Genesis 22
22
1Bhodïrï mui umigikïdï Diuxi nïida agai sa bhai kïïgakïrï ïïgida kaïkagi Abraam. Daidi itïtïdai,
—Abraam— itïtïdai.
—Tuma aagai aapi— itïtïdai Abraam.
2—Imiñi mïï Morayamu ïmadï gï maara ïmadugakïdï ix makïdï bia aapi ïmadï Sara. Go ix makïdï kïï oigïdai aapi. Dai ami Morayana gï tïïgidamu aanï ïmo tubidaki xi ami tubidaki dama gïbiña aapi go gï ïrhi dai bhodïrï gin mïitulda ïmo kañiru dukai— itïtïdai Diuxi.
3Xadiko ïki bañi Abraam dai aparejomagi soigadï axñitu. Dai bhodïrï idui chïki kuagi ixtukïdï mïiya agai go xadutudaragai Diuxi. Dai baidaja maradï ïmadï goka pipioñi dai gamo iji xako kaxi gï aagidi Diuxi. 4Baika tasai mos iimïi ïgai boiyamu dai ka mïïkaxdïrï tïï Abraam go tubidaki.
5Dai itïtïdai ïgai pipioñigadï,
—Tanaxi abïr bii aapimï ïmadï go axñitu. Aanï ïmadï go gï ïrhi amïka tubidakïrï xadutuadamu Diuxi Daidi bhodïrï ïpamu dadimu aatïmï— itïtïdai.
6Daidi gatïjai ïgai go gïrhi kusubidaragai go kuagi dai bhodïrï bhïiyi ïgai ïmo kuxirui ïmadï táí dai ka tubidakiamu dudui bïï gokatai.
7Bhodïrï ka iimïitai ïgai sai Isaak itïtïdai,
—Gin oga— itïtïdai.
—Ïjï gin aagidañi— itïtïdai Abraam.
—Bukati aatïmï kuagi ïmadï táí dïï go kañiru biïga ixtuma mïitulda aatïmï Diuxi— itïtïdai Isaak.
8—Gin maara. Diuxi ïgai dai ïïgi daasamu kañiru ixtuma mïitulda aatïmï— itïtïdai Abraam.
Dai bhodïrï apia imïi ïgai ïmo boiyamu. 9Dai aidïxi ka ayi ïgai xako gïn aagidi Diuxi sai ami kïi Abraam ïmo daxdakarui dai dama tua go kuagi. Bhodïrï buu ïgai go gï ïrhi dai kuagi dama tïï daxdakarui dama. 10-11Dai ka bhïitadai Abraam go kuxirui dai ka gïbiña agai maradï xi Gïr Nukadakami tïbagiañdïrï otoi ñoki tïañikarukïdï,
—Abraam, Abraam— itïtïdai.
—Ïjï, gin aagidañi— itïtïdai Abraam.
12—Maiti soi doada go gï ïrhi— itïtïdai go Nukadakami. —Kaxi aant nïidi ix kïï ïïgidi aapi dai kïïgakïrï xadutudai aapi Diuxi— itïtïdai. —Ka bhai aa aapi bïïxi xi gin urhiñagi gï maara tomaxi mos arhi ïmaduga ïgai— itïtïdai.
13Dai Abraam aipako nïnïaba dai tïï ïmo kañiru kïrhiadï ix makïdï ami uxipïrhiana saï aagadï. Dai mïï bhïiyi ïgai dai daxdakarui dama tïï ïgai dai bhodïrï gïbiji dai mïji maradï bïïtarï.
14Dai gokiïrï Abraam dáí tïtiaradï go tubidaki,
—Gïr Nukadakami Ïï Daasakïrï— tïïtï ïgai.
Dai apia kia pokaiti odami xibi sai Gïr Nukadakami ïï daasamu tubidakïrï ixtuma aagadagi.
15Bhodïrï Gïr Nukadakami ïpïpï tïbagiañdïrï ñokidi go Abraam dai itïtïdai,
16-17—Kïï ïïgidi aapi dai bhai aa xi gin maakiagi gï maara. Dai xibi an aagai sai gï abhana maakimu aanï ïmo gïdukami bhai ïrhiaragai. Bïïxi gin gubukadakïdï namïatudai aanï idi ñoki— itïtïdai. —Xïïxi oidaga xixabugai tïbagiana ïmadï orai go gïï sudagi ugidana po kaki gï maakimu aanï gï piipixaraga ïpï. Dai gï piipixara maitïmu buidïrï ix makïdï buidïrï bïïtïkagi— itïtïdai. 18—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.
19Dai bhodïrï aa gïi Abraam dai ayi ïpamu xako darajatadai pipioñigadï. Dai bhodïrï abhiadïrï iji ïgai ïmo arhi kiiyamu xako Berseba tïgidu dai ami gï urhi Abhraam.
Currently Selected:
Genesis 22: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida
