Matəw 11
11
Jon ŋunə yə́ mə́ naʼa une tom mbə məŋə-anó abú Yeso
1Amaʼazənə Yeso mara ighayn unó mbəŋ abú mbə́ məŋə-anó wu ighum cho bigə, yə noʼ asin wu ŋu ni tey unó nibə ghayn inayn Nwiye ungɨŋ usin mbənə mbə́ mə́ iyad akuŋ.
2Amaʼazənə Jon ŋunə yə́ mə́ naʼa une nu yə́ mə́ ndəŋ zəw unó mbənə Kristo mə aghəy, yə tom mbə məŋə-anó ma abú uŋwən, 3kwi u ŋuw ibiri abú uŋwən kwi, “Ngwə mə wa ŋunə ba ukən Nwiye ghayn kwi u yi zaʼa kə mba ni nəmə wa chini?”
4Yeso ywiri abú úŋwən kwi, “Mbən ŋuw ghayn unó mbənə mbən zəw nibi zən abú uŋwən. 5Ifəg tə zən usin, ba mbənə mbə́ buʼere umbə yeŋ anji chuŋ, ikəw tə zəw unó, uwu ba zəmə, anigə mbə́ ghayn ukən uchuŋ abú ba ukwaŋ. 6Nwiye zi aborobod igun ba mbənə cha umə məŋərə ma akə anó moʼ da aŋu.”
7Amaʼazənə mbə məŋə-anó Jon noʼ mə ŋuw, Yeso ghayn anó da Jon abú akama ba wu kwi, “Mbən kaŋa ŋu zən ngiya, ungɨŋ imbayn zomo? Mbən ŋu izən Ufəʼ nu ufiy mə nyiʼire? 8Mbən kaŋa ŋu zən ngiya? Mbən waʼa ŋu izən wa nu uzi ndwi aká nun? Mbən kyay kwi ba mbənə umə zi ndwi aká nun umbə chomo amə ungɨŋ toʼ. 9Mbən kaŋa du iŋu zən ngiya? Mbən waʼa du iŋu zən wa ukən Nwiye? Aŋ, ayə ghayn inen kwi mbən zən wa ŋunə u chigə ma akə wa ukən Nwiye. 10Jon amə wa ŋunə mbə́ ŋwaʼanayn da uŋwən kwi,
‘Zən! Ayi cha uŋu wa tom imbey inigə,
Uŋwən yi tana inji inigə.’
11Ayə ghayn asiʼ inen kwi, akaʼa ba ujum mbənə ayey bə́, cha wa moʼ awu nu u mede chigə Jon ŋunə umə naʼa une. Asɨmə wa ŋunə u kweʼe chigə ba ujum ungɨŋ anó ufon azobo mede chigə Jon. 12#Luk 16.16Iti Amaʼazənə Jon ŋunə yə́ mə́ naʼa une ghayn ukən uchuŋ izaʼa pey akinine, anó ufon azobo si kaŋa zəw ingəʼ. Ba mbənə umə nə ikay si kab inyi awu akə ikay. 13Ba ukən Nwiye ujum nə unó mbənə umə ungɨŋ unoʼo Mose mə ghayn da anó ufon azobo izaʼa pey akə amaʼa Jon. 14#Mat 17.10-13; Mak 9.11-13Mbən bə wuʼ ibeni anó zəŋ nji mbən kyay kwi Jon mə Elayija ŋunə ba ukən Nwiye mə ghayn kwi u yi zaʼa.” 15Wa ŋunə umə nə atoŋ u zəw.
16Amə ghəy aməg ba mbənə akinine akə ngiya? “U mbə ni buŋ kuŋe mbənə u chomo atiy iyuŋ i tiya u chini ghayn kwi,
17‘Mba yə ibiya ikyi akə adura inen
Asɨmə cha mbən mə bine,
Mba yə kyugə ikyi idey
Asɨmə cha mbən mə idey.’
18Jon zaʼa, cha yə́ mə́ jəgə kə nugə unoʼ, anigə mbən ghayn kwi, ‘Azugə iboŋ yə ungɨŋ ma.’ 19Ŋwə̂ Wa zaʼa ni jəgə nugə unoʼ, anigə mbən ghayn kwi mbən zən! U yə jəgə ni ifuŋ, abigə unoʼ. U yə jəgə azi nə ba mbənə umə numə ukab tag foro ba mbənə umə aghəy unó iboŋ. Anigə u mbə kyay iwe Nwiye anji zənə ba mə aghəy unó mbənə ukoʼo.”
Asin zənə cha ba di beni ma ukən uchuŋ awu
20Yeso inayn da usin mbənə yə aghəy yere unó nanaʼ awu damugə cha ba mbənə mbə́ mə́ ungɨŋ usin wu di beŋe ma fiŋ uma. 21Yə ghayn abú úŋwən kwi, “Ingəʼ kyay yi nyi igun inigə ungwə Korozin! Ingəʼ kyay yi nyi igun inigə ungwə Betsada! A di mə kwi uyere unó mbənə mbə́ aghəy ungɨŋ inen mbə di bi aghəy ungɨŋ Tayi foro Sidon nji mbə sí beŋe fiŋ uma zi ndwi idey nibi fuʼe inyo ma akə abúro. 22Ayə ghayn inen kwi akə aney zənə Nwiye mi isaʼ isəg, Nwiye yi diri ba mbənə umə Tayi nə u mbənə umə Sidon chigə umugə umi idiri ngwən. 23A mə́ da yə ungwə Kapenahom, mbən waʼa kaba Nwiye num ngwən ŋu azobo? Chama, u mbi swiʼi ngwən imaʼ ungɨŋ abey uwu ba damugə mbə́ di bi aghəy uyere unó mbənə mbə́ aghəy ungɨŋ inigə a Sidon, nji Sidon mi mə bugə awu iŋu pey akə̂choŋ. 24#Mat 10.15; Luk 10.12Ayə ghayn asiʼ inen kwi, aney zənə Nwiye mi saʼa isəg, u yi diri ba mbənə umə Sidon chigə umugə umi diri ayə.”
Mbən ŋuw zwere aboʼo Yeso
25Amaʼazənə Yeso si ghayn umbəŋ, yə ghayn abú úŋwən kwi, “Uŋu mbaʼ Asɨyisəg abú azobo foro isəg, mə naʼ yə beni ayə kwi ngwə si noy unó mbəŋ abú ba iwe foro abú ba mbənə u kyay anó si tey abú ba mbənə cha u kyay uma unó. 26Aŋ, uŋu Mbaʼ amə anji zənə ngwə kaba kwi a məŋi.”
27 #
Jon 3.35;
Jon 1.18; 10.15 Uŋu Mbaʼ si naʼ ughəy ujum iniŋ, cha wa moʼ awu nu u tana kyay ŋwə̂ chigə akə Mbaʼ. Cha wa moʼ awu u tana kyay Mbaʼ chigə akə ŋwə̂ foro wa moʼ ŋunə Ŋwə̂ choʼo kwi itey mbaʼ abú uŋwən.
28Mbən zaʼa iniŋ umbən ujum mbənə mbən si bó imə beʼe u aghəy mbənə umə dere, ayi aghəy kwi mbən zwere. 29Mbən num uŋu udere anigə ikweme anó iniŋ damugə ayə boro fiŋ nibi swiʼiri inyi inyo asey mbən bə aghəy nigə, itən fiŋ iti zuti. 30Damugə cha uŋu dere mə siy ma ibeʼe, cha umə dere ma.
Currently Selected:
Matəw 11: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Matəw 11
11
Jon ŋunə yə́ mə́ naʼa une tom mbə məŋə-anó abú Yeso
1Amaʼazənə Yeso mara ighayn unó mbəŋ abú mbə́ məŋə-anó wu ighum cho bigə, yə noʼ asin wu ŋu ni tey unó nibə ghayn inayn Nwiye ungɨŋ usin mbənə mbə́ mə́ iyad akuŋ.
2Amaʼazənə Jon ŋunə yə́ mə́ naʼa une nu yə́ mə́ ndəŋ zəw unó mbənə Kristo mə aghəy, yə tom mbə məŋə-anó ma abú uŋwən, 3kwi u ŋuw ibiri abú uŋwən kwi, “Ngwə mə wa ŋunə ba ukən Nwiye ghayn kwi u yi zaʼa kə mba ni nəmə wa chini?”
4Yeso ywiri abú úŋwən kwi, “Mbən ŋuw ghayn unó mbənə mbən zəw nibi zən abú uŋwən. 5Ifəg tə zən usin, ba mbənə mbə́ buʼere umbə yeŋ anji chuŋ, ikəw tə zəw unó, uwu ba zəmə, anigə mbə́ ghayn ukən uchuŋ abú ba ukwaŋ. 6Nwiye zi aborobod igun ba mbənə cha umə məŋərə ma akə anó moʼ da aŋu.”
7Amaʼazənə mbə məŋə-anó Jon noʼ mə ŋuw, Yeso ghayn anó da Jon abú akama ba wu kwi, “Mbən kaŋa ŋu zən ngiya, ungɨŋ imbayn zomo? Mbən ŋu izən Ufəʼ nu ufiy mə nyiʼire? 8Mbən kaŋa ŋu zən ngiya? Mbən waʼa ŋu izən wa nu uzi ndwi aká nun? Mbən kyay kwi ba mbənə umə zi ndwi aká nun umbə chomo amə ungɨŋ toʼ. 9Mbən kaŋa du iŋu zən ngiya? Mbən waʼa du iŋu zən wa ukən Nwiye? Aŋ, ayə ghayn inen kwi mbən zən wa ŋunə u chigə ma akə wa ukən Nwiye. 10Jon amə wa ŋunə mbə́ ŋwaʼanayn da uŋwən kwi,
‘Zən! Ayi cha uŋu wa tom imbey inigə,
Uŋwən yi tana inji inigə.’
11Ayə ghayn asiʼ inen kwi, akaʼa ba ujum mbənə ayey bə́, cha wa moʼ awu nu u mede chigə Jon ŋunə umə naʼa une. Asɨmə wa ŋunə u kweʼe chigə ba ujum ungɨŋ anó ufon azobo mede chigə Jon. 12#Luk 16.16Iti Amaʼazənə Jon ŋunə yə́ mə́ naʼa une ghayn ukən uchuŋ izaʼa pey akinine, anó ufon azobo si kaŋa zəw ingəʼ. Ba mbənə umə nə ikay si kab inyi awu akə ikay. 13Ba ukən Nwiye ujum nə unó mbənə umə ungɨŋ unoʼo Mose mə ghayn da anó ufon azobo izaʼa pey akə amaʼa Jon. 14#Mat 17.10-13; Mak 9.11-13Mbən bə wuʼ ibeni anó zəŋ nji mbən kyay kwi Jon mə Elayija ŋunə ba ukən Nwiye mə ghayn kwi u yi zaʼa.” 15Wa ŋunə umə nə atoŋ u zəw.
16Amə ghəy aməg ba mbənə akinine akə ngiya? “U mbə ni buŋ kuŋe mbənə u chomo atiy iyuŋ i tiya u chini ghayn kwi,
17‘Mba yə ibiya ikyi akə adura inen
Asɨmə cha mbən mə bine,
Mba yə kyugə ikyi idey
Asɨmə cha mbən mə idey.’
18Jon zaʼa, cha yə́ mə́ jəgə kə nugə unoʼ, anigə mbən ghayn kwi, ‘Azugə iboŋ yə ungɨŋ ma.’ 19Ŋwə̂ Wa zaʼa ni jəgə nugə unoʼ, anigə mbən ghayn kwi mbən zən! U yə jəgə ni ifuŋ, abigə unoʼ. U yə jəgə azi nə ba mbənə umə numə ukab tag foro ba mbənə umə aghəy unó iboŋ. Anigə u mbə kyay iwe Nwiye anji zənə ba mə aghəy unó mbənə ukoʼo.”
Asin zənə cha ba di beni ma ukən uchuŋ awu
20Yeso inayn da usin mbənə yə aghəy yere unó nanaʼ awu damugə cha ba mbənə mbə́ mə́ ungɨŋ usin wu di beŋe ma fiŋ uma. 21Yə ghayn abú úŋwən kwi, “Ingəʼ kyay yi nyi igun inigə ungwə Korozin! Ingəʼ kyay yi nyi igun inigə ungwə Betsada! A di mə kwi uyere unó mbənə mbə́ aghəy ungɨŋ inen mbə di bi aghəy ungɨŋ Tayi foro Sidon nji mbə sí beŋe fiŋ uma zi ndwi idey nibi fuʼe inyo ma akə abúro. 22Ayə ghayn inen kwi akə aney zənə Nwiye mi isaʼ isəg, Nwiye yi diri ba mbənə umə Tayi nə u mbənə umə Sidon chigə umugə umi idiri ngwən. 23A mə́ da yə ungwə Kapenahom, mbən waʼa kaba Nwiye num ngwən ŋu azobo? Chama, u mbi swiʼi ngwən imaʼ ungɨŋ abey uwu ba damugə mbə́ di bi aghəy uyere unó mbənə mbə́ aghəy ungɨŋ inigə a Sidon, nji Sidon mi mə bugə awu iŋu pey akə̂choŋ. 24#Mat 10.15; Luk 10.12Ayə ghayn asiʼ inen kwi, aney zənə Nwiye mi saʼa isəg, u yi diri ba mbənə umə Sidon chigə umugə umi diri ayə.”
Mbən ŋuw zwere aboʼo Yeso
25Amaʼazənə Yeso si ghayn umbəŋ, yə ghayn abú úŋwən kwi, “Uŋu mbaʼ Asɨyisəg abú azobo foro isəg, mə naʼ yə beni ayə kwi ngwə si noy unó mbəŋ abú ba iwe foro abú ba mbənə u kyay anó si tey abú ba mbənə cha u kyay uma unó. 26Aŋ, uŋu Mbaʼ amə anji zənə ngwə kaba kwi a məŋi.”
27 #
Jon 3.35;
Jon 1.18; 10.15 Uŋu Mbaʼ si naʼ ughəy ujum iniŋ, cha wa moʼ awu nu u tana kyay ŋwə̂ chigə akə Mbaʼ. Cha wa moʼ awu u tana kyay Mbaʼ chigə akə ŋwə̂ foro wa moʼ ŋunə Ŋwə̂ choʼo kwi itey mbaʼ abú uŋwən.
28Mbən zaʼa iniŋ umbən ujum mbənə mbən si bó imə beʼe u aghəy mbənə umə dere, ayi aghəy kwi mbən zwere. 29Mbən num uŋu udere anigə ikweme anó iniŋ damugə ayə boro fiŋ nibi swiʼiri inyi inyo asey mbən bə aghəy nigə, itən fiŋ iti zuti. 30Damugə cha uŋu dere mə siy ma ibeʼe, cha umə dere ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL