Eksodo 8
8
Yoottikhiniha yaneepiilli: Anaphullu
1Vatulli viwa Apwiya yaamulamula Mose wi, “Khawe wa Farao wamulleelle wi Apwiya enallota wi, ‘Owaakhullelle athwaaka wi evenyewo eye yakillapelle. 2Koma waahiwaakhullella, kineerollaka ellapwaawo ettheene vooyiddallihani anaphullu. 3Muhinjoolle oneeroddalla ni anaphullu. Enaavenyereke m'muhinjenimmo enaya yavollowaka mpa mwawo, muchipindani mwawo mookona, vabedini vawo, mpa mwa enduna ddawo ni dda athwaawo, m'mapuroni mutthemwene mowaapeyellamo ddoocha ni m'mabeseni mwene moomoottowellamo buledi. 4Eneerekewuulluphella ni athwaawo ni enduna ddawo ddittheddene.’ ”
5Apwiya yaamulleellattho Mose wi, “Mulleelle Aroni wi, ‘Tthoonyiha ekopwaawo omihinjeni, omitthipiddani ni omatokwini wi anaphullu ekhume va ellapo ettheene ya Iguputo.’ ” 6Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo. 7Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.
8Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”
9Vano Mose aamulleella Farao wi, “Khullani makilleella enthawi yawi kuuvekellelleni nyuwaano, enduna ddanyu ni athwaanyu wi anaphullwaalla evenyevo va nyuwaano ni mpa mwanyu nave wi yakhalle m'muhinjenive.”
10Farao ahaakhulla wi, “Osiisello.”
Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu. 11Anaphullwaayo eneerovenyavo va nyuwaano, mpa mwanyu ni va enduna ddanyu nave enaakhalleke m'muhinjenive” 12Vano Mose ni Aroni yaavenyawo wa Farao wulle nave yaaya yaaveka Apwiya wi yaavenyihevo anaphullu alle yaarumihalliiwa wa Farao. 13Apwiya yaheera moollikana ni mmo Mose avekilleeye nave sika anaphullu attheenaalle yaari mpa, vaatte ni m'matani mwene yaakhwa. 14Aiguputwaalle yaawuukella anaphullwaalle mapuromapuro nave ellapo ettheene yaaddalla ni wunkha wa anaphullu awunta. 15Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.
Yoottikhiniha yaneeraru: Ethupo
16Vano Apwiya yaamulamula Mose wi, “Mulleelle Aroni akuse ekopwaaye nave awashullena vatthi wi nthupi nittheene nitthattuwe ethupo mwiillaponi ettheene ya Iguputo.” 17Nave alliwaayo yaheera wonanko mwemmo sika Aroni aakusa ekopwaayeelle awashullana vatthi. Vano nthupi nittheene naatthattuwa ethupo nave ddaamwareyella va athu ni enama ddene. Sika nthupi nittheene na o Iguputo naari ethupove. 18Amasengaalle yaheeseesatho weera masengiiwa wi naalliwaattho etthattuse ethupo koma yaalephela. Nave ethuponnddo ddaamwareyella va athu ni enama ddene. 19#Luk 11.20Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.
Yoottikhiniha yaneesese: Miikaanga
20Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle. 21Waahiwaakhullella athwaaka wi evenyewo, kineerorumiha miikaanga wa weyaano, enduna ddawo, athwaawo ni mpa mwawo. Mpa mutthemwene mwa Aiguputo naarittho virive veko enakhalliiwa vineeroddalla engwillihive. 22Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella. 23Sika kineerohiyaniha#8.23: Ottaphullella wakhalle waamodda wookhalla ni mawu awi kineerohiyaniha; mu Eheberi mookhalla mawu awi kineerowoopolla. athwaaka ni athwaawo. Yoottikhiniha yeella eneereweereya osiisello.’ ” 24Sika Apwiya yaheera ddenndda nave milloko dduullupalli dda miikaanga ddaavollowa mpa mwa Farao, mpa mwa enduna ddaye navettho mu ellapo ettheene ya Iguputo. Ellapo ettheeneeyo yahoonongeya ni engwillihinnddo.
25Vano Farao aamwiithana Mose ni Aroni aalleella wi, “Khaweni mwavelleelle mukutho wa Mullukwaanyu mwiillaponi mwemmu.”
26Koma Mose ahaakhulla wi, “Kheddikhalla phaama weera ddennddo kaambiiwa mikutho nnddo ninaavelleelleehu wa Apwiya Mullukwaahu, ddinnaananara Aiguputo. Ethiyo alliwaayo khenivokhaka malluku ophiyera oniipha naavelleellaka mikutho nnddo ddinaananara m'mwiitthoni mwiwa? 27Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”
28Farao aallota wi, “Kineerowaakhullellani wi muye mwavelleelle mukutho wa Apwiya Mullukwaanyu muchipululuni koma muhirekamellesese nave mwakivekellelle.”
29Sika Mose aallota wi, “Koona kivenyakavo, kineerovekella wa Apwiya nave osiisello miikaanganndda ddineerovenyawo wa nyuwaano, wa enduna ddanyu navettho wa athwaanyu. Koma muhinillekettho ni waahiiha athu oya wi yavelleelle mukutho wa Apwiya.”
30Mose avenyille wa Faraonko, aavekella wa Apwiya. 31Vano Apwiya yaheera moollikana ni mmo Mose avekelleeye nave miikaanga ddaavenyawo wa Farao ni enduna ddaye ni athwaaye. Kheyaahallillevo naari mwiikaanga mmodda. 32Koma naari enthawi yeellattho, Farao ahummihave murima nave khaawaakhullelle Aisraele wi evenyewo.
Currently Selected:
Eksodo 8: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 8
8
Yoottikhiniha yaneepiilli: Anaphullu
1Vatulli viwa Apwiya yaamulamula Mose wi, “Khawe wa Farao wamulleelle wi Apwiya enallota wi, ‘Owaakhullelle athwaaka wi evenyewo eye yakillapelle. 2Koma waahiwaakhullella, kineerollaka ellapwaawo ettheene vooyiddallihani anaphullu. 3Muhinjoolle oneeroddalla ni anaphullu. Enaavenyereke m'muhinjenimmo enaya yavollowaka mpa mwawo, muchipindani mwawo mookona, vabedini vawo, mpa mwa enduna ddawo ni dda athwaawo, m'mapuroni mutthemwene mowaapeyellamo ddoocha ni m'mabeseni mwene moomoottowellamo buledi. 4Eneerekewuulluphella ni athwaawo ni enduna ddawo ddittheddene.’ ”
5Apwiya yaamulleellattho Mose wi, “Mulleelle Aroni wi, ‘Tthoonyiha ekopwaawo omihinjeni, omitthipiddani ni omatokwini wi anaphullu ekhume va ellapo ettheene ya Iguputo.’ ” 6Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo. 7Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.
8Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”
9Vano Mose aamulleella Farao wi, “Khullani makilleella enthawi yawi kuuvekellelleni nyuwaano, enduna ddanyu ni athwaanyu wi anaphullwaalla evenyevo va nyuwaano ni mpa mwanyu nave wi yakhalle m'muhinjenive.”
10Farao ahaakhulla wi, “Osiisello.”
Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu. 11Anaphullwaayo eneerovenyavo va nyuwaano, mpa mwanyu ni va enduna ddanyu nave enaakhalleke m'muhinjenive” 12Vano Mose ni Aroni yaavenyawo wa Farao wulle nave yaaya yaaveka Apwiya wi yaavenyihevo anaphullu alle yaarumihalliiwa wa Farao. 13Apwiya yaheera moollikana ni mmo Mose avekilleeye nave sika anaphullu attheenaalle yaari mpa, vaatte ni m'matani mwene yaakhwa. 14Aiguputwaalle yaawuukella anaphullwaalle mapuromapuro nave ellapo ettheene yaaddalla ni wunkha wa anaphullu awunta. 15Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.
Yoottikhiniha yaneeraru: Ethupo
16Vano Apwiya yaamulamula Mose wi, “Mulleelle Aroni akuse ekopwaaye nave awashullena vatthi wi nthupi nittheene nitthattuwe ethupo mwiillaponi ettheene ya Iguputo.” 17Nave alliwaayo yaheera wonanko mwemmo sika Aroni aakusa ekopwaayeelle awashullana vatthi. Vano nthupi nittheene naatthattuwa ethupo nave ddaamwareyella va athu ni enama ddene. Sika nthupi nittheene na o Iguputo naari ethupove. 18Amasengaalle yaheeseesatho weera masengiiwa wi naalliwaattho etthattuse ethupo koma yaalephela. Nave ethuponnddo ddaamwareyella va athu ni enama ddene. 19#Luk 11.20Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.
Yoottikhiniha yaneesese: Miikaanga
20Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle. 21Waahiwaakhullella athwaaka wi evenyewo, kineerorumiha miikaanga wa weyaano, enduna ddawo, athwaawo ni mpa mwawo. Mpa mutthemwene mwa Aiguputo naarittho virive veko enakhalliiwa vineeroddalla engwillihive. 22Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella. 23Sika kineerohiyaniha#8.23: Ottaphullella wakhalle waamodda wookhalla ni mawu awi kineerohiyaniha; mu Eheberi mookhalla mawu awi kineerowoopolla. athwaaka ni athwaawo. Yoottikhiniha yeella eneereweereya osiisello.’ ” 24Sika Apwiya yaheera ddenndda nave milloko dduullupalli dda miikaanga ddaavollowa mpa mwa Farao, mpa mwa enduna ddaye navettho mu ellapo ettheene ya Iguputo. Ellapo ettheeneeyo yahoonongeya ni engwillihinnddo.
25Vano Farao aamwiithana Mose ni Aroni aalleella wi, “Khaweni mwavelleelle mukutho wa Mullukwaanyu mwiillaponi mwemmu.”
26Koma Mose ahaakhulla wi, “Kheddikhalla phaama weera ddennddo kaambiiwa mikutho nnddo ninaavelleelleehu wa Apwiya Mullukwaahu, ddinnaananara Aiguputo. Ethiyo alliwaayo khenivokhaka malluku ophiyera oniipha naavelleellaka mikutho nnddo ddinaananara m'mwiitthoni mwiwa? 27Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”
28Farao aallota wi, “Kineerowaakhullellani wi muye mwavelleelle mukutho wa Apwiya Mullukwaanyu muchipululuni koma muhirekamellesese nave mwakivekellelle.”
29Sika Mose aallota wi, “Koona kivenyakavo, kineerovekella wa Apwiya nave osiisello miikaanganndda ddineerovenyawo wa nyuwaano, wa enduna ddanyu navettho wa athwaanyu. Koma muhinillekettho ni waahiiha athu oya wi yavelleelle mukutho wa Apwiya.”
30Mose avenyille wa Faraonko, aavekella wa Apwiya. 31Vano Apwiya yaheera moollikana ni mmo Mose avekelleeye nave miikaanga ddaavenyawo wa Farao ni enduna ddaye ni athwaaye. Kheyaahallillevo naari mwiikaanga mmodda. 32Koma naari enthawi yeellattho, Farao ahummihave murima nave khaawaakhullelle Aisraele wi evenyewo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.