Luk 5
5
1Naŋ me ge tamaike, o sul we va pipipiŋia si a roŋotag o vavae non God, wa ni we tur a pan qilo Genesaret. 2Wa ni me ilo o aka nirua we pute a pan qilo, pa ira vaŋvaŋona me siwo sur ti nan, we asa wurvag nor o gape ŋaŋ. 3Wa ni me vega kalo ivune tuara aka, naakan Simon, ti paere munia sin la raka rowo mantagai o aka nan o salilina; ni qara pute siwo ti vatogo o sul ma vawo aka. 4Naŋ me vava mot paso, ti vava mun i Simon wa, Ka la ras rowo o aka ilo roro qilo, tur tul nomiu o gape ŋaŋ ape saosao iga. 5Naŋ i Simon ti valuia ti vet wa, Vatogo, o qoŋ nol kamam me mawmawui veta, wa gate sao ilo tea; panava na te tul kel o gape ape liŋama. 6Wa neira me ge ran tamaine, wa me kokos o vavtig iga tar, wa o gape te tavsare ti apena. 7Wa neira me tul naqatura munra pulsalara alo tuara aka, si neira a mule ma a piriŋ neira. Wa neira me mule ma, we sogon ura o aka tatarua, wa o aka ŋaŋ qara qeteg tultul apena. 8Naŋ i Simon Peter me ilo, ti rowo taqa ape qaun Jesus, ti vava wa, Vareag nan nau, ape nau i ganganor, Lord. 9Ape mamakei ti ge aneanea tara ragai nol amaia, ape vavtig iga iloke neira me sao kalo ti. 10Wa tamaine mulaŋ i James tana i John ranatun i Sebede rapulsalan i Simon. Naŋ i Jesus we vava mun i Simon wa, Nipea gogogolo, wa iloke raka nake ko te saosao kalo o tanun. 11Wa neira me rave kalo paso naakara i salilina, we totoa vitag nor o savasava ŋaŋ, qara tataga neia.
12Naŋ me ge tamaike, ni me toga alo tuara laqlaqe vanua o tanun aia natarapena we lolog resresmavin vires. Naŋ ni me ilo i Jesus, ti suragia ape nagona, ti paere munia wa, Lord, si ko ta maros ko we mana si a ge wenewene kel inau. 13Naŋ ni me kaka napanena, ti taŋoa, ti vava wa, Nau we maros, ka wenewene kel: wa o resresmavin me saru gaplot nania. 14Naŋ ni me gatogoroa sin wa gaganag munsei: pa wasi, Vano, gaganag natarapema mun i oloolo, wa ka oloolo ape me ge weneweneko, tama i Moses me vatraŋ ti apena, mun vaglala mun neira. 15Nava narorona ti gao aneane nan amoa apena, wa o sul we qoqo me gogorag tuwale ma si a roŋotagia, wa si a ge esura nan o gopae ŋaŋ. 16Wa ni me rowovitagira ilo vanua vanameag, ti tataro aia.
17Wa me ge si alo tuara qoŋ ni we vatogo; wa o tuan Pharise tara vatvatogo ape lea we pute peteŋ, me mule val vutre vanua veta ma a Galilea, wa a Judea, wa a Jerusalem: wa o mana non i Lord amaia si a ge esura. 18Wa ilo, irasei we sasa ma o tanun vawo tano risarisa, o mawea, wa neira we sike o tano vanoga si a sasa pata ineia, a mapua goro nanagona. 19Wa neira gate ilo lai si neira lav pata neia ma tama avea o manigiu o sul, pa me vara kalo i vawo ima, me varoro sur o tanun raveaglue o tano siŋ mun non o tano risarisa alo vatitnara ape nagon Jesus. 20Wa ni me ilo nor o nomtup, ti vava munia wa, Tanun, me nomvitag muniko napugama. 21Naŋ ira vatogo tara Pharise me varsikesike raka, we vava wa, Isei gai iloke we vava nawono tamaike? Isei we mana we nomvitag o pugai nava God tuwale magasena? 22Naŋ i Jesus me gilala nor o varsikesike, ti valuira ti vet muneira wa, Ape sava kam we varsikesike alo toqamiu? 23Avea we toga wora? si qe vava, Me nomvitag napugama muniko; si qe vava, Tavaraka, mule atalia? 24Pa si kamiu a gilala si amen i Nat tanun o mana iake a marama sin nomvitag o pugai, ni qara vava mun o mawea wa, Inau we vava muniko wa, Tavaraka, le kalo nom o tano risarisa, ka mule ilo imama. 25Wa gaplot ni me tavaraka alo nagora, ti la raka o gene ni me risa ti avunana, ti vanreag ilo imana, ti log ronoga God. 26Wa o mamakei liwoa me ge nol neira, wa neira we log ronoga God, wa we uravag o gogolo, we vava wa, Inina me ilo o vasasa anaqarig.
27Paso nan ni qara kalo lue, ti ilo o rowoagtalsom, nasasana i Levi, we pute ape tano lele som, ti vava munia wa, Ka tataga inau. 28Naŋ ni me toavitag qet non o savasava, ti tavaraka, ti tataga ineia. 29Naŋ i Levi me ge o ganagana liwoa munia alo imana, wa o rowoagtalsom o sul we qoqo aia wa o tuan rasei ŋaŋ mulaŋ me pute tuwale amaira. 30Wa ira Pharise tara vatogo ŋaŋ tamaira me wutoto goro ra tiŋqoro ŋaŋ, we vava wa, Ape sava kamiu we gana wa we ima tuwale amera rowoagtalsom tara ganganor? 31Naŋ i Jesus me valuira ti vet mun neira wa, Iragai qale esu gate maros o gismana, nava iragai we gopa. 32Na gate mule ma si na suware ma ira taniniga nava ira ganganor ape nomleas. 33Naŋ neira me vava munia wa, Ape sava ira tiŋqoro anan i John we garagara mamasa vaga qoqo, wa we tataga ape liŋe tataro, tara ragai ananra Pharise we sasarita; nava ra anama we ganagana we unun? 34Naŋ i Jesus me vet muneira wa, Kam te ge garagara mamasa lai ira nanat ima wosolagia, alo i lag qale toga amaira? 35Panava o qoŋ ŋaŋ te wesu aŋaisa, wa te lareag i lag nan neira, wa neira qara garagara mamasa alo qoŋ ŋaŋ ilone.
36Naŋ ni me vava tenegag mulaŋ mun neira wa, Isei tete sare nan o siopa we garaqa, wa we susur tuan ape siopa we tuai: si ta tamaine, ni te sare o siopa we garaqa ilone; wa mulaŋ, o masare siopa we garaqa ilone tete sasarita lai ape siopa we tuai. 37Wa isei tete vaniŋ o wine we garaqa ilo wetov vinqoe ŋaŋ we tuai; si ta tamaine, o wine we garaqa ti sis wora o wetov, wa te sale qega ilone, wa o wetov ti pea ran. 38Nava te vaniŋ ran o wine we garaqa ilo wetov vinqoe we garaqa, wa tatarua te toga tatapuga. 39Wa isei me un veta o wine we tuai gate maros we un goro mun o wine we garaqa, ape ni we vet wa, O wine we tuai we wia ras.
Currently Selected:
Luk 5: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Luk 5
5
1Naŋ me ge tamaike, o sul we va pipipiŋia si a roŋotag o vavae non God, wa ni we tur a pan qilo Genesaret. 2Wa ni me ilo o aka nirua we pute a pan qilo, pa ira vaŋvaŋona me siwo sur ti nan, we asa wurvag nor o gape ŋaŋ. 3Wa ni me vega kalo ivune tuara aka, naakan Simon, ti paere munia sin la raka rowo mantagai o aka nan o salilina; ni qara pute siwo ti vatogo o sul ma vawo aka. 4Naŋ me vava mot paso, ti vava mun i Simon wa, Ka la ras rowo o aka ilo roro qilo, tur tul nomiu o gape ŋaŋ ape saosao iga. 5Naŋ i Simon ti valuia ti vet wa, Vatogo, o qoŋ nol kamam me mawmawui veta, wa gate sao ilo tea; panava na te tul kel o gape ape liŋama. 6Wa neira me ge ran tamaine, wa me kokos o vavtig iga tar, wa o gape te tavsare ti apena. 7Wa neira me tul naqatura munra pulsalara alo tuara aka, si neira a mule ma a piriŋ neira. Wa neira me mule ma, we sogon ura o aka tatarua, wa o aka ŋaŋ qara qeteg tultul apena. 8Naŋ i Simon Peter me ilo, ti rowo taqa ape qaun Jesus, ti vava wa, Vareag nan nau, ape nau i ganganor, Lord. 9Ape mamakei ti ge aneanea tara ragai nol amaia, ape vavtig iga iloke neira me sao kalo ti. 10Wa tamaine mulaŋ i James tana i John ranatun i Sebede rapulsalan i Simon. Naŋ i Jesus we vava mun i Simon wa, Nipea gogogolo, wa iloke raka nake ko te saosao kalo o tanun. 11Wa neira me rave kalo paso naakara i salilina, we totoa vitag nor o savasava ŋaŋ, qara tataga neia.
12Naŋ me ge tamaike, ni me toga alo tuara laqlaqe vanua o tanun aia natarapena we lolog resresmavin vires. Naŋ ni me ilo i Jesus, ti suragia ape nagona, ti paere munia wa, Lord, si ko ta maros ko we mana si a ge wenewene kel inau. 13Naŋ ni me kaka napanena, ti taŋoa, ti vava wa, Nau we maros, ka wenewene kel: wa o resresmavin me saru gaplot nania. 14Naŋ ni me gatogoroa sin wa gaganag munsei: pa wasi, Vano, gaganag natarapema mun i oloolo, wa ka oloolo ape me ge weneweneko, tama i Moses me vatraŋ ti apena, mun vaglala mun neira. 15Nava narorona ti gao aneane nan amoa apena, wa o sul we qoqo me gogorag tuwale ma si a roŋotagia, wa si a ge esura nan o gopae ŋaŋ. 16Wa ni me rowovitagira ilo vanua vanameag, ti tataro aia.
17Wa me ge si alo tuara qoŋ ni we vatogo; wa o tuan Pharise tara vatvatogo ape lea we pute peteŋ, me mule val vutre vanua veta ma a Galilea, wa a Judea, wa a Jerusalem: wa o mana non i Lord amaia si a ge esura. 18Wa ilo, irasei we sasa ma o tanun vawo tano risarisa, o mawea, wa neira we sike o tano vanoga si a sasa pata ineia, a mapua goro nanagona. 19Wa neira gate ilo lai si neira lav pata neia ma tama avea o manigiu o sul, pa me vara kalo i vawo ima, me varoro sur o tanun raveaglue o tano siŋ mun non o tano risarisa alo vatitnara ape nagon Jesus. 20Wa ni me ilo nor o nomtup, ti vava munia wa, Tanun, me nomvitag muniko napugama. 21Naŋ ira vatogo tara Pharise me varsikesike raka, we vava wa, Isei gai iloke we vava nawono tamaike? Isei we mana we nomvitag o pugai nava God tuwale magasena? 22Naŋ i Jesus me gilala nor o varsikesike, ti valuira ti vet muneira wa, Ape sava kam we varsikesike alo toqamiu? 23Avea we toga wora? si qe vava, Me nomvitag napugama muniko; si qe vava, Tavaraka, mule atalia? 24Pa si kamiu a gilala si amen i Nat tanun o mana iake a marama sin nomvitag o pugai, ni qara vava mun o mawea wa, Inau we vava muniko wa, Tavaraka, le kalo nom o tano risarisa, ka mule ilo imama. 25Wa gaplot ni me tavaraka alo nagora, ti la raka o gene ni me risa ti avunana, ti vanreag ilo imana, ti log ronoga God. 26Wa o mamakei liwoa me ge nol neira, wa neira we log ronoga God, wa we uravag o gogolo, we vava wa, Inina me ilo o vasasa anaqarig.
27Paso nan ni qara kalo lue, ti ilo o rowoagtalsom, nasasana i Levi, we pute ape tano lele som, ti vava munia wa, Ka tataga inau. 28Naŋ ni me toavitag qet non o savasava, ti tavaraka, ti tataga ineia. 29Naŋ i Levi me ge o ganagana liwoa munia alo imana, wa o rowoagtalsom o sul we qoqo aia wa o tuan rasei ŋaŋ mulaŋ me pute tuwale amaira. 30Wa ira Pharise tara vatogo ŋaŋ tamaira me wutoto goro ra tiŋqoro ŋaŋ, we vava wa, Ape sava kamiu we gana wa we ima tuwale amera rowoagtalsom tara ganganor? 31Naŋ i Jesus me valuira ti vet mun neira wa, Iragai qale esu gate maros o gismana, nava iragai we gopa. 32Na gate mule ma si na suware ma ira taniniga nava ira ganganor ape nomleas. 33Naŋ neira me vava munia wa, Ape sava ira tiŋqoro anan i John we garagara mamasa vaga qoqo, wa we tataga ape liŋe tataro, tara ragai ananra Pharise we sasarita; nava ra anama we ganagana we unun? 34Naŋ i Jesus me vet muneira wa, Kam te ge garagara mamasa lai ira nanat ima wosolagia, alo i lag qale toga amaira? 35Panava o qoŋ ŋaŋ te wesu aŋaisa, wa te lareag i lag nan neira, wa neira qara garagara mamasa alo qoŋ ŋaŋ ilone.
36Naŋ ni me vava tenegag mulaŋ mun neira wa, Isei tete sare nan o siopa we garaqa, wa we susur tuan ape siopa we tuai: si ta tamaine, ni te sare o siopa we garaqa ilone; wa mulaŋ, o masare siopa we garaqa ilone tete sasarita lai ape siopa we tuai. 37Wa isei tete vaniŋ o wine we garaqa ilo wetov vinqoe ŋaŋ we tuai; si ta tamaine, o wine we garaqa ti sis wora o wetov, wa te sale qega ilone, wa o wetov ti pea ran. 38Nava te vaniŋ ran o wine we garaqa ilo wetov vinqoe we garaqa, wa tatarua te toga tatapuga. 39Wa isei me un veta o wine we tuai gate maros we un goro mun o wine we garaqa, ape ni we vet wa, O wine we tuai we wia ras.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.