Lúkas 11
11
Yésus ag yéglɛ ɓayége ɓɛ́ɛ́ míkánɛ
(Mat 6.9-13)
1Ɔlɔ́ vá, Yésus a ɓɛ́ɛ́ voóm á míkánɛ. Ɛnɛ́ a mánɛ, ŋ̀yége wɛɛ́ wa ɔ lága nyɛ nɛ́: «Ɛtáŋɛ, étɛ ɓɛ́hɛ li kánɛ, ákaa Yohánɛs Ǹtíi-nzoɓan a yéglɛ́ ɓayége ɓɛ́ɛ́.» 2Yésus ɔ lága ɓɔ nɛ́: «Kí miníg kánɛ, laglán nɛ́:
Etāa,
ɓɔ̄ŋ nɛ́ joó jɔ́ɔ li yílɛ́ lipúán,
ɓɔ̄ŋ nɛ́ Likanʼyɛ jɔ́ɔ li sɔ́,
3Tí ɓɛ́hɛ lidí jé li kɔɔ́ ɓɛ́hɛ ɔlɔ́ sig,
4Laakɛ́ ɓɛ́hɛ miɓé máhá, átɔm nɛ́ ɓɛ́hɛ-mɛ̄n ki biíg laakɛ
ɓáŋ bísɛ bí ŋga ályɛ ɓɛ́hɛ,
Ɔh mwahkɛ́gɛ́ ɓé ɓɛ́hɛ nɛ́ bi ku á míceglan.»
Nyɔ́ la nyɔ́ a ŋga ɓāt ag kuh
5La Yésus ɔ lága sīg-pɛ nɛ́: «kíyáɓɛ́nɛ mut wa á elɔŋ yáná a byɛ́ɛ́ liwándá, ndí á kɛ́ jɔ li ɛ́n á m̀mím-á-áū, a lágá jɔ nɛ́: Á ŋgwam, ɓálɛ́ ma bíkɔgá bíŋháa, 6ányúū nɛ liwándá jáma já jé lí mɓɛ́ á duwɛ la sɔ́, ndí mih byɛ́ɛ́ ɓé ma tɔ jam á lí kale lí nyɛ. 7Ndí kíyáɓɛ́nɛ jé liwándá li lɛ átē a ndáá la pélē nyɛ nɛ́: Ɔh teeŋgɛ́gɛ́ ɓé ma, likooká lí légɛ, ma la ɓɔɔ́n ɓáma ɓaá nante; mi ŋga la ɓé pɛ ma lí tɛ́lɛ á li tíi lí wa bíkɔgá. 8Mag yíhɛ ɓɛ́nɛ nɛ́, tɔ ɛ́ ɓɔŋ nɛ́ ah tɛ́lɛ ɓé á li tíi lí nyɛ yéé a ɓāt nyɛ á jóō lí líwāndá jáɓá, kasig mut a nzag a ŋgá kɔn ɓé mbɔɔla, ag kɛ li tɛ́lɛ á li tíi lí nyɛ yé ɛ́sɛ a ŋga sómo.
(Mat 7.7-11)
9Jɔ́ hɔ́ nɛ má mi ŋga laga ɓɛ́nɛ nɛ́: ɓatán, bíg kɛ ɓɛ́nɛ li tíi; somlán, miníg kɛ li kɔt; kɔtyán, bíg kɛ ɓɛ́nɛ li lege; 10átɔm nɛ́, nyɔ́ la nyɔ́ a ŋga ɓāt ag kuh, nyɔ́ a ŋga sómo, ag kɔt; nyɔ́ a ŋga kɔ̄tye, bíg kɛ nyɛ́ lí lege. 11Wɔɔ́wɔ́ɔ ɛsáŋɛ́ a ɓɔɔ́n á póla yaná a ŋga tíi mɔɔ́n wɛ́ɛ́ nyɔ ɛ ŋga póghan kíyáɓɛ́nɛ a ɓāt nyɛ kɔh é? 12Tɔ li tíi lí nyɛ ɔee kíyáɓɛ́nɛ a ɓāt nyɛ lici é? 13Ɓɛ́nɛ biɓéɓéyɛ bí ɓot hɔ́ kíyáɓɛ́nɛ miníg yí li tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Etāa nyɔ́ a lɛ á lóō a ŋga kɛ li tíi lí M̀búl Mpúán ɓá bí ŋga ɓāt nyɛ́ wɔ́.»
Ɓot bíg nyɔŋ Yésus kaa m̀ɓɔŋle á Bɛlzébul
(Mat 9.32-34; 12.22-30; Mlk 3.22-27)
14Yésus a pámhɛ́ɛ mut m̀búl m̀ɓé nyú á tɔ́ɔ̄yɛ́ɛ nyɛ́ mbúg. Ɛnɛ́ m̀búl m̀ɓé wá pám, nyí mbúg-mut yu ɓōtlé lí pɔ́t. La limut lísɛ lú nyág. 15Ndí jogo lí ɓot múŋ á póla yaɓá lú yó nɛ: «La ŋguu nyí Bɛlzébul, ŋ̀kanʼyɛ mimbúl míɓē nɛ nyɔ́ mut a ŋga dúhu mimbúl míɓē.» 16Ɓatám á li ceglɛ lí nyɛ, bú ɓāt nyɛ nɛ́ a étɛ́ ɓɔ́ ndembye ɛ ŋga sɔ́léne á lóō.
17Ndí, kasig Yésus a ŋga yí míɔ̄ŋɔ máɓá, ɔ lága ɓɔ nɛ́: «Ekombo la ekombo yé ɛ́ ŋga káaɓan ɛ́g cɛ́, milɛ́ɛ́ mɛ́ɛ́ míg ɓɛ́han mí á lóō lí míŋí. 18Kíyáɓɛ́nɛ Sátan ki ag duhɛ nyɛ́-mɛ̄n, nɛ́ láá ékombo yɛ́ɛ́ ɛ́ ŋga lá li tɛ́lɛ é? Átɔm nɛ miníg laga nɛ́: la ŋguu nyí Bɛlzébul nɛ́ mi ŋga dúhu mimbúl míɓē. 19Ndí kí yá ɓɛ́ hɔ́ nɛ la ŋguu nyí Bɛlzébul nɛ́ má mi ŋga dúhu mimbúl míɓē, ɓaá, ɓayége ɓáná ɓɔ́g bíg duhu mɔ́ lá ŋguu nyí nzáá é? Ɓɔ́-mɛ̄n bíg kɛ hɔ́ ɓɛ́nɛ li tíi lí mbóŋ éɓē yaná. 20Ndí kíyáɓɛ́nɛ la ŋguu nyí ɔnu-ví-wɔ ví Ɔlolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔlolómɛ̄ lá nyɛ́glé ɓɛ́nɛ. 21Eceg elóh-mut la bidulé byɛ́ɛ́ bí wélan a ŋga tát ndáá yɛ́ɛ́, miɓɛɛŋ mɛ́ɛ́ mí ŋgá sɛg ɓé tɔ puh. 22Ndí kíyáɓɛ́nɛ mut a ŋga loo nyɛ́ ŋguu a sɔ́, ndí á ɓóom nyɛ, ag nyɔŋle nyɛ́ bídulé byɛ́ɛ́ bí wélan bísɛ a váléné lípitá, la li kaa lí yé ɛ́sɛ a kɛ́tlé nyɛ. 23Nyɔ́ la nyɔ́ a sē ɓé la ma ag tɛ́ŋgánɛ ma; nyɔ́ ki a ŋgá komanɛ ɓé elɔŋ la ma, ag camanɛ.»
Eceg m̀búl m̀ɓé á ŋga níŋgi sīg-pɛ á nyúū mut
(Mat 12.43-45)
24«Eceg m̀búl m̀ɓé wá pám á nyúū mut, ág yeeyee á ɓávoóm bí ŋgónyá, ág somo voóm a évɛɛɓan. Ndí kasig á ŋgá kuh ɓé évɛɛɓan, ág laga la wɔ́-mɛ̄n nɛ́: ‹Mag timan á étɔ yáma ma pámléne.› 25Eceg á ŋga timan, ág kɔ́p nɛ́ etɔ yɛ́ɛ́ ɛ lɛ́ mvɔ́lɔg, ntɛ́gɛg m̀ɓɛɛŋ. 26Váŋ hɔ́ nɛ á ŋga tíman li kɛ lí li nyɔŋ á élɔŋ yɛ́ɛ́, biɓéɓéyɛ bí mímbūl míɓē nzambúwá bítām bí ŋga lōo wɔ́ ŋguu; la mɔ́ mísɛ má níŋgí, má tɔ́ɔ̄ á étɔ yáɓá. Eɓɛ́lé nyɔ́ŋ mut yá ɓéé li loo lí ŋgele ɔsú.»
27Ɛnɛ́ Yésus a mánɛ mpɔ́t, mindígá wa ɔ ɓétɛ cíŋ átē á limut a byɛ́la nyɛ́ nɛ́: «Misɔ́tá la mindígá a ɓɛ́gɛ̄ wa á líbum jɛ́ɛ́, ɔ nyáŋɛ́ ki wa.» 28Váŋ nɛ́ Yésus a pélē nɛ: «Misɔ́tá ja la ɓot bí ŋga ámble eɓaŋgá yé Ɔlolómɛ̄ ndí ɓá ōŋlé yɔ.»
Yésus ag ɓen li étɛ lí ɓot Ndembye
(Mat 12.38-42)
29Kasig ɓot bí ŋgí kondye li koman, Yésus ɔ ɓōtlé ɓɔ li laga nɛ́: «Nyí nyɔŋɔn ɓot ɛ lɛn ɛ lɛ eɓéɓéyɛ! Ɛg somo li ɛ́n lí ndembye, ndí bí ŋgá kɛ ɓé ɓɔ li étɛ lí ndembye etám tɔ ya, amáh sig nyí Yónas. 30Nlemlem ákaa Yónas a ɓɛ́ɛ́ ndembye nyí ɓot bí Níníve, náŋ ki nɛ́ Mɔɔ́n Mut a ŋga kɛ́ li ɓɛ́ lí ndembye ɛ nyí nyɔŋɔn ɛ lɛn. 31Á ɔlɔ́ ví ŋkál, Káísa mindígá nyí ékombo yé lɛ́ á ŋkɛɛ á Íslāɛl ɛg kɛ li tɛ́lɛ la ɓot bí nyí nyɔŋɔn á lí kuɛhɛ lí ɓɔ ŋkál, átɔm nɛ́ ya sɔ́léné á ékombo yé énɛŋɛ́ á lí ámble lí bíɓaŋgá bí peg bí Salómo. Ndí yíán hɔ́ nɛ, mut a lɛ vá nyɔ́ a ŋga lōo Salómo. 32Á eceg yé bíkāāhɛ́nɛ́, ɓot bí Níníve bíg kɛ li tɛ́lɛ á li kuɛhɛ lí nyí nyɔŋɔn ŋkál; átɔm nɛ́ ɓá veŋé bílɛ̄m li oŋle la pɔ́l Yónas a lɛ́gɛ ɓɔ. Yíán hɔ́ nɛ, mut a lɛ vá a ŋga lōo Yónas.»
Etúlkáŋ yé nyúū
(Mat 5.15; 6.22-23; Mlk 4.21; Lúk 8.16)
33«Mut tɔ wa a ŋgá koo ɓé étūlkáŋ ndí a sɔ́ɔ́ yɔ́; á mveŋghanɛ́, ag cɛɛ ja yɔ́ á lóō á li ɓɔŋ nɛ́ ɓáŋ bísɛ bí ŋga níŋgi bí ɛ́n mipúú. 34Diíh nɛ li lɛ etúlkáŋ yé nyúū yɔ́ɔ. Kí diíh jɔ́ɔ li lɛ́ mbólí, nyuú yɔ́ɔ ɛsɛ̄ ɛ lɛ á mípūū. Ndí kíyáɓɛ́nɛ diíh jɔ́ɔ líg kɔn, nyuú yɔ́ɔ ɛsɛ̄ ki ɛg ɓɛ́ átē a livito. 35Légɓé hɔ́ m̀ɓɛɛŋ kíyáɓɛ́nɛ mipúú mɔ́ɔ mí sē ɓé lívito. 36Kíyáɓɛ́nɛ nyuú yɔ́ɔ ɛsɛ̄ ɛ lɛ átē á mipúú, ŋgíla ɔnɛ́g ví lívito, ɛg kɛ li ɓɛ́ yɔ ɛsɛ̄ á mipúú ákaa á eceg etúlkáŋ ɛ́ ŋga páɛ wa la mipúú mɛ́ɛ́.»
Yésus ag tɛ́ŋgánɛ Elōg-Falísái la ɓayí-mbéndá
(Mat 23.4, 6-7, 13, 25-27, 29-31, 34-36)
37Ɛnɛ́ Yésus a mánɛ mpɔ́t, mut a Elōg-Falísái ɔ yáŋá nyɛ á li dí á yóg yɛ́ɛ̄. La nyɛ́ ɔ níŋgi, ɔ tɔ́ɔ̄ á téɓeli. 38Nyɔ́ mut a Elōg-Falísái ɔ nyág nɛ Yésus ah dúgú ɓé lí so lí mɔ sɔ́kágánɛ́ nɛ́ ag ɓotle li dí.
39Nyɔ́ŋ-Ɛsáŋɛ́ a byɛ́la nyɛ́ nɛ́: «Nyí vɔ́ŋɔ́ɔ, ɓɛ́nɛ ɓɔɔ́n bí Élōg-Falísái, miníg púɛ já mbúh míɓondó la yí tándi, ndí até wāná a yáhɛ la peg yí wíī la miɔ́ŋɔ miɓé. 40Á ɓot bí ŋgíla eyí ɓá! Ɓaá, mut a vēg mbúh ɓé ki nɛ́ a vēg átē é? 41Tíán ja ɓot bí ŋgɔ́ɔ́ yéé ɛ lɛ átē a bisóá byáná, váŋ nɛ́ mam mísɛ míg ŋga kɛ́ li ɓɛ́ lí mípūū ányúū yáná.
42Ndí eɓéé-nyúū la ɓɛ́nɛ, ɓot bí Elōg-Falísái, ɓɛ́nɛ ɓá miní ŋga tíi Ɔlolómɛ̄ joga já átē a jóom jé lí bilámlé#11.42 Bilámlé vá bí lɛ ja bikulaŋ bí nlám bísɛ bí ŋga kɔ̄gɓɛ á ŋgɔg, ákaa ndóŋ, nsíŋ, ɔʼɔm… ákaa nsíŋ, misee, miyɔm la yéé ɛ́sɛ ɛ ŋga lō á ǹdíí á líkund; ndí miní pún li ɓɔŋ lí mam mí tɛ́ɛ́ sim la li diŋ lí Ɔlolómɛ̄. Mam miní ŋga nyɛ́ɛ li ɓɔŋ míŋ, ɛ́h ɓɛ́ ɓé li yaŋa lí míŋí má yégle. 43Eɓéé-nyúū la ɓɛ́nɛ, ɓot bí Elōg-Falísái, ɓɛ́nɛ ɓá miní ŋga díiŋ bitɔ bí ɔ́sū á ndáá-miɓomán, la ŋgandag mítamlan á ɓávoóm bí límut. 44Eɓéé-nyúū la ɓɛ́nɛ, ɓá miní lɛ ákaa yí sɔŋ yí ŋgíla ndembye, yí bí ŋga wɛ́ɛhɛnɛ a lóō ŋgilí li yí.»
45Váŋ nɛ́ ŋ̀yí-mbéndá wa a lága Yésus nɛ́: «Á Ŋ̀yéglɛ, kí ɔg pɔ́t náŋ, ɔg óŋo ki ɓɛ́hɛ.» 46La nyɛ́ ɔ pélē nɛ: «Ɓɛ́nɛ ɓayí-mbéndá ki, eɓéé-nyúū la ɓɛ́nɛ, ɓɛ́nɛ ɓá miní ŋga ɓɛ́glɛ ɓot ɓatám mbɛgɛ ɛ ŋga díit, ndí ɓɛ́nɛ-mɛ̄n, manáh siiɓan ɓé tɔ yɔ la ɔnu-ví-wɔ á li óŋgánɛ lí ɓɔ. 47Eɓéé-nyúū la ɓɛ́nɛ miní ŋga nyɔŋ eceg li óŋ lí sɔŋ yí ɓápɔ́tle-bí-Ɔ́lolómɛ̄, nyaa nyí lɛ nɛ́ ɓasáŋɛ́ ɓáná nɛ́ ɓá ól ɓɔ. 48La náŋ hɔ́, miníg tɛ́lɛ mbóŋ li yéɓe lí yéé ɓasáŋɛ́ ɓáná ɓá ɓɔŋ; ányúū nɛ, ɓɔ́ ɓá ól ɓápɔ́tle-bí-Ɔ́lolómɛ̄, ɓɛ́nɛ ki munú óŋ sɔŋ yáɓá. 49Ányúū náŋ nɛ́ Ɔlolómɛ̄ á peg yɛ́ɛ̄ a lága nɛ: ‹Mag kɛ ɓɔ́ li ómle lí ɓápɔ́tle-bí-Ɔ́lolómɛ̄ la ɓaómɓɛ. Bíg kɛ li ól lí jogo, bí váŋgɛ ki ɓáŋá la ndeeŋgɛ,› 50á li ɓɔŋ nɛ́ bí ɓāt nyí nyɔŋɔn micii mí ɓápɔ́tle-bí-Ɔ́lolómɛ̄ bísɛ má kómɓɛ́ li ɓotle á míɓotlé mí ŋkɔŋ-á-sí, 51li ɓotle á mícii mí Ábɛl, li pám á mícii mí Sakália nyɔ́ bí ólóó á póla etága-nsúlé la ndáá-ēcɛ́ŋ-Ɔlolómɛ̄. La mbálɛ mag laga ɓɛ́nɛ nɛ́ nyí nyɔŋɔn ɛ lɛn ɛg kɛ́ li kuh lí nsála ányúū míŋ mam mísɛ. 52Eɓéé-nyúū la ɓɛ́nɛ, ɓayí-mbéndá, ɓɛ́nɛ ɓá miní byɛ́ɛ́ ɔdiɓa ví éyī, manáh níŋgi ɓé ɓɛ́nɛ-mɛ̄n, ndí miníg céŋɛ ki ɓáŋá ɓatám lí níŋgi.»
53Ɛnɛ́ Yésus a pámlé á nyíŋ ndáá, ɓayí-mbéndá la Elōg-Falísái bú ɓétlé nyɛ, la li nyághánɛ lí nyɛ nɛ́ a pélē ɓɔ́ nyaa yáɓá mbihi ɛ́sɛ bí ŋgí ɓat nyɛ́. 54Bí ŋgí ám nyɛ́ á bíɓaŋgá byɛ́ɛ́, á li ámble kí nɛ́ ag pɔ́t jam líh tɛ́ɛ́ ɓé.
Currently Selected:
Lúkas 11: NTB
Highlight
Share
Copy
Want to have your highlights saved across all your devices? Sign up or sign in
© 2023, CABTAL
Lúkas 11
11
Yésus ag yéglɛ ɓayége ɓɛ́ɛ́ míkánɛ
(Mat 6.9-13)
1Ɔlɔ́ vá, Yésus a ɓɛ́ɛ́ voóm á míkánɛ. Ɛnɛ́ a mánɛ, ŋ̀yége wɛɛ́ wa ɔ lága nyɛ nɛ́: «Ɛtáŋɛ, étɛ ɓɛ́hɛ li kánɛ, ákaa Yohánɛs Ǹtíi-nzoɓan a yéglɛ́ ɓayége ɓɛ́ɛ́.» 2Yésus ɔ lága ɓɔ nɛ́: «Kí miníg kánɛ, laglán nɛ́:
Etāa,
ɓɔ̄ŋ nɛ́ joó jɔ́ɔ li yílɛ́ lipúán,
ɓɔ̄ŋ nɛ́ Likanʼyɛ jɔ́ɔ li sɔ́,
3Tí ɓɛ́hɛ lidí jé li kɔɔ́ ɓɛ́hɛ ɔlɔ́ sig,
4Laakɛ́ ɓɛ́hɛ miɓé máhá, átɔm nɛ́ ɓɛ́hɛ-mɛ̄n ki biíg laakɛ
ɓáŋ bísɛ bí ŋga ályɛ ɓɛ́hɛ,
Ɔh mwahkɛ́gɛ́ ɓé ɓɛ́hɛ nɛ́ bi ku á míceglan.»
Nyɔ́ la nyɔ́ a ŋga ɓāt ag kuh
5La Yésus ɔ lága sīg-pɛ nɛ́: «kíyáɓɛ́nɛ mut wa á elɔŋ yáná a byɛ́ɛ́ liwándá, ndí á kɛ́ jɔ li ɛ́n á m̀mím-á-áū, a lágá jɔ nɛ́: Á ŋgwam, ɓálɛ́ ma bíkɔgá bíŋháa, 6ányúū nɛ liwándá jáma já jé lí mɓɛ́ á duwɛ la sɔ́, ndí mih byɛ́ɛ́ ɓé ma tɔ jam á lí kale lí nyɛ. 7Ndí kíyáɓɛ́nɛ jé liwándá li lɛ átē a ndáá la pélē nyɛ nɛ́: Ɔh teeŋgɛ́gɛ́ ɓé ma, likooká lí légɛ, ma la ɓɔɔ́n ɓáma ɓaá nante; mi ŋga la ɓé pɛ ma lí tɛ́lɛ á li tíi lí wa bíkɔgá. 8Mag yíhɛ ɓɛ́nɛ nɛ́, tɔ ɛ́ ɓɔŋ nɛ́ ah tɛ́lɛ ɓé á li tíi lí nyɛ yéé a ɓāt nyɛ á jóō lí líwāndá jáɓá, kasig mut a nzag a ŋgá kɔn ɓé mbɔɔla, ag kɛ li tɛ́lɛ á li tíi lí nyɛ yé ɛ́sɛ a ŋga sómo.
(Mat 7.7-11)
9Jɔ́ hɔ́ nɛ má mi ŋga laga ɓɛ́nɛ nɛ́: ɓatán, bíg kɛ ɓɛ́nɛ li tíi; somlán, miníg kɛ li kɔt; kɔtyán, bíg kɛ ɓɛ́nɛ li lege; 10átɔm nɛ́, nyɔ́ la nyɔ́ a ŋga ɓāt ag kuh, nyɔ́ a ŋga sómo, ag kɔt; nyɔ́ a ŋga kɔ̄tye, bíg kɛ nyɛ́ lí lege. 11Wɔɔ́wɔ́ɔ ɛsáŋɛ́ a ɓɔɔ́n á póla yaná a ŋga tíi mɔɔ́n wɛ́ɛ́ nyɔ ɛ ŋga póghan kíyáɓɛ́nɛ a ɓāt nyɛ kɔh é? 12Tɔ li tíi lí nyɛ ɔee kíyáɓɛ́nɛ a ɓāt nyɛ lici é? 13Ɓɛ́nɛ biɓéɓéyɛ bí ɓot hɔ́ kíyáɓɛ́nɛ miníg yí li tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Etāa nyɔ́ a lɛ á lóō a ŋga kɛ li tíi lí M̀búl Mpúán ɓá bí ŋga ɓāt nyɛ́ wɔ́.»
Ɓot bíg nyɔŋ Yésus kaa m̀ɓɔŋle á Bɛlzébul
(Mat 9.32-34; 12.22-30; Mlk 3.22-27)
14Yésus a pámhɛ́ɛ mut m̀búl m̀ɓé nyú á tɔ́ɔ̄yɛ́ɛ nyɛ́ mbúg. Ɛnɛ́ m̀búl m̀ɓé wá pám, nyí mbúg-mut yu ɓōtlé lí pɔ́t. La limut lísɛ lú nyág. 15Ndí jogo lí ɓot múŋ á póla yaɓá lú yó nɛ: «La ŋguu nyí Bɛlzébul, ŋ̀kanʼyɛ mimbúl míɓē nɛ nyɔ́ mut a ŋga dúhu mimbúl míɓē.» 16Ɓatám á li ceglɛ lí nyɛ, bú ɓāt nyɛ nɛ́ a étɛ́ ɓɔ́ ndembye ɛ ŋga sɔ́léne á lóō.
17Ndí, kasig Yésus a ŋga yí míɔ̄ŋɔ máɓá, ɔ lága ɓɔ nɛ́: «Ekombo la ekombo yé ɛ́ ŋga káaɓan ɛ́g cɛ́, milɛ́ɛ́ mɛ́ɛ́ míg ɓɛ́han mí á lóō lí míŋí. 18Kíyáɓɛ́nɛ Sátan ki ag duhɛ nyɛ́-mɛ̄n, nɛ́ láá ékombo yɛ́ɛ́ ɛ́ ŋga lá li tɛ́lɛ é? Átɔm nɛ miníg laga nɛ́: la ŋguu nyí Bɛlzébul nɛ́ mi ŋga dúhu mimbúl míɓē. 19Ndí kí yá ɓɛ́ hɔ́ nɛ la ŋguu nyí Bɛlzébul nɛ́ má mi ŋga dúhu mimbúl míɓē, ɓaá, ɓayége ɓáná ɓɔ́g bíg duhu mɔ́ lá ŋguu nyí nzáá é? Ɓɔ́-mɛ̄n bíg kɛ hɔ́ ɓɛ́nɛ li tíi lí mbóŋ éɓē yaná. 20Ndí kíyáɓɛ́nɛ la ŋguu nyí ɔnu-ví-wɔ ví Ɔlolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔlolómɛ̄ lá nyɛ́glé ɓɛ́nɛ. 21Eceg elóh-mut la bidulé byɛ́ɛ́ bí wélan a ŋga tát ndáá yɛ́ɛ́, miɓɛɛŋ mɛ́ɛ́ mí ŋgá sɛg ɓé tɔ puh. 22Ndí kíyáɓɛ́nɛ mut a ŋga loo nyɛ́ ŋguu a sɔ́, ndí á ɓóom nyɛ, ag nyɔŋle nyɛ́ bídulé byɛ́ɛ́ bí wélan bísɛ a váléné lípitá, la li kaa lí yé ɛ́sɛ a kɛ́tlé nyɛ. 23Nyɔ́ la nyɔ́ a sē ɓé la ma ag tɛ́ŋgánɛ ma; nyɔ́ ki a ŋgá komanɛ ɓé elɔŋ la ma, ag camanɛ.»
Eceg m̀búl m̀ɓé á ŋga níŋgi sīg-pɛ á nyúū mut
(Mat 12.43-45)
24«Eceg m̀búl m̀ɓé wá pám á nyúū mut, ág yeeyee á ɓávoóm bí ŋgónyá, ág somo voóm a évɛɛɓan. Ndí kasig á ŋgá kuh ɓé évɛɛɓan, ág laga la wɔ́-mɛ̄n nɛ́: ‹Mag timan á étɔ yáma ma pámléne.› 25Eceg á ŋga timan, ág kɔ́p nɛ́ etɔ yɛ́ɛ́ ɛ lɛ́ mvɔ́lɔg, ntɛ́gɛg m̀ɓɛɛŋ. 26Váŋ hɔ́ nɛ á ŋga tíman li kɛ lí li nyɔŋ á élɔŋ yɛ́ɛ́, biɓéɓéyɛ bí mímbūl míɓē nzambúwá bítām bí ŋga lōo wɔ́ ŋguu; la mɔ́ mísɛ má níŋgí, má tɔ́ɔ̄ á étɔ yáɓá. Eɓɛ́lé nyɔ́ŋ mut yá ɓéé li loo lí ŋgele ɔsú.»
27Ɛnɛ́ Yésus a mánɛ mpɔ́t, mindígá wa ɔ ɓétɛ cíŋ átē á limut a byɛ́la nyɛ́ nɛ́: «Misɔ́tá la mindígá a ɓɛ́gɛ̄ wa á líbum jɛ́ɛ́, ɔ nyáŋɛ́ ki wa.» 28Váŋ nɛ́ Yésus a pélē nɛ: «Misɔ́tá ja la ɓot bí ŋga ámble eɓaŋgá yé Ɔlolómɛ̄ ndí ɓá ōŋlé yɔ.»
Yésus ag ɓen li étɛ lí ɓot Ndembye
(Mat 12.38-42)
29Kasig ɓot bí ŋgí kondye li koman, Yésus ɔ ɓōtlé ɓɔ li laga nɛ́: «Nyí nyɔŋɔn ɓot ɛ lɛn ɛ lɛ eɓéɓéyɛ! Ɛg somo li ɛ́n lí ndembye, ndí bí ŋgá kɛ ɓé ɓɔ li étɛ lí ndembye etám tɔ ya, amáh sig nyí Yónas. 30Nlemlem ákaa Yónas a ɓɛ́ɛ́ ndembye nyí ɓot bí Níníve, náŋ ki nɛ́ Mɔɔ́n Mut a ŋga kɛ́ li ɓɛ́ lí ndembye ɛ nyí nyɔŋɔn ɛ lɛn. 31Á ɔlɔ́ ví ŋkál, Káísa mindígá nyí ékombo yé lɛ́ á ŋkɛɛ á Íslāɛl ɛg kɛ li tɛ́lɛ la ɓot bí nyí nyɔŋɔn á lí kuɛhɛ lí ɓɔ ŋkál, átɔm nɛ́ ya sɔ́léné á ékombo yé énɛŋɛ́ á lí ámble lí bíɓaŋgá bí peg bí Salómo. Ndí yíán hɔ́ nɛ, mut a lɛ vá nyɔ́ a ŋga lōo Salómo. 32Á eceg yé bíkāāhɛ́nɛ́, ɓot bí Níníve bíg kɛ li tɛ́lɛ á li kuɛhɛ lí nyí nyɔŋɔn ŋkál; átɔm nɛ́ ɓá veŋé bílɛ̄m li oŋle la pɔ́l Yónas a lɛ́gɛ ɓɔ. Yíán hɔ́ nɛ, mut a lɛ vá a ŋga lōo Yónas.»
Etúlkáŋ yé nyúū
(Mat 5.15; 6.22-23; Mlk 4.21; Lúk 8.16)
33«Mut tɔ wa a ŋgá koo ɓé étūlkáŋ ndí a sɔ́ɔ́ yɔ́; á mveŋghanɛ́, ag cɛɛ ja yɔ́ á lóō á li ɓɔŋ nɛ́ ɓáŋ bísɛ bí ŋga níŋgi bí ɛ́n mipúú. 34Diíh nɛ li lɛ etúlkáŋ yé nyúū yɔ́ɔ. Kí diíh jɔ́ɔ li lɛ́ mbólí, nyuú yɔ́ɔ ɛsɛ̄ ɛ lɛ á mípūū. Ndí kíyáɓɛ́nɛ diíh jɔ́ɔ líg kɔn, nyuú yɔ́ɔ ɛsɛ̄ ki ɛg ɓɛ́ átē a livito. 35Légɓé hɔ́ m̀ɓɛɛŋ kíyáɓɛ́nɛ mipúú mɔ́ɔ mí sē ɓé lívito. 36Kíyáɓɛ́nɛ nyuú yɔ́ɔ ɛsɛ̄ ɛ lɛ átē á mipúú, ŋgíla ɔnɛ́g ví lívito, ɛg kɛ li ɓɛ́ yɔ ɛsɛ̄ á mipúú ákaa á eceg etúlkáŋ ɛ́ ŋga páɛ wa la mipúú mɛ́ɛ́.»
Yésus ag tɛ́ŋgánɛ Elōg-Falísái la ɓayí-mbéndá
(Mat 23.4, 6-7, 13, 25-27, 29-31, 34-36)
37Ɛnɛ́ Yésus a mánɛ mpɔ́t, mut a Elōg-Falísái ɔ yáŋá nyɛ á li dí á yóg yɛ́ɛ̄. La nyɛ́ ɔ níŋgi, ɔ tɔ́ɔ̄ á téɓeli. 38Nyɔ́ mut a Elōg-Falísái ɔ nyág nɛ Yésus ah dúgú ɓé lí so lí mɔ sɔ́kágánɛ́ nɛ́ ag ɓotle li dí.
39Nyɔ́ŋ-Ɛsáŋɛ́ a byɛ́la nyɛ́ nɛ́: «Nyí vɔ́ŋɔ́ɔ, ɓɛ́nɛ ɓɔɔ́n bí Élōg-Falísái, miníg púɛ já mbúh míɓondó la yí tándi, ndí até wāná a yáhɛ la peg yí wíī la miɔ́ŋɔ miɓé. 40Á ɓot bí ŋgíla eyí ɓá! Ɓaá, mut a vēg mbúh ɓé ki nɛ́ a vēg átē é? 41Tíán ja ɓot bí ŋgɔ́ɔ́ yéé ɛ lɛ átē a bisóá byáná, váŋ nɛ́ mam mísɛ míg ŋga kɛ́ li ɓɛ́ lí mípūū ányúū yáná.
42Ndí eɓéé-nyúū la ɓɛ́nɛ, ɓot bí Elōg-Falísái, ɓɛ́nɛ ɓá miní ŋga tíi Ɔlolómɛ̄ joga já átē a jóom jé lí bilámlé#11.42 Bilámlé vá bí lɛ ja bikulaŋ bí nlám bísɛ bí ŋga kɔ̄gɓɛ á ŋgɔg, ákaa ndóŋ, nsíŋ, ɔʼɔm… ákaa nsíŋ, misee, miyɔm la yéé ɛ́sɛ ɛ ŋga lō á ǹdíí á líkund; ndí miní pún li ɓɔŋ lí mam mí tɛ́ɛ́ sim la li diŋ lí Ɔlolómɛ̄. Mam miní ŋga nyɛ́ɛ li ɓɔŋ míŋ, ɛ́h ɓɛ́ ɓé li yaŋa lí míŋí má yégle. 43Eɓéé-nyúū la ɓɛ́nɛ, ɓot bí Elōg-Falísái, ɓɛ́nɛ ɓá miní ŋga díiŋ bitɔ bí ɔ́sū á ndáá-miɓomán, la ŋgandag mítamlan á ɓávoóm bí límut. 44Eɓéé-nyúū la ɓɛ́nɛ, ɓá miní lɛ ákaa yí sɔŋ yí ŋgíla ndembye, yí bí ŋga wɛ́ɛhɛnɛ a lóō ŋgilí li yí.»
45Váŋ nɛ́ ŋ̀yí-mbéndá wa a lága Yésus nɛ́: «Á Ŋ̀yéglɛ, kí ɔg pɔ́t náŋ, ɔg óŋo ki ɓɛ́hɛ.» 46La nyɛ́ ɔ pélē nɛ: «Ɓɛ́nɛ ɓayí-mbéndá ki, eɓéé-nyúū la ɓɛ́nɛ, ɓɛ́nɛ ɓá miní ŋga ɓɛ́glɛ ɓot ɓatám mbɛgɛ ɛ ŋga díit, ndí ɓɛ́nɛ-mɛ̄n, manáh siiɓan ɓé tɔ yɔ la ɔnu-ví-wɔ á li óŋgánɛ lí ɓɔ. 47Eɓéé-nyúū la ɓɛ́nɛ miní ŋga nyɔŋ eceg li óŋ lí sɔŋ yí ɓápɔ́tle-bí-Ɔ́lolómɛ̄, nyaa nyí lɛ nɛ́ ɓasáŋɛ́ ɓáná nɛ́ ɓá ól ɓɔ. 48La náŋ hɔ́, miníg tɛ́lɛ mbóŋ li yéɓe lí yéé ɓasáŋɛ́ ɓáná ɓá ɓɔŋ; ányúū nɛ, ɓɔ́ ɓá ól ɓápɔ́tle-bí-Ɔ́lolómɛ̄, ɓɛ́nɛ ki munú óŋ sɔŋ yáɓá. 49Ányúū náŋ nɛ́ Ɔlolómɛ̄ á peg yɛ́ɛ̄ a lága nɛ: ‹Mag kɛ ɓɔ́ li ómle lí ɓápɔ́tle-bí-Ɔ́lolómɛ̄ la ɓaómɓɛ. Bíg kɛ li ól lí jogo, bí váŋgɛ ki ɓáŋá la ndeeŋgɛ,› 50á li ɓɔŋ nɛ́ bí ɓāt nyí nyɔŋɔn micii mí ɓápɔ́tle-bí-Ɔ́lolómɛ̄ bísɛ má kómɓɛ́ li ɓotle á míɓotlé mí ŋkɔŋ-á-sí, 51li ɓotle á mícii mí Ábɛl, li pám á mícii mí Sakália nyɔ́ bí ólóó á póla etága-nsúlé la ndáá-ēcɛ́ŋ-Ɔlolómɛ̄. La mbálɛ mag laga ɓɛ́nɛ nɛ́ nyí nyɔŋɔn ɛ lɛn ɛg kɛ́ li kuh lí nsála ányúū míŋ mam mísɛ. 52Eɓéé-nyúū la ɓɛ́nɛ, ɓayí-mbéndá, ɓɛ́nɛ ɓá miní byɛ́ɛ́ ɔdiɓa ví éyī, manáh níŋgi ɓé ɓɛ́nɛ-mɛ̄n, ndí miníg céŋɛ ki ɓáŋá ɓatám lí níŋgi.»
53Ɛnɛ́ Yésus a pámlé á nyíŋ ndáá, ɓayí-mbéndá la Elōg-Falísái bú ɓétlé nyɛ, la li nyághánɛ lí nyɛ nɛ́ a pélē ɓɔ́ nyaa yáɓá mbihi ɛ́sɛ bí ŋgí ɓat nyɛ́. 54Bí ŋgí ám nyɛ́ á bíɓaŋgá byɛ́ɛ́, á li ámble kí nɛ́ ag pɔ́t jam líh tɛ́ɛ́ ɓé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, CABTAL