Mathew 16
16
1Naŋ ira Pharise tara Saduke me mule ma, we meregalea, we paere munia sin gaganag o vaglala ma mun neira ma vunana. 2Pa ni me valuira we vet muneira wa, Alo me ravrav veta kamiu we vava si, A maran we wia, o mera qa alo tuka. 3Wa alo matava si, O wena qarig, ape nago tuka ti memea ti taqataqa. Ira sokoi goro, kam we gilala we veveg ape nago tuka, nava o vaglala tape qoŋimiu kamiu gate veveg lai apena. 4O taraŋiu kiskislag wa o manpakapaka we sikesike o vaglala; wa tete le at munia o vaglala, nava o vaglala gina anon i Jona. Naŋ ni me toavtagira, me vareag.
5Naŋ ira tiŋqoro anana me levegao i tavala qilo, pa me loloqoŋ we la gara o bread. 6Naŋ i Jesus me vet muneira wa, Tur ilo goro, tur ora goro kel kamiu nan o leven nora Pharise tara Saduke ŋaŋ. 7Pa neira me var sikesike vires neira wa si, Ape nina qa gate la ganina bread ma. 8Nava i Jesus me lolomaran apena we vet muneira wa, Apesava kam we var sikesike vires kamiu, ira nom qerqeret, ape kamiu gate la bread ma? 9Kamiu gate nom vaglala tiqa, wa gate lolomaran kel ape bread tavelima nagara tar vagatavelima, wa nivisa o gete kam me sogon kalo ti? 10Wa ape bread lavearua nagara tar vagavat, wa nivisa o gete kam me sogon kalo ti? 11Me ge gasei si kamiu gate nom vaglala, si na gate vava mun kamiu ape bread? Pa tur ora goro kel kamiu nan o leven nora Pharise tara Saduke ŋaŋ. 12Naŋ neira qara lolomaran si ni gate vet mun neira si a ora goro nan o leven bread, nava nan o liŋe vatogo nora Pharise tara Saduke ŋaŋ.
13Naŋ i Jesus me mule i tag ta Kaisareia Philipi, wa me varusira tiŋqoro anana, ti vet wa, O tanun ŋaŋ we vava ape inau i Nat tanun si isei? 14Naŋ neira wa, O tuaniu si i John i Vasugroŋo, pa o tuaniu si i Elia, wa irasei we sea si i Jeremia, si i tuwale nanra prophet. 15Naŋ ti vet muneira wa, Pa ikamiu we vet si inau isei? 16Wa i Simon Peter me valuia, ti vet wa, Iniko gai i Christ Natun God i esu. 17Wa i Jesus me valui, we vet munia wa, I gene wievavae iniko gai, Simon Barjona, ape visogoi wa o nara gate ge ŋaŋalue iloke muniko, nava i Tamak tavunana. 18Wa na we vet mulaŋ muniko, si iniko i Peter, wa si avune vat iloke nau te taur kalo mok o loglue, wa o mategeare Panoi ŋaŋ tete lalakete lai nania. 19Na te la at muniko o ki ŋaŋ tape marana tavunana; wa o savasava ŋaŋ ko ta rot alo tano te toga rot avunana; wa o savasava ko ta ul alo tano te toga ulul avunana. 20Paso nan, ni me gatogoro ra tiŋqoro ŋaŋ anana nan wa av lue munsei si ineia i Christ.
21Wa nan alo qoŋ nane ilone i Jesus qara qeteg gaganag munra tiŋqoro anana si amona ran sin kalo Jerusalem, wa sin roŋo vivtig vagaqoqo amaira tamtamaragai ŋaŋ, tara oloolo liwoa ŋaŋ tara vatvatogo, wa si te ge mateia, pa si te ge raka kelua alo qoŋ vatoliu. 22Naŋ i Peter ti tauria, ti ŋorov raka goroa, ti vet wa, Ni magarosa muniko, Lord; o ine tete lai ran muniko. 23Pa ni me kilau we vet mun i Peter wa, Ka toa ape kulak, Satan, o vat iniko we ge tutuag nau; ape ko gate nononom suar o gene ŋaŋ anon God, nava nora tanun. 24Paso nan i Jesus me vava munra tiŋqoro anana wa, Si sei qe maros we mule ape kulak, ni leasag kelua, wa ni taur kalo non o wolowolo, qara tataga inau. 25Apensei qe maros we vaesu naatana te ge tagea; pa valsei qe ge tagea naatana o manigiu inau, ni te taur suar. 26Ape o sava tea we wia te rowo sur o tanun sin qe taur raka mona o marama nol, pa si naatana qe rowo qet nania? si o sava gene o tanun te la at lai we sar leas naatana? 27Ape i Nat tanun te rasu ma ti alo leŋasin i Tamana, tara angel anana ŋaŋ; wa alo ine nane te sar mun val sei tataga mon o gagapalag. 28We nun na we vava mun kamiu wa, O tuanrasei we tiratira iake pa tete nim ilo o matea, neira gai ilo i Nat tanun we mule ma alo marana anona.
Currently Selected:
Mathew 16: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mathew 16
16
1Naŋ ira Pharise tara Saduke me mule ma, we meregalea, we paere munia sin gaganag o vaglala ma mun neira ma vunana. 2Pa ni me valuira we vet muneira wa, Alo me ravrav veta kamiu we vava si, A maran we wia, o mera qa alo tuka. 3Wa alo matava si, O wena qarig, ape nago tuka ti memea ti taqataqa. Ira sokoi goro, kam we gilala we veveg ape nago tuka, nava o vaglala tape qoŋimiu kamiu gate veveg lai apena. 4O taraŋiu kiskislag wa o manpakapaka we sikesike o vaglala; wa tete le at munia o vaglala, nava o vaglala gina anon i Jona. Naŋ ni me toavtagira, me vareag.
5Naŋ ira tiŋqoro anana me levegao i tavala qilo, pa me loloqoŋ we la gara o bread. 6Naŋ i Jesus me vet muneira wa, Tur ilo goro, tur ora goro kel kamiu nan o leven nora Pharise tara Saduke ŋaŋ. 7Pa neira me var sikesike vires neira wa si, Ape nina qa gate la ganina bread ma. 8Nava i Jesus me lolomaran apena we vet muneira wa, Apesava kam we var sikesike vires kamiu, ira nom qerqeret, ape kamiu gate la bread ma? 9Kamiu gate nom vaglala tiqa, wa gate lolomaran kel ape bread tavelima nagara tar vagatavelima, wa nivisa o gete kam me sogon kalo ti? 10Wa ape bread lavearua nagara tar vagavat, wa nivisa o gete kam me sogon kalo ti? 11Me ge gasei si kamiu gate nom vaglala, si na gate vava mun kamiu ape bread? Pa tur ora goro kel kamiu nan o leven nora Pharise tara Saduke ŋaŋ. 12Naŋ neira qara lolomaran si ni gate vet mun neira si a ora goro nan o leven bread, nava nan o liŋe vatogo nora Pharise tara Saduke ŋaŋ.
13Naŋ i Jesus me mule i tag ta Kaisareia Philipi, wa me varusira tiŋqoro anana, ti vet wa, O tanun ŋaŋ we vava ape inau i Nat tanun si isei? 14Naŋ neira wa, O tuaniu si i John i Vasugroŋo, pa o tuaniu si i Elia, wa irasei we sea si i Jeremia, si i tuwale nanra prophet. 15Naŋ ti vet muneira wa, Pa ikamiu we vet si inau isei? 16Wa i Simon Peter me valuia, ti vet wa, Iniko gai i Christ Natun God i esu. 17Wa i Jesus me valui, we vet munia wa, I gene wievavae iniko gai, Simon Barjona, ape visogoi wa o nara gate ge ŋaŋalue iloke muniko, nava i Tamak tavunana. 18Wa na we vet mulaŋ muniko, si iniko i Peter, wa si avune vat iloke nau te taur kalo mok o loglue, wa o mategeare Panoi ŋaŋ tete lalakete lai nania. 19Na te la at muniko o ki ŋaŋ tape marana tavunana; wa o savasava ŋaŋ ko ta rot alo tano te toga rot avunana; wa o savasava ko ta ul alo tano te toga ulul avunana. 20Paso nan, ni me gatogoro ra tiŋqoro ŋaŋ anana nan wa av lue munsei si ineia i Christ.
21Wa nan alo qoŋ nane ilone i Jesus qara qeteg gaganag munra tiŋqoro anana si amona ran sin kalo Jerusalem, wa sin roŋo vivtig vagaqoqo amaira tamtamaragai ŋaŋ, tara oloolo liwoa ŋaŋ tara vatvatogo, wa si te ge mateia, pa si te ge raka kelua alo qoŋ vatoliu. 22Naŋ i Peter ti tauria, ti ŋorov raka goroa, ti vet wa, Ni magarosa muniko, Lord; o ine tete lai ran muniko. 23Pa ni me kilau we vet mun i Peter wa, Ka toa ape kulak, Satan, o vat iniko we ge tutuag nau; ape ko gate nononom suar o gene ŋaŋ anon God, nava nora tanun. 24Paso nan i Jesus me vava munra tiŋqoro anana wa, Si sei qe maros we mule ape kulak, ni leasag kelua, wa ni taur kalo non o wolowolo, qara tataga inau. 25Apensei qe maros we vaesu naatana te ge tagea; pa valsei qe ge tagea naatana o manigiu inau, ni te taur suar. 26Ape o sava tea we wia te rowo sur o tanun sin qe taur raka mona o marama nol, pa si naatana qe rowo qet nania? si o sava gene o tanun te la at lai we sar leas naatana? 27Ape i Nat tanun te rasu ma ti alo leŋasin i Tamana, tara angel anana ŋaŋ; wa alo ine nane te sar mun val sei tataga mon o gagapalag. 28We nun na we vava mun kamiu wa, O tuanrasei we tiratira iake pa tete nim ilo o matea, neira gai ilo i Nat tanun we mule ma alo marana anona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.