Márke 8
8
Zezú ɓá lâʼa sɔ̧́ njukuri kumrá̧ké nɛŋ
(Mat 15:32-39)
1Sêeké nɔ́, njukuri ɓá ŋgɛ̧́náké mára̧ ɓáy, dáy a zi tí ka lâʼa há̧na mbêw yá. Zezú ɗí gunbɛʼɛri a sa hí̧ kuriri ɓá: 2«Njuku nɛ́rí̧ sehaŋ hí̧ mí mambá, ɓayhí̧lé kú niŋ nâm sáy kuu mǐ, dáy a zi tí ka lâʼa sɔ̧́na a há̧na mbêw yá. 3Mǐ, mí sa hí̧ kuriri ɓá kú rekála sé pû kuriri táŋ lâʼa hɛ̧y, kú zi tí ka ŋgɛ́rɛ séséna ka ŋgboro yá, ɓayhí̧lé njuku a há̧narí̧ a bazeŋ a kuriri uru ɗí mambá.» 4Gunbɛʼɛri sa: «A gel a sí̧, ná e ziŋ lâʼa, ɓay kú lâʼa ɓil a kuriri ké mbá ka lawkɔ́r nɛ́ lé?» 5Dáy Zezú vbí kuriri ɓá: «Biré daw a̧ní, i erú lé?» Gunbɛʼɛri sa: «Zíndɔ̂ʼɔsáy.» 6Dáy Zezú sa hí̧ njukuri, ɓá kú kaw siri. Gelka ké fá̧ biré zíndɔ̂ʼɔsáy ráy, ké zi awá hí̧ Gáŋvbôn, a haw ɓilké, a ɓá hí̧ gunbɛʼɛri ɓá kú wal, dáy gunbɛʼɛri wal hí̧ njukuri. 7Kú erú ka gun nzwîy tɛ̧́w ɓáy kɔ́. Zezú zi awá hí̧ Gáŋvbôn kɔ̧ tûlké dáy, a ɓá hí̧ gunbɛʼɛri ɓá kú wal nzwîyké hí̧ kuriri kɔ́. 8Njukuri laʼa, ɓil a kuriri mbá. Gunbɔʼɔ a Zezúri fá̧ gázínáké mbá tol zíndɔ̂ʼɔsáy. 9Dáy ŋgɛ̧́na a njukukéri a goló tá kumrá̧ké nɛŋ! Falké Zezú gí pɔŋ kuriri kála. 10Ké rehe kumbôn núnmbɛ̧́nɛ́ nɔ́ kuu Gunbɛʼɛri, a kála sé tísiri a Dalmanúta.
Fariziyɛ̧́ri̧ vbí hɛ̧sáʼama a gel a Zezú
(Mat 16:1-4)
11Fariziyɛ̧́ri̧ gí, a tí manyɓay kuu Zezú. Kú zi ɓá kú hol daw hí̧ nɛ́, dáy a vbí nɛ́ ɓá: «Mɔ́ niŋ hɛ̧sáʼama a há̧na, ka tɔ́ʼɔ ɓá mɔ gí a gel a Gáŋvbôn, a rú kó!» 12Zezú mára̧ nyína a ɓil lawɛ́ ka nyí a sa: «Ɓayhí̧ njuku nɛ́rí̧ vbí kó hɛ̧sáʼama lé? Mi sa gbátɓay hí̧ wǎyri: Njuku a ŋgɛŋnɛ́ nɛ́rí̧, tí kó hɛ̧sáʼama a há̧na mbêw yá.» 13Falké, Zezú uru sé he kumbôn a kála sé ŋgboro a helkála mbii.
Haw a Fariziyɛ̧́ri̧ rá̧ Herod
(Mat 16:5-12)
14Gunbɔʼɔ a Zezúri yɛʼɛrɛ fa̧ biré gírú, ɔ ɓá biré mbêw yáŋ a kú mbí ka̧n ɓil kumbôn kuu kuriri. 15Dáy Zezú sa hí̧ kuriri ɓá: «Í kó rá̧, í koro tûl a wǎyri ɓá béláké kuu haw a Fariziyɛ̧́ri̧ rá̧ a haw a mbây Herod!» 16Dáy, Gunbɛʼɛri kaw many há̧narí̧ a bazeŋ a kuriri a sa, ké sa nǎŋ ɓay hɛ̧ ka ná zi tí ka biré yá lé. 17Zezú tu kɛrɛ a kuriri dáy, a vbí kuriri ɓá: «Ɓayhí̧, i sa a bazeŋ a wǎyri ɓá í zi tí ka biré yáy lé? I zi lá ɓil ɓayké yá, a zi tu ɓilké yá ɓáy lé? Hɛ̧túna a wǎyri, zi ŋgburu yá lé? 18I erú ka nûn, dáy, a zi kó gel yá lé? I erú ka súkú, dáy, a zi láɓay yá lé? I zi kɛrɛ hɛ̧ nyá lé? 19A mi wal biré ndíɓí hí̧ njukuri kumrá̧ké ndíɓí, i mára̧ gázínákéri mbá tol daw a̧ní lé?» Kú zi a sa: «Bôo a sére.» 20Zezú revbí kuriri ɓáy ɓá: «Gelka mi wal biré zíndɔ̂ʼɔsáy hí̧ njukuri kumrá̧ké nɛŋ, i fá̧ gázínáké mbá tol daw a̧ní lé?» Kú zi a sa: «Zíndɔ̂ʼɔsáy.» 21Dáy Zezú sa hí̧ kuriri ɓá: «A nɔ́ too, i zi lá ɓilké yá ɓáy lé?»
Zezú ŋgburu nûn a râ̧w a há̧na a Bɛtsayida
22Zezú rá̧ gunbɛʼɛri ka̧ Bɛtsayida, a goló njukuri ɓá râ̧w a há̧na gí hí̧ nɛ́, a kú vú hí̧ nɛ́ ɓá ké ɗa nɛ́. 23Zezú gí ŋgbá ndɔ̂ʼɔ a râ̧w, a ɗa nɛ́ sé fal pû. Falké, ké sa̧sâ̧m a ɓá ɗa nûn a râ̧w, dáy a ɓá ndɔ̂ʼɔ kɔ̧ tûlé, a vbí nɛ́ ɓá: «Mɔ kó hɛ̧ a há̧na lé?» 24Râ̧w ɛ̧rɛ̧ gel a sa: «Mi kó njukuri, dáy mi kó kuriri ɓá báŋa dii a kaw séséna.» 25Zezú reɓá ndɔ̂ʼɔ kɔ̧ nûn a râ̧w ɓá a féké ɓáy, dáy, râ̧w ɛ̧rɛ̧ gel ɓá táŋáké; Ké ziŋ ŋgɛ́rɛ, a kó hɛ̧ri̧ mbêw mbêw too ɓá táŋáké. 26Dáy Zezú sa ké kála sé pû mɛ̌, a sa: «Mɔ́ zi ná ri tálá a ɓil pû.»
Píyɛ́r sa Zezú ɓá Kiris
(Mat 16:13-20; Luk 9:18-21)
27A falké Zezú rá̧ Gunbɛʼɛri kála sé ŋgboro a pûri ka ná dɛ́ŋ ka Sezaré a Filípí. A tûl ŋgboro, ké vbí Gunbɛʼɛri ɓá: «A̧hí̧, njukuri kaw sa sé tûl ní lé?» 28Gunbɛʼɛri sa ɓá: «Njuku a há̧narí̧ sa: Mɔ ɓá Zâŋ Batís. Njuku a fékéri sa: Mɔ ɓá Eli. Njuku a fékéri ɓáy sa: Mɔ ɓá mbêw a bazeŋ a porofɛ́t.» 29Zezú revbí kuriri a sa: «Dáy, a wǎyri wá, mi ɓá gé lé?̄» Píyɛ́r sa hí̧ nɛ́ ɓá: «Mɔ̌, mɔ ɓá Kiris#8:29 Kiris: Njuku ka Gáŋvbôn ten..» 30Dáy Zezú sa hí̧ kuriri, a vbara kuriri ɓá béláké ɓá: «Í zi ná saɓay a mǐ hí̧ njuku a há̧na mbêw!»
Zezú saɓay hûl rá̧ toma a mɛ̌
(Mat 16:21-28; Luk 9:22-27)
31Falké, Zezú tí tɔ́ʼɔhɛ̧ hí̧ Gunbɛʼɛri a sa: «Belɓá Gun a njuku ké tɔ́ʼɔsêe ɓá ŋgɛ̧́náké. Gáŋnjukuri, rá̧ gáŋnjuku a nzáʼaká̧nari̧, rá̧ njuku tɔ́ʼɔ sáŋnari̧ kɔ́ e sáŋ nɛ́. Kú e í nɛ́, dáy nâm sáy a falké, ké e toma a hûl.» 32Ké saɓayké hí̧ kuriri ɓá táŋáké. Dáy Píyɛ́r ɗa Zezú sé falgel, a kaw nzáʼa kuu mɛ̌. 33Dáy, Zezú fere a ɛ̧rɛ̧ gunbɛʼɛri, ka nzáʼa ziŋ Píyɛ́r, a sa hí̧ nɛ́ ɓá: «Mɔ́ sé ɓá ɗínáké a gbaŋ ní, Sata̧n! Ɓayhí̧lé kɛrɛ a mɔ̌, zi tí ɓá kɛrɛ a Gáŋvbôn nyá, ɓá kɛrɛ a njukuri!»
34Falké, Zezú ɗí njukuri rá̧ gunbɛʼɛri, a sa hí̧ kuriri: «Njuku mí zi ɓay a tɔ́ŋ mí lé, ké pɔŋ kɛrɛ ɓay a tûlé. Ké hol dii vbatay a mɛ̌, a ké tɔ́ŋ mí. 35Ɓayhí̧lé, njuku ka zi ɓay a pɛ̧́ ndísɛ̌ʼɛ a mɛ̌, e ɓɔ́l ndísɛ̌ʼɛ a mɛ̌, a njuku, ka ɓɔ́l ndísɛ̌ʼɛ a mɛ̌, ɓay a mǐ rá̧ ɓay tûl Bélaɓay, e pɛ̧́ ndísɛ̌ʼɛ a mɛ̌. 36A̧hí̧ e nɛ́rɛ̧ njuku, a ké mí ziŋ hɛ̧zíŋa a tísiri too, rá̧, a mí ɓɔ́l ndísɛ̌ʼɛ a mɛ̌ lé? 37A̧hí̧ njuku e púnáké ma gel a ndísɛ̌ʼɛ a mɛ̌ lé? 38Njuku mí niŋ sɔ̧rɔ̧ a mǐ rá̧ a niŋ sɔ̧rɔ̧ a ɓay a mǐ a bazeŋ a njuku nɛ́rí̧, ka zi niŋ law mbêw yá, ka a kpútûl ziŋ Gáŋvbôn, mǐ, Gun a njuku, mi e niŋ sɔ̧rɔ̧ a mɛ̌ kɔ́ ka sêeké, ka mi e regí a ɓil hɔ̧́na a Bâa a mǐ, kuu aŋnze a táŋákéri.»
Currently Selected:
Márke 8: pnz
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Márke 8
8
Zezú ɓá lâʼa sɔ̧́ njukuri kumrá̧ké nɛŋ
(Mat 15:32-39)
1Sêeké nɔ́, njukuri ɓá ŋgɛ̧́náké mára̧ ɓáy, dáy a zi tí ka lâʼa há̧na mbêw yá. Zezú ɗí gunbɛʼɛri a sa hí̧ kuriri ɓá: 2«Njuku nɛ́rí̧ sehaŋ hí̧ mí mambá, ɓayhí̧lé kú niŋ nâm sáy kuu mǐ, dáy a zi tí ka lâʼa sɔ̧́na a há̧na mbêw yá. 3Mǐ, mí sa hí̧ kuriri ɓá kú rekála sé pû kuriri táŋ lâʼa hɛ̧y, kú zi tí ka ŋgɛ́rɛ séséna ka ŋgboro yá, ɓayhí̧lé njuku a há̧narí̧ a bazeŋ a kuriri uru ɗí mambá.» 4Gunbɛʼɛri sa: «A gel a sí̧, ná e ziŋ lâʼa, ɓay kú lâʼa ɓil a kuriri ké mbá ka lawkɔ́r nɛ́ lé?» 5Dáy Zezú vbí kuriri ɓá: «Biré daw a̧ní, i erú lé?» Gunbɛʼɛri sa: «Zíndɔ̂ʼɔsáy.» 6Dáy Zezú sa hí̧ njukuri, ɓá kú kaw siri. Gelka ké fá̧ biré zíndɔ̂ʼɔsáy ráy, ké zi awá hí̧ Gáŋvbôn, a haw ɓilké, a ɓá hí̧ gunbɛʼɛri ɓá kú wal, dáy gunbɛʼɛri wal hí̧ njukuri. 7Kú erú ka gun nzwîy tɛ̧́w ɓáy kɔ́. Zezú zi awá hí̧ Gáŋvbôn kɔ̧ tûlké dáy, a ɓá hí̧ gunbɛʼɛri ɓá kú wal nzwîyké hí̧ kuriri kɔ́. 8Njukuri laʼa, ɓil a kuriri mbá. Gunbɔʼɔ a Zezúri fá̧ gázínáké mbá tol zíndɔ̂ʼɔsáy. 9Dáy ŋgɛ̧́na a njukukéri a goló tá kumrá̧ké nɛŋ! Falké Zezú gí pɔŋ kuriri kála. 10Ké rehe kumbôn núnmbɛ̧́nɛ́ nɔ́ kuu Gunbɛʼɛri, a kála sé tísiri a Dalmanúta.
Fariziyɛ̧́ri̧ vbí hɛ̧sáʼama a gel a Zezú
(Mat 16:1-4)
11Fariziyɛ̧́ri̧ gí, a tí manyɓay kuu Zezú. Kú zi ɓá kú hol daw hí̧ nɛ́, dáy a vbí nɛ́ ɓá: «Mɔ́ niŋ hɛ̧sáʼama a há̧na, ka tɔ́ʼɔ ɓá mɔ gí a gel a Gáŋvbôn, a rú kó!» 12Zezú mára̧ nyína a ɓil lawɛ́ ka nyí a sa: «Ɓayhí̧ njuku nɛ́rí̧ vbí kó hɛ̧sáʼama lé? Mi sa gbátɓay hí̧ wǎyri: Njuku a ŋgɛŋnɛ́ nɛ́rí̧, tí kó hɛ̧sáʼama a há̧na mbêw yá.» 13Falké, Zezú uru sé he kumbôn a kála sé ŋgboro a helkála mbii.
Haw a Fariziyɛ̧́ri̧ rá̧ Herod
(Mat 16:5-12)
14Gunbɔʼɔ a Zezúri yɛʼɛrɛ fa̧ biré gírú, ɔ ɓá biré mbêw yáŋ a kú mbí ka̧n ɓil kumbôn kuu kuriri. 15Dáy Zezú sa hí̧ kuriri ɓá: «Í kó rá̧, í koro tûl a wǎyri ɓá béláké kuu haw a Fariziyɛ̧́ri̧ rá̧ a haw a mbây Herod!» 16Dáy, Gunbɛʼɛri kaw many há̧narí̧ a bazeŋ a kuriri a sa, ké sa nǎŋ ɓay hɛ̧ ka ná zi tí ka biré yá lé. 17Zezú tu kɛrɛ a kuriri dáy, a vbí kuriri ɓá: «Ɓayhí̧, i sa a bazeŋ a wǎyri ɓá í zi tí ka biré yáy lé? I zi lá ɓil ɓayké yá, a zi tu ɓilké yá ɓáy lé? Hɛ̧túna a wǎyri, zi ŋgburu yá lé? 18I erú ka nûn, dáy, a zi kó gel yá lé? I erú ka súkú, dáy, a zi láɓay yá lé? I zi kɛrɛ hɛ̧ nyá lé? 19A mi wal biré ndíɓí hí̧ njukuri kumrá̧ké ndíɓí, i mára̧ gázínákéri mbá tol daw a̧ní lé?» Kú zi a sa: «Bôo a sére.» 20Zezú revbí kuriri ɓáy ɓá: «Gelka mi wal biré zíndɔ̂ʼɔsáy hí̧ njukuri kumrá̧ké nɛŋ, i fá̧ gázínáké mbá tol daw a̧ní lé?» Kú zi a sa: «Zíndɔ̂ʼɔsáy.» 21Dáy Zezú sa hí̧ kuriri ɓá: «A nɔ́ too, i zi lá ɓilké yá ɓáy lé?»
Zezú ŋgburu nûn a râ̧w a há̧na a Bɛtsayida
22Zezú rá̧ gunbɛʼɛri ka̧ Bɛtsayida, a goló njukuri ɓá râ̧w a há̧na gí hí̧ nɛ́, a kú vú hí̧ nɛ́ ɓá ké ɗa nɛ́. 23Zezú gí ŋgbá ndɔ̂ʼɔ a râ̧w, a ɗa nɛ́ sé fal pû. Falké, ké sa̧sâ̧m a ɓá ɗa nûn a râ̧w, dáy a ɓá ndɔ̂ʼɔ kɔ̧ tûlé, a vbí nɛ́ ɓá: «Mɔ kó hɛ̧ a há̧na lé?» 24Râ̧w ɛ̧rɛ̧ gel a sa: «Mi kó njukuri, dáy mi kó kuriri ɓá báŋa dii a kaw séséna.» 25Zezú reɓá ndɔ̂ʼɔ kɔ̧ nûn a râ̧w ɓá a féké ɓáy, dáy, râ̧w ɛ̧rɛ̧ gel ɓá táŋáké; Ké ziŋ ŋgɛ́rɛ, a kó hɛ̧ri̧ mbêw mbêw too ɓá táŋáké. 26Dáy Zezú sa ké kála sé pû mɛ̌, a sa: «Mɔ́ zi ná ri tálá a ɓil pû.»
Píyɛ́r sa Zezú ɓá Kiris
(Mat 16:13-20; Luk 9:18-21)
27A falké Zezú rá̧ Gunbɛʼɛri kála sé ŋgboro a pûri ka ná dɛ́ŋ ka Sezaré a Filípí. A tûl ŋgboro, ké vbí Gunbɛʼɛri ɓá: «A̧hí̧, njukuri kaw sa sé tûl ní lé?» 28Gunbɛʼɛri sa ɓá: «Njuku a há̧narí̧ sa: Mɔ ɓá Zâŋ Batís. Njuku a fékéri sa: Mɔ ɓá Eli. Njuku a fékéri ɓáy sa: Mɔ ɓá mbêw a bazeŋ a porofɛ́t.» 29Zezú revbí kuriri a sa: «Dáy, a wǎyri wá, mi ɓá gé lé?̄» Píyɛ́r sa hí̧ nɛ́ ɓá: «Mɔ̌, mɔ ɓá Kiris#8:29 Kiris: Njuku ka Gáŋvbôn ten..» 30Dáy Zezú sa hí̧ kuriri, a vbara kuriri ɓá béláké ɓá: «Í zi ná saɓay a mǐ hí̧ njuku a há̧na mbêw!»
Zezú saɓay hûl rá̧ toma a mɛ̌
(Mat 16:21-28; Luk 9:22-27)
31Falké, Zezú tí tɔ́ʼɔhɛ̧ hí̧ Gunbɛʼɛri a sa: «Belɓá Gun a njuku ké tɔ́ʼɔsêe ɓá ŋgɛ̧́náké. Gáŋnjukuri, rá̧ gáŋnjuku a nzáʼaká̧nari̧, rá̧ njuku tɔ́ʼɔ sáŋnari̧ kɔ́ e sáŋ nɛ́. Kú e í nɛ́, dáy nâm sáy a falké, ké e toma a hûl.» 32Ké saɓayké hí̧ kuriri ɓá táŋáké. Dáy Píyɛ́r ɗa Zezú sé falgel, a kaw nzáʼa kuu mɛ̌. 33Dáy, Zezú fere a ɛ̧rɛ̧ gunbɛʼɛri, ka nzáʼa ziŋ Píyɛ́r, a sa hí̧ nɛ́ ɓá: «Mɔ́ sé ɓá ɗínáké a gbaŋ ní, Sata̧n! Ɓayhí̧lé kɛrɛ a mɔ̌, zi tí ɓá kɛrɛ a Gáŋvbôn nyá, ɓá kɛrɛ a njukuri!»
34Falké, Zezú ɗí njukuri rá̧ gunbɛʼɛri, a sa hí̧ kuriri: «Njuku mí zi ɓay a tɔ́ŋ mí lé, ké pɔŋ kɛrɛ ɓay a tûlé. Ké hol dii vbatay a mɛ̌, a ké tɔ́ŋ mí. 35Ɓayhí̧lé, njuku ka zi ɓay a pɛ̧́ ndísɛ̌ʼɛ a mɛ̌, e ɓɔ́l ndísɛ̌ʼɛ a mɛ̌, a njuku, ka ɓɔ́l ndísɛ̌ʼɛ a mɛ̌, ɓay a mǐ rá̧ ɓay tûl Bélaɓay, e pɛ̧́ ndísɛ̌ʼɛ a mɛ̌. 36A̧hí̧ e nɛ́rɛ̧ njuku, a ké mí ziŋ hɛ̧zíŋa a tísiri too, rá̧, a mí ɓɔ́l ndísɛ̌ʼɛ a mɛ̌ lé? 37A̧hí̧ njuku e púnáké ma gel a ndísɛ̌ʼɛ a mɛ̌ lé? 38Njuku mí niŋ sɔ̧rɔ̧ a mǐ rá̧ a niŋ sɔ̧rɔ̧ a ɓay a mǐ a bazeŋ a njuku nɛ́rí̧, ka zi niŋ law mbêw yá, ka a kpútûl ziŋ Gáŋvbôn, mǐ, Gun a njuku, mi e niŋ sɔ̧rɔ̧ a mɛ̌ kɔ́ ka sêeké, ka mi e regí a ɓil hɔ̧́na a Bâa a mǐ, kuu aŋnze a táŋákéri.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL