Genesis 49
49
Mawu oomallihella a Yakobo
1Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”
2“Muwe wuno nave mwaapelle maaru,
nyuwaano anamwani a Yakobo.
Muwiiwellelle attiitthiinyu Israele.”
3“Rubeni, mwanaka awaamba, weyaano tti masivaaka,
tti echipaso yawaamba ya masivaaka.
Mwa anaaka attheene,
muullupalli tti weyaano va otitimiheya ni va masiva.
4Tti wonanko echigumula ya maaddi awoopiha.
Koma khokhallattho awaaposa akhwaawo,
kaambiiwa waakona ni mwaaraka mung'onong'ono
nave waheera ddoowulliha muru vabedini a attiittho.”
5“Simeoni ni Levi tti amoddamoddave.
Enaphariha mutteko ezida ddiwa dda ekhoto vaweerani echiwawa.
6Ngiwa kiiwanana ni ddoollota ddiwa ddavakhwipi,
naari va mitthukumano ddiwa, ngiwa kaattanana,
kaambiiwa yaawiipha athu moosha murima,
nave yahaaphoriiha anankhoro a eng'ombe mwa ekuku,
nave yahaatthattusa yoottheellana.
7Otembeleliwe osha murima kaambiiwa tti wawoopiha,
otembeleliwettho owalliiwa kaambiiwa wenko tti ohoosa.
Kineerewaamwara mu ellapo ettheene ya Yakobo,
Kineerewaapallallesa variyari va Israele.”
8“Yuda, asinno eneerewuuthokoza,
nave adanaawo oneerewaagonjiha,
navettho abalaawo eneerewuukokhorella.
9 #
Num 24.9; Yaw 5.5 Yuda ari wonanko mwanamukango,
Iipha enamaaye, annahokollweellattho nko aniipittheeye.
Annattaphuruwa navettho annakonaatthi vatthi wonanko mukango,
Nave khaavo anaallipe murima wi amuvenyihe.
10Yuda eneerophareella ekopo yoomwene enthawi ddittheddene.
Aneerowummellella omwenooyo,
nave aneerosunga masiviiwa,
ophiyera mwaneenaneena aphiyalle,
oyo anaalamulelle athu attheene.#49.10: Mawu ookayikella awi ophiyera…aphiyalle; mu Eheberi kheniiweya phaama.
11Bulwaaye anamumakellella vamuteekhoni wa mpesa,
mwaana a bulu o mpesa waphaama.
Ddoowara ddaye anaddichapa mu vinyo,
mu vinyo oofiira wonanko nikhame.
12Miitthwaaye tti oofiira ni vinyo,
miinwaaye tti aweella ni mukaka.”#49.12 Miitthwaaye…mukaka: apaalle Miitthwaaye tti ooripa omukhwaranya vinyo, miinwaaye tti aweella okhwaranya mukaka.
13“Zebuloni anaakhalleke mukhwipi mwa enyanja,
madokwaaye eneerokhalla mapuro a echombo,
ellapwaaye eneerophiya o Sidoni.”
14“Isakara ari wonanko bulu amasiva,
anakona moottaphuruwa variyari va katundu.
15Nave ahoona okhalla phaama wa nipuro nawiithuuwellamonno,
ahoonattho wi ellapweeyo tti yooreera.
Aawaramiha mutthana wi amutukhulle katundwaaye,
nave aatthattuwa oophara mutteko wathangata.”
16“Dani aneerewaalamulella athwaaye.
Athwaayo eneerophwanaphwana ni malloko mamodda a Aisraele.
17Dani anaakhalle wonanko enowa vakhwipi va musewu,
enowa yoovoreya wunchichi vakhwipi va musewu,
Yoolluma etotopwa ya kavalo,
wi oowellavooyo iikuhe ni etulli.”
18“Kinatiyerella ovullusa wa Apwiya.”
19“Gadi aneerohelliwa ekhoto ni allupaawiiya,
Koma olliyooyo aneerewaagonjiha vatulli viwa.”
20“Ellapo ya Ashere eneerokhalla ni ddoocha ddooddiva,
yoocha yoophwanella mamwene.”
21“Nafutali ari wonanko epaalla yamuhakani#49.21 Nafutali…yamuhakani: apaalle Nafutali ari wonanko muteekho woovattha oyo onaphuwa enthambi ddooreera.
eyo enaayara anamwani ooreera.”
22“Yosefe ari wonanko enthambi yawiima ezipaso,
enthambi yawiima ezipaso vakhuviru ni neetuutu,
enthambi yoorapella vasirini.#49.22 Yosefe…vasirini: apaalle Yosefe ari wenko bulu amuhakani vakhuviru ni neetuutu, wonanko mwaana a kavalo vamwaangoni.
23Adanaaye yaallipanana mweekuku,
nave yaamwiikariha ni miira ddiwa.
24Koma olliye muuraaye wahiimella moollipa
nave miwono ddaye ddaallipattho,#49.24 Koma…ddaallipattho: apaalle Koma miira ddiwa ddahinttakiwa ni onyenyiwa, misempha dda miwono ddiwa ddaaphaddiwa.
ni masiva a Mulluku Amasiva Mattheene a Yakobo,
oyo tti Mbusa, Nlluku na Israele.
25Mulluku a attiittho anuukavihera,
Mulluku Amasiva Mattheene sika anuudalisa.
Annudalisa ni murimu oovenyera muddullu,
ni maaddi ootuulla ovenyera vatthi va ethaya.
Nave aneerewuudalisa vawuuvahani anamwani anchichi
ni eng'ombe ddinchichi.
26Madaliso a attiittho tti amasiva#49.26: Mawu ookayikella awi Madaliso a chimanga ni malluwa; mu Eheberi mookhalla mawu awi Madaliso…amasiva.
okhwaranya madaliso a miyaango ddoohimalla,#49.26: Ottaphullella wakhalle omodda wookhalla ni mawu awi miyaango ddoohimalla; mu Eheberi mookhalla mawu awi makhollwaaka.
okhwaranyattho ddaphaama dda o miyaango dding'onong'ono ddoohimalla.
Ddenndda ddinaakhalle vamuruni va Yosefe,
vamuruni va oohoollella oyo amutthoollilleeye khalleve variyari va asinne.”
27“Benjamini ari wonanko enama yawoopiha
ohinase annattakhuna nnddo aphanreeye,
nave mahiiyu annakawa ddawaakhannddo.”
28Alla sika attekweene a malloko khumi ni meelli a Israele nave alla sika attiitthiiwa Yakobo aalleelleeye, mvo amudaliseeye arive muthu mwa alliwaayo voollanyanani.
Okhwa ni ovitthiwa wa Yakobo
29Vano Yakobo ahaalamula anaaye wi, “Vawi kiri vakhuviru okhwa, mwakivitthe munikhunguni nno niri m'matani mwa Efuroni Muhiti, 30#Gen 23.3-20o Makipera. Niri wookhuma nndduwa wa Mamure mu ellapo ya Kanani. Abrahamu aakulla nikhungunno ni emateene ovenyera wa Efuroni Muhiti wi vikhalle mahame. 31#Gen 25.9,10; Gen 35.29Wenko sika wavitthiwe Abrahamu ni mwaariye Sara. Isaki ni mwaariye Rebeka yavitthiwettho wenko. Nave Leya kamuvintthettho wenko. 32Emateeyo ni nikhungunno akullalle ovenyera wa Ahiti.” 33#Mit 7.15Vano Yakobo amallihalle waalangiza anaaye, aahokollosellattho manyallwaaye vabedini nave aakhwa.
Currently Selected:
Genesis 49: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 49
49
Mawu oomallihella a Yakobo
1Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”
2“Muwe wuno nave mwaapelle maaru,
nyuwaano anamwani a Yakobo.
Muwiiwellelle attiitthiinyu Israele.”
3“Rubeni, mwanaka awaamba, weyaano tti masivaaka,
tti echipaso yawaamba ya masivaaka.
Mwa anaaka attheene,
muullupalli tti weyaano va otitimiheya ni va masiva.
4Tti wonanko echigumula ya maaddi awoopiha.
Koma khokhallattho awaaposa akhwaawo,
kaambiiwa waakona ni mwaaraka mung'onong'ono
nave waheera ddoowulliha muru vabedini a attiittho.”
5“Simeoni ni Levi tti amoddamoddave.
Enaphariha mutteko ezida ddiwa dda ekhoto vaweerani echiwawa.
6Ngiwa kiiwanana ni ddoollota ddiwa ddavakhwipi,
naari va mitthukumano ddiwa, ngiwa kaattanana,
kaambiiwa yaawiipha athu moosha murima,
nave yahaaphoriiha anankhoro a eng'ombe mwa ekuku,
nave yahaatthattusa yoottheellana.
7Otembeleliwe osha murima kaambiiwa tti wawoopiha,
otembeleliwettho owalliiwa kaambiiwa wenko tti ohoosa.
Kineerewaamwara mu ellapo ettheene ya Yakobo,
Kineerewaapallallesa variyari va Israele.”
8“Yuda, asinno eneerewuuthokoza,
nave adanaawo oneerewaagonjiha,
navettho abalaawo eneerewuukokhorella.
9 #
Num 24.9; Yaw 5.5 Yuda ari wonanko mwanamukango,
Iipha enamaaye, annahokollweellattho nko aniipittheeye.
Annattaphuruwa navettho annakonaatthi vatthi wonanko mukango,
Nave khaavo anaallipe murima wi amuvenyihe.
10Yuda eneerophareella ekopo yoomwene enthawi ddittheddene.
Aneerowummellella omwenooyo,
nave aneerosunga masiviiwa,
ophiyera mwaneenaneena aphiyalle,
oyo anaalamulelle athu attheene.#49.10: Mawu ookayikella awi ophiyera…aphiyalle; mu Eheberi kheniiweya phaama.
11Bulwaaye anamumakellella vamuteekhoni wa mpesa,
mwaana a bulu o mpesa waphaama.
Ddoowara ddaye anaddichapa mu vinyo,
mu vinyo oofiira wonanko nikhame.
12Miitthwaaye tti oofiira ni vinyo,
miinwaaye tti aweella ni mukaka.”#49.12 Miitthwaaye…mukaka: apaalle Miitthwaaye tti ooripa omukhwaranya vinyo, miinwaaye tti aweella okhwaranya mukaka.
13“Zebuloni anaakhalleke mukhwipi mwa enyanja,
madokwaaye eneerokhalla mapuro a echombo,
ellapwaaye eneerophiya o Sidoni.”
14“Isakara ari wonanko bulu amasiva,
anakona moottaphuruwa variyari va katundu.
15Nave ahoona okhalla phaama wa nipuro nawiithuuwellamonno,
ahoonattho wi ellapweeyo tti yooreera.
Aawaramiha mutthana wi amutukhulle katundwaaye,
nave aatthattuwa oophara mutteko wathangata.”
16“Dani aneerewaalamulella athwaaye.
Athwaayo eneerophwanaphwana ni malloko mamodda a Aisraele.
17Dani anaakhalle wonanko enowa vakhwipi va musewu,
enowa yoovoreya wunchichi vakhwipi va musewu,
Yoolluma etotopwa ya kavalo,
wi oowellavooyo iikuhe ni etulli.”
18“Kinatiyerella ovullusa wa Apwiya.”
19“Gadi aneerohelliwa ekhoto ni allupaawiiya,
Koma olliyooyo aneerewaagonjiha vatulli viwa.”
20“Ellapo ya Ashere eneerokhalla ni ddoocha ddooddiva,
yoocha yoophwanella mamwene.”
21“Nafutali ari wonanko epaalla yamuhakani#49.21 Nafutali…yamuhakani: apaalle Nafutali ari wonanko muteekho woovattha oyo onaphuwa enthambi ddooreera.
eyo enaayara anamwani ooreera.”
22“Yosefe ari wonanko enthambi yawiima ezipaso,
enthambi yawiima ezipaso vakhuviru ni neetuutu,
enthambi yoorapella vasirini.#49.22 Yosefe…vasirini: apaalle Yosefe ari wenko bulu amuhakani vakhuviru ni neetuutu, wonanko mwaana a kavalo vamwaangoni.
23Adanaaye yaallipanana mweekuku,
nave yaamwiikariha ni miira ddiwa.
24Koma olliye muuraaye wahiimella moollipa
nave miwono ddaye ddaallipattho,#49.24 Koma…ddaallipattho: apaalle Koma miira ddiwa ddahinttakiwa ni onyenyiwa, misempha dda miwono ddiwa ddaaphaddiwa.
ni masiva a Mulluku Amasiva Mattheene a Yakobo,
oyo tti Mbusa, Nlluku na Israele.
25Mulluku a attiittho anuukavihera,
Mulluku Amasiva Mattheene sika anuudalisa.
Annudalisa ni murimu oovenyera muddullu,
ni maaddi ootuulla ovenyera vatthi va ethaya.
Nave aneerewuudalisa vawuuvahani anamwani anchichi
ni eng'ombe ddinchichi.
26Madaliso a attiittho tti amasiva#49.26: Mawu ookayikella awi Madaliso a chimanga ni malluwa; mu Eheberi mookhalla mawu awi Madaliso…amasiva.
okhwaranya madaliso a miyaango ddoohimalla,#49.26: Ottaphullella wakhalle omodda wookhalla ni mawu awi miyaango ddoohimalla; mu Eheberi mookhalla mawu awi makhollwaaka.
okhwaranyattho ddaphaama dda o miyaango dding'onong'ono ddoohimalla.
Ddenndda ddinaakhalle vamuruni va Yosefe,
vamuruni va oohoollella oyo amutthoollilleeye khalleve variyari va asinne.”
27“Benjamini ari wonanko enama yawoopiha
ohinase annattakhuna nnddo aphanreeye,
nave mahiiyu annakawa ddawaakhannddo.”
28Alla sika attekweene a malloko khumi ni meelli a Israele nave alla sika attiitthiiwa Yakobo aalleelleeye, mvo amudaliseeye arive muthu mwa alliwaayo voollanyanani.
Okhwa ni ovitthiwa wa Yakobo
29Vano Yakobo ahaalamula anaaye wi, “Vawi kiri vakhuviru okhwa, mwakivitthe munikhunguni nno niri m'matani mwa Efuroni Muhiti, 30#Gen 23.3-20o Makipera. Niri wookhuma nndduwa wa Mamure mu ellapo ya Kanani. Abrahamu aakulla nikhungunno ni emateene ovenyera wa Efuroni Muhiti wi vikhalle mahame. 31#Gen 25.9,10; Gen 35.29Wenko sika wavitthiwe Abrahamu ni mwaariye Sara. Isaki ni mwaariye Rebeka yavitthiwettho wenko. Nave Leya kamuvintthettho wenko. 32Emateeyo ni nikhungunno akullalle ovenyera wa Ahiti.” 33#Mit 7.15Vano Yakobo amallihalle waalangiza anaaye, aahokollosellattho manyallwaaye vabedini nave aakhwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.