Mata 19
19
Mambas ŋgwaz da way
(Mar 10.1-12; Luk 16.18)
1Masa Yesu ka ndəvda ma tata ana hay cay, ka data de Gelile kad pa vavara te Zudey jaka luwa leŋgeɗey ta wayam te Zurdeŋ. 2Miya hay mabay ac ka cəpaw. Faŋga, ke mbəlec ndah gwabay hay avəda. 3Farisa hay ec ke dey kad vara vaw, ac ka wal ma ta ŋgayiya. Mafay ana, ac ka nəkafa, gege: «Ma majawa tandakwa ka vana cəv kad ndana da mbasana ŋgwaza da way kwa da yaŋ ma wula wula geyey?» 4Yesu ke vehecen, gege: «Akwar ka jaŋgaw dapa Ɗelewer hay Mavəna sə, aabay geyey? Dapa mezler te jene hay fakwanay Zlav ka lam mawal va ŋgwaz, 5ke gweɗ, gege: “Mafay ana, mawal a gərda papaŋ va mamaŋ ka ta njah ava ŋgwaza. Ac cuweeney ac ta tərata ara slaw ta vaw amta”. 6Ara nesey, ac ndah ecew sabay, amaa ac ara nda amta. Da lada sə, ndana a ta vəna jə masa Zlav ta camiya bay.» 7Farisa ana hay aca gwaɗa saya, gege: «Naa Muyiz a və cəv kad ndana da vana ɗelewer ta mambas ŋgwaz kad ŋgwaza, daha a mbasana sə, mafay te mey?» 8Yesu ke vehecen, gege: «Muyiz ka vakwar cəv ta mambasana ŋgwazah takwar hay sə, afa rav takwar masasala elehey. Amaa dapa mezler te jene hay fakwanay sə, ara na aabay. 9Ya gwaɗakwar, daha ndana a mbasana ŋgwaza, gəla ŋgwaz ana ke ŋgek madama aabay, nda ana ka kəs ŋgwaz mekele pa slam ana sə, ŋgesey, ka ŋgə madama.»
Makəs madəmay va gwamba
10Ndah masasəraka jene ac ka gwaɗa, gege: «Daha ma ta mawal va ŋgwaz ka tərata ara nesey sə, zuwan ndana ta kəs ŋgwaz bay.» 11Yesu ke vehecen, gege: «Ndana hay fakwanay aca zlafa macəna ma ana na bay, say ndah masa Zlav ke vec gədaŋ ta macəna. 12Masəna, ndah leŋgeɗey vaw tec ece ŋgə mezlər aabay sə, afa ece heyek ava aŋga ana. Ndah leŋgeɗey saya, vaw tec ece ŋgə mezlər aabay sə, afa ac ke lenec avəda. Ndah dərziya, vaw tec ece ŋgə mezlər aabay sə, mafay te Wunam ta bay da baymaləvaŋ hay. Nda masa a zlafa makəs ma ana nesey, da kəsaw.»
Yesu va wude hey
(Mar 10.13-16; Luk 18.15-17)
13Ndana hay ac ka hwadana wudeh kad Yesu, e de pec ha yaŋ, a da cə mbahw mafay teceŋ. Amaa ndah masasəraka jene, ec ke peyefec ndah ana. 14Amaa Yesu gege: «Megərdec wude hey ece re dek kad vara yey, akwa recen ma bay, afa Wunam ta bay da baymaləvaŋ hay sə, mapa kad ndah masa ac ara eceŋ.» 15Ava dəɓa ana, ke pec ha a yaŋ, ka data faŋga.
Wat gawla eve zleley
(Mar 10.17-31; Luk 18.18-30; 13.30)
16Ndana ɓa, ka ŋgucafa vaw Yesu, ka nəkafa, gege: «Nda masasəraka nda, jə mambəla ana wula masa ya da ŋgiya ka ta ŋgat manjah katar ka midakw?» 17Yesu ka vahan, gege: «Ke nəkefiyey da yaŋ jə mambəla ana sə, mafay te mey? Mambəla ana sə, pal Zlav aŋga amta. Daha ka wal manjah katar ka midakw, nah yaŋ kad pə ma hay ta ma majawa.» 18Ka nəkafa Yesu, gege: «Ma ana hay wula hay la?» Yesu ka vahan, gege: «Ka ta kəɗ nda cukw cukw bay, ka ta ŋgə madama bay, ke te kər bay, ka ta tə yaw ava maŋgal ma bay, 19nehecen yaŋ kad papakw va mmakw. Mamaɗ yaŋ ana, wal maslavda takaa ara ka ta wal yaŋ takaa.» 20Wat gawla sə, ka gwaɗa, gege: «Fakwanay nesey sə, ya ka nah yaŋ kad pa cay, naa ye de ŋgə mekele sə, mesemey?» 21Yesu ka gwaɗa, gege: «Daha ka wal metər ka nda mapana dapa jene hay fakwanay sə, daɗay, ta husamda jə takaa hay fakwanay, vənecen səlay ana kad maslamarga hay. Ara nesey, ka ta ŋgat zleley maɓəca da baymaləvaŋ. Ava dəɓa ana, dek cəpiyey.» 22Masa wat gawla ana a cəna ara nesey sə, kusaf ka məcan vaw avəda ka data, afa aŋga eve zleley mabay.
23Ara nesey, Yesu ke gweɗ ndah masasəraka jene tata, gege: «Eve metehwe ana ya gwaɗakwar gədaŋ dapa kad nda masa aŋga eve zleley de sehw pa Wunam ta bay da baymaləvaŋ hay.» 24Asaya, ya gwaɗakwar, ara masa gədaŋ dapa kad zlagumay te mesehw jaka pe veɗ te leper, amaa gədaŋ dapa mafəna ana saya kad nda masa aŋga eve zleley mabay de sehw pa Wunam ta bay ta Zlavay. 25Masa ndah masasəraka jene ac ta cəna ma ana hay ara nesey sə, ec ke rəzleceŋ macəkuma bay, ec ke gweɗ, gege: «Yaw, daha ara nesey sə, ma da zlafa membəl wa?» 26Yesu ke njerefeceŋ, gege: «Kad ndana sə, e ŋgə bay, amaa kad Zlavay sə, fakwan e ŋgey.»
27Ara nesey, Piyer ka gwaɗa Yesu, gege: «Yaw, taciya sə, andə ka gərda jə taciya hay fakwanay ka ta cəpakaa. Naa, taciya andə ta ŋgat mey?» 28Yesu ke vehecen, gege: «Eve metehwe ana ya gwaɗakwar, pas ta maŋgwad vaw te jene hay fakwan ka waya masa Wut ta nda a ta njah fa slam ta manjah ta bay tata masa aŋga eve mehehəm mabay sə, akwar kuraw dapa yaŋ ana ecew masa akwar te cəpiyey nesey, akwar ta njah fa slam ta bay kuraw dapa yaŋ ana ecew ke te təɗec ma yaŋ tərsam te Isreyel hay kuraw dapa yaŋ ana ecew. 29Nda masa a ta gərda hwaɗ ta way tata, daha aabay, e te gərdec malamaŋ hay, dəmaŋ hay, mamaŋ, papaŋ, wudiya hay, ley tata hay mafay te mezeley aɗaw sə, a ta ŋgat jene hay gaa mafəna nesey ana, a ta ŋgat manjah katar ka midakw. 30Yaw, ndana hay gaa masa ac macaaca ana təlam nesey, ac te tərec ka ndah metekweɗ ana. Asaya, ndana hay gaa masa ac metekweɗ ana təlam nesey, ac te tərec ka ndah macaaca ana.»
Currently Selected:
Mata 19: CUVnt
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Mata 19
19
Mambas ŋgwaz da way
(Mar 10.1-12; Luk 16.18)
1Masa Yesu ka ndəvda ma tata ana hay cay, ka data de Gelile kad pa vavara te Zudey jaka luwa leŋgeɗey ta wayam te Zurdeŋ. 2Miya hay mabay ac ka cəpaw. Faŋga, ke mbəlec ndah gwabay hay avəda. 3Farisa hay ec ke dey kad vara vaw, ac ka wal ma ta ŋgayiya. Mafay ana, ac ka nəkafa, gege: «Ma majawa tandakwa ka vana cəv kad ndana da mbasana ŋgwaza da way kwa da yaŋ ma wula wula geyey?» 4Yesu ke vehecen, gege: «Akwar ka jaŋgaw dapa Ɗelewer hay Mavəna sə, aabay geyey? Dapa mezler te jene hay fakwanay Zlav ka lam mawal va ŋgwaz, 5ke gweɗ, gege: “Mafay ana, mawal a gərda papaŋ va mamaŋ ka ta njah ava ŋgwaza. Ac cuweeney ac ta tərata ara slaw ta vaw amta”. 6Ara nesey, ac ndah ecew sabay, amaa ac ara nda amta. Da lada sə, ndana a ta vəna jə masa Zlav ta camiya bay.» 7Farisa ana hay aca gwaɗa saya, gege: «Naa Muyiz a və cəv kad ndana da vana ɗelewer ta mambas ŋgwaz kad ŋgwaza, daha a mbasana sə, mafay te mey?» 8Yesu ke vehecen, gege: «Muyiz ka vakwar cəv ta mambasana ŋgwazah takwar hay sə, afa rav takwar masasala elehey. Amaa dapa mezler te jene hay fakwanay sə, ara na aabay. 9Ya gwaɗakwar, daha ndana a mbasana ŋgwaza, gəla ŋgwaz ana ke ŋgek madama aabay, nda ana ka kəs ŋgwaz mekele pa slam ana sə, ŋgesey, ka ŋgə madama.»
Makəs madəmay va gwamba
10Ndah masasəraka jene ac ka gwaɗa, gege: «Daha ma ta mawal va ŋgwaz ka tərata ara nesey sə, zuwan ndana ta kəs ŋgwaz bay.» 11Yesu ke vehecen, gege: «Ndana hay fakwanay aca zlafa macəna ma ana na bay, say ndah masa Zlav ke vec gədaŋ ta macəna. 12Masəna, ndah leŋgeɗey vaw tec ece ŋgə mezlər aabay sə, afa ece heyek ava aŋga ana. Ndah leŋgeɗey saya, vaw tec ece ŋgə mezlər aabay sə, afa ac ke lenec avəda. Ndah dərziya, vaw tec ece ŋgə mezlər aabay sə, mafay te Wunam ta bay da baymaləvaŋ hay. Nda masa a zlafa makəs ma ana nesey, da kəsaw.»
Yesu va wude hey
(Mar 10.13-16; Luk 18.15-17)
13Ndana hay ac ka hwadana wudeh kad Yesu, e de pec ha yaŋ, a da cə mbahw mafay teceŋ. Amaa ndah masasəraka jene, ec ke peyefec ndah ana. 14Amaa Yesu gege: «Megərdec wude hey ece re dek kad vara yey, akwa recen ma bay, afa Wunam ta bay da baymaləvaŋ hay sə, mapa kad ndah masa ac ara eceŋ.» 15Ava dəɓa ana, ke pec ha a yaŋ, ka data faŋga.
Wat gawla eve zleley
(Mar 10.17-31; Luk 18.18-30; 13.30)
16Ndana ɓa, ka ŋgucafa vaw Yesu, ka nəkafa, gege: «Nda masasəraka nda, jə mambəla ana wula masa ya da ŋgiya ka ta ŋgat manjah katar ka midakw?» 17Yesu ka vahan, gege: «Ke nəkefiyey da yaŋ jə mambəla ana sə, mafay te mey? Mambəla ana sə, pal Zlav aŋga amta. Daha ka wal manjah katar ka midakw, nah yaŋ kad pə ma hay ta ma majawa.» 18Ka nəkafa Yesu, gege: «Ma ana hay wula hay la?» Yesu ka vahan, gege: «Ka ta kəɗ nda cukw cukw bay, ka ta ŋgə madama bay, ke te kər bay, ka ta tə yaw ava maŋgal ma bay, 19nehecen yaŋ kad papakw va mmakw. Mamaɗ yaŋ ana, wal maslavda takaa ara ka ta wal yaŋ takaa.» 20Wat gawla sə, ka gwaɗa, gege: «Fakwanay nesey sə, ya ka nah yaŋ kad pa cay, naa ye de ŋgə mekele sə, mesemey?» 21Yesu ka gwaɗa, gege: «Daha ka wal metər ka nda mapana dapa jene hay fakwanay sə, daɗay, ta husamda jə takaa hay fakwanay, vənecen səlay ana kad maslamarga hay. Ara nesey, ka ta ŋgat zleley maɓəca da baymaləvaŋ. Ava dəɓa ana, dek cəpiyey.» 22Masa wat gawla ana a cəna ara nesey sə, kusaf ka məcan vaw avəda ka data, afa aŋga eve zleley mabay.
23Ara nesey, Yesu ke gweɗ ndah masasəraka jene tata, gege: «Eve metehwe ana ya gwaɗakwar gədaŋ dapa kad nda masa aŋga eve zleley de sehw pa Wunam ta bay da baymaləvaŋ hay.» 24Asaya, ya gwaɗakwar, ara masa gədaŋ dapa kad zlagumay te mesehw jaka pe veɗ te leper, amaa gədaŋ dapa mafəna ana saya kad nda masa aŋga eve zleley mabay de sehw pa Wunam ta bay ta Zlavay. 25Masa ndah masasəraka jene ac ta cəna ma ana hay ara nesey sə, ec ke rəzleceŋ macəkuma bay, ec ke gweɗ, gege: «Yaw, daha ara nesey sə, ma da zlafa membəl wa?» 26Yesu ke njerefeceŋ, gege: «Kad ndana sə, e ŋgə bay, amaa kad Zlavay sə, fakwan e ŋgey.»
27Ara nesey, Piyer ka gwaɗa Yesu, gege: «Yaw, taciya sə, andə ka gərda jə taciya hay fakwanay ka ta cəpakaa. Naa, taciya andə ta ŋgat mey?» 28Yesu ke vehecen, gege: «Eve metehwe ana ya gwaɗakwar, pas ta maŋgwad vaw te jene hay fakwan ka waya masa Wut ta nda a ta njah fa slam ta manjah ta bay tata masa aŋga eve mehehəm mabay sə, akwar kuraw dapa yaŋ ana ecew masa akwar te cəpiyey nesey, akwar ta njah fa slam ta bay kuraw dapa yaŋ ana ecew ke te təɗec ma yaŋ tərsam te Isreyel hay kuraw dapa yaŋ ana ecew. 29Nda masa a ta gərda hwaɗ ta way tata, daha aabay, e te gərdec malamaŋ hay, dəmaŋ hay, mamaŋ, papaŋ, wudiya hay, ley tata hay mafay te mezeley aɗaw sə, a ta ŋgat jene hay gaa mafəna nesey ana, a ta ŋgat manjah katar ka midakw. 30Yaw, ndana hay gaa masa ac macaaca ana təlam nesey, ac te tərec ka ndah metekweɗ ana. Asaya, ndana hay gaa masa ac metekweɗ ana təlam nesey, ac te tərec ka ndah macaaca ana.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL