Eksodo 19
19
Aisraele enaphiya omwaangoni wa Sinai
1-2Aisraele yaavenyawo o Refidimu nave yaaphiya o echipululu ya Sinai, yaatthipella misasa omwaangoni wa Sinai. Yaphiyallewo va nllapo nawaamba na mweeri waneeraru ekhumalle o Iguputo. 3Mose aawella mwaango wi akumane ni Mulluku.
Nave Apwiya aakhuwa m'mwaangonimmo amulleella wi, “Waalleelle Aisraele, edduullu dda Yakobo wi, 4‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano. 5#Deu 4.20; 7.6; 14.2; 26.18; Tit 2.14; 1 Pet 2.9Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka. 6#Yaw 1.6; 5.10Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.” 7Sika Mose aawiithana oohoollella a Aisraele nave ahaalleella ddittheddene nndde Apwiya yamulamulalliiwa. 8Athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.” Sika Mose aaya aalleella Apwiya nnddo yallotille athwaayo.
9Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.”
Vano Mose ahaalleella Apwiya nnddo yallotille athwaayo 10Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa, 11nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka. 12#Ahe 12.18-20Waalembelelle malire athwaayo mwawaapheella mwaangooyo nave waalleelle wi, ‘Muchenjere, muhiwelle mwaango apaalle ottannya museresere mwiwa. Arive muthu anaattannyooyo aneerewiiphiwa. 13Arive muthu ahimuttannye muthooyo koma emuvokhe malluku apaalle emuhome, khaya tti echiweto apaalle muthu, iiphiwe. Koma nipallapata niipiwa, athu ewe omwaangoni.’ ”
14Vano Mose aakittha ovenyera omwaangoni, aphiya wa athwaayo nave ahaalleella wi eddeellihe nave athwaayo yaachapa ddoowara ddiwa. 15Nave Mose ahaalleella wi, “Mukhozeke omuroto vano. Nave muhinakona ni mutthiyana.”
16 #
Deu 4.11,12; Yaw 4.5 Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova. 17Mose ahaahoollella athwaayo okhuma m'misasanimmo wi yakumane ni Mulluku nave attheenaayo yahiimella museresere mwa mwaango. 18Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi. 19Winlla wa nipallapata wavirellelliiwa okhuwa, Mose aallota nave Mulluku aamwaakhulla mu ogugudeya wa murimu. 20Apwiya yaphiyalliiwa vaddullu va mwaango wa Sinai, yaamwiithana Mose wi awelle vaddullu va mwaango nave Mosooyo aawella. 21Apwiya yaamulleella Mose wi, “Kittha nave achenjeze athu wi ehikhwaranye malire wi ewe ekoone, woova wi athu anchichi mwa alliwaayo enaakhwe.” 22“Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”
23Mose aawaakhulla Apwiya wi, “Athwaayo khewora owella mwaango wa Sinai ekaamba yawi mwaanichenjeza wi nilembelelle malire waapheella mwaango nave niwupatule wi okhalle waweella.”
24Vano Apwiya yaamulleella Mosooyo wi, “Kittha nave wamukuse Aroni oweena wuno. Koma allupa mukutho ni athwaayo ehikhwaranye maliraayo, owa wa miyaano wuno, woova wi kinaallake.” 25Vano Mose aakittha aya wa athu wulle aalleella ddennddo.
Currently Selected:
Eksodo 19: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 19
19
Aisraele enaphiya omwaangoni wa Sinai
1-2Aisraele yaavenyawo o Refidimu nave yaaphiya o echipululu ya Sinai, yaatthipella misasa omwaangoni wa Sinai. Yaphiyallewo va nllapo nawaamba na mweeri waneeraru ekhumalle o Iguputo. 3Mose aawella mwaango wi akumane ni Mulluku.
Nave Apwiya aakhuwa m'mwaangonimmo amulleella wi, “Waalleelle Aisraele, edduullu dda Yakobo wi, 4‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano. 5#Deu 4.20; 7.6; 14.2; 26.18; Tit 2.14; 1 Pet 2.9Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka. 6#Yaw 1.6; 5.10Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.” 7Sika Mose aawiithana oohoollella a Aisraele nave ahaalleella ddittheddene nndde Apwiya yamulamulalliiwa. 8Athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.” Sika Mose aaya aalleella Apwiya nnddo yallotille athwaayo.
9Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.”
Vano Mose ahaalleella Apwiya nnddo yallotille athwaayo 10Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa, 11nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka. 12#Ahe 12.18-20Waalembelelle malire athwaayo mwawaapheella mwaangooyo nave waalleelle wi, ‘Muchenjere, muhiwelle mwaango apaalle ottannya museresere mwiwa. Arive muthu anaattannyooyo aneerewiiphiwa. 13Arive muthu ahimuttannye muthooyo koma emuvokhe malluku apaalle emuhome, khaya tti echiweto apaalle muthu, iiphiwe. Koma nipallapata niipiwa, athu ewe omwaangoni.’ ”
14Vano Mose aakittha ovenyera omwaangoni, aphiya wa athwaayo nave ahaalleella wi eddeellihe nave athwaayo yaachapa ddoowara ddiwa. 15Nave Mose ahaalleella wi, “Mukhozeke omuroto vano. Nave muhinakona ni mutthiyana.”
16 #
Deu 4.11,12; Yaw 4.5 Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova. 17Mose ahaahoollella athwaayo okhuma m'misasanimmo wi yakumane ni Mulluku nave attheenaayo yahiimella museresere mwa mwaango. 18Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi. 19Winlla wa nipallapata wavirellelliiwa okhuwa, Mose aallota nave Mulluku aamwaakhulla mu ogugudeya wa murimu. 20Apwiya yaphiyalliiwa vaddullu va mwaango wa Sinai, yaamwiithana Mose wi awelle vaddullu va mwaango nave Mosooyo aawella. 21Apwiya yaamulleella Mose wi, “Kittha nave achenjeze athu wi ehikhwaranye malire wi ewe ekoone, woova wi athu anchichi mwa alliwaayo enaakhwe.” 22“Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”
23Mose aawaakhulla Apwiya wi, “Athwaayo khewora owella mwaango wa Sinai ekaamba yawi mwaanichenjeza wi nilembelelle malire waapheella mwaango nave niwupatule wi okhalle waweella.”
24Vano Apwiya yaamulleella Mosooyo wi, “Kittha nave wamukuse Aroni oweena wuno. Koma allupa mukutho ni athwaayo ehikhwaranye maliraayo, owa wa miyaano wuno, woova wi kinaallake.” 25Vano Mose aakittha aya wa athu wulle aalleella ddennddo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.