A Vuhuna 15
15
A Ngava Dagi na Vure Turana e Abram
1Muri a nitane BAKOVI DAGI i bele ne Abram na vurena, i ta maea,
“Abram, naha ni mangenge,
iau a galeu vomu,
ga rata kamumu hateka ioe.”
2Lakea e Abram i nana maea, “Bakovi Dagi, ioe a matakari na maki lobo, a ra go habia nau? Iau a bala e tugu. A viri bara i bole a murigu re Elieser o Damaskus. 3Ioe i uka ma o habia nau tara koma. A vora nau bara i bole lobo a mahala nau.”
4Muri a ngava ne BAKOVI DAGI i bele vona, “Ra bakovi iea i uka ma ge bole a murimu. E tumu muholi a viri bara i bole a murimu.” 5#Rom 4:18; Hib 11:12Muri e Bakovi Dagi i tuli talea e Abram i takia, “O mata rike na hunu, o toni ni gi lobo a hada nga.” Muri i takia, “E huriki a hamomu bara ri kupo manga a hada nga.”
6 #
Rom 4:3; Gal 3:6; Iak 2:23 E BAKOVI DAGI i galea e Abram a bakovi malamala, a vuhuna i luhoi a nitana.
7I taki tabua e Abram, “Iau e BAKOVI DAGI. Iau kunana a bole tala ioe na tanga e Ur na robo e Kaldia, a habia vomu ra malala iea, ngane ge ne vomu liu.”
8Lakea e Abram i ta maea, “Bakovi Dagi, ioe a matakari na maki lobo, ga matakilala navia a malala iea ge ne nau?”
9Lakea a Vure i koli mulea, i ta maea, “O vano o bole valai a kinana bulmakau, a meme, a sipsip a toga. A pida ne tou ge tolu. O bole turana a balu tano, a balu havura.”
10Lakea e Abram i bole a maka maki nga, i habi na Vure. Muri i poka a maka maki nga, i bale ruarua. Pali a kadirovo i rua i uka ma i poka. 11Muri i valai a maka loha ta ri gi gogo a maka kania nga, pali e Abram i lili tala ria.
12 #
Jop 4:13-14
I tabukoi ge rolo a haro, i mahita mate e Abram, lakea a uvo vatubi i kavitagua, i ratea i mangenge hateka. 13#Nim 1:1-14; Apo 7:6Lakea e BAKOVI DAGI i takia, “Muholi hateka, e huriki a hamomu bara ria a mosi na robo basi tara, bara ni vakavora, ni vakamadihi ria na pida i 400. 14#Nim 12:40-41; Apo 7:7Pali iau bara ratapilea a tanga ra i vakavora ria, muri bara ri pagitala turana a mahala i kupo. 15Pali ioe bara o made na nivalemu ge harena na tahuna o gare liu vona, o mate, ni tanu. 16E huriki a hamomu ri vakatubu ne kukulima, bara ri hamule valai koea muri ma. Pali i uka ma ge ioe, a vuhuna a naro hale ne huriki a Amor i uka ma i hale hateka ma.”
17I rolo pali a haro, i bele a uvo lakea i bele a hubena kanono turana a ulo i vona a pokona, ru tabuli na kurukuruna kania. 18#Apo 7:5Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis, 19turana a maka robo na kabu ne Ken, ne Kenis, ne Kadmon, 20ne Hiti, ne Peres, ne Repaim, 21ne Amor, ne Kenan, ne Girgas, ne Iebus.”
Currently Selected:
A Vuhuna 15: bnp
Highlight
Share
Copy
Want to have your highlights saved across all your devices? Sign up or sign in
© 2011 Wycliffe Bible Translators, Inc. All rights reserved.
A Vuhuna 15
15
A Ngava Dagi na Vure Turana e Abram
1Muri a nitane BAKOVI DAGI i bele ne Abram na vurena, i ta maea,
“Abram, naha ni mangenge,
iau a galeu vomu,
ga rata kamumu hateka ioe.”
2Lakea e Abram i nana maea, “Bakovi Dagi, ioe a matakari na maki lobo, a ra go habia nau? Iau a bala e tugu. A viri bara i bole a murigu re Elieser o Damaskus. 3Ioe i uka ma o habia nau tara koma. A vora nau bara i bole lobo a mahala nau.”
4Muri a ngava ne BAKOVI DAGI i bele vona, “Ra bakovi iea i uka ma ge bole a murimu. E tumu muholi a viri bara i bole a murimu.” 5#Rom 4:18; Hib 11:12Muri e Bakovi Dagi i tuli talea e Abram i takia, “O mata rike na hunu, o toni ni gi lobo a hada nga.” Muri i takia, “E huriki a hamomu bara ri kupo manga a hada nga.”
6 #
Rom 4:3; Gal 3:6; Iak 2:23 E BAKOVI DAGI i galea e Abram a bakovi malamala, a vuhuna i luhoi a nitana.
7I taki tabua e Abram, “Iau e BAKOVI DAGI. Iau kunana a bole tala ioe na tanga e Ur na robo e Kaldia, a habia vomu ra malala iea, ngane ge ne vomu liu.”
8Lakea e Abram i ta maea, “Bakovi Dagi, ioe a matakari na maki lobo, ga matakilala navia a malala iea ge ne nau?”
9Lakea a Vure i koli mulea, i ta maea, “O vano o bole valai a kinana bulmakau, a meme, a sipsip a toga. A pida ne tou ge tolu. O bole turana a balu tano, a balu havura.”
10Lakea e Abram i bole a maka maki nga, i habi na Vure. Muri i poka a maka maki nga, i bale ruarua. Pali a kadirovo i rua i uka ma i poka. 11Muri i valai a maka loha ta ri gi gogo a maka kania nga, pali e Abram i lili tala ria.
12 #
Jop 4:13-14
I tabukoi ge rolo a haro, i mahita mate e Abram, lakea a uvo vatubi i kavitagua, i ratea i mangenge hateka. 13#Nim 1:1-14; Apo 7:6Lakea e BAKOVI DAGI i takia, “Muholi hateka, e huriki a hamomu bara ria a mosi na robo basi tara, bara ni vakavora, ni vakamadihi ria na pida i 400. 14#Nim 12:40-41; Apo 7:7Pali iau bara ratapilea a tanga ra i vakavora ria, muri bara ri pagitala turana a mahala i kupo. 15Pali ioe bara o made na nivalemu ge harena na tahuna o gare liu vona, o mate, ni tanu. 16E huriki a hamomu ri vakatubu ne kukulima, bara ri hamule valai koea muri ma. Pali i uka ma ge ioe, a vuhuna a naro hale ne huriki a Amor i uka ma i hale hateka ma.”
17I rolo pali a haro, i bele a uvo lakea i bele a hubena kanono turana a ulo i vona a pokona, ru tabuli na kurukuruna kania. 18#Apo 7:5Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis, 19turana a maka robo na kabu ne Ken, ne Kenis, ne Kadmon, 20ne Hiti, ne Peres, ne Repaim, 21ne Amor, ne Kenan, ne Girgas, ne Iebus.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Wycliffe Bible Translators, Inc. All rights reserved.