Zaŋ 3
3
Maɗay te Yesu va Nikwedem
1Ndana ɓa, deveŋ Farisa hay mezel Nikwedem, aŋga nda amta deveŋ mazlakava hay te Zuwef hay. 2Ke dey vara Yesu ta vaɗ, ka gwaɗa, gege: «Raabi, anda səniya, kaa sə, ka nda masasəraka nda masa Zlav te zlərekey, afa ndana mazlafa meŋgə cah hay masa ka ta ŋgiya cəɗem cəɗem nesey sə, aabay, say nda masa Zlav aŋga ava aŋga.» 3Yesu ka vahan, gege: «Eve metehw tehwe ana, ya gwaɗakaa, daha ndana ke heyə meecew ana aabay sə, a ta wala Wunam ta bay ta Zlavay sə, aabay.» 4Nikwedem ka gwaɗa, gege: «Daha ndana aŋga marndaw cay, a da zlafa meheyə saya sə, a ŋgana gwagumaw? A zlafa mesehw a hwaɗ ta mamaŋ, e de heyek saya geyey?» 5Yesu ka vahan, gege: «Eve metehw tehwe ana, daha ya gwaɗakaa, nda masa ke heyə ava yam va Mesfen aabay sə, kwa a zlafa mesehw pa Wunam ta bay ta Zlav aabay. 6Nda masa e heyek dapa ndana sə, aŋga ndana, nda masa e heyek dapa Mesfen sə, aŋga mesfeney. 7A ta vakaa mawulak yaŋ mafay ta masa ya ta gwaɗakaa: “A lada akwa heyə meecew ana” sə, bay. 8Memeɗ sə, a ɓəla vaw vəla vəla ara aŋga ta waya, ka cəna mebebərey ana, amaa ka sən masa e dek dama, daha aabay, e də kad ma sə, bay. Ara aŋga ana, ava nda masa e heyek dapa Mesfeney.» 9Nikwedem ka gwaɗa, gege: «Jeŋ ana e te ŋgə ara na sə, gwagumaw?» 10Yesu ka vahan, gege: «Kaa sə, ka nda masasarəka ndana hay dapa vavara te Isreyel, ka sən jeŋ ana hay bay geyey? 11Ava metehw tehwe ana, ya gwaɗakaa, taciya sə, anda gweɗ da yaŋ jə masa anda səniya. Anda tə yaw da yaŋ jə masa andə ka wala, ava aŋga ana fakwanay, akwa wal makəs matə yaw taciya ana bay. 12Daha akwar ka kəs ma aɗaw masa ya gwaɗakwar da yaŋ jene hay ta vavara na aabay sə, naa daha ya gwaɗakwar da yaŋ jene hay da baymaləvaŋ sə, akwar da kəsiya gwagumaw? 13Kwa nda amta dapa vavara nesey, ke ŋgeɗ kad baymaləvaŋ sə, aabay. Say Wut ta Nda, medek da baymaləvaŋ ana. 14Ara masa zleezle Muyiz ta baŋgaɗ zezekw kad a wudam dapa yaŋ ta səɓak sə, a lada ac ta baŋgaɗa Wut ta Nda avəda may, 15ara nesey, kwa waawa masa ka kəs ma tata sə, a ŋgat mesfen katar ka midakw, 16afa Zlav ka wal ndah dapa vavara e lehey, mafay ana, ka və Wudiya malay, afa kwa waawa masa ka kəs ma tata sə, da zə aabay, amaa da ŋgat manjah katar ka midakw. 17Zlav e zlərek wudiya kad pa vavara sə, ka ta təɗana ma yaŋ ndana hay sə, aabay, amaa, afa ndah ta vavara ana aca ra ŋgat membəl jaka vara vaw. 18Nda makəsa ma tata sə, Zlav a təɗana ma yaŋ aabay, amaa nda masa ka kəs ma tata aabay sə, Zlav ka təɗana ma yaŋ cay, afa ka kəs ma ta Wudiya malay sə, aabay. 19Mawala ara gwagumaw Zlav e təɗec ma a yaŋ ndana hay: Slam mawaɗa ke dek pa vavara, amaa sesəker ndana hay aca wal ɗahw sə, ləvaŋ da yaŋ slam mawaɗa, afa mezlər tec hay mambəla ana aabay. 20Kwa waawa maŋgana jə mambəla ana aabay sə, slam mawaɗa a ndarana. A zlafa medek kad pa slam mawaɗa bay, e ŋgə zidaw, afa mezlər tata hay mambəla ana aabay sə, ac ta ŋguzdakata kad a vəda. 21Nda maŋga jə metehwe ana sə, e dek pa slam mawaɗa, afa ndana hay aca ra wala mezlər tata hay masa aca wafa kad Zlavay.»
Yesu va Zaŋ Baatis
22Ava dəɓa ana, Yesu va ndah masasəraka jene tata, ec ke dey pa vavara te Zudey, ac ka njah dərŋga ece eceŋ, ke ŋgec beetem kad ndana hay. 23Zaŋ Baatis may, ke ŋgec beetem kad ndana hay da Enaŋw, wunam ana zef ava wunam ta Salim, afa yam dapa slam ana mabay. Ndana hay ec ke dey kad vara vaw, ke ŋgec beetem. 24Dapa ŋgesey ana, ac ka təhazaɗ Zaŋ ana pa daŋgay aabay heley. 25Matə yaw ke ŋgə dapa taɓa ta nda Zuwef ana ɓa va ndah masasəraka jene dərziya ta Zaŋ Baatis da yaŋ mapan vaw dapa mebərey. 26Ec ke dey kad vara Zaŋ ana, ac ka gwaɗa, gege: «Raabi, nda masa akwar ava aŋga da luwa ta wayam te Zurdeŋ masa ka ka tə yaw da yaŋ ana sə, wala, aŋga dapa meŋgec beetem kad ndana hay, ndana hay fakwanay ece dey kad vara vaw.» 27Zaŋ ana, ke vehecen ma ana, gege: «Ndana mazlafa meŋgə jene masa Zlav ta van bay sə, aabay, say masa Zlav ta vana gədaŋ ana. 28Akwar ava yaŋ takwar ana, akwa zlafa matə yaw da yaŋ ma masa ya ka gwaɗakwar: “Yey sə, ye Kəristi bay. Amaa ya nda masa Zlav te zlərek macaaca ana kamma fətiya”. 29Makəsa madəmay sə, aŋga mawal ta madəmay ana, ta guula ta makəsa madəmay sə, aŋga da cak tata, a cəkafa zləmay, e wesl mabay ta macəna uway ta makəsa madəmay ana. Ara nesey, mewesley aɗaw, aŋga manəha cay. 30Da lada sə, mehehəm tata da daɗay fəma fəma, taaɗaw sə, de veh ava dəɓa ava dəɓa.»
Nda masa e dek da baymaləvaŋ
31Zaŋ Baatis ke gweɗ saya, gege: «Nda masa e dek baymaləvaŋ sə, aŋga da yaŋ jene hay fakwanay. Nda masa e dek dapa vavara sə, aŋga nda ta vavara, e gweɗ sə, ma ta vavara ana. Nda masa e dek da baymaləvaŋ sə, 32a tə yaw sə, da yaŋ jə masa aŋga ta wala va masa aŋga ta cəna, amaa ndana makəsa matə yaw tata ana aabay. 33Nda masa a kəs matə yaw tata sə, ŋgesey, e ŋguzdek tehwe Zlav e gweɗ eve metehwe ana. 34Nda masa Zlav te zlərekey sə, e gweɗ ma hay masa e dek da vara Zlavay, afa Zlav ka nəha nda ana eve Mesfen tata masa kwakumakw ana aabay. 35Zlav Papaŋ, a wal Wudiya, ka paɗ jene hay fakwanay pa ha tata. 36Nda masa ka kəs ma ta Wudiya, aŋga eve mesfen katar ka midakw. Nda masa ka kəs ma ta Wudiya ana aabay sə, a ta wala mesfen katar ka midakw aabay, Zlav a zam rav da yaŋ ana katar.»
Currently Selected:
Zaŋ 3: CUVnt
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Zaŋ 3
3
Maɗay te Yesu va Nikwedem
1Ndana ɓa, deveŋ Farisa hay mezel Nikwedem, aŋga nda amta deveŋ mazlakava hay te Zuwef hay. 2Ke dey vara Yesu ta vaɗ, ka gwaɗa, gege: «Raabi, anda səniya, kaa sə, ka nda masasəraka nda masa Zlav te zlərekey, afa ndana mazlafa meŋgə cah hay masa ka ta ŋgiya cəɗem cəɗem nesey sə, aabay, say nda masa Zlav aŋga ava aŋga.» 3Yesu ka vahan, gege: «Eve metehw tehwe ana, ya gwaɗakaa, daha ndana ke heyə meecew ana aabay sə, a ta wala Wunam ta bay ta Zlavay sə, aabay.» 4Nikwedem ka gwaɗa, gege: «Daha ndana aŋga marndaw cay, a da zlafa meheyə saya sə, a ŋgana gwagumaw? A zlafa mesehw a hwaɗ ta mamaŋ, e de heyek saya geyey?» 5Yesu ka vahan, gege: «Eve metehw tehwe ana, daha ya gwaɗakaa, nda masa ke heyə ava yam va Mesfen aabay sə, kwa a zlafa mesehw pa Wunam ta bay ta Zlav aabay. 6Nda masa e heyek dapa ndana sə, aŋga ndana, nda masa e heyek dapa Mesfen sə, aŋga mesfeney. 7A ta vakaa mawulak yaŋ mafay ta masa ya ta gwaɗakaa: “A lada akwa heyə meecew ana” sə, bay. 8Memeɗ sə, a ɓəla vaw vəla vəla ara aŋga ta waya, ka cəna mebebərey ana, amaa ka sən masa e dek dama, daha aabay, e də kad ma sə, bay. Ara aŋga ana, ava nda masa e heyek dapa Mesfeney.» 9Nikwedem ka gwaɗa, gege: «Jeŋ ana e te ŋgə ara na sə, gwagumaw?» 10Yesu ka vahan, gege: «Kaa sə, ka nda masasarəka ndana hay dapa vavara te Isreyel, ka sən jeŋ ana hay bay geyey? 11Ava metehw tehwe ana, ya gwaɗakaa, taciya sə, anda gweɗ da yaŋ jə masa anda səniya. Anda tə yaw da yaŋ jə masa andə ka wala, ava aŋga ana fakwanay, akwa wal makəs matə yaw taciya ana bay. 12Daha akwar ka kəs ma aɗaw masa ya gwaɗakwar da yaŋ jene hay ta vavara na aabay sə, naa daha ya gwaɗakwar da yaŋ jene hay da baymaləvaŋ sə, akwar da kəsiya gwagumaw? 13Kwa nda amta dapa vavara nesey, ke ŋgeɗ kad baymaləvaŋ sə, aabay. Say Wut ta Nda, medek da baymaləvaŋ ana. 14Ara masa zleezle Muyiz ta baŋgaɗ zezekw kad a wudam dapa yaŋ ta səɓak sə, a lada ac ta baŋgaɗa Wut ta Nda avəda may, 15ara nesey, kwa waawa masa ka kəs ma tata sə, a ŋgat mesfen katar ka midakw, 16afa Zlav ka wal ndah dapa vavara e lehey, mafay ana, ka və Wudiya malay, afa kwa waawa masa ka kəs ma tata sə, da zə aabay, amaa da ŋgat manjah katar ka midakw. 17Zlav e zlərek wudiya kad pa vavara sə, ka ta təɗana ma yaŋ ndana hay sə, aabay, amaa, afa ndah ta vavara ana aca ra ŋgat membəl jaka vara vaw. 18Nda makəsa ma tata sə, Zlav a təɗana ma yaŋ aabay, amaa nda masa ka kəs ma tata aabay sə, Zlav ka təɗana ma yaŋ cay, afa ka kəs ma ta Wudiya malay sə, aabay. 19Mawala ara gwagumaw Zlav e təɗec ma a yaŋ ndana hay: Slam mawaɗa ke dek pa vavara, amaa sesəker ndana hay aca wal ɗahw sə, ləvaŋ da yaŋ slam mawaɗa, afa mezlər tec hay mambəla ana aabay. 20Kwa waawa maŋgana jə mambəla ana aabay sə, slam mawaɗa a ndarana. A zlafa medek kad pa slam mawaɗa bay, e ŋgə zidaw, afa mezlər tata hay mambəla ana aabay sə, ac ta ŋguzdakata kad a vəda. 21Nda maŋga jə metehwe ana sə, e dek pa slam mawaɗa, afa ndana hay aca ra wala mezlər tata hay masa aca wafa kad Zlavay.»
Yesu va Zaŋ Baatis
22Ava dəɓa ana, Yesu va ndah masasəraka jene tata, ec ke dey pa vavara te Zudey, ac ka njah dərŋga ece eceŋ, ke ŋgec beetem kad ndana hay. 23Zaŋ Baatis may, ke ŋgec beetem kad ndana hay da Enaŋw, wunam ana zef ava wunam ta Salim, afa yam dapa slam ana mabay. Ndana hay ec ke dey kad vara vaw, ke ŋgec beetem. 24Dapa ŋgesey ana, ac ka təhazaɗ Zaŋ ana pa daŋgay aabay heley. 25Matə yaw ke ŋgə dapa taɓa ta nda Zuwef ana ɓa va ndah masasəraka jene dərziya ta Zaŋ Baatis da yaŋ mapan vaw dapa mebərey. 26Ec ke dey kad vara Zaŋ ana, ac ka gwaɗa, gege: «Raabi, nda masa akwar ava aŋga da luwa ta wayam te Zurdeŋ masa ka ka tə yaw da yaŋ ana sə, wala, aŋga dapa meŋgec beetem kad ndana hay, ndana hay fakwanay ece dey kad vara vaw.» 27Zaŋ ana, ke vehecen ma ana, gege: «Ndana mazlafa meŋgə jene masa Zlav ta van bay sə, aabay, say masa Zlav ta vana gədaŋ ana. 28Akwar ava yaŋ takwar ana, akwa zlafa matə yaw da yaŋ ma masa ya ka gwaɗakwar: “Yey sə, ye Kəristi bay. Amaa ya nda masa Zlav te zlərek macaaca ana kamma fətiya”. 29Makəsa madəmay sə, aŋga mawal ta madəmay ana, ta guula ta makəsa madəmay sə, aŋga da cak tata, a cəkafa zləmay, e wesl mabay ta macəna uway ta makəsa madəmay ana. Ara nesey, mewesley aɗaw, aŋga manəha cay. 30Da lada sə, mehehəm tata da daɗay fəma fəma, taaɗaw sə, de veh ava dəɓa ava dəɓa.»
Nda masa e dek da baymaləvaŋ
31Zaŋ Baatis ke gweɗ saya, gege: «Nda masa e dek baymaləvaŋ sə, aŋga da yaŋ jene hay fakwanay. Nda masa e dek dapa vavara sə, aŋga nda ta vavara, e gweɗ sə, ma ta vavara ana. Nda masa e dek da baymaləvaŋ sə, 32a tə yaw sə, da yaŋ jə masa aŋga ta wala va masa aŋga ta cəna, amaa ndana makəsa matə yaw tata ana aabay. 33Nda masa a kəs matə yaw tata sə, ŋgesey, e ŋguzdek tehwe Zlav e gweɗ eve metehwe ana. 34Nda masa Zlav te zlərekey sə, e gweɗ ma hay masa e dek da vara Zlavay, afa Zlav ka nəha nda ana eve Mesfen tata masa kwakumakw ana aabay. 35Zlav Papaŋ, a wal Wudiya, ka paɗ jene hay fakwanay pa ha tata. 36Nda masa ka kəs ma ta Wudiya, aŋga eve mesfen katar ka midakw. Nda masa ka kəs ma ta Wudiya ana aabay sə, a ta wala mesfen katar ka midakw aabay, Zlav a zam rav da yaŋ ana katar.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL