Genesis 32
32
Yakobo anakhozekella okumana ni Esau
1Yakobo aatimulla olendwaaye nave angelo a Mulluku yaakumana ni olliye. 2Awoonilleeye aallota wi, “Olla tti mulloko wa akhoto a Mulluku.” Sika nipuronno aaniromolla Mahanaimu.#32.2 Mahanaimu: Nnddina nenna mu Eheberi ninattaphullella misasa miilli. 3Vano Yakobo ahaarumiha amithengaaye wa Esau mwanamunne o Seiri, o ellapo ya Edomu. 4Ahaalangiza wi yamulleelle wi, “Miyaano Yakobo oorumeyellaanyu kakhalla wonanko mulleto wa apwiyaaka Labani nave kookhallawo enthawi yoorekama ophiyera ollello. 5Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”
6Amithengaayo ehokollweelle wa Yakobo, yaallota wi, “Naaya wa mwanamunninyu Esau nave animawa wi akumane ni nyuwaano ari ni athu 400.” 7Vano Yakobo ahoova wunchichi nave aatathilla murima sika ahaakawa milloko miilli athu aariiyena ni enkhosa, epuri, eng'ombe navettho ekamira.* 8M'murimani mwaye aganiza wi, “Esau awa wi awane ekhoto ni mulloko wawaamboolla, sika mulloko mmoddooyo ttuuthawa.”
9Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’ 10Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda. 11Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla. 12#Gen 22.17Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ” 13Akonille wenko mahiiyu yaayo, vatulli viwa aatthoollavo emphaso variyari va eyuumaaye ettheene aariiyena monga 14epuri ddaamutthiyana 200 ni ddaamullopwana 20, enkhosa ddaamutthiyana 200 ni ddaamullopwana 20, 15ekamira 30 ni aniiwa, eng'ombe ddaamutthiyana 40 ni ddaamullopwana khumi ni abulu aamutthiyana 20 ni aamullopwana khumi. 16Orive mulloko wa eziweto aawuhiya m'mattani mwa kaporo wi ahoollelle nave ahaalleella attheenaayo wi, “Nyuwaano muhoolle vang'ono nave vaweetani ni milloko dda eziweto mooneseseke wi vikhalleke mpata variyari va orive mulloko.” 17Aamulleella kaporo oohoollella mulloko wawaamba wi, “Mwanamunnaka Esau akumana ni weyaano nave akoha wi, ‘Ethiyo apwiyaawo ttaani? Ethiyo onaya wuuwi? Ethiyo eziweto ddiri vahoollomva tti ddawani?’ 18Weyaano waakhulle wi, ‘Ddenndda tti dda oorumeyellaanyu Yakobo nave anaddirumiha wa nyuwaano apwinnya wi ddikhalle emphaso. Olliyooyo ari mutulli mwahummu.’ ” 19Sika aamulleellattho kaporwaaye aneepiilli mawu amoddamoddave yaayo, vamoddattho kaporo aneeraru, ophiyera attheene yaaneeta moohoolliha eziweto. Ahaalleella wi, “Nndda sika munaamulleelleenyu Esau, mwakumanana. 20Mulloteke wi, ‘Navettho oorumeyellaanyu Yakobo ari mutulli mwahummu.’ ” Yakobo aganiza wi, “Koomukhurumusa murima ni emphaso kimurumihelleeminndda nave kakumanana apaalle aneerokaakhella phaama.” 21Sika emphasonnddo ddaahoolla nave mahiiyu yaayo Yakobo aakona omisasani wulle.
Yakobo anallipana ni muthu a o Penuwele
22Mahiiyu yaayo Yakobo aavenya, aakusa awariye eelli ni akaporwiiwa eellaalle ni anaaye khumi ni mmodda nave aallapuwa Yaboki. 23Aallapusalle athu attheenaalle, aallapusattho eyuumaaye ettheene. 24#Hos 12.3,4Olliye ahallille mutulli, yeekha.
Vano vaaphiya muthu oyo allipanilleeyena ophiyera otte waambeellaka osa. 25Muthooyo oonilleeye wi khapambana, aamukurukunyulla Yakobo voomellella kasambara sika kasambarooyo aakurukunyuwa yallipaniiwa. 26Vano muthooyo aallota wi, “Kihiye kiroweke kaambiiwa otte onimasa.” Koma Yakobo ahaakhulla wi, “Nguuhiya wi oroweke ophiyera okidalisalle.” 27Muthooyo aamukoha wi, “Nnddina nawo ttaani?” Yakobo ahaakhulla wi, “Nnddina naka tti Yakobo.” 28#Gen 35.10Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”#32.28 Israele: Nnddina nenna niniiweya wonanko na Eheberi nno ninattaphullella ollipana ni Mulluku apaalle Mulluku annallipana.
29 #
Owe 13.17,18 Vano Yakobo aallota wi, “Nanyeenettho mukilleelle nnddina nanyu.” Koma muthooyo ahaakhulla wi, “Onakikohera tini nnddina naka?” Nave muthooyo aamudalisa Yakobo.
30Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.#32.30 Penuwele: Nnddina nenna niniiweya wonanko na Eheberi nno ninattaphullella ekhove ya Mulluku. 31Nndduwa naari nikhumalle Yakobo atimulleeyewo o Penuwele nave eeta moottutthunya ekaamba yawi aakurukunyulliwa kasambara. 32Sika ekaamba ya yeella ophiyera ollello edduullu ddittheddene dda Israele kheddinacha musempha wa voomellella kasambara ekaamba yawi tti vamusemphani wa voomellella kasambara mvo Yakobo akurukunyulliweeye.
Currently Selected:
Genesis 32: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 32
32
Yakobo anakhozekella okumana ni Esau
1Yakobo aatimulla olendwaaye nave angelo a Mulluku yaakumana ni olliye. 2Awoonilleeye aallota wi, “Olla tti mulloko wa akhoto a Mulluku.” Sika nipuronno aaniromolla Mahanaimu.#32.2 Mahanaimu: Nnddina nenna mu Eheberi ninattaphullella misasa miilli. 3Vano Yakobo ahaarumiha amithengaaye wa Esau mwanamunne o Seiri, o ellapo ya Edomu. 4Ahaalangiza wi yamulleelle wi, “Miyaano Yakobo oorumeyellaanyu kakhalla wonanko mulleto wa apwiyaaka Labani nave kookhallawo enthawi yoorekama ophiyera ollello. 5Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”
6Amithengaayo ehokollweelle wa Yakobo, yaallota wi, “Naaya wa mwanamunninyu Esau nave animawa wi akumane ni nyuwaano ari ni athu 400.” 7Vano Yakobo ahoova wunchichi nave aatathilla murima sika ahaakawa milloko miilli athu aariiyena ni enkhosa, epuri, eng'ombe navettho ekamira.* 8M'murimani mwaye aganiza wi, “Esau awa wi awane ekhoto ni mulloko wawaamboolla, sika mulloko mmoddooyo ttuuthawa.”
9Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’ 10Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda. 11Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla. 12#Gen 22.17Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ” 13Akonille wenko mahiiyu yaayo, vatulli viwa aatthoollavo emphaso variyari va eyuumaaye ettheene aariiyena monga 14epuri ddaamutthiyana 200 ni ddaamullopwana 20, enkhosa ddaamutthiyana 200 ni ddaamullopwana 20, 15ekamira 30 ni aniiwa, eng'ombe ddaamutthiyana 40 ni ddaamullopwana khumi ni abulu aamutthiyana 20 ni aamullopwana khumi. 16Orive mulloko wa eziweto aawuhiya m'mattani mwa kaporo wi ahoollelle nave ahaalleella attheenaayo wi, “Nyuwaano muhoolle vang'ono nave vaweetani ni milloko dda eziweto mooneseseke wi vikhalleke mpata variyari va orive mulloko.” 17Aamulleella kaporo oohoollella mulloko wawaamba wi, “Mwanamunnaka Esau akumana ni weyaano nave akoha wi, ‘Ethiyo apwiyaawo ttaani? Ethiyo onaya wuuwi? Ethiyo eziweto ddiri vahoollomva tti ddawani?’ 18Weyaano waakhulle wi, ‘Ddenndda tti dda oorumeyellaanyu Yakobo nave anaddirumiha wa nyuwaano apwinnya wi ddikhalle emphaso. Olliyooyo ari mutulli mwahummu.’ ” 19Sika aamulleellattho kaporwaaye aneepiilli mawu amoddamoddave yaayo, vamoddattho kaporo aneeraru, ophiyera attheene yaaneeta moohoolliha eziweto. Ahaalleella wi, “Nndda sika munaamulleelleenyu Esau, mwakumanana. 20Mulloteke wi, ‘Navettho oorumeyellaanyu Yakobo ari mutulli mwahummu.’ ” Yakobo aganiza wi, “Koomukhurumusa murima ni emphaso kimurumihelleeminndda nave kakumanana apaalle aneerokaakhella phaama.” 21Sika emphasonnddo ddaahoolla nave mahiiyu yaayo Yakobo aakona omisasani wulle.
Yakobo anallipana ni muthu a o Penuwele
22Mahiiyu yaayo Yakobo aavenya, aakusa awariye eelli ni akaporwiiwa eellaalle ni anaaye khumi ni mmodda nave aallapuwa Yaboki. 23Aallapusalle athu attheenaalle, aallapusattho eyuumaaye ettheene. 24#Hos 12.3,4Olliye ahallille mutulli, yeekha.
Vano vaaphiya muthu oyo allipanilleeyena ophiyera otte waambeellaka osa. 25Muthooyo oonilleeye wi khapambana, aamukurukunyulla Yakobo voomellella kasambara sika kasambarooyo aakurukunyuwa yallipaniiwa. 26Vano muthooyo aallota wi, “Kihiye kiroweke kaambiiwa otte onimasa.” Koma Yakobo ahaakhulla wi, “Nguuhiya wi oroweke ophiyera okidalisalle.” 27Muthooyo aamukoha wi, “Nnddina nawo ttaani?” Yakobo ahaakhulla wi, “Nnddina naka tti Yakobo.” 28#Gen 35.10Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”#32.28 Israele: Nnddina nenna niniiweya wonanko na Eheberi nno ninattaphullella ollipana ni Mulluku apaalle Mulluku annallipana.
29 #
Owe 13.17,18 Vano Yakobo aallota wi, “Nanyeenettho mukilleelle nnddina nanyu.” Koma muthooyo ahaakhulla wi, “Onakikohera tini nnddina naka?” Nave muthooyo aamudalisa Yakobo.
30Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.#32.30 Penuwele: Nnddina nenna niniiweya wonanko na Eheberi nno ninattaphullella ekhove ya Mulluku. 31Nndduwa naari nikhumalle Yakobo atimulleeyewo o Penuwele nave eeta moottutthunya ekaamba yawi aakurukunyulliwa kasambara. 32Sika ekaamba ya yeella ophiyera ollello edduullu ddittheddene dda Israele kheddinacha musempha wa voomellella kasambara ekaamba yawi tti vamusemphani wa voomellella kasambara mvo Yakobo akurukunyulliweeye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.