Genesis 29
29
Yakobo anaphiya wa Labani
1Vano Yakobo aavirellella ni olendwaaye wooya o ellapo ya athu a wookhuma nndduwa. 2Aphiyallewo ahoona ehime obusani navettho milloko miraru dda enkhosa ddikonaatthille vakhwipi va ehimeeyo. Enkhosannddo ddawirihiwa veehimeni yeella eyo vaddullu viwa vakhuneelliwe ni nlluku nuullupalli. 3Enkhosa ddittheddene ddaatthukumana weehimeninko, abusa ooweta enkhosannddo yaanaphikirisella okhwipi nllukunno wi nave ewiryiha enkhosannddo. Ddamalla owiryanko yaanaphikirisella nllukunno veehimenimvo.
4Nave Yakobo ahaakoha abusaayo wi, “Ethiyo akhwaaka munavenyera wuuwi?”
Alliwaayo yaamwaakhulla wi, “Ninavenyera o Harani.”
5Yakobo aakohattho wi, “Ethiyo Labani mwaana a Nahori munnamudduwella?”
Alliwaayo yahaakhulla wi, “Ee, ninnamudduwella.”
6Ahaakohattho wi, “Ooselliwa?”
Alliwaayo yahaakhulla wi, “Ee, ooselliwa. Mwanaye tti oyo, Rakele, anawa mvooyo ni enkhosa.”
7Yakobo aallota wi, “Vawi vano tti otthaana nave ohiri enthawi yootthukumana eziweto, tti woopaalleya muddiwiryihe maaddi navettho muvirellelle oddichiha.”
8Abusaayo yaamwaakhulla wi, “Khaniwora weera ddennddo vaavove enkhosa ddittheddene dditthukumanne vamodda nave niphikirisevo nlluku na veehimenimva. Neera ddiiddo sika nineeroddiwiryiha maaddi enkhosanndda.”
9Yakobo ari variyari voollotani ni abusaayo, Rakele aaphiya ni enkhosa dda attiitthinnya. Olliyooyo sika achiha enkhosannddo. 10Yakobo amoonille Rakele mwaana aamutthiyana a Labani murokoriwa a amennya ni enkhosa dda Labanooyo, aaya weehimeninko aphikirisavo nllukunno nave addiwiryiha enkhosa dda Labaninnddo. 11Vano Yakobo aamukhupaarella Rakelooyo nave ahinlla mookhuwa. 12Nave aamulleella wi, “Mi tti mwaana a Rebeka, murokora aattiittho.”
Vano Rakele aathamaka wi aalleelle attiitthinnya. 13Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille. 14Vano Labani aallota wi, “Ee, ddawoona, weyaano tti mbalaaka a vanikutthani.” Yakobo aakhalla wenko va enthawi yookwakhwana mweeri mmodda.
Yakobo anaphara mutteko wa Labani wi amutthelle Rakele ni Leya
15Vano Labani aamulleella Yakobo wi, “Khe phaama wi okirumeyelleke moohillivelliwa, ekaamba yawi hiyaano tti abale. Okilleelle nnddo onapaalleewe wi kuullivelle.” 16Labani aari ni anamwani aatthiyana eelli, muullupalli Leya, mung'onong'ono Rakele. 17Leya aari ooreera#29.17 ooreera: apaalle oofooka. miittho koma Rakele aari a mwiilli wawoopeya phaama nave ooreera wunchichi.
18Yakobo aamukonda Rakele nave aallota wi, “Kineerewuupharellani mutteko miyakha mitthanu ni miilli ekaamba ya mwaninyu Rakele.”
19Labani ahaakhulla wi, “Tti ddaphaama wi Rakeloolla kuuvahe weyaano, ohiri muthu mmodda. Okhalleke ni miyaano.” 20Sika Yakobo aaphara mutteko miyakha mitthanu ni miilli wi amutthelle Rakele nave enthawi yeeyo yooneyille wonanko mallapo ooyeva, ekaamba yawi aamukonda wunchichi mutthiyanooyo.
21Vano Yakobo aamulleella Labani wi, “Enthawi yookwakhwana. Kivaheni mwaninyu wi kimutthelle.” 22Sika Labani aakhoza machellello ookwati, aawiithana athu attheene a wenko. 23Koma mahiiyu a nllapo nenno, Labani aamukusa Leya munipuroni mwa Rakele amwinnya Yakobo. Nave Yakobo aakonana ni Leya. 24(Enthawi yeeyo Labani aamuvelleellattho kaporwaaye Zilipa wa Leya.) 25Osaka wene ohinase, Yakobo ahoona wi mutthiyanooyo tti Leya. Sika aamukoha Labani wi, “Kaambiiwa tini mukeerenlleenyu ddenndda? Ethiyo valle nguupharelleni mutteko wi kimutthelle Rakele? Kaambiiwa tini mukillenkeenyu?”
26Labani ahaakhulla wi, “Khaddineereyeke owanihu wuno wi mung'onong'ono atthelliwe muullupallaaye ahinatthelliwe. 27Tiyera ophiyera omallihalle mulungu wa machellello na okwati vatulli viwa kineerewuuvaha Rakele nave wi oneerokipharellattho mutteko miyakha mitthanu ni miilli.”
28Yakobo ahaakhullella nave mulungu wa machellello a okwati omallille, Labani aamuvelleella Rakele wa Yakobo wi akhalle mwaariye. 29Enthawi yeeyo Labani aamuvelleellattho kaporwaaye Biliha wa Rakele. 30Sika Yakobo aakonana Rakele nave aamukonda wunchichi omukhwaranya Leya. Sika aamupharellattho mutteko Labani miyakha misese ni miilli.
Anamwani a Yakobo
31Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi. 32Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.#29.32 Rubeni: Nnddina nenna niniiweya wonanko na Eheberi nno ninattaphullella onani, mwaana aamullopwana apaalle ohoona ddoohoosa ddaka. 33Aakusattho erukullu emodda, amuyara mwaana mmodda aamullopwana nave aallota wi, “Apwiya aakivahattho mwaana aamullopwanoolla, kaambiiwa yahiiwa wi mamunaka khanakikonda.” Mwawi ddiiddo mwaanooyo aamuvaha nnddina nawi Simeoni.#29.33 Simeoni: Nnddina nenna niniiweya wonanko na Eheberi nno ninattaphullella iwani. 34Aakusattho erukullu emodda, amuyarattho mwaana mmodda aamullopwana nave aallota wi, “Vano mamunaka aneeropataana ni miyaano vawi koomuyarella anamwani araru.” Sika mwaanooyo aamuvaha nnddina nawi Levi.#29.34 Levi: Nnddina nenna niniiweya wonanko na Eheberi nno ninattaphullella oomakiwa. 35Aakusattho erukullu emodda, amuyara mwaana mmodda aamullopwana nave aallota wi, “Vano kineerewaatitimiha Apwiya.” Mwawi ddiiddo aamuvaha nnddina nawi Yuda.#29.35 Yuda: Nnddina nenna niniiweya wonanko na Eheberi nno ninattaphullella otitimiha. Vano ahiithuuwella oyara.
Currently Selected:
Genesis 29: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 29
29
Yakobo anaphiya wa Labani
1Vano Yakobo aavirellella ni olendwaaye wooya o ellapo ya athu a wookhuma nndduwa. 2Aphiyallewo ahoona ehime obusani navettho milloko miraru dda enkhosa ddikonaatthille vakhwipi va ehimeeyo. Enkhosannddo ddawirihiwa veehimeni yeella eyo vaddullu viwa vakhuneelliwe ni nlluku nuullupalli. 3Enkhosa ddittheddene ddaatthukumana weehimeninko, abusa ooweta enkhosannddo yaanaphikirisella okhwipi nllukunno wi nave ewiryiha enkhosannddo. Ddamalla owiryanko yaanaphikirisella nllukunno veehimenimvo.
4Nave Yakobo ahaakoha abusaayo wi, “Ethiyo akhwaaka munavenyera wuuwi?”
Alliwaayo yaamwaakhulla wi, “Ninavenyera o Harani.”
5Yakobo aakohattho wi, “Ethiyo Labani mwaana a Nahori munnamudduwella?”
Alliwaayo yahaakhulla wi, “Ee, ninnamudduwella.”
6Ahaakohattho wi, “Ooselliwa?”
Alliwaayo yahaakhulla wi, “Ee, ooselliwa. Mwanaye tti oyo, Rakele, anawa mvooyo ni enkhosa.”
7Yakobo aallota wi, “Vawi vano tti otthaana nave ohiri enthawi yootthukumana eziweto, tti woopaalleya muddiwiryihe maaddi navettho muvirellelle oddichiha.”
8Abusaayo yaamwaakhulla wi, “Khaniwora weera ddennddo vaavove enkhosa ddittheddene dditthukumanne vamodda nave niphikirisevo nlluku na veehimenimva. Neera ddiiddo sika nineeroddiwiryiha maaddi enkhosanndda.”
9Yakobo ari variyari voollotani ni abusaayo, Rakele aaphiya ni enkhosa dda attiitthinnya. Olliyooyo sika achiha enkhosannddo. 10Yakobo amoonille Rakele mwaana aamutthiyana a Labani murokoriwa a amennya ni enkhosa dda Labanooyo, aaya weehimeninko aphikirisavo nllukunno nave addiwiryiha enkhosa dda Labaninnddo. 11Vano Yakobo aamukhupaarella Rakelooyo nave ahinlla mookhuwa. 12Nave aamulleella wi, “Mi tti mwaana a Rebeka, murokora aattiittho.”
Vano Rakele aathamaka wi aalleelle attiitthinnya. 13Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille. 14Vano Labani aallota wi, “Ee, ddawoona, weyaano tti mbalaaka a vanikutthani.” Yakobo aakhalla wenko va enthawi yookwakhwana mweeri mmodda.
Yakobo anaphara mutteko wa Labani wi amutthelle Rakele ni Leya
15Vano Labani aamulleella Yakobo wi, “Khe phaama wi okirumeyelleke moohillivelliwa, ekaamba yawi hiyaano tti abale. Okilleelle nnddo onapaalleewe wi kuullivelle.” 16Labani aari ni anamwani aatthiyana eelli, muullupalli Leya, mung'onong'ono Rakele. 17Leya aari ooreera#29.17 ooreera: apaalle oofooka. miittho koma Rakele aari a mwiilli wawoopeya phaama nave ooreera wunchichi.
18Yakobo aamukonda Rakele nave aallota wi, “Kineerewuupharellani mutteko miyakha mitthanu ni miilli ekaamba ya mwaninyu Rakele.”
19Labani ahaakhulla wi, “Tti ddaphaama wi Rakeloolla kuuvahe weyaano, ohiri muthu mmodda. Okhalleke ni miyaano.” 20Sika Yakobo aaphara mutteko miyakha mitthanu ni miilli wi amutthelle Rakele nave enthawi yeeyo yooneyille wonanko mallapo ooyeva, ekaamba yawi aamukonda wunchichi mutthiyanooyo.
21Vano Yakobo aamulleella Labani wi, “Enthawi yookwakhwana. Kivaheni mwaninyu wi kimutthelle.” 22Sika Labani aakhoza machellello ookwati, aawiithana athu attheene a wenko. 23Koma mahiiyu a nllapo nenno, Labani aamukusa Leya munipuroni mwa Rakele amwinnya Yakobo. Nave Yakobo aakonana ni Leya. 24(Enthawi yeeyo Labani aamuvelleellattho kaporwaaye Zilipa wa Leya.) 25Osaka wene ohinase, Yakobo ahoona wi mutthiyanooyo tti Leya. Sika aamukoha Labani wi, “Kaambiiwa tini mukeerenlleenyu ddenndda? Ethiyo valle nguupharelleni mutteko wi kimutthelle Rakele? Kaambiiwa tini mukillenkeenyu?”
26Labani ahaakhulla wi, “Khaddineereyeke owanihu wuno wi mung'onong'ono atthelliwe muullupallaaye ahinatthelliwe. 27Tiyera ophiyera omallihalle mulungu wa machellello na okwati vatulli viwa kineerewuuvaha Rakele nave wi oneerokipharellattho mutteko miyakha mitthanu ni miilli.”
28Yakobo ahaakhullella nave mulungu wa machellello a okwati omallille, Labani aamuvelleella Rakele wa Yakobo wi akhalle mwaariye. 29Enthawi yeeyo Labani aamuvelleellattho kaporwaaye Biliha wa Rakele. 30Sika Yakobo aakonana Rakele nave aamukonda wunchichi omukhwaranya Leya. Sika aamupharellattho mutteko Labani miyakha misese ni miilli.
Anamwani a Yakobo
31Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi. 32Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.#29.32 Rubeni: Nnddina nenna niniiweya wonanko na Eheberi nno ninattaphullella onani, mwaana aamullopwana apaalle ohoona ddoohoosa ddaka. 33Aakusattho erukullu emodda, amuyara mwaana mmodda aamullopwana nave aallota wi, “Apwiya aakivahattho mwaana aamullopwanoolla, kaambiiwa yahiiwa wi mamunaka khanakikonda.” Mwawi ddiiddo mwaanooyo aamuvaha nnddina nawi Simeoni.#29.33 Simeoni: Nnddina nenna niniiweya wonanko na Eheberi nno ninattaphullella iwani. 34Aakusattho erukullu emodda, amuyarattho mwaana mmodda aamullopwana nave aallota wi, “Vano mamunaka aneeropataana ni miyaano vawi koomuyarella anamwani araru.” Sika mwaanooyo aamuvaha nnddina nawi Levi.#29.34 Levi: Nnddina nenna niniiweya wonanko na Eheberi nno ninattaphullella oomakiwa. 35Aakusattho erukullu emodda, amuyara mwaana mmodda aamullopwana nave aallota wi, “Vano kineerewaatitimiha Apwiya.” Mwawi ddiiddo aamuvaha nnddina nawi Yuda.#29.35 Yuda: Nnddina nenna niniiweya wonanko na Eheberi nno ninattaphullella otitimiha. Vano ahiithuuwella oyara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.