Matìyò 15
15
Yesù ə twe màʼà byiə kə inaʼ
(Mâk 7.1-13)
1Abù ayiə yə̀ tsìy tsə nəniy, aghee Falàsî àliy yiy nə̀ àghè àtyi dee ulàŋ wìy ghu kə ŋwô bə̂ nəniy a Yèlusalèm, ghu zù bù a kə̀lə̀ Yesù bəbə a we nə, 2“À də̌ kìə̀ tsə̀təndii tiə̀ tìy byɛbə myaʼà nəniy byiə kə nə̀ tě ŋgàŋ ə səsə yiy kə zəŋi na nəniy ə? Ghu nyiə nə̀ ghu awo kə̀ sûw nəway anə yiə yə byiə kə ŋgàŋ kìy dzîy.”
3Yesù ə̀ bə̀lì kə a ghu nə, “À də̌ kìə̀ ghà twe maʼà ani zuw ayiə yə Zə̀kìy dzîy nəniy yə? Dzwùmə̀ yə̀ kə ulàŋ u inaʼ ghi ə? 4Zə̀kìy kə na kəlâŋ nə̀, ‘Ghà si zuw yə awò nə̀ təli ghii nə̀ zə̂ ghii’, u na sòʼò kə̀làŋ nə̀ ‘abu wù ù lìy twe ani zuw awò təli nə̀ zə̂, ghu kwu ani wiy màʼà we.’ 5Gha kwuni dzîy nə̀ i dzwâbə̀ ŋwò â wù ani dzày yə̀ â tè we nə̀ zə̂ ə̀ we nə̀ fyiə Mə mə̀ kwu nəniy ani fày wò ate, mə kî nyə̀ awò Zə̀kìy. 6Gha zəŋə ghu də twàmə̀ way nə̀ təli ghu nə̀ zəə ghu yiy. Ghà kwuni nìy bə̀ ùlàŋ ghi byɛbə myàʼà yə̀ dzə̀ ə̀ Kə̀zə̀ ate. 7Ghà də mə̀nə̀ nyi mbe imbè! Wè ntwùm ə̀ Kə̀zə̀, Ìzayà kə dzày kpe ŋwô anə yiə ù kə dzây zì na nəniy kwùmə̀ bə̀ nə̀ ghà nə̀ Zə̀kìy kə dzày na nə̀.
8‘Aghû yə̀ màŋə̀ fwùlə̀ kə miə anə ughùw u dzwə,
nə̀ fôŋ tə ghu tiy kwuni də a lòʼò tə̀ ŋwô tìy,
9Ghà fwulə̀ miə̀ kə̀ŋwôŋwô,
aŋwòə ghà tyi dè kə ùlàŋ wə̀ aghê zəŋi nyiə̀ na nəniy, dzìy yəə à də̀ ulaŋ u Kəzə̀.’ ”
Fyiə kə kə zəŋə wù ə də̌ wù ù dzə̂ wìy.
(Mâk 7.14-23)
10Yesù ə twoŋə zòŋə̀ na bə̀ ŋwàâ kə̀ a kə̀lə̀ we dzày yə̀ a ghu nə, “Ghà ə twoʼò fwiy kə utswuŋi ghii gha adzə̀m tə̀ ghà ə zuw kəli tsə ayiə yə mə dziy dzây. 11À wày dzə fyiə kə wù nyiə yə̂ anə idzwə kə zəŋə we nə̀ ù si dzəə, a kwuni də̀ fyiə kə kə fyiə bə̂ anə idzwə i we kə zəŋə tsə we u dzəə.”
12Tsə̀təndii tə we tiy zù bù bəbə a we nə “Wò kwu kə ŋwô nə̀ fôŋ tìy mə ŋə̀m aghě Falàsî yìy anə yiə yiy wò dzày nəniy ə̀?”
13Yesù ə bə̀lì kə nə̀, “Ghu də yəə à də uzuu wə à də kə̀ zu na nəway təli wam. Təli wam wə ù də nəniy an-a-vələ, ù kì swəə fyiə kə anə aghàŋə. 14Kə̀ nə̀ na isə yiy azoŋə̀ ghu, ghu də aghê à fɛbə, ghu tyalə̀ yə̂ aghè à fɛbə à liy yiy. Abu wù ù fɛbə̀ wìy tyàlə̀ yə̂ nəniy àzə̀ ghu dzə̀m kî zè bvə̀ nyiə tswi tsə anə kəbwòʼ.”
15Pità ə dzày yə̀ a we nə, “Tyi de bə zə̀zə̌ fə awò ghə̀d.”
16Yesù ə bəb yə̀ a ghu nə, “Ghà nam kam kwu way utwab wiy ə̀? 17Ghà koʼò wày nə̀ fyiə kə kə zê anə idzwə kə zê dyòʼo anə kəmbə̀d, kə we fyiə zè dyaŋi yə̀ anə kəghu ə? 18Ayiə yə a kwuni fyiə bê anə idzwə i wù a ŋwò bə̀ anə fôŋ. À də̀ a ghe a zəŋə we u dzəə. 19Aŋwòə ayiə àbɛbə yə àdzə̀m a ŋwô fyiə kwoʼo bə̀ anə fôŋ; À də nəniy ani wiy wù lìy, moo ani bwìy tə̀mwàŋ, moo ani lyaŋə kyabə, moo ani tsoŋ, ani dziiy ayiə à guw yiy, moo ani dzày àyiə àbɛbə yiy azoŋə̀ àghè. 20À yù də̀ ayiə yə a zəŋə wù u dzəə. Ani kwuni nyi nə̀ wò kə̀ sûw nəway awo yiy anə ayiə yə byiə kiy dzîy i way dzə ani zə̀ŋi wù dòʼò wù ù dzə̂ wìy.”
Ibɛmə yə Yəŋə̀ Kanà kə kwu nəniy
(Mâk 7.24-30)
21Yesù ə ŋwò tsə awo zù a mbwòʼ ə̀ Taylì nə̀ Sidòn. 22Yəŋə̀ Kanà ù kə muə nəniy awote, u bù a kə̀lə̀ we dìy fyi bə̀ awò we nə, “A Mwe ə̀ mbyi, Wà Devìd, kwoʼ nə̀ mwuli kiy a zoŋə̀ mìə! Nsìy mə̀bɛbə̀ mìy də azoŋə̀ wa nam ùyəŋi, ìn zəŋə we ù ŋgee fyaʼa nəniy.”
23Yesù ə kə̀ kwuni bəlì nəway we. Tsə̀təndii tə we tiy bù kaʼ ani bwoʼ we nə̀ wokiy dzìy nə̀, “Dzay tə̀ ù ŋwò, ù ŋge bvoʼə mə̀mbòŋ a dzəmə̀ ŋgàŋ.”
24Yesù ə̀ dzày yə̀ â wìyəŋi wə a we nə, “Ghu twum bə̀ kə miə awò àghè ə Islàel ghu də yəə ndzù tə̀ tə səaŋə̀ này yə̂ nəniy.”
25Wìyəŋi wə bù nyaʼa tsə a təŋə̀ Yesù dzìy nə̀, “A Mwə ə̀ mbyi, fày miə!”
26Yesù ə bə̀lì kə we nə̀, “I dzwâbə̀ dzə̀ wày ani nìy kə ufânyiə u nìsə̂ a maʼà yə̂ â bvwu tiy.”
27Wìyəŋi wə bə̀lì kə a we nə, “À də̀ ìsoŋə̀ yìy, a Mwe ə̀ mbyi, bvu tiy ŋgoŋə kwumə nyiə ŋwò mbòʼò mə̀ bà mə̀ ìn tswaʼa tsə a mbvə̀d anə awo mwe.”
28Yesù ə ba bə̀lì kə we nə̀, “A niə̀ wə̀, wò kwu ibɛmə ì soŋə yìy, iyiə yə wò mòʼo i kî dyòʼò aghii.” Wà wìyəŋi wə dyaŋi taw təŋ kə a soŋə fə ghà fə̀.
Yesù kə zəŋi taw kə ndə̀mə̀ letə aghè à dzaŋə
29Yesù ə ŋwò tsə awote zù a ŋgwùŋə̀ ìŋwù i Galìlî. U kwoʼ yə̀ anə udoŋ dòʼò tswi tsə a mbvə̀d. 30Ŋwàâ kə aghù kìy lwe bə̀ a kə̀lə̀ we, byòʼò bə̀ àghù yə̀ ghu zəmə̀ bwîy nəniy, nə̀ à yuu ghu fɛ̂b doʼò, nə̀ à yuu ghu pfə doʼò bə̂dkə̀bə̂d, nə̀ à yuu ghu dəmə̀ kê ani dzə̀ŋì, nə̀ ndə̀mə̀ àghè à dzaŋə àliy yiy soʼo. Ghu bè nia bə̀ ghu a təŋə̀ Yesù nə̀ ù zəŋi taw kə ghu. 31Adzwə ŋge zwum aghû yə̀ ghu kə̀ kôʼ aghû yə̀ ghu kə də̀ dzə̀ŋə̀ wày, ghu dzəŋə̀ nəniy, à yuu ghu kyemi doʼò nə̀ ifwe yiy, ghu bwîy dzwâbə̀ nəniy, à yuu ghu zəmə̀ bwîy, ghu bwîy dzwàbə̀ nəniy, aghê a fɛbə ghu kaʼ ani kòʼo. Aghê dzə̀m ə nyə̀ ùkali awò Zə̀ kə aghě Islàel.
Yesù ə fyi aghê təkaam ikyàʼì
(Mâk 8.1-10)
32Yesù ə twoŋə tsə tsə̀təndii tə we dzày yə̀ a ghu nə, “Mwuli kiy kwoʼə miə azoŋə̀ àghù yə̀ aŋwòə ghu mə dòʼò fəə nə̀ mìə̀ mə̀ntsukə inti. Ghu kâm kwu way fyiə kə̀ nyiə kiy. Mə liə sòʼò way ani dzày nə̀ ghu ŋwô dzoŋ, ghu də ani bvə̀ bə̀ a mbvə̀d awò dzoŋ.”
33Tsə̀təndii tə we tiy ə bəb yə̀ a we nə, “Ŋgà nîy bə̀ yə̀ ufânyiə wiy ani nyə̀ fə̀ awò ŋwàâ kə̀ nə̀ a də fə a mbvən ə?”
34Yesù ə bəb yə̀ aghu nə, “Ghà kwu ghɛbə tə uba i sə̀ki ə?”
Ghu bə̀li kə we nə̀, “Tə də ìsèmbe nə̀ ŋyòŋə fə tətsi fiy.”
35Yesu ə dzày yə̀ nə̀ ŋwàâ kə̀ doʼò tsîy yə̂ a mbvə̀d. 36Abù ù nìy kə ghɛbə tə uba tə ù sèmbe nə̀ tsi tə, lya kwoʼ kə idoŋ, nyə̀ yə̀ kə̀zòŋə̀ awò Zə̀kìy, byiʼi tsə nyə̀ yə̀ awò tsə̀təndii tə we tiy nə̀ ghu dzâw yə̂ awò ŋwâ kə̀. 37Aghê àdzə̀m ə nyi kwu dzwàb tsə. Abù ghu nyi mâ kə nəniy, tsə̀təndii tiy nam byoŋi lwe tsə mbòʼò mə̀ uba anə ùŋkhìy ù sèmbe. 38Ntàŋə̀ iŋə̀mə̀ yə̀ ghu kə nyi nəniy, ghu kə də təkaam ikyàʼì, nə̀ ghu kə̀ taŋ nəway iyəŋi nə̀ ànìsə̂ yìy.
39Yesù ə dzày yə̀ nə̀ ŋwaâ kə zù ŋwò, u nyi kə an-a-mfə̀n ŋwò zù a mbòʼò Màgadàn.
Currently Selected:
Matìyò 15: isu
Highlight
Share
Copy
Want to have your highlights saved across all your devices? Sign up or sign in
© CABTAL 2023
Matìyò 15
15
Yesù ə twe màʼà byiə kə inaʼ
(Mâk 7.1-13)
1Abù ayiə yə̀ tsìy tsə nəniy, aghee Falàsî àliy yiy nə̀ àghè àtyi dee ulàŋ wìy ghu kə ŋwô bə̂ nəniy a Yèlusalèm, ghu zù bù a kə̀lə̀ Yesù bəbə a we nə, 2“À də̌ kìə̀ tsə̀təndii tiə̀ tìy byɛbə myaʼà nəniy byiə kə nə̀ tě ŋgàŋ ə səsə yiy kə zəŋi na nəniy ə? Ghu nyiə nə̀ ghu awo kə̀ sûw nəway anə yiə yə byiə kə ŋgàŋ kìy dzîy.”
3Yesù ə̀ bə̀lì kə a ghu nə, “À də̌ kìə̀ ghà twe maʼà ani zuw ayiə yə Zə̀kìy dzîy nəniy yə? Dzwùmə̀ yə̀ kə ulàŋ u inaʼ ghi ə? 4Zə̀kìy kə na kəlâŋ nə̀, ‘Ghà si zuw yə awò nə̀ təli ghii nə̀ zə̂ ghii’, u na sòʼò kə̀làŋ nə̀ ‘abu wù ù lìy twe ani zuw awò təli nə̀ zə̂, ghu kwu ani wiy màʼà we.’ 5Gha kwuni dzîy nə̀ i dzwâbə̀ ŋwò â wù ani dzày yə̀ â tè we nə̀ zə̂ ə̀ we nə̀ fyiə Mə mə̀ kwu nəniy ani fày wò ate, mə kî nyə̀ awò Zə̀kìy. 6Gha zəŋə ghu də twàmə̀ way nə̀ təli ghu nə̀ zəə ghu yiy. Ghà kwuni nìy bə̀ ùlàŋ ghi byɛbə myàʼà yə̀ dzə̀ ə̀ Kə̀zə̀ ate. 7Ghà də mə̀nə̀ nyi mbe imbè! Wè ntwùm ə̀ Kə̀zə̀, Ìzayà kə dzày kpe ŋwô anə yiə ù kə dzây zì na nəniy kwùmə̀ bə̀ nə̀ ghà nə̀ Zə̀kìy kə dzày na nə̀.
8‘Aghû yə̀ màŋə̀ fwùlə̀ kə miə anə ughùw u dzwə,
nə̀ fôŋ tə ghu tiy kwuni də a lòʼò tə̀ ŋwô tìy,
9Ghà fwulə̀ miə̀ kə̀ŋwôŋwô,
aŋwòə ghà tyi dè kə ùlàŋ wə̀ aghê zəŋi nyiə̀ na nəniy, dzìy yəə à də̀ ulaŋ u Kəzə̀.’ ”
Fyiə kə kə zəŋə wù ə də̌ wù ù dzə̂ wìy.
(Mâk 7.14-23)
10Yesù ə twoŋə zòŋə̀ na bə̀ ŋwàâ kə̀ a kə̀lə̀ we dzày yə̀ a ghu nə, “Ghà ə twoʼò fwiy kə utswuŋi ghii gha adzə̀m tə̀ ghà ə zuw kəli tsə ayiə yə mə dziy dzây. 11À wày dzə fyiə kə wù nyiə yə̂ anə idzwə kə zəŋə we nə̀ ù si dzəə, a kwuni də̀ fyiə kə kə fyiə bə̂ anə idzwə i we kə zəŋə tsə we u dzəə.”
12Tsə̀təndii tə we tiy zù bù bəbə a we nə “Wò kwu kə ŋwô nə̀ fôŋ tìy mə ŋə̀m aghě Falàsî yìy anə yiə yiy wò dzày nəniy ə̀?”
13Yesù ə bə̀lì kə nə̀, “Ghu də yəə à də uzuu wə à də kə̀ zu na nəway təli wam. Təli wam wə ù də nəniy an-a-vələ, ù kì swəə fyiə kə anə aghàŋə. 14Kə̀ nə̀ na isə yiy azoŋə̀ ghu, ghu də aghê à fɛbə, ghu tyalə̀ yə̂ aghè à fɛbə à liy yiy. Abu wù ù fɛbə̀ wìy tyàlə̀ yə̂ nəniy àzə̀ ghu dzə̀m kî zè bvə̀ nyiə tswi tsə anə kəbwòʼ.”
15Pità ə dzày yə̀ a we nə, “Tyi de bə zə̀zə̌ fə awò ghə̀d.”
16Yesù ə bəb yə̀ a ghu nə, “Ghà nam kam kwu way utwab wiy ə̀? 17Ghà koʼò wày nə̀ fyiə kə kə zê anə idzwə kə zê dyòʼo anə kəmbə̀d, kə we fyiə zè dyaŋi yə̀ anə kəghu ə? 18Ayiə yə a kwuni fyiə bê anə idzwə i wù a ŋwò bə̀ anə fôŋ. À də̀ a ghe a zəŋə we u dzəə. 19Aŋwòə ayiə àbɛbə yə àdzə̀m a ŋwô fyiə kwoʼo bə̀ anə fôŋ; À də nəniy ani wiy wù lìy, moo ani bwìy tə̀mwàŋ, moo ani lyaŋə kyabə, moo ani tsoŋ, ani dziiy ayiə à guw yiy, moo ani dzày àyiə àbɛbə yiy azoŋə̀ àghè. 20À yù də̀ ayiə yə a zəŋə wù u dzəə. Ani kwuni nyi nə̀ wò kə̀ sûw nəway awo yiy anə ayiə yə byiə kiy dzîy i way dzə ani zə̀ŋi wù dòʼò wù ù dzə̂ wìy.”
Ibɛmə yə Yəŋə̀ Kanà kə kwu nəniy
(Mâk 7.24-30)
21Yesù ə ŋwò tsə awo zù a mbwòʼ ə̀ Taylì nə̀ Sidòn. 22Yəŋə̀ Kanà ù kə muə nəniy awote, u bù a kə̀lə̀ we dìy fyi bə̀ awò we nə, “A Mwe ə̀ mbyi, Wà Devìd, kwoʼ nə̀ mwuli kiy a zoŋə̀ mìə! Nsìy mə̀bɛbə̀ mìy də azoŋə̀ wa nam ùyəŋi, ìn zəŋə we ù ŋgee fyaʼa nəniy.”
23Yesù ə kə̀ kwuni bəlì nəway we. Tsə̀təndii tə we tiy bù kaʼ ani bwoʼ we nə̀ wokiy dzìy nə̀, “Dzay tə̀ ù ŋwò, ù ŋge bvoʼə mə̀mbòŋ a dzəmə̀ ŋgàŋ.”
24Yesù ə̀ dzày yə̀ â wìyəŋi wə a we nə, “Ghu twum bə̀ kə miə awò àghè ə Islàel ghu də yəə ndzù tə̀ tə səaŋə̀ này yə̂ nəniy.”
25Wìyəŋi wə bù nyaʼa tsə a təŋə̀ Yesù dzìy nə̀, “A Mwə ə̀ mbyi, fày miə!”
26Yesù ə bə̀lì kə we nə̀, “I dzwâbə̀ dzə̀ wày ani nìy kə ufânyiə u nìsə̂ a maʼà yə̂ â bvwu tiy.”
27Wìyəŋi wə bə̀lì kə a we nə, “À də̀ ìsoŋə̀ yìy, a Mwe ə̀ mbyi, bvu tiy ŋgoŋə kwumə nyiə ŋwò mbòʼò mə̀ bà mə̀ ìn tswaʼa tsə a mbvə̀d anə awo mwe.”
28Yesù ə ba bə̀lì kə we nə̀, “A niə̀ wə̀, wò kwu ibɛmə ì soŋə yìy, iyiə yə wò mòʼo i kî dyòʼò aghii.” Wà wìyəŋi wə dyaŋi taw təŋ kə a soŋə fə ghà fə̀.
Yesù kə zəŋi taw kə ndə̀mə̀ letə aghè à dzaŋə
29Yesù ə ŋwò tsə awote zù a ŋgwùŋə̀ ìŋwù i Galìlî. U kwoʼ yə̀ anə udoŋ dòʼò tswi tsə a mbvə̀d. 30Ŋwàâ kə aghù kìy lwe bə̀ a kə̀lə̀ we, byòʼò bə̀ àghù yə̀ ghu zəmə̀ bwîy nəniy, nə̀ à yuu ghu fɛ̂b doʼò, nə̀ à yuu ghu pfə doʼò bə̂dkə̀bə̂d, nə̀ à yuu ghu dəmə̀ kê ani dzə̀ŋì, nə̀ ndə̀mə̀ àghè à dzaŋə àliy yiy soʼo. Ghu bè nia bə̀ ghu a təŋə̀ Yesù nə̀ ù zəŋi taw kə ghu. 31Adzwə ŋge zwum aghû yə̀ ghu kə̀ kôʼ aghû yə̀ ghu kə də̀ dzə̀ŋə̀ wày, ghu dzəŋə̀ nəniy, à yuu ghu kyemi doʼò nə̀ ifwe yiy, ghu bwîy dzwâbə̀ nəniy, à yuu ghu zəmə̀ bwîy, ghu bwîy dzwàbə̀ nəniy, aghê a fɛbə ghu kaʼ ani kòʼo. Aghê dzə̀m ə nyə̀ ùkali awò Zə̀ kə aghě Islàel.
Yesù ə fyi aghê təkaam ikyàʼì
(Mâk 8.1-10)
32Yesù ə twoŋə tsə tsə̀təndii tə we dzày yə̀ a ghu nə, “Mwuli kiy kwoʼə miə azoŋə̀ àghù yə̀ aŋwòə ghu mə dòʼò fəə nə̀ mìə̀ mə̀ntsukə inti. Ghu kâm kwu way fyiə kə̀ nyiə kiy. Mə liə sòʼò way ani dzày nə̀ ghu ŋwô dzoŋ, ghu də ani bvə̀ bə̀ a mbvə̀d awò dzoŋ.”
33Tsə̀təndii tə we tiy ə bəb yə̀ a we nə, “Ŋgà nîy bə̀ yə̀ ufânyiə wiy ani nyə̀ fə̀ awò ŋwàâ kə̀ nə̀ a də fə a mbvən ə?”
34Yesù ə bəb yə̀ aghu nə, “Ghà kwu ghɛbə tə uba i sə̀ki ə?”
Ghu bə̀li kə we nə̀, “Tə də ìsèmbe nə̀ ŋyòŋə fə tətsi fiy.”
35Yesu ə dzày yə̀ nə̀ ŋwàâ kə̀ doʼò tsîy yə̂ a mbvə̀d. 36Abù ù nìy kə ghɛbə tə uba tə ù sèmbe nə̀ tsi tə, lya kwoʼ kə idoŋ, nyə̀ yə̀ kə̀zòŋə̀ awò Zə̀kìy, byiʼi tsə nyə̀ yə̀ awò tsə̀təndii tə we tiy nə̀ ghu dzâw yə̂ awò ŋwâ kə̀. 37Aghê àdzə̀m ə nyi kwu dzwàb tsə. Abù ghu nyi mâ kə nəniy, tsə̀təndii tiy nam byoŋi lwe tsə mbòʼò mə̀ uba anə ùŋkhìy ù sèmbe. 38Ntàŋə̀ iŋə̀mə̀ yə̀ ghu kə nyi nəniy, ghu kə də təkaam ikyàʼì, nə̀ ghu kə̀ taŋ nəway iyəŋi nə̀ ànìsə̂ yìy.
39Yesù ə dzày yə̀ nə̀ ŋwaâ kə zù ŋwò, u nyi kə an-a-mfə̀n ŋwò zù a mbòʼò Màgadàn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© CABTAL 2023