Eksodo 26
26
Musasa wamutthukumano
(Eks 36.8-38)
1“Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.* 2Erive ekuwo ekhalle yoorekama mamita 13 nave okhuveya wiwa okhalle mamita meelli. Ekuwo ddittheddenennddo ddikhalle ddoophwanaphwana wunnuwa wiwa. 3Allundellelle ekuwo dditthanu voosowani wi ddikhalle ekuwo emodda nave eerettho emoddamoddave yeeyo ni ekuwo dditthanu ddimoddannddo. 4Apange makwelelo akuwo yabululu mukhwipi mwa ekuwo. Eerettho emoddamoddave yeeyo ni ekuwo emoddeeyo. 5Sika asowelle makwelelo 50 mukhwipi mwa ekuwo yawaambeeyo nave makwelelo 50 mamodda va ekuwo yaneepiilleeyo wi makwelelwaayo ekhalle moowehana. 6Nave apange engowi 50 ddagolide ddoollundellellana ekuwo piillinnddo wi musasooyo okhalle omodda.
7“Apangettho ekuwo khumi ni emodda ddamapururu eepuri wi ddikhalle echirona yoothunyellana vaddullu va musasooyo. 8Erive ekuwo orekama wiwa okhalle mamita 14 nave okhuveya wiwa okhalle mamita meelli. Ddittheddenennddo ddikhalle ddoophwanaphwana. 9Asowe ekuwo dditthanu wi ddikhalle ekuwo emodda nave dditthanu ni emoddeeyo ekhallettho ekuwo emodda. Sika ekuwo yaneetthanu ni emoddeeyo ayipinde omodda vahoollo va musasa. 10Nave asowelle makwelelo 50 mukhwipi mwa ekuwo yawaambeeyo nave makwelelo 50 mamodda va ekuwo yaneepiilleeyo. 11Nave apange engowi 50 ddamukuwa ddoollundellellana ekuwo piillinnddo wi echironeeyo ekhalle emodda. 12Ekuwo ya echirona yoohalla otulli wa musasooyo ekhulumbeke. 13Nave ekuwo yachirona ya masentimita 46 yoohalla o embali piilli ddimoddannddo eneerekokhulumba ekhuneellaka embali piillinnddo.
14“Ayipange echirona ya mattapara awoollowa a nankhoro a enkhosa ooruweyiwa mu otooto woofiira nave echirona emodda ya mattapara mamodda awoollowa.
15“Apange meto dda matabwa akesha a musasooyo. 16Nirive ntabwa orekama wiwa nikhalle mamita masese ni hafu nave okhuveya wiwa nikhalle masentimita 69. 17Nirive ntabwa nikhalle ni misomali miilli ddamatabwa ddoollundellellana matabwa nave matabwa mattheene epangiwe mwawi ddiidda. 18Apange matabwa 20 embali yoomwera. 19Nave apange matthipello 40 asiliva wi etthipellemo matabwa 20. Vatthi va nirive ntabwa vikhalle matthipello meelli a misomali miilli ddamatabwanndde. 20Nave embali yoompoto wa musasooyo apangettho matabwa 20 21ni matthipello 40 asiliva, meelli va ntabwa nimodda. 22Okhote wiwa wa musasooyo, woovollowa nndduwa, apange matabwa matthanu ni nimodda. 23Okhote wa musasooyo, va ekona, vikhalle matabwa meelli. 24Matabwa a va konaalla ellundellelliwe waambeella vatthi ophiyera vaddullu. Mmu sika enaakhallelliiwa matabwa meelli ayo enaapange makona meelli. 25Sika okhotenko okhalle matabwa matthanu ni mararu ookhalla ni matthipellwiiwa 16 asiliva, meelli vatthi va ntabwa nimodda.
26“Apange ekopo ddakesha dditthanu wi ddikhalle machengo va matabwa a embali emodda ya musasa 27ni dditthanu ddimoddattho va matabwa a embali emodda. Vikhallettho ekopo dditthanu va matabwa woovollowa nndduwa, embali yookhote. 28Nchengo na variyari nikhalle variyari va machengo ooddullu ni avatthi nave naambeelle o makomihello ophiya o makomihello mamodda. 29Matabwaayo aahuruwelle ni golide nave apangettho emphete ddagolide wi amakelle vamodda matabwaayo ni ekoponnddo nave ekoponnddo ddikhalle ddoohuruwelliwa ni golide. 30Sika amake musasa moollikana ni mmo kawoonihelleemi vamwaangoni valle.
31“Asowe ekatani yabululu, yooreera yoofiira ni yoofiira navettho yabafuta aphaama. Nave ekataneeyo ayipete phaama ni ezithuzi dda akerubi. 32Ayitthomeye va apoto asese akesha oohuruwelliwa ni golide, ookhalla ni engowi ddagolide nave ookeraattheya va matthipello masese asiliva. 33#Ahe 6.19; 9.3-5Atthomeye ekatani vatthi va engowi ddoollundellellana ekuwo piilli nave ahiye nibokosi na echipanganonno muwari, ntthella na ekuwo. Ekataneeyo eneerohiyaniha nipuro naweella ni nipuro naweellesesa. 34Akhuneelle nibokosi na echipanganonno ni yookhuneelliiwa onipuroni naweellesesanno. 35Tebuloolle amuhiye otte wa ekatani. Yoohiyavo enyaleelle ayihiye o embali yoomwera wa musasooyo moowehana ni tebulo oyo anaakhalle o embali yoompoto.
36“Va mullako wa musasa ahiyevo ekatani yoowallana yabululu, yooreera yoofiira, yoofiira, yabafuta aphaama navettho yoopetiwa mweeruso. 37Ayitthomeye va apoto atthanu akesha oohuruwelliwa ni golide, ookhalla ni engowi ddagolide nave ookeraattheya va matthipello matthanu amukuwa.
Currently Selected:
Eksodo 26: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 26
26
Musasa wamutthukumano
(Eks 36.8-38)
1“Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.* 2Erive ekuwo ekhalle yoorekama mamita 13 nave okhuveya wiwa okhalle mamita meelli. Ekuwo ddittheddenennddo ddikhalle ddoophwanaphwana wunnuwa wiwa. 3Allundellelle ekuwo dditthanu voosowani wi ddikhalle ekuwo emodda nave eerettho emoddamoddave yeeyo ni ekuwo dditthanu ddimoddannddo. 4Apange makwelelo akuwo yabululu mukhwipi mwa ekuwo. Eerettho emoddamoddave yeeyo ni ekuwo emoddeeyo. 5Sika asowelle makwelelo 50 mukhwipi mwa ekuwo yawaambeeyo nave makwelelo 50 mamodda va ekuwo yaneepiilleeyo wi makwelelwaayo ekhalle moowehana. 6Nave apange engowi 50 ddagolide ddoollundellellana ekuwo piillinnddo wi musasooyo okhalle omodda.
7“Apangettho ekuwo khumi ni emodda ddamapururu eepuri wi ddikhalle echirona yoothunyellana vaddullu va musasooyo. 8Erive ekuwo orekama wiwa okhalle mamita 14 nave okhuveya wiwa okhalle mamita meelli. Ddittheddenennddo ddikhalle ddoophwanaphwana. 9Asowe ekuwo dditthanu wi ddikhalle ekuwo emodda nave dditthanu ni emoddeeyo ekhallettho ekuwo emodda. Sika ekuwo yaneetthanu ni emoddeeyo ayipinde omodda vahoollo va musasa. 10Nave asowelle makwelelo 50 mukhwipi mwa ekuwo yawaambeeyo nave makwelelo 50 mamodda va ekuwo yaneepiilleeyo. 11Nave apange engowi 50 ddamukuwa ddoollundellellana ekuwo piillinnddo wi echironeeyo ekhalle emodda. 12Ekuwo ya echirona yoohalla otulli wa musasooyo ekhulumbeke. 13Nave ekuwo yachirona ya masentimita 46 yoohalla o embali piilli ddimoddannddo eneerekokhulumba ekhuneellaka embali piillinnddo.
14“Ayipange echirona ya mattapara awoollowa a nankhoro a enkhosa ooruweyiwa mu otooto woofiira nave echirona emodda ya mattapara mamodda awoollowa.
15“Apange meto dda matabwa akesha a musasooyo. 16Nirive ntabwa orekama wiwa nikhalle mamita masese ni hafu nave okhuveya wiwa nikhalle masentimita 69. 17Nirive ntabwa nikhalle ni misomali miilli ddamatabwa ddoollundellellana matabwa nave matabwa mattheene epangiwe mwawi ddiidda. 18Apange matabwa 20 embali yoomwera. 19Nave apange matthipello 40 asiliva wi etthipellemo matabwa 20. Vatthi va nirive ntabwa vikhalle matthipello meelli a misomali miilli ddamatabwanndde. 20Nave embali yoompoto wa musasooyo apangettho matabwa 20 21ni matthipello 40 asiliva, meelli va ntabwa nimodda. 22Okhote wiwa wa musasooyo, woovollowa nndduwa, apange matabwa matthanu ni nimodda. 23Okhote wa musasooyo, va ekona, vikhalle matabwa meelli. 24Matabwa a va konaalla ellundellelliwe waambeella vatthi ophiyera vaddullu. Mmu sika enaakhallelliiwa matabwa meelli ayo enaapange makona meelli. 25Sika okhotenko okhalle matabwa matthanu ni mararu ookhalla ni matthipellwiiwa 16 asiliva, meelli vatthi va ntabwa nimodda.
26“Apange ekopo ddakesha dditthanu wi ddikhalle machengo va matabwa a embali emodda ya musasa 27ni dditthanu ddimoddattho va matabwa a embali emodda. Vikhallettho ekopo dditthanu va matabwa woovollowa nndduwa, embali yookhote. 28Nchengo na variyari nikhalle variyari va machengo ooddullu ni avatthi nave naambeelle o makomihello ophiya o makomihello mamodda. 29Matabwaayo aahuruwelle ni golide nave apangettho emphete ddagolide wi amakelle vamodda matabwaayo ni ekoponnddo nave ekoponnddo ddikhalle ddoohuruwelliwa ni golide. 30Sika amake musasa moollikana ni mmo kawoonihelleemi vamwaangoni valle.
31“Asowe ekatani yabululu, yooreera yoofiira ni yoofiira navettho yabafuta aphaama. Nave ekataneeyo ayipete phaama ni ezithuzi dda akerubi. 32Ayitthomeye va apoto asese akesha oohuruwelliwa ni golide, ookhalla ni engowi ddagolide nave ookeraattheya va matthipello masese asiliva. 33#Ahe 6.19; 9.3-5Atthomeye ekatani vatthi va engowi ddoollundellellana ekuwo piilli nave ahiye nibokosi na echipanganonno muwari, ntthella na ekuwo. Ekataneeyo eneerohiyaniha nipuro naweella ni nipuro naweellesesa. 34Akhuneelle nibokosi na echipanganonno ni yookhuneelliiwa onipuroni naweellesesanno. 35Tebuloolle amuhiye otte wa ekatani. Yoohiyavo enyaleelle ayihiye o embali yoomwera wa musasooyo moowehana ni tebulo oyo anaakhalle o embali yoompoto.
36“Va mullako wa musasa ahiyevo ekatani yoowallana yabululu, yooreera yoofiira, yoofiira, yabafuta aphaama navettho yoopetiwa mweeruso. 37Ayitthomeye va apoto atthanu akesha oohuruwelliwa ni golide, ookhalla ni engowi ddagolide nave ookeraattheya va matthipello matthanu amukuwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.