Genesis 22
22
Mulluku anamulamula Abrahamu wi amuvelleelle Isaki wonanko mukutho
1 #
Ahe 11.17-19
Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”
2 #
2 Epi 3.1
Mulluku aallota wi, “Mukuse Isaki, mwanawo mmoddave yooyo onamukondeewe wunchichi, oye o ellapo ya Moriya. Wenko wamuvelleelle wonanko mukutho wooshellelliha vamwaangoni oyo kineereemi kuulleelle.”
3Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye. 4Va nllapo naneeraru Abrahamu aatukhulla miittho nave aawoonella mwaangooyo voorekama. 5Vano ahaalleella akaporwaalle wi, “Nyuwaano keraatthini vaava ni buloolla. Miyaano ni musomboolla ninaya nko navekelle, vatulli viwa nineerewuuphwanyani.”
6Abrahamu aamureya Isaki ekhuni ddawoosella mukutho wooshellelliha. Abrahamooyo akusalle munllo ni mpeni. Sika eellaayo yeetella nimodda. 7Vano Isaki aawiithana attiitthinnya wi, “Attiitthi.”
Abrahamu ahaakhulla wi, “Ee, mwanaka.”
Isaki aakoha wi, “Munllo ni ekhuni kinnaddoona, ddookhallavo koma mwaanaankhosa awoosella mukuthooyo ari wuuwi?”
8Abrahamu aamwaakhulla wi, “Mwanaka, Mulluku aneeronivaha mwaanaankhosa.” Sika vano attheenaayo yaavirellella weeta nimodda.
9 #
Yak 2.21
Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo. 10Vano aahullulla mpeni wi amwiiphe mwanayooyo. 11Koma mungelo a Apwiya aamwiithana ovenyera oddullu wi, “Abrahamu, Abrahamu!”
Olliye ahaakhulla wi, “Ee, Apwiya!”
12Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”
13Abrahamu atukhunlle miittho aamoona nankhoro a enkhosa aangille m'muttokhoromani. Nave aaya ayikusa aayiheraatthi mukutho wooshellelliha munipuroni mwa mwanayoolle. 14Nipuronno Abrahamu aanivaha nnddina nawi, “Mulluku annavaha.”#22.14 annavaha: apaalle annoona. Sika ophiyera ollello vineeriwa “Vamwaangoni wa Apwiya ennavaha.”#22.14 ennavaha: apaalle ennooneya.
15Mungelo a Apwiya aamwiithana Abrahamu wiilli ovenyera oddullu wi, 16#Ahe 6.13,14“Apwiya enallota wi, ‘Kinimallupella wi ekaamba yawi woheera ddenndda, khokiimanne mwanawo mmoddave, 17#Ahe 11.12kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene. 18#Mit 3.25Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ” 19Abrahamu aahokollweella wulle aahiyalleeye akaporwaayaalle. Nave attheenaayo yaaya o Beeresheba nko Abrahamu akhalleeye.
Edduullu dda Nahori
20Vatulli viwa Abrahamu ahiiwa wi Milika aamuyarella Nahori, mwanamunne, anamwani atthanu ni araru. 21Mwanaye awaamba aari Uzi, mung'onong'onwaaye a Uzi aari Buzi. Vaakhallattho Kemuwele, attiitthinnya a Aramu, 22Kesedi, Hazo, Pilidasi, Idilafe ni Betuele. 23Betuele aamuyara Rebeka. Sika Milika aamuyarella Nahori mwanamunne a Abrahamu anamwani atthanu ni araru yaalla. 24Nave Reuma, mwaariye mung'onong'ono a Nahori, aamuyara Teba, Gahamu, Tahasi ni Maaka.
Currently Selected:
Genesis 22: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 22
22
Mulluku anamulamula Abrahamu wi amuvelleelle Isaki wonanko mukutho
1 #
Ahe 11.17-19
Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”
2 #
2 Epi 3.1
Mulluku aallota wi, “Mukuse Isaki, mwanawo mmoddave yooyo onamukondeewe wunchichi, oye o ellapo ya Moriya. Wenko wamuvelleelle wonanko mukutho wooshellelliha vamwaangoni oyo kineereemi kuulleelle.”
3Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye. 4Va nllapo naneeraru Abrahamu aatukhulla miittho nave aawoonella mwaangooyo voorekama. 5Vano ahaalleella akaporwaalle wi, “Nyuwaano keraatthini vaava ni buloolla. Miyaano ni musomboolla ninaya nko navekelle, vatulli viwa nineerewuuphwanyani.”
6Abrahamu aamureya Isaki ekhuni ddawoosella mukutho wooshellelliha. Abrahamooyo akusalle munllo ni mpeni. Sika eellaayo yeetella nimodda. 7Vano Isaki aawiithana attiitthinnya wi, “Attiitthi.”
Abrahamu ahaakhulla wi, “Ee, mwanaka.”
Isaki aakoha wi, “Munllo ni ekhuni kinnaddoona, ddookhallavo koma mwaanaankhosa awoosella mukuthooyo ari wuuwi?”
8Abrahamu aamwaakhulla wi, “Mwanaka, Mulluku aneeronivaha mwaanaankhosa.” Sika vano attheenaayo yaavirellella weeta nimodda.
9 #
Yak 2.21
Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo. 10Vano aahullulla mpeni wi amwiiphe mwanayooyo. 11Koma mungelo a Apwiya aamwiithana ovenyera oddullu wi, “Abrahamu, Abrahamu!”
Olliye ahaakhulla wi, “Ee, Apwiya!”
12Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”
13Abrahamu atukhunlle miittho aamoona nankhoro a enkhosa aangille m'muttokhoromani. Nave aaya ayikusa aayiheraatthi mukutho wooshellelliha munipuroni mwa mwanayoolle. 14Nipuronno Abrahamu aanivaha nnddina nawi, “Mulluku annavaha.”#22.14 annavaha: apaalle annoona. Sika ophiyera ollello vineeriwa “Vamwaangoni wa Apwiya ennavaha.”#22.14 ennavaha: apaalle ennooneya.
15Mungelo a Apwiya aamwiithana Abrahamu wiilli ovenyera oddullu wi, 16#Ahe 6.13,14“Apwiya enallota wi, ‘Kinimallupella wi ekaamba yawi woheera ddenndda, khokiimanne mwanawo mmoddave, 17#Ahe 11.12kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene. 18#Mit 3.25Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ” 19Abrahamu aahokollweella wulle aahiyalleeye akaporwaayaalle. Nave attheenaayo yaaya o Beeresheba nko Abrahamu akhalleeye.
Edduullu dda Nahori
20Vatulli viwa Abrahamu ahiiwa wi Milika aamuyarella Nahori, mwanamunne, anamwani atthanu ni araru. 21Mwanaye awaamba aari Uzi, mung'onong'onwaaye a Uzi aari Buzi. Vaakhallattho Kemuwele, attiitthinnya a Aramu, 22Kesedi, Hazo, Pilidasi, Idilafe ni Betuele. 23Betuele aamuyara Rebeka. Sika Milika aamuyarella Nahori mwanamunne a Abrahamu anamwani atthanu ni araru yaalla. 24Nave Reuma, mwaariye mung'onong'ono a Nahori, aamuyara Teba, Gahamu, Tahasi ni Maaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.