Lúkas 15
15
1Ɓakomanɛ-ŋkuh-á-gɔ́mna la ɓaɓɔŋ-miɓé, ɓɔ́ bísɛ bí ŋgí siŋgle Yésus ɓɛɓɛ á lí ámble lí nyɛ. 2Elōg-Falísái la ɓayí-mbéndá bí ŋgí dumlan la li sɔg lí nyɛ́ nɛ́: «Léɓyán sig, nyɔ́ mut ag tɛ́g líwāndá la ɓaɓɔŋ-miɓé, ag dí ki la ɓɔ́!»
Ɔŋgaáŋgan ví ntómbɛ́ wá jáŋ ndí wú kɔ̄tɓɛ
(Mat 18.12-14)
3Váŋ nɛ́ Yésus a kánɛ ɓɔ ví ɔŋgaáŋgan nɛ́: 4«Nzáá á póla yaná, kíyáɓɛ́nɛ a byɛ́ɛ́ eɓógo mítōmbɛ́ ndí a jáŋɛ wá, a ŋgá yíg ɓé míŋí muúbuu la ɛbuu á éyāŋ, á li kɛ lí li somo lí nyú wá jáŋ nɛ́-tɛ́ɛ a kɔ́t wɔ é? 5Eceg a ŋga kɔ̄t wɔ́, ag ɓɛgɛ wɔ́ la mivag á bítūt byɛ́ɛ́, 6kí á pám á yóg yɛ́ɛ́, a yáŋa miwándá mɛ́ɛ́ la ɓot ɓɛ́ɛ́ bí éɓōga, la li laga lí ɓɔ nɛ́: Vagán elɔŋ la ma, átɔm nɛ́ ma tímān lí kɔt lí nyú ntómbɛ́ wama wá jáŋ! 7Mag laga ɓɛ́nɛ nɛ́, nzɛ́ mivag mí ŋga kɛ́ li ɓɛ́ náŋ á lóō ányúū m̀ɓɔŋ-miɓé wa nyɔ́ a vēŋé eniŋ yɛ́ɛ́, li loo lí muúbuu mí ɓot la ɛbuu mí tɛ́ɛ́ sim, mi míh byɛ́ɛ́ ɓé kóó la mveŋghanɛ́ a eniŋ.»
Ɔŋgaáŋgan ví kápa ya jáŋ ndí yu kɔ̄tɓɛ
8«Tɔ nɛ́, Wɔɔ́wɔ́ɔ mindígá kíyáɓɛ́nɛ a byɛ́ɛ́ jóom lí bípah bí kápa ndí a jáŋɛ́ kápa ya, a ŋgá koo ɓé etúlkáŋ, a vɔ́l nlɛ́ɛ́ wɛ́ɛ́ ásɛ, a nyɔ́ŋ eceg lí somo lí yɔ nɛ́-tɛ́ɛ a kɔ́t yɔ é? 9Eceg a ŋga kɛ́ yɔ li kɔt, ag yáŋa miwándá mɛ́ɛ́ la ɓondígá bí éɓōga yɛ́ɛ́, a laga ɓɔ nɛ́: Kɔnán mívag elɔŋ la ma, átɔm nɛ́ ma tímān li kɔt lí nyí kápa yama ma jáŋɛ! 10Jɔ́ hɔ́ nɛ, mi ŋga laga ɓɛ́nɛ nɛ́, áŋgɛl Ɔlolómɛ̄ ɛ́g ɓɛ́ mívag ányúū m̀ɓɔŋ-miɓé wāhwa nyɔ́ a ŋga véŋe eniŋ yɛ́ɛ́.»
Ɔŋgaáŋgan ví mɔɔ́n nyɔ́ a jáŋ ndí ɔ kɔ̄tɓɛ
11Yésus ɔ kōndyé sīg-pɛ nɛ́: «Mut wa a ɓɛ́ɛ́la ɓɔɔ́n bí páam bíɓáa. 12Nyɔ́ a mbúh ɔ lága ɛsáŋɛ́ nɛ: ‹Etāa, tí ma jáma joga lí ábyaŋ jé li lɛ́ ɛ́ jáma.› La ɛsáŋɛ́ wāɓá ɔ káa ɓɔ embámbá yɛ́ɛ́. 13Ámbúh puh álɔ̄, mɔɔ́n á mbúh ɔ núŋu lísaŋgó jɛ́ɛ́ lísɛ, ɔ kɛ́la ŋkuh wɛ́ɛ́ á ékombo énɛŋɛ́, ápah a lɔɔ́ wɔ́ ásɛ átē á eniŋ ɛ́ mpuŋgú. 14Eceg ŋkuh wɛ́ɛ́ wá man, ntumb á nzal wú ɓɛ́hán á yéŋ ékombo, la nyɛ́ ɔ ɓōtlé li taka. 15Váŋ nɛ́ a kɛ li sále lí mut wa a yéŋ ékombo nyɔ́ a ómóó nyɛ́ á li tát lí ŋgoo á míndīī mɛ́ɛ́. 16Kóó mɓɛ́ nyɛ nɛ́ a dí tɔ jéŋ lidí lí ŋgoo, ndí ǹtíi nyɛ́ jɔ́ ah ɛ́ni ɓé. 17La nyɛ́ ɔ tɔɔ, ɔ dúutɛ́ míɔ̄ŋɔ, ɔ laga la nyɛ́-mɛ̄n nɛ́: ‹Ɓaɓɔŋle bí etāa bíg dí pɔ́n ákaa kóó ɛ lɛ ɓɔ, lidí la yégle; mág mag wú nzal vá! 18La náŋ, mag timan á mbóg etāa, mi lágá nyɛ́ nɛ́: Etāa ma vūhlé Ɔ́lolómɛ̄, mu ályɛ́ wa. 19Mih kɔ́ɔ́ ɓé pɛ ma li yáŋlɛ lí mɔɔ́n wɔɔ; nyɔ̄ŋ já ma ákaa m̀ɓɔŋle wɔɔ wa.› 20La mɔɔ́n ɔ nyɔ̄ŋ nzen mitiman á mbóg ɛsáŋɛ́. Kasig a ɓɛ́ɛ́ a ŋgí sɔ́ɔ́g enɛŋɛ́, ɛsáŋɛ́ ɔ ɛ́n nyɛ, ŋgɔ́ɔ́ yu byeé nyɛ, la nyɛ́ ɔ nāŋgá m̀bíí li ɓoman la mɔɔ́n wɛ́ɛ̄, ɔ óóɓē nyɛ. 21Váŋ nɛ́ mɔɔ́n a yó la ɛsáŋɛ́ nɛ: ‹Etāa, ma vūhlé Ɔlolómɛ̄, mu ályɛ́ wa. Mih kɔ́ɔ́ ɓé pɛ ma li yáŋlɛ́ lí mɔɔ́n wɔɔ.› 22Ndí ɛsáŋɛ́ ɔ yó ɓaɓɔŋle ɓɛ́ɛ́ nɛ: ‹Kwááɓánɛ, sɔ́án la mbɔ́tí ya lóohán élāām, jálhánɛ̄ nyɛ́ yɔ, váán nyɛ́ lɔndɛ́ á ɔ́nu-ví-wɔ la bitámbí á míkoo. 23Sɔ́án la liɓɔg lí mɔ́ɔ̄n nyága, ólán jɔ́, bi dī, bi ɓɔ́ŋ ŋgand, 24ányúū nɛ nyɔ́ mɔɔ́n wama nyɔ́, a ɓɛ́ɛ́ m̀wúag ndí ɔ tímān á éniŋ, a ɓɛ́ɛ́ ǹjáŋag ndí ɔ tímān li ɛ́ni.›
La ŋgand yu ɓōtlé. 25Múŋ á yéŋ eceg, mɔɔ́n ɔsú a ɓɛ́ɛ́ á ǹdíí. Á mítiman mɛ́ɛ́, ákaa á ŋga síiŋgle la nlɛ́ɛ́, ɔ ámblé biduŋgú bí ŋgand. 26La nyɛ́ ɔ yáŋá m̀ɓɔŋle wa, á li ɓat lí nyɛ yéé ɛ́ lɛ́ li loo. 27M̀ɓɔŋle ɔ pélē nyɛ nɛ́: ‹Mɔɔ́nyɔ̄ŋ nɛ́ a sɔ́, jɔ́ nɛ́ ɛsɔ́ŋɛ́ a ól líɓɔg lí mɔɔ́n nyága ányúū nɛ a sɔ́ mbólí.› 28Váŋ nɛ́ mɔɔ́n ɔsú a ála li loo lí ɔ́vega, la nyɛ́ ɔ ɓēén li níŋgi á ndáá. Ɛsáŋɛ́ ɔ pám nyɛ li sɔ́hye nɛ́ a níŋgí á ndáá. 29Ndí nyɛ́ ɔ tímānɛ̄ ɛsáŋɛ́ nɛ: ‹Légɓé sig ŋgandag mímbú yí mi ŋga ɓɔ̄ŋle wa átē á eógle; ndí ɔ ɓáág ma ŋgí lí tíi lí tɔ mɔɔ́n kámat nɛ́ mág mi lōɛ́ ŋgand la miwándá máma. 30Ndí ɛnɛ́ nyɔ́ mɔɔ́n wɔ́ɔ a sɔ́, nyɛ́ mut a dí mímɓɛɛŋ mɔ́ɔ la ɓondígá bí ákwala, nyɛ́ nɛ́ wa ólé líɓɔg lí mɔ́ɔ̄n nyága.› 31Ndí ɛsáŋɛ́ ɔ tímānɛ nyɛ́ nɛ́: ‹Á mɔ́ɔ̄n wama, wá ɔ ɓáág ɔ tɔ́ɔ́ la ma biceg bísɛ, yé ɛ́sɛ ɛ́ lɛ ɛ́yáma ɛ́ lɛ́ ki ɛyɔ́ɔ. 32Ndí ɛ́ mɓɛ́ épīl nɛ́ bi ɓɔ́ŋ ŋgand la li kɔn lí mívag, ányúū nɛ nyɔ́ mɔɔ́nyɔ̄ŋ a ɓɛ́ɛ́ m̀wúag ndí a tímān á éniŋ, a ɓɛ́ɛ́ ǹjáŋag ndí a tímān li ɛ́ni.›»
Currently Selected:
Lúkas 15: NTB
Highlight
Share
Copy
Want to have your highlights saved across all your devices? Sign up or sign in
© 2023, CABTAL
Lúkas 15
15
1Ɓakomanɛ-ŋkuh-á-gɔ́mna la ɓaɓɔŋ-miɓé, ɓɔ́ bísɛ bí ŋgí siŋgle Yésus ɓɛɓɛ á lí ámble lí nyɛ. 2Elōg-Falísái la ɓayí-mbéndá bí ŋgí dumlan la li sɔg lí nyɛ́ nɛ́: «Léɓyán sig, nyɔ́ mut ag tɛ́g líwāndá la ɓaɓɔŋ-miɓé, ag dí ki la ɓɔ́!»
Ɔŋgaáŋgan ví ntómbɛ́ wá jáŋ ndí wú kɔ̄tɓɛ
(Mat 18.12-14)
3Váŋ nɛ́ Yésus a kánɛ ɓɔ ví ɔŋgaáŋgan nɛ́: 4«Nzáá á póla yaná, kíyáɓɛ́nɛ a byɛ́ɛ́ eɓógo mítōmbɛ́ ndí a jáŋɛ wá, a ŋgá yíg ɓé míŋí muúbuu la ɛbuu á éyāŋ, á li kɛ lí li somo lí nyú wá jáŋ nɛ́-tɛ́ɛ a kɔ́t wɔ é? 5Eceg a ŋga kɔ̄t wɔ́, ag ɓɛgɛ wɔ́ la mivag á bítūt byɛ́ɛ́, 6kí á pám á yóg yɛ́ɛ́, a yáŋa miwándá mɛ́ɛ́ la ɓot ɓɛ́ɛ́ bí éɓōga, la li laga lí ɓɔ nɛ́: Vagán elɔŋ la ma, átɔm nɛ́ ma tímān lí kɔt lí nyú ntómbɛ́ wama wá jáŋ! 7Mag laga ɓɛ́nɛ nɛ́, nzɛ́ mivag mí ŋga kɛ́ li ɓɛ́ náŋ á lóō ányúū m̀ɓɔŋ-miɓé wa nyɔ́ a vēŋé eniŋ yɛ́ɛ́, li loo lí muúbuu mí ɓot la ɛbuu mí tɛ́ɛ́ sim, mi míh byɛ́ɛ́ ɓé kóó la mveŋghanɛ́ a eniŋ.»
Ɔŋgaáŋgan ví kápa ya jáŋ ndí yu kɔ̄tɓɛ
8«Tɔ nɛ́, Wɔɔ́wɔ́ɔ mindígá kíyáɓɛ́nɛ a byɛ́ɛ́ jóom lí bípah bí kápa ndí a jáŋɛ́ kápa ya, a ŋgá koo ɓé etúlkáŋ, a vɔ́l nlɛ́ɛ́ wɛ́ɛ́ ásɛ, a nyɔ́ŋ eceg lí somo lí yɔ nɛ́-tɛ́ɛ a kɔ́t yɔ é? 9Eceg a ŋga kɛ́ yɔ li kɔt, ag yáŋa miwándá mɛ́ɛ́ la ɓondígá bí éɓōga yɛ́ɛ́, a laga ɓɔ nɛ́: Kɔnán mívag elɔŋ la ma, átɔm nɛ́ ma tímān li kɔt lí nyí kápa yama ma jáŋɛ! 10Jɔ́ hɔ́ nɛ, mi ŋga laga ɓɛ́nɛ nɛ́, áŋgɛl Ɔlolómɛ̄ ɛ́g ɓɛ́ mívag ányúū m̀ɓɔŋ-miɓé wāhwa nyɔ́ a ŋga véŋe eniŋ yɛ́ɛ́.»
Ɔŋgaáŋgan ví mɔɔ́n nyɔ́ a jáŋ ndí ɔ kɔ̄tɓɛ
11Yésus ɔ kōndyé sīg-pɛ nɛ́: «Mut wa a ɓɛ́ɛ́la ɓɔɔ́n bí páam bíɓáa. 12Nyɔ́ a mbúh ɔ lága ɛsáŋɛ́ nɛ: ‹Etāa, tí ma jáma joga lí ábyaŋ jé li lɛ́ ɛ́ jáma.› La ɛsáŋɛ́ wāɓá ɔ káa ɓɔ embámbá yɛ́ɛ́. 13Ámbúh puh álɔ̄, mɔɔ́n á mbúh ɔ núŋu lísaŋgó jɛ́ɛ́ lísɛ, ɔ kɛ́la ŋkuh wɛ́ɛ́ á ékombo énɛŋɛ́, ápah a lɔɔ́ wɔ́ ásɛ átē á eniŋ ɛ́ mpuŋgú. 14Eceg ŋkuh wɛ́ɛ́ wá man, ntumb á nzal wú ɓɛ́hán á yéŋ ékombo, la nyɛ́ ɔ ɓōtlé li taka. 15Váŋ nɛ́ a kɛ li sále lí mut wa a yéŋ ékombo nyɔ́ a ómóó nyɛ́ á li tát lí ŋgoo á míndīī mɛ́ɛ́. 16Kóó mɓɛ́ nyɛ nɛ́ a dí tɔ jéŋ lidí lí ŋgoo, ndí ǹtíi nyɛ́ jɔ́ ah ɛ́ni ɓé. 17La nyɛ́ ɔ tɔɔ, ɔ dúutɛ́ míɔ̄ŋɔ, ɔ laga la nyɛ́-mɛ̄n nɛ́: ‹Ɓaɓɔŋle bí etāa bíg dí pɔ́n ákaa kóó ɛ lɛ ɓɔ, lidí la yégle; mág mag wú nzal vá! 18La náŋ, mag timan á mbóg etāa, mi lágá nyɛ́ nɛ́: Etāa ma vūhlé Ɔ́lolómɛ̄, mu ályɛ́ wa. 19Mih kɔ́ɔ́ ɓé pɛ ma li yáŋlɛ lí mɔɔ́n wɔɔ; nyɔ̄ŋ já ma ákaa m̀ɓɔŋle wɔɔ wa.› 20La mɔɔ́n ɔ nyɔ̄ŋ nzen mitiman á mbóg ɛsáŋɛ́. Kasig a ɓɛ́ɛ́ a ŋgí sɔ́ɔ́g enɛŋɛ́, ɛsáŋɛ́ ɔ ɛ́n nyɛ, ŋgɔ́ɔ́ yu byeé nyɛ, la nyɛ́ ɔ nāŋgá m̀bíí li ɓoman la mɔɔ́n wɛ́ɛ̄, ɔ óóɓē nyɛ. 21Váŋ nɛ́ mɔɔ́n a yó la ɛsáŋɛ́ nɛ: ‹Etāa, ma vūhlé Ɔlolómɛ̄, mu ályɛ́ wa. Mih kɔ́ɔ́ ɓé pɛ ma li yáŋlɛ́ lí mɔɔ́n wɔɔ.› 22Ndí ɛsáŋɛ́ ɔ yó ɓaɓɔŋle ɓɛ́ɛ́ nɛ: ‹Kwááɓánɛ, sɔ́án la mbɔ́tí ya lóohán élāām, jálhánɛ̄ nyɛ́ yɔ, váán nyɛ́ lɔndɛ́ á ɔ́nu-ví-wɔ la bitámbí á míkoo. 23Sɔ́án la liɓɔg lí mɔ́ɔ̄n nyága, ólán jɔ́, bi dī, bi ɓɔ́ŋ ŋgand, 24ányúū nɛ nyɔ́ mɔɔ́n wama nyɔ́, a ɓɛ́ɛ́ m̀wúag ndí ɔ tímān á éniŋ, a ɓɛ́ɛ́ ǹjáŋag ndí ɔ tímān li ɛ́ni.›
La ŋgand yu ɓōtlé. 25Múŋ á yéŋ eceg, mɔɔ́n ɔsú a ɓɛ́ɛ́ á ǹdíí. Á mítiman mɛ́ɛ́, ákaa á ŋga síiŋgle la nlɛ́ɛ́, ɔ ámblé biduŋgú bí ŋgand. 26La nyɛ́ ɔ yáŋá m̀ɓɔŋle wa, á li ɓat lí nyɛ yéé ɛ́ lɛ́ li loo. 27M̀ɓɔŋle ɔ pélē nyɛ nɛ́: ‹Mɔɔ́nyɔ̄ŋ nɛ́ a sɔ́, jɔ́ nɛ́ ɛsɔ́ŋɛ́ a ól líɓɔg lí mɔɔ́n nyága ányúū nɛ a sɔ́ mbólí.› 28Váŋ nɛ́ mɔɔ́n ɔsú a ála li loo lí ɔ́vega, la nyɛ́ ɔ ɓēén li níŋgi á ndáá. Ɛsáŋɛ́ ɔ pám nyɛ li sɔ́hye nɛ́ a níŋgí á ndáá. 29Ndí nyɛ́ ɔ tímānɛ̄ ɛsáŋɛ́ nɛ: ‹Légɓé sig ŋgandag mímbú yí mi ŋga ɓɔ̄ŋle wa átē á eógle; ndí ɔ ɓáág ma ŋgí lí tíi lí tɔ mɔɔ́n kámat nɛ́ mág mi lōɛ́ ŋgand la miwándá máma. 30Ndí ɛnɛ́ nyɔ́ mɔɔ́n wɔ́ɔ a sɔ́, nyɛ́ mut a dí mímɓɛɛŋ mɔ́ɔ la ɓondígá bí ákwala, nyɛ́ nɛ́ wa ólé líɓɔg lí mɔ́ɔ̄n nyága.› 31Ndí ɛsáŋɛ́ ɔ tímānɛ nyɛ́ nɛ́: ‹Á mɔ́ɔ̄n wama, wá ɔ ɓáág ɔ tɔ́ɔ́ la ma biceg bísɛ, yé ɛ́sɛ ɛ́ lɛ ɛ́yáma ɛ́ lɛ́ ki ɛyɔ́ɔ. 32Ndí ɛ́ mɓɛ́ épīl nɛ́ bi ɓɔ́ŋ ŋgand la li kɔn lí mívag, ányúū nɛ nyɔ́ mɔɔ́nyɔ̄ŋ a ɓɛ́ɛ́ m̀wúag ndí a tímān á éniŋ, a ɓɛ́ɛ́ ǹjáŋag ndí a tímān li ɛ́ni.›»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, CABTAL