuru Pilatos himyeka.
6Tsru niklu hohne tshinanu phuru Pilatos hasruhlu satu preso hajeru hichoxyawaka, yine nurrer-potuko.
7Waneklu papko satu jeji Barrabás tshinkaluru preso hwa. Waleymalune poktshi tsrukakalutene hkamnikanaxyawakna klu papko ruylalenni tshinanu kapna rutakkana.
8Waneya hixolune hapokanwakatlu phuru Pilatos waneya hyinuwaka hanjiretluna renejyawakluna satu preso hajeru hasruha hixlexyawaka pixka.
9Waneya phuru Pilatos hepomha, wla htshinna:
— Halukhe nuchoxyawaklu judeu pohire?
10Klu tshinanu rimata tsru hixikatshinwa sacerdote-ne hhahxalna tshinanu raluka kachretluna Jesus.
11Seyni tsru hixikatshinwa sacerdote-ne komyekna yine Pilatos ranjixyawakapna hma muchoxyawakanuplu Jesus seyni Barrabás halikaka ruchoxyawakapa.
12Waneya phuru Pilatos hiyrunuko hepomhatnaka:
— Kluhe haluka nkamhiywaklu xye jeji judeu-ne pohire htshinreru hixa?
13Waneya hsaplewatna yine, wla htshinna:
— Cruz putakanru!
14Waneya phuru Pilatos hepomhanna:
— Seyni kluhe hektutu hkamha?
Seyni hiyrunuko hsaplewpotuthonukna:
— Cruz putakanru! Cruz putakanru!
15Pilatos haluk-himuwkakletna yine hiyáhoni ruchoxyaluna Barrabás. Waneya hkotshipjejixluna Jesus katsaluya. Waneya reneklu cruz rutajyawakapluna.
Soldado-ne Heyijyawaklu Jesus Piranapni
16Waneya soldado-ne haniklu Jesus phurupji hanikajite hwapututatshri. Waneya soldado-ne ptowruneka wane hapatjexya.
17Waneya mkatshri serolu hmakatluna Jesus. Sahyi kawchiriplu kamhikolu hijiwu rutakna.
18Hyinuwaka halikletluna wla htshinna:
— Hali judeu-ne Tsru Hixikatshriwate!
19Rutpejiwutluna hahajeya, rutskahjetluna waneya hyoptsojityehitluna rimalwuhotluna.
20Rali heyiklexinixkaluna, mkatshri serolu hkomkahluna waneya waleko himkalu rutakleru hmakatatnakluna. Waneya ranikluna cruz rutajyawakapluna ruylaxikowakapa.
Simão Tshinkaluru Hanijyawaklu Jesus Cruz-te Piranapni
21Waneya hatnu hapo hyoptoxyaluna satu jeji Simão tshinkaluru Cirene poktshi hajeru, Alexandre hiyrunu Rufo hirni. Campo ruchpajya tsru poktshi hyamta. Waneya cruz rutjikakluna.
Cruz Rutajikowakapa Jesus Piranapni
22Waneya Calvário tshinikowaka ranikluna Jesus. (Wale tokantshi yokakkaluru, yineru jiwuta pixkalutu yehi.)
23Raluk-hitletmakluna vinagre-ha, mirra yapjerha seyni hi rurlu.
24Waneya cruz rutakluna. Waneya himkalu hkanipretna wannakakluko. Hiknokkaluru ruknokna soldado-ne rimaxyawakapna katu kayatanru Jesus-ni mkalu.
25Hohohne nove horas cruz rutakka Jesus.
26Sato tábua cruz-stsipto hixpatka Jesus jihyehixikolu pirana. Wla htshin-yonhata: “Xyeni Jesus judeu-ne pohire.”
27Hiyrun-koxa katshowhurune hepi wan-rutakna. Satu Jesus potukle sretate rutakka. Satu pa sta sreta hitakka.
28[Wan-rixa poyahokakletka Hoyakalu tokanu yonatkaluru wan-tshinatshri: “Hektutu kkamhakleruneymalutu hkahwajikolupa wale.”]
29Hiknohatshin-koxa hektutu tshinanwakatlu, ruwnownojiwyehitluna. Wla htshina heyikletluna:
— Ha! Pix-hima kopalatanru Hoyakalupji waneya map-hohne ppanawatanutnaka.
30Hiyáhoni cruz pkochpajinwa! Piwekkajinwa!
31Tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine heyik-koxlu. Waneya wla htshinna:
— Pimrine riwekkaka seyni hi rumukata wale nanuko hiwekkaklexnawa.
32 Messias, Israel pohire pixini, cruz pkochpajinwa wexyawakapa walixyawakapyi.
Jesus-yma cruz hitakkalune waneko pixka rixa heyikletkoxluna.
Jesus Hipninri Piranapni
33Waneya hanikaj-hohnetkani rutshpokatka, três horas pchinika psol-tshijneka hitshpoka.
34Waneya kayi nwaka mapa horas rixinixka Jesus wla tshin-saplewleta:
— “Eloi, Eloi, lamá sabactâni?”
Wale tokantshi yokakkaluru: “Noyakalute, Noyakalute, haklu pumuknokanno?”
35Waneya satkaka wane hwakanatatshine jemlu xye hima waneya wla htshinna:
— Hjemanu! Elias-ni htomha!
36Satu jeji hasukamta kamkolu ruhajyawakapa. Vinagre-ha rutaka, hahajestsipto rutaklu, Jesus rurjixlu. Waneya wla htshina:
— Hkahwakanu! Weteru ho Elias-ni cruz-lhe kochpajinru ho hike.
37Seyni Jesus hipokananu saplewatatka waneya rupnanatka.
38Waneya mkatshri sama Hoyakalupji hwatshrini hiskakana hepi tshraj-samanru, teno haté tshiji ruskajyanatka.
39Waneya romano-neru soldado-ne pohire cruz sreta hwakanatatshri jeminixkalu hsaplewle hiyrunu rexinixkalu wan-rixa hipnaletatka Jesus-ni waneya wla htshina:
— Halikakni xye jeji honnira Hoyakalu whenni.
40Satkaka suxo wane koxa hwakanata. Howuka rexyana. Wannayma rawakanatna Maria Madalena tshinkaluro, Salomé tshinkaluro hiyrunu Maria tshinkaluro, José hiyrunu Tiago Hepurtshi tshinkaluru hinro.
41Nyi suxone Galileia rawakanaxini Jesus, romkahjekanatluna ruslahjekanatluna. Wane koxna hixo pimrone wannaymalune Jesus Jerusalém nwaka himotsatatshine.
Jesus Kapnaxikolu Piranapni
42Halpokotkalur-hohnetkani, waleni hapnanuxikalur-hohne hnapu hajeru,
43waneya rutshpokpiraxini rapokatka José, Arimateia hajeru. Wale yineru hijhakalurni, tsru jemahchinikankakatshine yehi hajerni. Hiyrunu Hoyakalu pohirewaxyawaka kahwakatshrini. Htseruwahchinikanumta ranjixyawakaplu phuru Pilatos Jesus mane renejikowakapa.
44Waneya phuru Pilatos jeminixkalu Jesus-ni hali hipnaletatka rimyekatka. Hiyáhoni htomhalu romano-neru soldado-ne pohire waneya repomhalu klu papko potukla rupnanatka Jesus.
45Waneya romano-neru soldado-ne pohire hinkajinixkalu Jesus hipninri pirana phuru Pilatos hitshitlu José Jesus manni ranijyawakapa.
46Waneya Jesus-ni mane hkochtsheka cruz-ya, waneya linho sama mkatshri sama ranjireru ruwtoklu. Waneya kapna, sotlu jitoxikolu hipjitaya rutakmanetlu Jesus. Waneya tsru sotlu reruta yomletshi jihlojikowaka, ruchyaxyawakaplu.
47Maria Madalena, hiyrunu Maria, José hinro koxa het-hitakkotlu Jesus-ni mane.
Currently Selected:
Marcos 15: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Marcos 15
15
Pilatos Yehi Ranijyawakluna Jesus Piranapni
1Waneya yetshpotukawa rapatjetna judeu-ne tsrukakalune, tsru hixikatshinwa sacerdote-ne, hiyrun-koxa kasruklewaklerune hinanchitkaluru pirana hasruklewatatshine. Rapatjehchinikanutna ptowruneka judeu chefe-teneyma. Rostutluna Jesus, waneya ranikluna phuru Pilatos renejyawakapluna.
2Waneya phuru Pilatos hepomhalu:
— Pixlahe judeu-nerune pohiryi?
Waneya Jesus hihitlu, wane htshina:
— Pixako wan-tshina.
3Waneya tsru hixikatshinwa sacerdote-ne hixo jihyehixikolu htshinyehitluna Jesus.
4Waneya phuru Pilatos hiyrunuko hepomhatnaklu:
— Hi he puhitanu? Petanu hi heppika hima htshinyehityina!
5Hiyrunuko Jesus hi hihita. Hiyáhoni phuru Pilatos himyeka.
6Tsru niklu hohne tshinanu phuru Pilatos hasruhlu satu preso hajeru hichoxyawaka, yine nurrer-potuko.
7Waneklu papko satu jeji Barrabás tshinkaluru preso hwa. Waleymalune poktshi tsrukakalutene hkamnikanaxyawakna klu papko ruylalenni tshinanu kapna rutakkana.
8Waneya hixolune hapokanwakatlu phuru Pilatos waneya hyinuwaka hanjiretluna renejyawakluna satu preso hajeru hasruha hixlexyawaka pixka.
9Waneya phuru Pilatos hepomha, wla htshinna:
— Halukhe nuchoxyawaklu judeu pohire?
10Klu tshinanu rimata tsru hixikatshinwa sacerdote-ne hhahxalna tshinanu raluka kachretluna Jesus.
11Seyni tsru hixikatshinwa sacerdote-ne komyekna yine Pilatos ranjixyawakapna hma muchoxyawakanuplu Jesus seyni Barrabás halikaka ruchoxyawakapa.
12Waneya phuru Pilatos hiyrunuko hepomhatnaka:
— Kluhe haluka nkamhiywaklu xye jeji judeu-ne pohire htshinreru hixa?
13Waneya hsaplewatna yine, wla htshinna:
— Cruz putakanru!
14Waneya phuru Pilatos hepomhanna:
— Seyni kluhe hektutu hkamha?
Seyni hiyrunuko hsaplewpotuthonukna:
— Cruz putakanru! Cruz putakanru!
15Pilatos haluk-himuwkakletna yine hiyáhoni ruchoxyaluna Barrabás. Waneya hkotshipjejixluna Jesus katsaluya. Waneya reneklu cruz rutajyawakapluna.
Soldado-ne Heyijyawaklu Jesus Piranapni
16Waneya soldado-ne haniklu Jesus phurupji hanikajite hwapututatshri. Waneya soldado-ne ptowruneka wane hapatjexya.
17Waneya mkatshri serolu hmakatluna Jesus. Sahyi kawchiriplu kamhikolu hijiwu rutakna.
18Hyinuwaka halikletluna wla htshinna:
— Hali judeu-ne Tsru Hixikatshriwate!
19Rutpejiwutluna hahajeya, rutskahjetluna waneya hyoptsojityehitluna rimalwuhotluna.
20Rali heyiklexinixkaluna, mkatshri serolu hkomkahluna waneya waleko himkalu rutakleru hmakatatnakluna. Waneya ranikluna cruz rutajyawakapluna ruylaxikowakapa.
Simão Tshinkaluru Hanijyawaklu Jesus Cruz-te Piranapni
21Waneya hatnu hapo hyoptoxyaluna satu jeji Simão tshinkaluru Cirene poktshi hajeru, Alexandre hiyrunu Rufo hirni. Campo ruchpajya tsru poktshi hyamta. Waneya cruz rutjikakluna.
Cruz Rutajikowakapa Jesus Piranapni
22Waneya Calvário tshinikowaka ranikluna Jesus. (Wale tokantshi yokakkaluru, yineru jiwuta pixkalutu yehi.)
23Raluk-hitletmakluna vinagre-ha, mirra yapjerha seyni hi rurlu.
24Waneya cruz rutakluna. Waneya himkalu hkanipretna wannakakluko. Hiknokkaluru ruknokna soldado-ne rimaxyawakapna katu kayatanru Jesus-ni mkalu.
25Hohohne nove horas cruz rutakka Jesus.
26Sato tábua cruz-stsipto hixpatka Jesus jihyehixikolu pirana. Wla htshin-yonhata: “Xyeni Jesus judeu-ne pohire.”
27Hiyrun-koxa katshowhurune hepi wan-rutakna. Satu Jesus potukle sretate rutakka. Satu pa sta sreta hitakka.
28[Wan-rixa poyahokakletka Hoyakalu tokanu yonatkaluru wan-tshinatshri: “Hektutu kkamhakleruneymalutu hkahwajikolupa wale.”]
29Hiknohatshin-koxa hektutu tshinanwakatlu, ruwnownojiwyehitluna. Wla htshina heyikletluna:
— Ha! Pix-hima kopalatanru Hoyakalupji waneya map-hohne ppanawatanutnaka.
30Hiyáhoni cruz pkochpajinwa! Piwekkajinwa!
31Tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine heyik-koxlu. Waneya wla htshinna:
— Pimrine riwekkaka seyni hi rumukata wale nanuko hiwekkaklexnawa.
32 Messias, Israel pohire pixini, cruz pkochpajinwa wexyawakapa walixyawakapyi.
Jesus-yma cruz hitakkalune waneko pixka rixa heyikletkoxluna.
Jesus Hipninri Piranapni
33Waneya hanikaj-hohnetkani rutshpokatka, três horas pchinika psol-tshijneka hitshpoka.
34Waneya kayi nwaka mapa horas rixinixka Jesus wla tshin-saplewleta:
— “Eloi, Eloi, lamá sabactâni?”
Wale tokantshi yokakkaluru: “Noyakalute, Noyakalute, haklu pumuknokanno?”
35Waneya satkaka wane hwakanatatshine jemlu xye hima waneya wla htshinna:
— Hjemanu! Elias-ni htomha!
36Satu jeji hasukamta kamkolu ruhajyawakapa. Vinagre-ha rutaka, hahajestsipto rutaklu, Jesus rurjixlu. Waneya wla htshina:
— Hkahwakanu! Weteru ho Elias-ni cruz-lhe kochpajinru ho hike.
37Seyni Jesus hipokananu saplewatatka waneya rupnanatka.
38Waneya mkatshri sama Hoyakalupji hwatshrini hiskakana hepi tshraj-samanru, teno haté tshiji ruskajyanatka.
39Waneya romano-neru soldado-ne pohire cruz sreta hwakanatatshri jeminixkalu hsaplewle hiyrunu rexinixkalu wan-rixa hipnaletatka Jesus-ni waneya wla htshina:
— Halikakni xye jeji honnira Hoyakalu whenni.
40Satkaka suxo wane koxa hwakanata. Howuka rexyana. Wannayma rawakanatna Maria Madalena tshinkaluro, Salomé tshinkaluro hiyrunu Maria tshinkaluro, José hiyrunu Tiago Hepurtshi tshinkaluru hinro.
41Nyi suxone Galileia rawakanaxini Jesus, romkahjekanatluna ruslahjekanatluna. Wane koxna hixo pimrone wannaymalune Jesus Jerusalém nwaka himotsatatshine.
Jesus Kapnaxikolu Piranapni
42Halpokotkalur-hohnetkani, waleni hapnanuxikalur-hohne hnapu hajeru,
43waneya rutshpokpiraxini rapokatka José, Arimateia hajeru. Wale yineru hijhakalurni, tsru jemahchinikankakatshine yehi hajerni. Hiyrunu Hoyakalu pohirewaxyawaka kahwakatshrini. Htseruwahchinikanumta ranjixyawakaplu phuru Pilatos Jesus mane renejikowakapa.
44Waneya phuru Pilatos jeminixkalu Jesus-ni hali hipnaletatka rimyekatka. Hiyáhoni htomhalu romano-neru soldado-ne pohire waneya repomhalu klu papko potukla rupnanatka Jesus.
45Waneya romano-neru soldado-ne pohire hinkajinixkalu Jesus hipninri pirana phuru Pilatos hitshitlu José Jesus manni ranijyawakapa.
46Waneya Jesus-ni mane hkochtsheka cruz-ya, waneya linho sama mkatshri sama ranjireru ruwtoklu. Waneya kapna, sotlu jitoxikolu hipjitaya rutakmanetlu Jesus. Waneya tsru sotlu reruta yomletshi jihlojikowaka, ruchyaxyawakaplu.
47Maria Madalena, hiyrunu Maria, José hinro koxa het-hitakkotlu Jesus-ni mane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil