Genesis 14
14
Abramu aamwaakihera Loti
1Va enthawi ya olamulello wa Amurafere mwene a o Babiloni, Ariyoki mwene a o Elasara, Kedori Laomere mwene a o Elamu ni Tidala mwene a o Goimu, 2attheenaalla yahiiwanana ddoohella ekhoto mamwene matthanu amodda. Alla yaari Bera mwene a o Sodomu, Birisha mwene a o Gomora, Shinabe mwene a o Adima, Shemebera mwene a o Zeboimu ni mwene a o Bela (apaalle Zowari). 3Mamwene matthanwaalla yahiiwanana ni akhotwiiwa mu ntapo na Sidimu, (o Enyanja Yookhwa). 4Miyakha khumi ni miilli alliwa yaamurumeyella Kedori Laomere koma muyakha wa khumi ni miraru attheenaalla yaamuwukila. 5Va muyakha wa khumi ni sese Kedori Laomere ni akhwaaye awiiwananana yaawa ni ekhoto nave emugonjiha Arefaimu oyo akhalla o Ashiteroti Karanaimu, Azuzimu a o Hamu ni Aemimu o ntapo na Kiriyataimu. 6Yaamugonjihattho Ahori omiyaangoni dda Seiri ophiyera o Eliparani va malire a echipululu. 7Nave yaarukunuwa ephiya o Enimishipati (apaalle Kadeshi) nave yaagonjiha ellapo ettheene ya Aamaleke ni ya Aamori ayo yakhalla o Hazazoni Tamara.
8Sika mamwene a o Sodomu, Gomora, Adima, Zeboimu ni Bela (apaalle) yahaatthukumaniha akhotwiiwa mu ntapo na Sidimu, owana 9ni Kedori Laomere a o Elamu, Tidala a o Goimu, Amurafere a o Babiloni ni Ariyoki a o Elasara. Sika mamwene matthanu owana ni mamwene masese. 10Ntapo na Sidimu naari nooddalla ni malliti awoopiha ni oopandda. Vano mvo akhoto a o Sodomu ni Gomora yathawiiwa yaamorella m'mallitini koma amodda yaathawella omiyaangoni. 11Mamwene masesaalle yaakusa erive ello o Sodomu ni o Gomora ni ddoocha evenyavo. 12Yaamukusattho Loti mwaana a mwanamunne a Abramu ni eyuumaaye ettheene vawi akhalla o Sodomu wenko.
13Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni. 14Abramu iiwalleeye wi mbalaaye oophariwa, ahaatthukumaniha akhoto. Attheenaalla vamodda yaarivo 318 nave yahaathwara mamwenaalle ettilla ettheene ophiyera o Dani. 15Ephiyalle wenko, ahaakawa athwaaye millokomilloko nave olliye ni athwaaye yaawanana ni mahiiyu ophiyera yahaagonjiha attheene. Yaamwiikariha ophiyera o Hoba, ompoto wa Damasiko, 16nave yaawaakha ddayiwa ddittheddene. Yaamwaakiherattho Loti, mwaana a mwanamunne ni ddaaye ddittheddene, opwesereravo atthiyana ni athu amodda attheene.
Melkizedeki anamudalisa Abramu
17Abramu avenyeraka woomugonjiha Kedori Laomere ni mamwene awiiwanananayaalle, mwene o Sodomu aakhuma wi akumanena o ntapo na Save (apaalle ntapo na Mwene). 18#Ahe 7.1-10Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo. 19Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu. 20Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.
21Nave mwene a o Sodomu aamuveka Abramu wi, “Ddeko ddittheddene mwaakhilleenyunndda muddisunge koma athwaakave yaalla mukinnye.”
22Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi 23wi ngiwa kikusa olusi naari mukwe wa esapato, sika wi ohaambeelle ollota wi, ‘Tti mi kaamuvahille eyuuma Abramu.’ 24Ngikusa erive ello koma kinaakusevo ddennddove nnddo akhotwaaka yachilliiwa ni ddoophwanella waakawella ayo yakivelleelle, monga Anere, Eshikolo ni Mamure. Alliwa ekusevo ddayiwa.”
Currently Selected:
Genesis 14: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 14
14
Abramu aamwaakihera Loti
1Va enthawi ya olamulello wa Amurafere mwene a o Babiloni, Ariyoki mwene a o Elasara, Kedori Laomere mwene a o Elamu ni Tidala mwene a o Goimu, 2attheenaalla yahiiwanana ddoohella ekhoto mamwene matthanu amodda. Alla yaari Bera mwene a o Sodomu, Birisha mwene a o Gomora, Shinabe mwene a o Adima, Shemebera mwene a o Zeboimu ni mwene a o Bela (apaalle Zowari). 3Mamwene matthanwaalla yahiiwanana ni akhotwiiwa mu ntapo na Sidimu, (o Enyanja Yookhwa). 4Miyakha khumi ni miilli alliwa yaamurumeyella Kedori Laomere koma muyakha wa khumi ni miraru attheenaalla yaamuwukila. 5Va muyakha wa khumi ni sese Kedori Laomere ni akhwaaye awiiwananana yaawa ni ekhoto nave emugonjiha Arefaimu oyo akhalla o Ashiteroti Karanaimu, Azuzimu a o Hamu ni Aemimu o ntapo na Kiriyataimu. 6Yaamugonjihattho Ahori omiyaangoni dda Seiri ophiyera o Eliparani va malire a echipululu. 7Nave yaarukunuwa ephiya o Enimishipati (apaalle Kadeshi) nave yaagonjiha ellapo ettheene ya Aamaleke ni ya Aamori ayo yakhalla o Hazazoni Tamara.
8Sika mamwene a o Sodomu, Gomora, Adima, Zeboimu ni Bela (apaalle) yahaatthukumaniha akhotwiiwa mu ntapo na Sidimu, owana 9ni Kedori Laomere a o Elamu, Tidala a o Goimu, Amurafere a o Babiloni ni Ariyoki a o Elasara. Sika mamwene matthanu owana ni mamwene masese. 10Ntapo na Sidimu naari nooddalla ni malliti awoopiha ni oopandda. Vano mvo akhoto a o Sodomu ni Gomora yathawiiwa yaamorella m'mallitini koma amodda yaathawella omiyaangoni. 11Mamwene masesaalle yaakusa erive ello o Sodomu ni o Gomora ni ddoocha evenyavo. 12Yaamukusattho Loti mwaana a mwanamunne a Abramu ni eyuumaaye ettheene vawi akhalla o Sodomu wenko.
13Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni. 14Abramu iiwalleeye wi mbalaaye oophariwa, ahaatthukumaniha akhoto. Attheenaalla vamodda yaarivo 318 nave yahaathwara mamwenaalle ettilla ettheene ophiyera o Dani. 15Ephiyalle wenko, ahaakawa athwaaye millokomilloko nave olliye ni athwaaye yaawanana ni mahiiyu ophiyera yahaagonjiha attheene. Yaamwiikariha ophiyera o Hoba, ompoto wa Damasiko, 16nave yaawaakha ddayiwa ddittheddene. Yaamwaakiherattho Loti, mwaana a mwanamunne ni ddaaye ddittheddene, opwesereravo atthiyana ni athu amodda attheene.
Melkizedeki anamudalisa Abramu
17Abramu avenyeraka woomugonjiha Kedori Laomere ni mamwene awiiwanananayaalle, mwene o Sodomu aakhuma wi akumanena o ntapo na Save (apaalle ntapo na Mwene). 18#Ahe 7.1-10Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo. 19Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu. 20Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.
21Nave mwene a o Sodomu aamuveka Abramu wi, “Ddeko ddittheddene mwaakhilleenyunndda muddisunge koma athwaakave yaalla mukinnye.”
22Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi 23wi ngiwa kikusa olusi naari mukwe wa esapato, sika wi ohaambeelle ollota wi, ‘Tti mi kaamuvahille eyuuma Abramu.’ 24Ngikusa erive ello koma kinaakusevo ddennddove nnddo akhotwaaka yachilliiwa ni ddoophwanella waakawella ayo yakivelleelle, monga Anere, Eshikolo ni Mamure. Alliwa ekusevo ddayiwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.