John 20
20
1Naŋ alo qoŋ tuwale talo wik, i Meri ta Magdala me mule ilo qaraŋa alo gap matava ran ti, qale silsiliga, ti ilo o vat me wil reag veta nan o qaraŋa; 2ti valago, ti mule sur i Simon Peter tana tuara tiŋqoro i Jesus me tapea, ti vet murara wa, Neira me lareag i Lord nan o qaraŋa, wa kamam gate gilala si neira me mapua avea. 3Wa i Peter me kalo lue tana i tuara tiŋqoro, wa rara me gis raka ape qaraŋa. 4Wa rara me valvalago tuwale, pa i tuara tiŋqoro me valago sal i Peter, ti niŋa amoa alo qaraŋa: 5ti taqaloŋ, ti matarag ilolona, ti ilo o siopa lolos tamate we risa, pa ni gate mule pata ilolona. 6Paso nan, i Simon Peter qara niŋa, we tataga ineia, ti mule pata ilo qaraŋa, ti sagarag o siopa we risa, 7wa o siopa maŋmaŋ me toga ti avune qatuna gate risa tuwale ape siopa ŋaŋ ilone, pa me luqe sea alo tanona. 8Paso nan i tuara tiŋqoro me niŋa ti amoa alo qaraŋa ti mule pata mona, ti ilo, ti nomtup. 9Ape neira gate gilala tiqa o raverave, si ni te tavaraka nan ra mate. 10Wa ira tiŋqoro me vareag kel ilo imanrara.
11Pa i Meri qale tira avarea a pan qaraŋa, ti taŋitaŋi; wa alo ni we taŋitaŋi, ti taqaloŋ, ti matarag ilo qaraŋa, 12ti sagarag o angel nirua me saru o siopa aqaga we pute, i tuwale ape qatuna wa i tuara ape raŋona, naturian Jesus me risa ti aia. 13Naŋ rara we vava munia wa, Vavine, ape sa ko we taŋi? Naŋ ni me vava murara wa, Ape neira me lareag i Lord inau, wa na gate gilala si neira me mapua avea. 14Ni me vava paso tamaike, pa ti kilau, ti sagarag i Jesus we tira; pa ni gate gilala si ineia i Jesus. 15Naŋ i Jesus ti vet munia wa, Vavine, ape sa ko we taŋi? ko we sike isei? Pa ni me nonom si neia i ilo goro tuqei, ti vet munia wa, Gai, si ko me saureagia, ka gaganag munau ape vatine ko me mapua ti aia, pa na te lavreagia. 16Naŋ i Jesus ti vet munia wa, Meri. Ni me kilau, ti vet munia o vavae ta Hebrew wa, Raboni, we vava leas si, Vatogo. 17Naŋ i Jesus ti vet munia wa, Nipea taŋtaŋov inau; ape na gate mule kalo tiqa sur i Tamak; nava mule sur ira tasik, wa ka vava muneira wa, Nau we mule kalo sur i Tamak wa i Tamamiu, sur God inau wa God ikamiu. 18I Meri ta Magdala we van ma, ti vet mura tiŋqoro si, Nau me ilo i Lord; wa ape ni me vava tamaine munia.
19Wa alo qoŋ ilone, o qoŋ tuwale talo wik, alo ravrav, wa me tipag veta o mateima ira tiŋqoro me vug tuwale aia, ape neira we gogolo ira ta Judea; wa i Jesus me va ma, ti tira alo vatitnara, ti vet muneira wa, O tamata mun kamiu. 20Ni me vava tamaike, pa ti la lue mun neira napanena wa nalalana. Wa ira tiŋqoro me malakalaka raka ape neira we ilo i Lord. 21Naŋ i Jesus ti vet mulaŋ muneira wa, O tamata mun kamiu; tama o Mama me vatraŋ nau ma, tamaine gina nau we vatraŋ kamiu at. 22Wa ni me vava tamaike, ti mapsag avunara, ti vet muneira wa, Tur la momiu o Vui we Roŋo: 23kam qe maukeg o ganganor munrasei, te maukeg lai muneira; kam qe taur goro o ganganor munrasei, te taur goro muneira.
24Panava i Thomas, i tuwale nan ra numei nirua, we logia si Didimus, ni gate vug amaira alo i Jesus me va ma. 25Naŋ ira tiŋqoro we sea we vava munia wa, Kamam me ilo i Lord. Nava ni me vet muneira wa, Si na qe tete ilo o tano pismarawa ape panena, wa si na qe tete gis napisuk alo tano pismarawa, wa si na qe tete rau napanek ilo kikina, na tete nomtup.
26Wa o qoŋ lavetoliu me niŋa ira tiŋqoro me vug mulaŋ alo ima, wa i Thomas amaira. I Jesus we mule ma, wa o mate ima me tipag veta, ti tira alo vatitnai, ti vet wa, O tamata mun kamiu. 27Paso nan, ti vet m un Thomas wa, Ka sis ma napisuma, wa ilo napanek; wa kaka ma napanema, ka rau ilo kikik; wa nipea nomnom varuarua, pa ka nomtup. 28Naŋ i Thomas me valui goro, ti vet munia wa, Lord inau, wa God inau. 29Naŋ i Jesus ti vet munia wa, Ko we nomtup ape ko me ilo nau; tur wia irasei gate ilo, pa me nomtup.
30Wa i Jesus me ge o vaglala ŋaŋ we sea we tar ape nagora tiŋqoro, gate rave siwo alo raverave iloke. 31Pa me rave iloke ŋaŋ, si kamiu a nomtup apen i Jesus si neia i Christ, Natun God; wa si kamiu a taur o esu alo sasana alo we nomtup.
Currently Selected:
John 20: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
John 20
20
1Naŋ alo qoŋ tuwale talo wik, i Meri ta Magdala me mule ilo qaraŋa alo gap matava ran ti, qale silsiliga, ti ilo o vat me wil reag veta nan o qaraŋa; 2ti valago, ti mule sur i Simon Peter tana tuara tiŋqoro i Jesus me tapea, ti vet murara wa, Neira me lareag i Lord nan o qaraŋa, wa kamam gate gilala si neira me mapua avea. 3Wa i Peter me kalo lue tana i tuara tiŋqoro, wa rara me gis raka ape qaraŋa. 4Wa rara me valvalago tuwale, pa i tuara tiŋqoro me valago sal i Peter, ti niŋa amoa alo qaraŋa: 5ti taqaloŋ, ti matarag ilolona, ti ilo o siopa lolos tamate we risa, pa ni gate mule pata ilolona. 6Paso nan, i Simon Peter qara niŋa, we tataga ineia, ti mule pata ilo qaraŋa, ti sagarag o siopa we risa, 7wa o siopa maŋmaŋ me toga ti avune qatuna gate risa tuwale ape siopa ŋaŋ ilone, pa me luqe sea alo tanona. 8Paso nan i tuara tiŋqoro me niŋa ti amoa alo qaraŋa ti mule pata mona, ti ilo, ti nomtup. 9Ape neira gate gilala tiqa o raverave, si ni te tavaraka nan ra mate. 10Wa ira tiŋqoro me vareag kel ilo imanrara.
11Pa i Meri qale tira avarea a pan qaraŋa, ti taŋitaŋi; wa alo ni we taŋitaŋi, ti taqaloŋ, ti matarag ilo qaraŋa, 12ti sagarag o angel nirua me saru o siopa aqaga we pute, i tuwale ape qatuna wa i tuara ape raŋona, naturian Jesus me risa ti aia. 13Naŋ rara we vava munia wa, Vavine, ape sa ko we taŋi? Naŋ ni me vava murara wa, Ape neira me lareag i Lord inau, wa na gate gilala si neira me mapua avea. 14Ni me vava paso tamaike, pa ti kilau, ti sagarag i Jesus we tira; pa ni gate gilala si ineia i Jesus. 15Naŋ i Jesus ti vet munia wa, Vavine, ape sa ko we taŋi? ko we sike isei? Pa ni me nonom si neia i ilo goro tuqei, ti vet munia wa, Gai, si ko me saureagia, ka gaganag munau ape vatine ko me mapua ti aia, pa na te lavreagia. 16Naŋ i Jesus ti vet munia wa, Meri. Ni me kilau, ti vet munia o vavae ta Hebrew wa, Raboni, we vava leas si, Vatogo. 17Naŋ i Jesus ti vet munia wa, Nipea taŋtaŋov inau; ape na gate mule kalo tiqa sur i Tamak; nava mule sur ira tasik, wa ka vava muneira wa, Nau we mule kalo sur i Tamak wa i Tamamiu, sur God inau wa God ikamiu. 18I Meri ta Magdala we van ma, ti vet mura tiŋqoro si, Nau me ilo i Lord; wa ape ni me vava tamaine munia.
19Wa alo qoŋ ilone, o qoŋ tuwale talo wik, alo ravrav, wa me tipag veta o mateima ira tiŋqoro me vug tuwale aia, ape neira we gogolo ira ta Judea; wa i Jesus me va ma, ti tira alo vatitnara, ti vet muneira wa, O tamata mun kamiu. 20Ni me vava tamaike, pa ti la lue mun neira napanena wa nalalana. Wa ira tiŋqoro me malakalaka raka ape neira we ilo i Lord. 21Naŋ i Jesus ti vet mulaŋ muneira wa, O tamata mun kamiu; tama o Mama me vatraŋ nau ma, tamaine gina nau we vatraŋ kamiu at. 22Wa ni me vava tamaike, ti mapsag avunara, ti vet muneira wa, Tur la momiu o Vui we Roŋo: 23kam qe maukeg o ganganor munrasei, te maukeg lai muneira; kam qe taur goro o ganganor munrasei, te taur goro muneira.
24Panava i Thomas, i tuwale nan ra numei nirua, we logia si Didimus, ni gate vug amaira alo i Jesus me va ma. 25Naŋ ira tiŋqoro we sea we vava munia wa, Kamam me ilo i Lord. Nava ni me vet muneira wa, Si na qe tete ilo o tano pismarawa ape panena, wa si na qe tete gis napisuk alo tano pismarawa, wa si na qe tete rau napanek ilo kikina, na tete nomtup.
26Wa o qoŋ lavetoliu me niŋa ira tiŋqoro me vug mulaŋ alo ima, wa i Thomas amaira. I Jesus we mule ma, wa o mate ima me tipag veta, ti tira alo vatitnai, ti vet wa, O tamata mun kamiu. 27Paso nan, ti vet m un Thomas wa, Ka sis ma napisuma, wa ilo napanek; wa kaka ma napanema, ka rau ilo kikik; wa nipea nomnom varuarua, pa ka nomtup. 28Naŋ i Thomas me valui goro, ti vet munia wa, Lord inau, wa God inau. 29Naŋ i Jesus ti vet munia wa, Ko we nomtup ape ko me ilo nau; tur wia irasei gate ilo, pa me nomtup.
30Wa i Jesus me ge o vaglala ŋaŋ we sea we tar ape nagora tiŋqoro, gate rave siwo alo raverave iloke. 31Pa me rave iloke ŋaŋ, si kamiu a nomtup apen i Jesus si neia i Christ, Natun God; wa si kamiu a taur o esu alo sasana alo we nomtup.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.