Luk 13
13
Mbən mbeŋe itən fiŋ nji mbən yi ku
1Ba moʼ mə́ awu Amaʼazənə Yeso mə inayn, mbə ghayn abú uŋwən da ba Galeli u mbənə paled zwere Amaʼazənə mbə́ naʼa u aghəy ifa abú Nwiye. 2Yeso ywiri abú úŋwən kwi, “Ba Galeli wu ku ukudu iwu wu damugə mbə́ aghəy unó iboŋ ichigə ma akə ba mbənə umə́ Galeli ujum. 3A yə ghayn inen chama nigə, mbən bi ki mbeŋe ngwən itən fiŋ nji umbən ujum mbən yi ku ni uŋwən. 4Mbən mə́ kono ba ighum cho feyn mbənə ina kyayn zənə yə́ mə́ Silom fwayn igun ma izwere úŋwən? Mbən waʼa gow anó chigə ba ujum mbənə umə chomo a Yerusanem? 5Ayə ghayn inen kwi, akə ma nigə! Mbən bə ki beŋe ngwen itən fiŋ nji umbən ujum mbən yi ku ni úŋwən.”
Inayn maʼa da azad fig nu cha yə di kuw
6Yeso ghayn inayn maʼa zəŋ kwi, “Anom moʼ kon azad fig ungɨŋ imbayn uzad fayin yə mə ŋuw ney kwi iyi zən itɨŋ wu anigə cha u zən ma ka aba ufeyn moʼ. 7U ghayn abú anóm ŋunə yə mə ney imbayn fayin wu kwi, ‘Zən mə si zaʼa akəŋ akə ituʼ ta imə kaba itɨŋ fig akə azad fig zəŋ cha azən kaba utɨŋ moʼ wá maʼa asey imə jəgə isey zəŋ da ngiya?’” 8Anom wu ywiri abú uŋwən kwi, “sayn a chomo akə utuʼ chini feyn a yi toŋ ighab izi indoro awu itin. 9Anigə abə kuw itɨŋ ajigə ayə boŋ. Abə ki kuwə ma si wa.”
Yeso zwey ayey nu yə mə neŋe aba asey aney aku ba Jû
10Yeso mə tey unó ungɨŋ na ibumi Izre aney aku. 11Ayey moʼ mə awu nu Azugə iboŋ mə ungɨŋ inyo ma. Azugə wu aghəy u si sɨgə akə ituʼ ghum cho ifeyn. Wə gunə anigə amə chama nji abú uŋwən isa inyo ma. 12Amaʼazənə Yeso zən uŋwən, yə tiya uŋwən ighayn abú uŋwən kwi, “Ayey Nwiye si chi isɨgə zəŋ inji inyo.” 13Umugə yə ghayn nigə, yə niŋi ubugə igun ma. Aba ighara wu inyo ayey wu sam u sa inyo ma anigə iyere Nwiye.
14Anom ŋunə yə mə faʼa ana ibumi ba Izre sə́ itəm kwi Yeso zwey wa aney aku. Anigə yə ghayn abú ba wu kwi, “Uney ifəw umbə awu amə aghəy ba faʼ mbən zaʼa unəy wu u zwey ngwen akama aney aku.”
15Asɨyisəg ywiri abú uŋwən kwi, “Mbən yə tama ba cha wa moʼ injən akaʼa nu umə za ipoŋ ma kə jakas ungɨŋ ukam iŋu naʼ une abú iŋwen aney aku. 16Anigə mbən kaba kwi ka mba zwey ngwa ayey ŋunə aney aku? Uŋwen amə aghəŋ Abraham nu satan kod uŋwən akə ituʼ ighum cho ifeyn.” 17Umugə yə ywiri nigə, ba bana ma ujum mə ni indere atəw anigə ba jum wuʼ uma akə uyere unoʼ mbənə yə ghəy.
Inayn maʼa da ŋwə̂ utɨŋ ghəy
(Mat 13.31, 32; Mak 4.30-32)
18Yeso biri kwi, “Anó ufon Nwiye amə ni ngiya? Amə́ ngiya amə aghəy aməg awu? 19A yə ni ŋwə̂ tɨŋi aghəy anóm moʼ num iŋu kon ambayn ma. Yə́ kwey du akə azad nu inén zaʼa iwu ikəŋ ma awu.”
Inayn maʼa da aforo zənə amə ighəy ingəŋ koʼo
(Mat 13.33)
20Yeso gha biri kwi, “A mə́ aghəy a məg anó ufon Nwiye akə ngiya? 21Ayə ni afuro zənə amə ghəy ingəŋ ikoʼ, nu ayey num tobo ni ingəŋ zomo ungɨŋ akəŋ pey amaʼazənə koʼo ujum.”
U bunu ni ufiŋe
(Mat 7.13, 14, 21-23)
22Amaʼazənə Yeso mə́ ŋuw a Yerusanem, yə chigə ungɨŋ ubey kyayn nə ungɨŋ ubey ukukuŋe. Wə mə yeŋ yə ataʼa ba akə unó. 23Wa moʼ biri abú uŋwən kwi, “Masa aba ba umoʼ umi du angəʼ?” Yeso ywiri abú úŋwən kwi, 24“Mbən ghəy ikay ichigə ubunu ŋunə umə fiŋe damugə ba nanaʼ umbə kaba inji ichigə awu anigə cha umi chigə. 25Wa akə na yi noʼ ifən ubunu mbən yi təm isəg igweʼe ubunu ghayn kwi, ‘Masa fəʼə ubunu ina, u yi ywiri inen kwi cha a kyay aŋu asin zənə mbən noʼo awu.’ 26Anigə mbə yi ghayn kwi mba mə jəgə nugə ni ngwə, ngwə mə ataʼa ba akə unó asin zənə mba mə chomo awu. 27Anigə u yi aghəy ighari chini kwi, ‘i yə ghayn inen kwi kyay aŋu asin zənə mbən noʼo awu. Mbən noʼo ŋwen inyi iyad umbən ba unó iboŋ.’ 28#Mat 22.13; 25.30Mbən yi idey ikoro asoŋ Amaʼazənə mbən mi zən Abraham Azik, Yakob ni ba ukən Nwiye ujum ungɨŋ anó ufon Nwiye yimə u maʼa aŋwayn isəg. 29Ba mbi zaʼa aba zənə nyama chigi mə duw awu nə aba zənə nyama chigi mə nimə awu umbi zaʼa aba imbey nə aba anjim pey ni jəgə ufire ungɨŋ anó ufon Nwiye. 30#Mat 19.30; 20.16; Mak 10.31Anigə ba moʼ mbənə mbə́ nwi umbi mə ba imbey anigə u mbənə mbə́ mə́ imbey umbi si nwi.”
Iwuʼi Yeso abú Yerusanem
(Mat 23.37-39)
31Akaʼa maʼa wu, ba Farasay moʼ ŋú abú Yeso pey ghayn abú uŋwən kwi, “Noʼo akəŋ iŋú asin chini mbə ghayn kwi Herod yə kaba izwere ayə.” 32Yeso ghayn abú úŋwən kwi, “Mbən ŋuw ghayn abú isiyn wu kwi, ‘A yi ŋu imbey imə chiyə uzugə iboŋ izwey ba akə̂choŋ nə asugə iŋu pey akə unəy ta, a yi mara inyi afaʼa.’ 33Anigə a yi mə ŋuw akə̂choŋ foro asugə foro asugə zi. Cha adi koʼ izwere wa ukən Nwiye asin chini yimə akama a Yerusanem. 34Yerusanem, Yerusanem! Ngwə zwere ba ukən Nwiye, Ngwə tum ba ukən mbənə cha inen. Amə ighari səʼe a si kaba inji i fere ngwən numugə ingo ingɨ mə fere buŋ ma izi ungɨŋ iba ma anigə cha mbən beni kwi ghəy nigə! 35Anigə umbi waʼ itən imbəŋ Nwiye. A yə ghayn inen kwi, ‘cha ami gha wene izaʼa pey aney zənə mbən mi ghayn kwi Nwiye zi aborobod igun wa ŋunə u zaʼa akə ukum Asɨyisəg.’”
Currently Selected:
Luk 13: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Luk 13
13
Mbən mbeŋe itən fiŋ nji mbən yi ku
1Ba moʼ mə́ awu Amaʼazənə Yeso mə inayn, mbə ghayn abú uŋwən da ba Galeli u mbənə paled zwere Amaʼazənə mbə́ naʼa u aghəy ifa abú Nwiye. 2Yeso ywiri abú úŋwən kwi, “Ba Galeli wu ku ukudu iwu wu damugə mbə́ aghəy unó iboŋ ichigə ma akə ba mbənə umə́ Galeli ujum. 3A yə ghayn inen chama nigə, mbən bi ki mbeŋe ngwən itən fiŋ nji umbən ujum mbən yi ku ni uŋwən. 4Mbən mə́ kono ba ighum cho feyn mbənə ina kyayn zənə yə́ mə́ Silom fwayn igun ma izwere úŋwən? Mbən waʼa gow anó chigə ba ujum mbənə umə chomo a Yerusanem? 5Ayə ghayn inen kwi, akə ma nigə! Mbən bə ki beŋe ngwen itən fiŋ nji umbən ujum mbən yi ku ni úŋwən.”
Inayn maʼa da azad fig nu cha yə di kuw
6Yeso ghayn inayn maʼa zəŋ kwi, “Anom moʼ kon azad fig ungɨŋ imbayn uzad fayin yə mə ŋuw ney kwi iyi zən itɨŋ wu anigə cha u zən ma ka aba ufeyn moʼ. 7U ghayn abú anóm ŋunə yə mə ney imbayn fayin wu kwi, ‘Zən mə si zaʼa akəŋ akə ituʼ ta imə kaba itɨŋ fig akə azad fig zəŋ cha azən kaba utɨŋ moʼ wá maʼa asey imə jəgə isey zəŋ da ngiya?’” 8Anom wu ywiri abú uŋwən kwi, “sayn a chomo akə utuʼ chini feyn a yi toŋ ighab izi indoro awu itin. 9Anigə abə kuw itɨŋ ajigə ayə boŋ. Abə ki kuwə ma si wa.”
Yeso zwey ayey nu yə mə neŋe aba asey aney aku ba Jû
10Yeso mə tey unó ungɨŋ na ibumi Izre aney aku. 11Ayey moʼ mə awu nu Azugə iboŋ mə ungɨŋ inyo ma. Azugə wu aghəy u si sɨgə akə ituʼ ghum cho ifeyn. Wə gunə anigə amə chama nji abú uŋwən isa inyo ma. 12Amaʼazənə Yeso zən uŋwən, yə tiya uŋwən ighayn abú uŋwən kwi, “Ayey Nwiye si chi isɨgə zəŋ inji inyo.” 13Umugə yə ghayn nigə, yə niŋi ubugə igun ma. Aba ighara wu inyo ayey wu sam u sa inyo ma anigə iyere Nwiye.
14Anom ŋunə yə mə faʼa ana ibumi ba Izre sə́ itəm kwi Yeso zwey wa aney aku. Anigə yə ghayn abú ba wu kwi, “Uney ifəw umbə awu amə aghəy ba faʼ mbən zaʼa unəy wu u zwey ngwen akama aney aku.”
15Asɨyisəg ywiri abú uŋwən kwi, “Mbən yə tama ba cha wa moʼ injən akaʼa nu umə za ipoŋ ma kə jakas ungɨŋ ukam iŋu naʼ une abú iŋwen aney aku. 16Anigə mbən kaba kwi ka mba zwey ngwa ayey ŋunə aney aku? Uŋwen amə aghəŋ Abraham nu satan kod uŋwən akə ituʼ ighum cho ifeyn.” 17Umugə yə ywiri nigə, ba bana ma ujum mə ni indere atəw anigə ba jum wuʼ uma akə uyere unoʼ mbənə yə ghəy.
Inayn maʼa da ŋwə̂ utɨŋ ghəy
(Mat 13.31, 32; Mak 4.30-32)
18Yeso biri kwi, “Anó ufon Nwiye amə ni ngiya? Amə́ ngiya amə aghəy aməg awu? 19A yə ni ŋwə̂ tɨŋi aghəy anóm moʼ num iŋu kon ambayn ma. Yə́ kwey du akə azad nu inén zaʼa iwu ikəŋ ma awu.”
Inayn maʼa da aforo zənə amə ighəy ingəŋ koʼo
(Mat 13.33)
20Yeso gha biri kwi, “A mə́ aghəy a məg anó ufon Nwiye akə ngiya? 21Ayə ni afuro zənə amə ghəy ingəŋ ikoʼ, nu ayey num tobo ni ingəŋ zomo ungɨŋ akəŋ pey amaʼazənə koʼo ujum.”
U bunu ni ufiŋe
(Mat 7.13, 14, 21-23)
22Amaʼazənə Yeso mə́ ŋuw a Yerusanem, yə chigə ungɨŋ ubey kyayn nə ungɨŋ ubey ukukuŋe. Wə mə yeŋ yə ataʼa ba akə unó. 23Wa moʼ biri abú uŋwən kwi, “Masa aba ba umoʼ umi du angəʼ?” Yeso ywiri abú úŋwən kwi, 24“Mbən ghəy ikay ichigə ubunu ŋunə umə fiŋe damugə ba nanaʼ umbə kaba inji ichigə awu anigə cha umi chigə. 25Wa akə na yi noʼ ifən ubunu mbən yi təm isəg igweʼe ubunu ghayn kwi, ‘Masa fəʼə ubunu ina, u yi ywiri inen kwi cha a kyay aŋu asin zənə mbən noʼo awu.’ 26Anigə mbə yi ghayn kwi mba mə jəgə nugə ni ngwə, ngwə mə ataʼa ba akə unó asin zənə mba mə chomo awu. 27Anigə u yi aghəy ighari chini kwi, ‘i yə ghayn inen kwi kyay aŋu asin zənə mbən noʼo awu. Mbən noʼo ŋwen inyi iyad umbən ba unó iboŋ.’ 28#Mat 22.13; 25.30Mbən yi idey ikoro asoŋ Amaʼazənə mbən mi zən Abraham Azik, Yakob ni ba ukən Nwiye ujum ungɨŋ anó ufon Nwiye yimə u maʼa aŋwayn isəg. 29Ba mbi zaʼa aba zənə nyama chigi mə duw awu nə aba zənə nyama chigi mə nimə awu umbi zaʼa aba imbey nə aba anjim pey ni jəgə ufire ungɨŋ anó ufon Nwiye. 30#Mat 19.30; 20.16; Mak 10.31Anigə ba moʼ mbənə mbə́ nwi umbi mə ba imbey anigə u mbənə mbə́ mə́ imbey umbi si nwi.”
Iwuʼi Yeso abú Yerusanem
(Mat 23.37-39)
31Akaʼa maʼa wu, ba Farasay moʼ ŋú abú Yeso pey ghayn abú uŋwən kwi, “Noʼo akəŋ iŋú asin chini mbə ghayn kwi Herod yə kaba izwere ayə.” 32Yeso ghayn abú úŋwən kwi, “Mbən ŋuw ghayn abú isiyn wu kwi, ‘A yi ŋu imbey imə chiyə uzugə iboŋ izwey ba akə̂choŋ nə asugə iŋu pey akə unəy ta, a yi mara inyi afaʼa.’ 33Anigə a yi mə ŋuw akə̂choŋ foro asugə foro asugə zi. Cha adi koʼ izwere wa ukən Nwiye asin chini yimə akama a Yerusanem. 34Yerusanem, Yerusanem! Ngwə zwere ba ukən Nwiye, Ngwə tum ba ukən mbənə cha inen. Amə ighari səʼe a si kaba inji i fere ngwən numugə ingo ingɨ mə fere buŋ ma izi ungɨŋ iba ma anigə cha mbən beni kwi ghəy nigə! 35Anigə umbi waʼ itən imbəŋ Nwiye. A yə ghayn inen kwi, ‘cha ami gha wene izaʼa pey aney zənə mbən mi ghayn kwi Nwiye zi aborobod igun wa ŋunə u zaʼa akə ukum Asɨyisəg.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL