Luk 11
11
Yeso tey umugə ni chaʼara Nwiye
(Mat 6.9-13; 7.7-11)
1Aney moʼ Yeso ŋú ichaʼara Nwiye asin moʼ. Umugə yə mara, aməŋə-anó ma moʼ ghayn abú uŋwən kwi, “Asɨyisəg tey umugə umə chaʼara Nwiye ina, amə umugə Jon yə tey abú mbə məŋə-anó ma.” 2Yeso ghayn abú úŋwən kwi, “Amaʼazənə mbən mə chaʼara Nwiye, mbən ghayn kwi,
‘Mbaʼ
Ghə kwi ba wumini ungwə ukum
Injə anó ufon zaʼa.
3Naʼa ijəg tənə ikoʼo ina uney ujum.
4Wa umba unó iboŋ,
Mbə ghayn kwi, mba wa unó iboŋ ba ujum mbənə u gow anó ina.
Ibeni yə anó moʼ kwaʼara ngwa.’”#11.4 Chi ngwa ungɨŋ unó iboŋ.
5Yeso ghayn abú mbə məŋə-anó ma kwi, “Amə aghəy wa moʼ injən akaʼa mbə ŋuw ana azi ma uzimi afəb ighayn abú uŋwən kwi inyi azi, choʼo utin ingəŋ ukara uta na ineŋ. 6Inyi azi moʼ noʼ ukwey sa izaʼa ineŋ anigə chama aghəy moʼ inaʼ abú uŋwən u jəg. 7Anigə azi wu bə ywiri ungɨŋ na kwi, ‘Imə́ naʼa yə́ ingəʼ ineŋ! Mə si ghəbə inyi na mə si neŋe aŋu ni umbəŋ buŋ. Cha ami noʼ atey inaʼa aghəy moʼ inigə.’ 8Awə ghayn inen kwi ka nə uki noʼ ma inaʼ aghəy moʼ inigə damugə ngwə mə azi ma, anigə u yi noʼ naʼa aghəy zənə ngwə kaba damugə ngwə yimə fiŋ bə bire. 9Anigə ayə ghayn inen kwi mbən biri Nwiye yi naʼ inen, mbən kaba Nwiye yi ghəy kwi mbən zən mbə gweʼe Nwiye yi fəʼi ubunu inen. 10Damugənə ba ujum mbənə ubiri Nwiye yi naʼ abú uŋwən, ba mbənə ukaba, Nwiye yi aghəy kwi uzən, wa bi gweʼe Nwiye yi fəʼi abú uŋwen. 11Amə mbaʼ ngwa injən akaʼa nu ŋwə̂ ma bə biri su abú u naʼ mə jugə abú ŋwə̂ ma? 12Kə kwi u bə biri abomo ingɨ u naʼ amə afikaŋ abú uŋwən? 13Anigə umbən mbənə mbən mə aghəy unó iboŋ bə́ kyayn umugə ni naʼa u aghəy chuŋ abú umbən buŋ, aká u ngwen mbaʼ ŋunə umə azobo umi naʼ Azugə zayn abú ba mbənə u biri abú uŋwən.”
Ba moʼ ghayn kwi amə Beelzebul naʼa ikay abú Yeso
(Mat 12.22-30; Mak 3.20-27)
14Yeso chi Azugə iboŋ inyo wa moʼ nu amə Azugə yə ghəy ukəw. Amaʼazənə Azugə wu duw, wa wu ti ni nay anigə ikwiy ba zənə yə́ mə́ awu mə́ məŋərə uma. 15#Mat 9.34; 10.25Asɨmə ba moʼ ghayn kwi, “Amə́ Beelzebul nu amə́ ufon abú uzugə iboŋ naʼa ikay abú Yeso ichiyə uzugə iboŋ.”
16 #
Mat 12.38; 16.1; Mak 8.11 U moʼ kaba inji ikwaʼara uŋwən anigə mbə́ ghayn kwi, u aghəy ayere anó moʼ itey kwi amə Nwiye naʼa ikay abú uŋwən. 17Asɨmə Yeso kyayn ikono ma anigə u ghayn abú úŋwən kwi, “Abey ufon moʼ bə ghaba akə uba uba ni zoŋo uma uma ayi saʼa, ba ungɨŋ na bə ghaba ni zoŋo unya ma cha na wu ni təm. 18Anó ufon satan abə́ ghaba akə uba uba anó ufon wu ami si təm ngiya? Mbən ghayn kwi amə Beelzebul mə naʼa ikay ineŋ ichiyə uzugə iboŋ. 19Abə mə chiyə uzugə iboŋ amə akə ikay ni Beelzebul naʼa ineŋ anigə umbəŋ məŋə-anó umə chiyə akə ikay ni ngwa naʼa abú uŋwən? Mbən kyayn kwi amə umbən buŋ mi saʼa ngwen. 20Abə mə chiyə uzugə iboŋ amə akə ikay yi amə Nwiye naʼa ineŋ anigə zigə tey kwi anó ufon Nwiye si zaʼa inen. 21Amaʼazənə wa kaka u yimə u aghəy bêd sə nəmə ina ma cha wa mi bira u aghəy ma.” 22Anigə anóm chini ni umə ni ikay chigə ma akə i ma bə zoŋo nə uŋwən isom uŋwən, inji u yi num u aghəy zoŋo ma ujum u mbənə yə zi fiŋ ma awu i ghaba u aghəy mbənə yə beʼe abêd. 23#Mak 9.40Wa ŋunə chama ni umugə u yə zoŋo aŋu wa ŋunə cha umə ywere ma aŋu iwere ba u yi saʼa.
Anó ni Azugə iboŋ bə ghə wene ŋu inyi ungɨŋ wa
(Mat 12.43-45)
24Yeso gha ghayn kwi, “Azugə iboŋ abə duw ungɨŋ wa, ayi gha yeŋ usin mbənə cha une awu. A yə yeŋ kaba asin izwere. A bə ki zən ma, i yi ghayn kwi, ‘A yi gha wene iŋu ana zənə mə duw awu.’ 25Umugə u wene zaʼa pey yi zən kwi usi fira itana uchuŋ chuŋ. 26Anigə u yi ŋú num uzugə iboŋ chini isambigə nu u biy chigə ma akə uŋwən u bə ŋuw inyi chomo ungɨŋ na wu. Ingəʼ zənə imi mə igun wa wu yi chigə ma akə izənə yə dey mə awu.”
Aborobod asiʼ
27Amaʼazənə Yeso ghayn anó zəŋ, ayey moʼ awu ungɨŋ ikwiy ba wu kyayn akə ikay ghayn kwi, “Nwiye zi aborobod igun ayey ŋunə yə́ ibə́ ayə iney ayə.” 28Anigə Yeso ywiri kwi, “Nwiye yi zi aborobod igun ba mbənə umə́ zəw inayn ma ni aghəy unó mbənə imə́ ghayn!”
Ba moʼ ghayn kwi Yeso aghəy uyere unó
(Mat 12.38-42)
29 #
Mat 16.4; Mak 8.12 Umugə ikwiy ba mə́ fire uma iyad Yeso, yə ghayn abú úŋwən kwi, “Ingwaʼ ba zəŋ akinine iyə aghəy unó iboŋ! U mbə kaba kwi u aghəy uyere unó anigə cha anó yere moʼ ami aghəy chigə akə azəŋe yə aghəy abú Jona. 30Umugə Jona mə anwini abú ba Nineveh, amə mugə Ŋwə̂ Wa ayi mə anwini abú ba akə kinine. 31Aney zənə Nwiye mi mə sobo usaʼa, ufon ayey sheba yi noʼ zi usaʼa igun ingwaʼ ba akinine damugə mbə noʼ abey ma iyeŋ ukwey sa iŋu zəw unó iwe mbənə solomon mə itey. Anigə a yə ghayn inen aghəy moʼ yə akəŋ akwey chigə ma akə solomon. 32Igun aney zənə Nwiye mi sob usaʼa, ba Nineveh umbi noʼ zi usaʼa igun ingwaʼ ba kinine damugə aney zənə Jona ghayn inayn Nwiye mbə́ mbeŋe fiŋ uma. Anigə a yə ghayn inen kwi wa moʼ yə akəŋ nu u chigə ma akə Jona!”
Anam abú inyə̂ inyo
(Mat 5.15; 6.22, 23)
33 #
Mat 5.15; Mak 4.21; Luk 8.16 “Cha wa moʼ awu nu umbə uchəw anam u num inoy kə zi aton ukuʼ. U bə uchəw anam u yi niŋi igun asin zənə umə niŋi anam awu da ba bə sə inyi na u mbi zən usin. 34Injə́ aghɨ ayə nə anam abú inji inyo. Injə́ aghɨ bə mə anji chuŋ, inyo ujum yi mə zayn anigə injə aghɨ bə ka ma anji chuŋ inyo ujum yi mə ambiri. 35Num amaʼ kwi ka Uzayn Zayn ŋunə umə itən inyo məŋə amə imbiri. 36Anigə inji inyo ujum bə mə zayn ni cha aba moʼ mə ma ambiri, inji inyo ujum yi mə zayn ni anam zənə amə tey Uzayn Zayn inigə.”
Yeso zi usaʼa igun ba Farasay nə mbə́ taʼa unoʼo
(Mat 23.1-36; Mak 12.38-40)
37Amaʼazənə Yeso si inayn imara, wa Farasay moʼ tiya uŋwən kwi u zaʼa ijəg nə uŋwən. Anigə yə ŋú inyi na ma chomo asey ijəg. 38Wə chigə wa Farasay wa izən kwi cha Yeso di zəw ma ubugə numugə noʼo uma tey ki sə jəgə. 39Anigə Asɨyisəg ghayn abú uŋwən kwi, “Amə ney umbən ba Farasay mə isəw itoʼ, isəw injim akaŋ anigə itən fiŋ sugi nə usoy foro nə ikɨy. 40Mbən mə úneŋ! Aka Nwiye ŋunə utana aba isəg amə bəma uŋwən utana aba ungɨŋ? 41Anigə mbən naʼ u aghəy mbənə umə ungɨŋ itoʼ nibi naʼ u mbənə umə ungɨŋ akəŋ abú ba ukwaŋ anigə u aghəy ujum mbi zayn inen.”
42“Ingəʼ kyayn yi inyi igun inen umbən ba Farasay, mbən yə ghaba u aghəy mbənə mbən mə nə úŋwən ni mint nə rue akə uba ighum inaʼ aba feyn abú Nwiye foro nə u aghəy imbayn chini u mbənə umi inen. Asɨmə mbən waʼ anó ni aghəy anó nu akəʼərə nə anó ni iwuʼ Nwiye. Mbən ni aghəy unó mbəŋ ujum nu cha mbən waʼ ngwen amoʼ.”
43“Ingəʼ kyayn yi inyi igun inen umbən ba Farasay, mbən ghayn kwi mbən iwuʼ imə chomo aba akə utən kyayn ungɨŋ na ibumi ba Jû, mbən ghayn kwi ba ki chaʼara ngwen ungɨŋ iyuŋ. 44Ingəʼ kyayn yi inyi igun inen mbən yə ni isey tinə cha ba u zən. Anigə ba mbə yeŋ awu igun ni cha ukyay.”
45Ataʼa unoʼo moʼ ywiri abú Yeso kwi, “Ataʼa unó ngwə ba ghayn ney ngwə yə jimə ngwa fən.”
46Yeso ywiri kwi, “Ingəʼ kyayn yi mə igun inen mbən mbənə mbən mə́ ataʼa ba akə unoʼo damugə mbən yə zi u aghəy nu udere atəw ba nu cha umi kyayn ibeʼe ni cha mbən kyay icha kaba abugə kwi mbən ywere úŋwən. 47Ingəʼ kyayn yi inyi igun inen damugə mbən yə buŋe utəw isəy ba ukən Nwiye yi amə umbən mbaʼ imbey mbə́ zwere. 48Umugə mbən mə aghəy nigə, yə tey kwi mbən beni anó zənə umbən mbaʼ imbəy mə́ aghəy. Mbə́ zwere ba ukən Nwiye anigə mbən si buŋe utəw isey ma. 49Amə da anó zəŋ Nwiye ghayn akə iwe kwi, ‘Ayi cha ba ukən i cha ba tom Kristo abú úŋwən umbi zwere umoʼ inwini inya ughəw moʼ.’ 50Anigə ingwaʼ ba zəŋ, ingəʼ yimə igun ma da anəm ba ukən mbənə mbə́ zwere noʼ amaʼazənə isəg ti.” 51Umbi ti akə Amaʼazənə mbə́ zwere Abel ŋú pey akə Zakariya ŋunə mbə́ zwere ungɨŋ ugha adiŋi asinə Zayn Zayn. Aŋ a yə ghayn inen kwi umbi zi ingəʼ atəw ingwaʼ ba zəŋ akə unó mbəŋ ujum. 52“Ingəʼ kyay yi inyi inen mbə taʼa unoʼo damugə mbən num afiʼi asin zənə ba mə́ numə iwe. Cha mbən nyi ngwən asin wu anigə mbən kən ba mbənə umə kaba inyi awu!” 53Amaʼazənə Yeso noʼo asin wu, mbə taʼa u noʼo ni ba Farasay ton akə ikay unó mbənə yə́ mə́ ghayn. Mbə́ biri inayn abú uŋwən akə unó nanaʼ. 54Mbə́ mə́ kaba kwi u aghəy anó iboŋ moʼ zənə umi ibiya uŋwən igun.
Currently Selected:
Luk 11: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Luk 11
11
Yeso tey umugə ni chaʼara Nwiye
(Mat 6.9-13; 7.7-11)
1Aney moʼ Yeso ŋú ichaʼara Nwiye asin moʼ. Umugə yə mara, aməŋə-anó ma moʼ ghayn abú uŋwən kwi, “Asɨyisəg tey umugə umə chaʼara Nwiye ina, amə umugə Jon yə tey abú mbə məŋə-anó ma.” 2Yeso ghayn abú úŋwən kwi, “Amaʼazənə mbən mə chaʼara Nwiye, mbən ghayn kwi,
‘Mbaʼ
Ghə kwi ba wumini ungwə ukum
Injə anó ufon zaʼa.
3Naʼa ijəg tənə ikoʼo ina uney ujum.
4Wa umba unó iboŋ,
Mbə ghayn kwi, mba wa unó iboŋ ba ujum mbənə u gow anó ina.
Ibeni yə anó moʼ kwaʼara ngwa.’”#11.4 Chi ngwa ungɨŋ unó iboŋ.
5Yeso ghayn abú mbə məŋə-anó ma kwi, “Amə aghəy wa moʼ injən akaʼa mbə ŋuw ana azi ma uzimi afəb ighayn abú uŋwən kwi inyi azi, choʼo utin ingəŋ ukara uta na ineŋ. 6Inyi azi moʼ noʼ ukwey sa izaʼa ineŋ anigə chama aghəy moʼ inaʼ abú uŋwən u jəg. 7Anigə azi wu bə ywiri ungɨŋ na kwi, ‘Imə́ naʼa yə́ ingəʼ ineŋ! Mə si ghəbə inyi na mə si neŋe aŋu ni umbəŋ buŋ. Cha ami noʼ atey inaʼa aghəy moʼ inigə.’ 8Awə ghayn inen kwi ka nə uki noʼ ma inaʼ aghəy moʼ inigə damugə ngwə mə azi ma, anigə u yi noʼ naʼa aghəy zənə ngwə kaba damugə ngwə yimə fiŋ bə bire. 9Anigə ayə ghayn inen kwi mbən biri Nwiye yi naʼ inen, mbən kaba Nwiye yi ghəy kwi mbən zən mbə gweʼe Nwiye yi fəʼi ubunu inen. 10Damugənə ba ujum mbənə ubiri Nwiye yi naʼ abú uŋwən, ba mbənə ukaba, Nwiye yi aghəy kwi uzən, wa bi gweʼe Nwiye yi fəʼi abú uŋwen. 11Amə mbaʼ ngwa injən akaʼa nu ŋwə̂ ma bə biri su abú u naʼ mə jugə abú ŋwə̂ ma? 12Kə kwi u bə biri abomo ingɨ u naʼ amə afikaŋ abú uŋwən? 13Anigə umbən mbənə mbən mə aghəy unó iboŋ bə́ kyayn umugə ni naʼa u aghəy chuŋ abú umbən buŋ, aká u ngwen mbaʼ ŋunə umə azobo umi naʼ Azugə zayn abú ba mbənə u biri abú uŋwən.”
Ba moʼ ghayn kwi amə Beelzebul naʼa ikay abú Yeso
(Mat 12.22-30; Mak 3.20-27)
14Yeso chi Azugə iboŋ inyo wa moʼ nu amə Azugə yə ghəy ukəw. Amaʼazənə Azugə wu duw, wa wu ti ni nay anigə ikwiy ba zənə yə́ mə́ awu mə́ məŋərə uma. 15#Mat 9.34; 10.25Asɨmə ba moʼ ghayn kwi, “Amə́ Beelzebul nu amə́ ufon abú uzugə iboŋ naʼa ikay abú Yeso ichiyə uzugə iboŋ.”
16 #
Mat 12.38; 16.1; Mak 8.11 U moʼ kaba inji ikwaʼara uŋwən anigə mbə́ ghayn kwi, u aghəy ayere anó moʼ itey kwi amə Nwiye naʼa ikay abú uŋwən. 17Asɨmə Yeso kyayn ikono ma anigə u ghayn abú úŋwən kwi, “Abey ufon moʼ bə ghaba akə uba uba ni zoŋo uma uma ayi saʼa, ba ungɨŋ na bə ghaba ni zoŋo unya ma cha na wu ni təm. 18Anó ufon satan abə́ ghaba akə uba uba anó ufon wu ami si təm ngiya? Mbən ghayn kwi amə Beelzebul mə naʼa ikay ineŋ ichiyə uzugə iboŋ. 19Abə mə chiyə uzugə iboŋ amə akə ikay ni Beelzebul naʼa ineŋ anigə umbəŋ məŋə-anó umə chiyə akə ikay ni ngwa naʼa abú uŋwən? Mbən kyayn kwi amə umbən buŋ mi saʼa ngwen. 20Abə mə chiyə uzugə iboŋ amə akə ikay yi amə Nwiye naʼa ineŋ anigə zigə tey kwi anó ufon Nwiye si zaʼa inen. 21Amaʼazənə wa kaka u yimə u aghəy bêd sə nəmə ina ma cha wa mi bira u aghəy ma.” 22Anigə anóm chini ni umə ni ikay chigə ma akə i ma bə zoŋo nə uŋwən isom uŋwən, inji u yi num u aghəy zoŋo ma ujum u mbənə yə zi fiŋ ma awu i ghaba u aghəy mbənə yə beʼe abêd. 23#Mak 9.40Wa ŋunə chama ni umugə u yə zoŋo aŋu wa ŋunə cha umə ywere ma aŋu iwere ba u yi saʼa.
Anó ni Azugə iboŋ bə ghə wene ŋu inyi ungɨŋ wa
(Mat 12.43-45)
24Yeso gha ghayn kwi, “Azugə iboŋ abə duw ungɨŋ wa, ayi gha yeŋ usin mbənə cha une awu. A yə yeŋ kaba asin izwere. A bə ki zən ma, i yi ghayn kwi, ‘A yi gha wene iŋu ana zənə mə duw awu.’ 25Umugə u wene zaʼa pey yi zən kwi usi fira itana uchuŋ chuŋ. 26Anigə u yi ŋú num uzugə iboŋ chini isambigə nu u biy chigə ma akə uŋwən u bə ŋuw inyi chomo ungɨŋ na wu. Ingəʼ zənə imi mə igun wa wu yi chigə ma akə izənə yə dey mə awu.”
Aborobod asiʼ
27Amaʼazənə Yeso ghayn anó zəŋ, ayey moʼ awu ungɨŋ ikwiy ba wu kyayn akə ikay ghayn kwi, “Nwiye zi aborobod igun ayey ŋunə yə́ ibə́ ayə iney ayə.” 28Anigə Yeso ywiri kwi, “Nwiye yi zi aborobod igun ba mbənə umə́ zəw inayn ma ni aghəy unó mbənə imə́ ghayn!”
Ba moʼ ghayn kwi Yeso aghəy uyere unó
(Mat 12.38-42)
29 #
Mat 16.4; Mak 8.12 Umugə ikwiy ba mə́ fire uma iyad Yeso, yə ghayn abú úŋwən kwi, “Ingwaʼ ba zəŋ akinine iyə aghəy unó iboŋ! U mbə kaba kwi u aghəy uyere unó anigə cha anó yere moʼ ami aghəy chigə akə azəŋe yə aghəy abú Jona. 30Umugə Jona mə anwini abú ba Nineveh, amə mugə Ŋwə̂ Wa ayi mə anwini abú ba akə kinine. 31Aney zənə Nwiye mi mə sobo usaʼa, ufon ayey sheba yi noʼ zi usaʼa igun ingwaʼ ba akinine damugə mbə noʼ abey ma iyeŋ ukwey sa iŋu zəw unó iwe mbənə solomon mə itey. Anigə a yə ghayn inen aghəy moʼ yə akəŋ akwey chigə ma akə solomon. 32Igun aney zənə Nwiye mi sob usaʼa, ba Nineveh umbi noʼ zi usaʼa igun ingwaʼ ba kinine damugə aney zənə Jona ghayn inayn Nwiye mbə́ mbeŋe fiŋ uma. Anigə a yə ghayn inen kwi wa moʼ yə akəŋ nu u chigə ma akə Jona!”
Anam abú inyə̂ inyo
(Mat 5.15; 6.22, 23)
33 #
Mat 5.15; Mak 4.21; Luk 8.16 “Cha wa moʼ awu nu umbə uchəw anam u num inoy kə zi aton ukuʼ. U bə uchəw anam u yi niŋi igun asin zənə umə niŋi anam awu da ba bə sə inyi na u mbi zən usin. 34Injə́ aghɨ ayə nə anam abú inji inyo. Injə́ aghɨ bə mə anji chuŋ, inyo ujum yi mə zayn anigə injə aghɨ bə ka ma anji chuŋ inyo ujum yi mə ambiri. 35Num amaʼ kwi ka Uzayn Zayn ŋunə umə itən inyo məŋə amə imbiri. 36Anigə inji inyo ujum bə mə zayn ni cha aba moʼ mə ma ambiri, inji inyo ujum yi mə zayn ni anam zənə amə tey Uzayn Zayn inigə.”
Yeso zi usaʼa igun ba Farasay nə mbə́ taʼa unoʼo
(Mat 23.1-36; Mak 12.38-40)
37Amaʼazənə Yeso si inayn imara, wa Farasay moʼ tiya uŋwən kwi u zaʼa ijəg nə uŋwən. Anigə yə ŋú inyi na ma chomo asey ijəg. 38Wə chigə wa Farasay wa izən kwi cha Yeso di zəw ma ubugə numugə noʼo uma tey ki sə jəgə. 39Anigə Asɨyisəg ghayn abú uŋwən kwi, “Amə ney umbən ba Farasay mə isəw itoʼ, isəw injim akaŋ anigə itən fiŋ sugi nə usoy foro nə ikɨy. 40Mbən mə úneŋ! Aka Nwiye ŋunə utana aba isəg amə bəma uŋwən utana aba ungɨŋ? 41Anigə mbən naʼ u aghəy mbənə umə ungɨŋ itoʼ nibi naʼ u mbənə umə ungɨŋ akəŋ abú ba ukwaŋ anigə u aghəy ujum mbi zayn inen.”
42“Ingəʼ kyayn yi inyi igun inen umbən ba Farasay, mbən yə ghaba u aghəy mbənə mbən mə nə úŋwən ni mint nə rue akə uba ighum inaʼ aba feyn abú Nwiye foro nə u aghəy imbayn chini u mbənə umi inen. Asɨmə mbən waʼ anó ni aghəy anó nu akəʼərə nə anó ni iwuʼ Nwiye. Mbən ni aghəy unó mbəŋ ujum nu cha mbən waʼ ngwen amoʼ.”
43“Ingəʼ kyayn yi inyi igun inen umbən ba Farasay, mbən ghayn kwi mbən iwuʼ imə chomo aba akə utən kyayn ungɨŋ na ibumi ba Jû, mbən ghayn kwi ba ki chaʼara ngwen ungɨŋ iyuŋ. 44Ingəʼ kyayn yi inyi igun inen mbən yə ni isey tinə cha ba u zən. Anigə ba mbə yeŋ awu igun ni cha ukyay.”
45Ataʼa unoʼo moʼ ywiri abú Yeso kwi, “Ataʼa unó ngwə ba ghayn ney ngwə yə jimə ngwa fən.”
46Yeso ywiri kwi, “Ingəʼ kyayn yi mə igun inen mbən mbənə mbən mə́ ataʼa ba akə unoʼo damugə mbən yə zi u aghəy nu udere atəw ba nu cha umi kyayn ibeʼe ni cha mbən kyay icha kaba abugə kwi mbən ywere úŋwən. 47Ingəʼ kyayn yi inyi igun inen damugə mbən yə buŋe utəw isəy ba ukən Nwiye yi amə umbən mbaʼ imbey mbə́ zwere. 48Umugə mbən mə aghəy nigə, yə tey kwi mbən beni anó zənə umbən mbaʼ imbəy mə́ aghəy. Mbə́ zwere ba ukən Nwiye anigə mbən si buŋe utəw isey ma. 49Amə da anó zəŋ Nwiye ghayn akə iwe kwi, ‘Ayi cha ba ukən i cha ba tom Kristo abú úŋwən umbi zwere umoʼ inwini inya ughəw moʼ.’ 50Anigə ingwaʼ ba zəŋ, ingəʼ yimə igun ma da anəm ba ukən mbənə mbə́ zwere noʼ amaʼazənə isəg ti.” 51Umbi ti akə Amaʼazənə mbə́ zwere Abel ŋú pey akə Zakariya ŋunə mbə́ zwere ungɨŋ ugha adiŋi asinə Zayn Zayn. Aŋ a yə ghayn inen kwi umbi zi ingəʼ atəw ingwaʼ ba zəŋ akə unó mbəŋ ujum. 52“Ingəʼ kyay yi inyi inen mbə taʼa unoʼo damugə mbən num afiʼi asin zənə ba mə́ numə iwe. Cha mbən nyi ngwən asin wu anigə mbən kən ba mbənə umə kaba inyi awu!” 53Amaʼazənə Yeso noʼo asin wu, mbə taʼa u noʼo ni ba Farasay ton akə ikay unó mbənə yə́ mə́ ghayn. Mbə́ biri inayn abú uŋwən akə unó nanaʼ. 54Mbə́ mə́ kaba kwi u aghəy anó iboŋ moʼ zənə umi ibiya uŋwən igun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL