Matiye 16
16
Fariziyɛ̧́ri̧ rá̧ Sadusiyɛ̧ri̧ zi ɓay a kó hɛ̧sáʼama
1Fariziyɛ̧́ri̧ rá̧ Sadusiyɛ̧ri̧ gí gel a Zezú. Kú gí lélawɛ́ a sa: «Mɔ́ niŋ hɛ̧sáʼama a rú kó, a tu ɓá Gáŋvbôn pé, pé mɔ́ gíy.» 2Zezú resa hí̧ kuriri: «Sêe kaw ríŋa, pé i kó nûnalê sɛ̧ ŋga̧y lé, i sa ɓá: Gel e béla a típélé. 3A gel a pélé rím gel ná gbem lé, i sa ɓá: Mbɔ̂m e tɔ́ a sénɛ́. Í tu ɓɛʼɛ hɛ̧ a nûnalêri, dáy a zi ma ɓɛʼɛ hɛ̧ ka kaw niŋa a ŋgɛŋnɛ́ nyáy ɓayhí̧ lé? 4Ɓéké njuku a ŋgɛŋnɛ́ nɛ́rí̧, ka zi lá nzáʼa a Gáŋvbôn nyáy, vbí kó hɛ̧sáʼama. Dáy kú tí kó hɛ̧sáʼama a há̧na mbêw yá, a mí zi tí ɓá hɛ̧sáʼama a porofɛ́t Jonás nyáy.» Falké Zezú pɔŋ kuriri a kála.
Hɛ̧tɔ́ʼɔ a Fariziyɛ̧́ri̧ rá̧ a Sadusiyɛ̧ri̧ ná ɓá báŋa a haw
5Gelka Zezú rá̧ gunbɛʼɛri tá ka̧ hélkála fâ̧w, gunbɛʼɛri yɛʼɛrɛ fá̧ biré. 6Zezú sa hí̧ kuriri ɓá: «Í kóra! Í ŋgbátûl a wǎyri ɓá bélaké ka haw a Fariziyɛ̧́ri̧ rá̧ a Sadusiyɛ̧ri̧!» 7Dáy Gunbɛʼɛri sa a bazeŋ a kuriri ɓá: « Há̧na ɓay hɛ̧ ka ná zi fá̧ biré yáy lé.»
8Zezú tu ɓá kú kaw saɓayké, dáy a sa hí̧ kuriri ɓá: «Mbí law a wǎyri zi ŋgɛ̧́ nyá, ɓayhí̧ i sa a bazeŋ a wǎyri ɓá: ɓay hɛ̧ ka ná zi fá̧ biré yáy lé? 9I zi lá ɓilké yá ɓáy lé? Í yɛʼɛrɛ ɓay a biré ndíɓí, a kú wal hí̧ wɔ̧rɔ̧́njukuri kumrá̧ké ndíɓí, rá̧ tol daw a̧ní, i mára̧ zínké mbárú a sêeké nɔ́ lé! 10Dáy, i zi kɛrɛ biré zíndɔ̂ʼɔsáy, a kú wal hí̧ wɔ̧rɔ̧́njukuri kumrá̧ké nɛŋ! I mára̧ zínké mbá tol daw a̧ní a sêeké nɔ́ lé! 11Tí ɓá ɓay a biré, pé mi kaw sa hí̧ wǎyri yá, ka mi sa ɓá: i koro mûn a wǎyri, ɓay a haw a Fariziyɛ̧́ri̧ rá̧ Sadusiyɛ̧ri̧!»
12Dáy gunbɛʼɛri lá ɓilké ɓá: Tí ɓá ɓay a haw niŋ biré pé Zezú saɓayké yá, ɓá ɓay a hɛ̧tɔ́ʼɔ a Fariziyɛ̧́ri̧ rá̧ Sadusiyɛ̧ri̧.
Píyɛ́r sa Zezú ɓá Kiris#16:13 Kiris malé Mɛsí lé, zi ɓay a sa ɓá, njuku a kú lú malé kú ɓá mára̧ mbây nɔ́ nɛ́.
13Zezú sé ka̧ tísiri a Sezaré a Filípí. Ké vbí Gunbɛʼɛri a sa: «A̧hí̧ njukuri kaw sanáké sé tûl a Gun a njuku lé?» 14Kú zi nzɛ́ʼɛ a sa: «Njuku a há̧narí̧ sa: mɔ ɓá Zâŋ Batís, a fékéri sa mɔ ɓá Eli, a fékéri ɓáy sa mɔ ɓá Jeremí malé porofɛ́t a há̧na.» 15Dáy Zezú re vbí kuriri: «A sána a wǎyri wá, mi ɓá gé lé?» 16Simɔŋ Píyɛ́r zi nzɛ́ʼɛ a sa: «Mɔ́ ɓá Kiris, Gun a Gáŋvbôn a ndísɛ̌ʼɛ.» 17Dáy, Zezú sa hí̧ nɛ́: «Béla hí̧ mɔ́, Simɔŋ gun a Zâŋ, ɓayhí̧lé tí ɓá njuku a tísiri pé tɔ́ʼɔ hí̧ mɔ́ gbátɓay nɔ́ nyá, ɓá Bâa a mǐ ka e a nûnalê. 18Dáy mǐ, mi sa hí̧ mɔ́, mɔ ɓá Píyɛ́r#16:18 Píyɛ́r zi ɓáy sa ɓá saw. , dáy ka tûl lara nɔ́, mi e mbó Egilize a mǐ ka̧nrú̧. Nǎŋnɔ́ kpɔ́ŋa a hûl zi ma niŋ hɛ̧ há̧na mbêw kuu mɛ̌ nyá. 19Mi e hí̧ mɔ́ kílé ŋgburu nzáʼaŋgboro a Pû a Gáŋvbôn, hɛ̧ ka mɔ e ŋgá̧náké a tísiri, e ŋgá̧ a nûnalê, ka hɛ̧ ka mɔ e zibɔʼɔké a tísiri, kú e zibɔʼɔké a nûnalê.» 20Dáy Zezú vbara Gunbɛʼɛri ɓá, kú zi ná saɓayké hí̧ njuku a há̧na ɓá ké ɓá Kiris.
Zezú saɓay a hûl rá̧ toma a mɛ̌
21Tí ka sêeké nɔ́, Zezú tí saɓay ɓá táŋáké hí̧ Gunbɛʼɛri a sa: «Belɓá mí sé Zerúzalɛ̂m, mi e tɔ́ʼɔsêe ka sá̧ mambá, a ɓil ndɔ̂ʼɔ a gáŋnjuku pûri, gáŋnjuku nzáʼaká̧nari̧ rá̧ njuku tɔ́ʼɔ sáŋnari̧. Mi e ziŋ hûl dáy, nâm sáy a falké, mi e toma a hûl.» 22Nǎŋnɔ́ Píyɛ́r ɗa nɛ́ sé falgel, a sa hí̧ nɛ́ ɓá: «Bɔʼɔ mbêw yá, Gáŋmbây! Hɛ̧ nɔ́rí̧ tí ziŋ mɔ́ nyá.» 23Dáy Zezú fere a sa hí̧ Píyɛ́r: «Mɔ́ tá ka ka̧ny ní Sata̧n! Mɔ kaw ɓá saw ɓɛ̧na a tûl ŋgboro a mǐ, ɓayhí̧lé mɔ zi kɛrɛ hɛ̧ ɓá báŋa a Gáŋvbôn nyá, mɔ kɛrɛ hɛ̧ ɓá báŋa a njukuri.»
24Falké Zezú sa hí̧ gunbɛʼɛri ɓá: «Njuku mí zi ɓay a tɔ́ŋ mí lé, ké pɔŋ kɛrɛ ɓay sé tûlé, a ké hol dii vbatay a mɛ̌,#16:24 Hol dii vbatay a mɛ̌, zi ɓay a sa ɓá tɔ́ʼɔsêe a ɓil ɓay a Gáŋvbôn. a ké tɔ́ŋ mí. 25Katína, njuku ka ɛ́ pɛ̧́ ndísɛ̌ʼɛ a mɛ̌, e ɓɔ́l ndísɛ̌ʼɛké, a njuku ka ɓɔ́l ndísɛ̌ʼɛ a mɛ̌ ɓay a mǐ, e ziŋ pɛ̧́na. 26Dáy a̧hí̧ e nɛ́rɛ̧ njuku, a ké mí ziŋ hɛ̧zíŋa a tísiri nɛ́ too, rá̧ a mí reɓɔ́l ndísɛ̌ʼɛ a mɛ̌, a̧hí̧ ké e hí̧naké ɓay a rezíŋ ndísɛ̌ʼɛ a mɛ̌ ɓá a féké ɓáy lé? 27Katína, Gun a njuku e gína a ɓil hɔ̧́na a Bâa a mɛ̌ rá̧ aŋnze a mɛ̌ri̧, ɓay a hí̧ njuku a sí̧ lé too kpáʼandɔ̂ʼɔ péna a mɛ̌. 28Mi sa hí̧ wǎyri gbátɓay, njuku a há̧narí̧ ka e a geléy, tí ziŋ hûl too táŋ kó Gun a njuku gí ɓá báŋa mbây yá.»
Currently Selected:
Matiye 16: pnz
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Matiye 16
16
Fariziyɛ̧́ri̧ rá̧ Sadusiyɛ̧ri̧ zi ɓay a kó hɛ̧sáʼama
1Fariziyɛ̧́ri̧ rá̧ Sadusiyɛ̧ri̧ gí gel a Zezú. Kú gí lélawɛ́ a sa: «Mɔ́ niŋ hɛ̧sáʼama a rú kó, a tu ɓá Gáŋvbôn pé, pé mɔ́ gíy.» 2Zezú resa hí̧ kuriri: «Sêe kaw ríŋa, pé i kó nûnalê sɛ̧ ŋga̧y lé, i sa ɓá: Gel e béla a típélé. 3A gel a pélé rím gel ná gbem lé, i sa ɓá: Mbɔ̂m e tɔ́ a sénɛ́. Í tu ɓɛʼɛ hɛ̧ a nûnalêri, dáy a zi ma ɓɛʼɛ hɛ̧ ka kaw niŋa a ŋgɛŋnɛ́ nyáy ɓayhí̧ lé? 4Ɓéké njuku a ŋgɛŋnɛ́ nɛ́rí̧, ka zi lá nzáʼa a Gáŋvbôn nyáy, vbí kó hɛ̧sáʼama. Dáy kú tí kó hɛ̧sáʼama a há̧na mbêw yá, a mí zi tí ɓá hɛ̧sáʼama a porofɛ́t Jonás nyáy.» Falké Zezú pɔŋ kuriri a kála.
Hɛ̧tɔ́ʼɔ a Fariziyɛ̧́ri̧ rá̧ a Sadusiyɛ̧ri̧ ná ɓá báŋa a haw
5Gelka Zezú rá̧ gunbɛʼɛri tá ka̧ hélkála fâ̧w, gunbɛʼɛri yɛʼɛrɛ fá̧ biré. 6Zezú sa hí̧ kuriri ɓá: «Í kóra! Í ŋgbátûl a wǎyri ɓá bélaké ka haw a Fariziyɛ̧́ri̧ rá̧ a Sadusiyɛ̧ri̧!» 7Dáy Gunbɛʼɛri sa a bazeŋ a kuriri ɓá: « Há̧na ɓay hɛ̧ ka ná zi fá̧ biré yáy lé.»
8Zezú tu ɓá kú kaw saɓayké, dáy a sa hí̧ kuriri ɓá: «Mbí law a wǎyri zi ŋgɛ̧́ nyá, ɓayhí̧ i sa a bazeŋ a wǎyri ɓá: ɓay hɛ̧ ka ná zi fá̧ biré yáy lé? 9I zi lá ɓilké yá ɓáy lé? Í yɛʼɛrɛ ɓay a biré ndíɓí, a kú wal hí̧ wɔ̧rɔ̧́njukuri kumrá̧ké ndíɓí, rá̧ tol daw a̧ní, i mára̧ zínké mbárú a sêeké nɔ́ lé! 10Dáy, i zi kɛrɛ biré zíndɔ̂ʼɔsáy, a kú wal hí̧ wɔ̧rɔ̧́njukuri kumrá̧ké nɛŋ! I mára̧ zínké mbá tol daw a̧ní a sêeké nɔ́ lé! 11Tí ɓá ɓay a biré, pé mi kaw sa hí̧ wǎyri yá, ka mi sa ɓá: i koro mûn a wǎyri, ɓay a haw a Fariziyɛ̧́ri̧ rá̧ Sadusiyɛ̧ri̧!»
12Dáy gunbɛʼɛri lá ɓilké ɓá: Tí ɓá ɓay a haw niŋ biré pé Zezú saɓayké yá, ɓá ɓay a hɛ̧tɔ́ʼɔ a Fariziyɛ̧́ri̧ rá̧ Sadusiyɛ̧ri̧.
Píyɛ́r sa Zezú ɓá Kiris#16:13 Kiris malé Mɛsí lé, zi ɓay a sa ɓá, njuku a kú lú malé kú ɓá mára̧ mbây nɔ́ nɛ́.
13Zezú sé ka̧ tísiri a Sezaré a Filípí. Ké vbí Gunbɛʼɛri a sa: «A̧hí̧ njukuri kaw sanáké sé tûl a Gun a njuku lé?» 14Kú zi nzɛ́ʼɛ a sa: «Njuku a há̧narí̧ sa: mɔ ɓá Zâŋ Batís, a fékéri sa mɔ ɓá Eli, a fékéri ɓáy sa mɔ ɓá Jeremí malé porofɛ́t a há̧na.» 15Dáy Zezú re vbí kuriri: «A sána a wǎyri wá, mi ɓá gé lé?» 16Simɔŋ Píyɛ́r zi nzɛ́ʼɛ a sa: «Mɔ́ ɓá Kiris, Gun a Gáŋvbôn a ndísɛ̌ʼɛ.» 17Dáy, Zezú sa hí̧ nɛ́: «Béla hí̧ mɔ́, Simɔŋ gun a Zâŋ, ɓayhí̧lé tí ɓá njuku a tísiri pé tɔ́ʼɔ hí̧ mɔ́ gbátɓay nɔ́ nyá, ɓá Bâa a mǐ ka e a nûnalê. 18Dáy mǐ, mi sa hí̧ mɔ́, mɔ ɓá Píyɛ́r#16:18 Píyɛ́r zi ɓáy sa ɓá saw. , dáy ka tûl lara nɔ́, mi e mbó Egilize a mǐ ka̧nrú̧. Nǎŋnɔ́ kpɔ́ŋa a hûl zi ma niŋ hɛ̧ há̧na mbêw kuu mɛ̌ nyá. 19Mi e hí̧ mɔ́ kílé ŋgburu nzáʼaŋgboro a Pû a Gáŋvbôn, hɛ̧ ka mɔ e ŋgá̧náké a tísiri, e ŋgá̧ a nûnalê, ka hɛ̧ ka mɔ e zibɔʼɔké a tísiri, kú e zibɔʼɔké a nûnalê.» 20Dáy Zezú vbara Gunbɛʼɛri ɓá, kú zi ná saɓayké hí̧ njuku a há̧na ɓá ké ɓá Kiris.
Zezú saɓay a hûl rá̧ toma a mɛ̌
21Tí ka sêeké nɔ́, Zezú tí saɓay ɓá táŋáké hí̧ Gunbɛʼɛri a sa: «Belɓá mí sé Zerúzalɛ̂m, mi e tɔ́ʼɔsêe ka sá̧ mambá, a ɓil ndɔ̂ʼɔ a gáŋnjuku pûri, gáŋnjuku nzáʼaká̧nari̧ rá̧ njuku tɔ́ʼɔ sáŋnari̧. Mi e ziŋ hûl dáy, nâm sáy a falké, mi e toma a hûl.» 22Nǎŋnɔ́ Píyɛ́r ɗa nɛ́ sé falgel, a sa hí̧ nɛ́ ɓá: «Bɔʼɔ mbêw yá, Gáŋmbây! Hɛ̧ nɔ́rí̧ tí ziŋ mɔ́ nyá.» 23Dáy Zezú fere a sa hí̧ Píyɛ́r: «Mɔ́ tá ka ka̧ny ní Sata̧n! Mɔ kaw ɓá saw ɓɛ̧na a tûl ŋgboro a mǐ, ɓayhí̧lé mɔ zi kɛrɛ hɛ̧ ɓá báŋa a Gáŋvbôn nyá, mɔ kɛrɛ hɛ̧ ɓá báŋa a njukuri.»
24Falké Zezú sa hí̧ gunbɛʼɛri ɓá: «Njuku mí zi ɓay a tɔ́ŋ mí lé, ké pɔŋ kɛrɛ ɓay sé tûlé, a ké hol dii vbatay a mɛ̌,#16:24 Hol dii vbatay a mɛ̌, zi ɓay a sa ɓá tɔ́ʼɔsêe a ɓil ɓay a Gáŋvbôn. a ké tɔ́ŋ mí. 25Katína, njuku ka ɛ́ pɛ̧́ ndísɛ̌ʼɛ a mɛ̌, e ɓɔ́l ndísɛ̌ʼɛké, a njuku ka ɓɔ́l ndísɛ̌ʼɛ a mɛ̌ ɓay a mǐ, e ziŋ pɛ̧́na. 26Dáy a̧hí̧ e nɛ́rɛ̧ njuku, a ké mí ziŋ hɛ̧zíŋa a tísiri nɛ́ too, rá̧ a mí reɓɔ́l ndísɛ̌ʼɛ a mɛ̌, a̧hí̧ ké e hí̧naké ɓay a rezíŋ ndísɛ̌ʼɛ a mɛ̌ ɓá a féké ɓáy lé? 27Katína, Gun a njuku e gína a ɓil hɔ̧́na a Bâa a mɛ̌ rá̧ aŋnze a mɛ̌ri̧, ɓay a hí̧ njuku a sí̧ lé too kpáʼandɔ̂ʼɔ péna a mɛ̌. 28Mi sa hí̧ wǎyri gbátɓay, njuku a há̧narí̧ ka e a geléy, tí ziŋ hûl too táŋ kó Gun a njuku gí ɓá báŋa mbây yá.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL