Eksodo 3
3
Mulluku anamwiithana Mose
1Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku. 2#Mit 7.30-34Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha. 3Nave m'murimani mwaye aallota wi, “Kiphiye vakhuviru wi koonesese ddoottikhinihanndda. Ethiyo kaambiiwa tini makukhwaayo ehinashiiwa?”
4Apwiya yoonille wi annaatamella, yaamwiithana m'makukhunimmo wi, “Mose, Mose!” Mose ahaakhulla wi, “Miyaano.”
5Mulluku aallota wi, “Ohiphiye vakhuviru. Rulla esapato ddawo vawi vanipuroni wiimenlleewemvo tti vaweella.” 6Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.
7Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa. 8Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi. 9Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa. 10Sika kinuuruma weyaano wa Farao wi waakhumihe athwaaka, Aisraele, o Iguputo.”
11Koma Mose aakoha wi, “Ethiyo mi kiri aani wi ttuuwora oya wa Farao ni waakhumiha Aisraele o Iguputo?”
12Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”
13 #
Eks 6.2,3 Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”
14 #
Yaw 1.4,8 Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO#3.14 MI TTI MIYAANO…MI TTI MIYAANO: apaalle KINEEROKHALLA OYO KINAAKHALLEEMI…KINEEROKHALLA OYO KINAAKHALLEEMI Mi tti miyaano eniiweya wonanko nnddina na Eheberi Yawe nno wiilliwiilli ninalembiwa wi Yehova. Nnddina nenna mu ottaphullella wahunngu niniimellelliwa ni nnddina nawi Apwiya ollikana ni opharihiwa mutteko ovuwalle Mwiizunguni. ookirumiha wa nyuwaano.” 15Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo. 16Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo. 17Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”
18Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’ 19Koma kinnadduwella wi mwene a o Iguputooyo khawaakhullellani wi muvenyewo ophiyera kimuwatihere. 20Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.
21 #
Eks 12.35,36 “Nave kineeroweeriha Aiguputwaayo wi ekhalle ooreera murima vamiitthoni va athwaaka, sika wi mwaavenyakawo, khamuvenyawo mattave. 22Arive Muisraele aamutthiyana aneeromuveka Muiguputo awaatamanana enyumba apaalle oyo anakhalla ni Muiguputooyo mpa mwaye wi amuvahe ddeko ddawiireerihana ddasiliva ni ddagolide navettho ddoowara. Muneerowawariha ddeko ddenndda aniinyu aallopwana ni aatthiyana. Nave vaweerani ddiidda muneerowaakha Aiguputwaayo ddittheddene.”
Currently Selected:
Eksodo 3: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 3
3
Mulluku anamwiithana Mose
1Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku. 2#Mit 7.30-34Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha. 3Nave m'murimani mwaye aallota wi, “Kiphiye vakhuviru wi koonesese ddoottikhinihanndda. Ethiyo kaambiiwa tini makukhwaayo ehinashiiwa?”
4Apwiya yoonille wi annaatamella, yaamwiithana m'makukhunimmo wi, “Mose, Mose!” Mose ahaakhulla wi, “Miyaano.”
5Mulluku aallota wi, “Ohiphiye vakhuviru. Rulla esapato ddawo vawi vanipuroni wiimenlleewemvo tti vaweella.” 6Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.
7Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa. 8Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi. 9Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa. 10Sika kinuuruma weyaano wa Farao wi waakhumihe athwaaka, Aisraele, o Iguputo.”
11Koma Mose aakoha wi, “Ethiyo mi kiri aani wi ttuuwora oya wa Farao ni waakhumiha Aisraele o Iguputo?”
12Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”
13 #
Eks 6.2,3 Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”
14 #
Yaw 1.4,8 Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO#3.14 MI TTI MIYAANO…MI TTI MIYAANO: apaalle KINEEROKHALLA OYO KINAAKHALLEEMI…KINEEROKHALLA OYO KINAAKHALLEEMI Mi tti miyaano eniiweya wonanko nnddina na Eheberi Yawe nno wiilliwiilli ninalembiwa wi Yehova. Nnddina nenna mu ottaphullella wahunngu niniimellelliwa ni nnddina nawi Apwiya ollikana ni opharihiwa mutteko ovuwalle Mwiizunguni. ookirumiha wa nyuwaano.” 15Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo. 16Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo. 17Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”
18Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’ 19Koma kinnadduwella wi mwene a o Iguputooyo khawaakhullellani wi muvenyewo ophiyera kimuwatihere. 20Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.
21 #
Eks 12.35,36 “Nave kineeroweeriha Aiguputwaayo wi ekhalle ooreera murima vamiitthoni va athwaaka, sika wi mwaavenyakawo, khamuvenyawo mattave. 22Arive Muisraele aamutthiyana aneeromuveka Muiguputo awaatamanana enyumba apaalle oyo anakhalla ni Muiguputooyo mpa mwaye wi amuvahe ddeko ddawiireerihana ddasiliva ni ddagolide navettho ddoowara. Muneerowawariha ddeko ddenndda aniinyu aallopwana ni aatthiyana. Nave vaweerani ddiidda muneerowaakha Aiguputwaayo ddittheddene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.