Levitiko 21
21
Opatuleya wa allupa mukutho
1Apwiya yaallota ni Mose wi aalleelle anamwani a Aroni wi, “Vihikhalle naari mmodda oyo anaawiiripihe voottannyani mutembo variyari va abalaaye. 2Koma ttuuttannya mutembo wa amennya, wa attiitthinnya, wa mwanaye aamullopwana, wa mwanaye aamutthiyana, wa mwanamunne 3apaalle wa murokoriye oohitthelliwa oyo anakhalla vakhuviru ni olliye vawi khanna mullopwana. 4Mullupa mukutho ahiiripihe ni mutembo wa allamwaaye.#21.4: Evesi yeella mu Eheberi kheniiweya phaama. 5#Lev 19.27,28; Deu 14.1Allupa mukutho ehicheme meehi omuruni wiwa apaalle ochema mukhwipi mwa ereru ddiwa apaallettho wiiremarema vamwiillini. 6Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella. 7Ehinamutthella mutthiyana ooraruwa apaalle mutthiyana oyo aripihiwe navettho ehimutthelle mutthiyana oyo ahiyiwe ni mamune vawi mullupa mukutho tti aweella vamiitthoni va Mullukwaaye. 8Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella. 9Nave mwaana aamutthiyana a mullupa mukutho iiripiha vookhallani ooraruwa, annaaripiha attiitthinnya. Vano mwaanooyo emushellellihe.
10“Muthu oyo ari mullupa mukutho muullupalli oyo yamuzozilliiwa ni makhura navettho oyo apatuliwe wi aware ddoowara dda ddoopatuleya ahikhalle oohipesa apaalle waahulla ddoowara ddaye wooniha ethakaraka. 11Ahivollowe nko ori orive mutembo ni wiiripihana apaalle mutembo wa attiitthinnya naari wa amennya. 12Ddeereya ddenndda ahikhume munipuroni naweella apaalle oripiha nipuro naweella na Mullukwaaye vawi makhura oomuzozella a Mullukwaaye ayo azozelliweeye eri va olliye. Mi tti Apwiya. 13Nave amutthelle namwalli oohimudduwella mullopwana. 14Ahimutthelle naamukhwelle apaalle mutthiyana oyo mamune amuhiyalle apaallettho mutthiyana ooraruwa. Koma amutthelle namwalli oyo oohimudduwella mullopwana variyari athu a nlloko naye, 15wi ahiripihe edduullu ddaye vawi mi tti Apwiya ayo yamupatulalle.”
16Apwiya yaallota ni Mose wi 17allote ni Aroni wi, “Arive muthu a edduullu ddawo a mibado ddittheddene oyo arakanlle ahiwe wi aheraatthi mukutho wa Mullukwaaye. 18Arive muthu oorakalla ahisusere vakhuviru ni nikuwa wonanko oohoona apaalle oottutthunya, oorakalla owiitthoni apaalle ookhalla ni mweto mmodda wookhuveya okhwaranya mukhwaaye, 19oorakalla nnyallo apaalle oorakalla nnatta, 20amuralla apaalle ookhuveyesesa, oondeeluwa niittho, ookhalla ni ereta yooneena apaalle oovelle apaallettho oophweeya mukhoveni. 21Vihikhalle naari mmodda a edduullu dda Aroni oyo arakanlle anaasuselle vakhuviru ni nikuwa wi aheraatthi mukutho wawoosiwa viikho wa mi Apwiya ekaamba ya orakalla waye ahaatamelle vakhuviru ni nikuwa wi avelleelle ddoocha dda Mullukwaaye. 22Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho. 23Koma ahiwe vakhuviru ni ekatani apaalle osusera va nikuwa kaambiiwa oorakalla woova wi anaaripihe ddeko ddaka ddaweellihiwa oopatuleya. Vawi mi tti Apwiya ayo yapatulalle ddeko ddenndda.” 24Ddenndda tti nnddo Mose amulleelleeye Aroni ni anaaye navettho Aisraele attheene.
Currently Selected:
Levitiko 21: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Levitiko 21
21
Opatuleya wa allupa mukutho
1Apwiya yaallota ni Mose wi aalleelle anamwani a Aroni wi, “Vihikhalle naari mmodda oyo anaawiiripihe voottannyani mutembo variyari va abalaaye. 2Koma ttuuttannya mutembo wa amennya, wa attiitthinnya, wa mwanaye aamullopwana, wa mwanaye aamutthiyana, wa mwanamunne 3apaalle wa murokoriye oohitthelliwa oyo anakhalla vakhuviru ni olliye vawi khanna mullopwana. 4Mullupa mukutho ahiiripihe ni mutembo wa allamwaaye.#21.4: Evesi yeella mu Eheberi kheniiweya phaama. 5#Lev 19.27,28; Deu 14.1Allupa mukutho ehicheme meehi omuruni wiwa apaalle ochema mukhwipi mwa ereru ddiwa apaallettho wiiremarema vamwiillini. 6Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella. 7Ehinamutthella mutthiyana ooraruwa apaalle mutthiyana oyo aripihiwe navettho ehimutthelle mutthiyana oyo ahiyiwe ni mamune vawi mullupa mukutho tti aweella vamiitthoni va Mullukwaaye. 8Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella. 9Nave mwaana aamutthiyana a mullupa mukutho iiripiha vookhallani ooraruwa, annaaripiha attiitthinnya. Vano mwaanooyo emushellellihe.
10“Muthu oyo ari mullupa mukutho muullupalli oyo yamuzozilliiwa ni makhura navettho oyo apatuliwe wi aware ddoowara dda ddoopatuleya ahikhalle oohipesa apaalle waahulla ddoowara ddaye wooniha ethakaraka. 11Ahivollowe nko ori orive mutembo ni wiiripihana apaalle mutembo wa attiitthinnya naari wa amennya. 12Ddeereya ddenndda ahikhume munipuroni naweella apaalle oripiha nipuro naweella na Mullukwaaye vawi makhura oomuzozella a Mullukwaaye ayo azozelliweeye eri va olliye. Mi tti Apwiya. 13Nave amutthelle namwalli oohimudduwella mullopwana. 14Ahimutthelle naamukhwelle apaalle mutthiyana oyo mamune amuhiyalle apaallettho mutthiyana ooraruwa. Koma amutthelle namwalli oyo oohimudduwella mullopwana variyari athu a nlloko naye, 15wi ahiripihe edduullu ddaye vawi mi tti Apwiya ayo yamupatulalle.”
16Apwiya yaallota ni Mose wi 17allote ni Aroni wi, “Arive muthu a edduullu ddawo a mibado ddittheddene oyo arakanlle ahiwe wi aheraatthi mukutho wa Mullukwaaye. 18Arive muthu oorakalla ahisusere vakhuviru ni nikuwa wonanko oohoona apaalle oottutthunya, oorakalla owiitthoni apaalle ookhalla ni mweto mmodda wookhuveya okhwaranya mukhwaaye, 19oorakalla nnyallo apaalle oorakalla nnatta, 20amuralla apaalle ookhuveyesesa, oondeeluwa niittho, ookhalla ni ereta yooneena apaalle oovelle apaallettho oophweeya mukhoveni. 21Vihikhalle naari mmodda a edduullu dda Aroni oyo arakanlle anaasuselle vakhuviru ni nikuwa wi aheraatthi mukutho wawoosiwa viikho wa mi Apwiya ekaamba ya orakalla waye ahaatamelle vakhuviru ni nikuwa wi avelleelle ddoocha dda Mullukwaaye. 22Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho. 23Koma ahiwe vakhuviru ni ekatani apaalle osusera va nikuwa kaambiiwa oorakalla woova wi anaaripihe ddeko ddaka ddaweellihiwa oopatuleya. Vawi mi tti Apwiya ayo yapatulalle ddeko ddenndda.” 24Ddenndda tti nnddo Mose amulleelleeye Aroni ni anaaye navettho Aisraele attheene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.