Mathew 18
18
1Naŋ alo masao qoŋ nane ilone ira tiŋqoro me mule ma sur i Jesus, we vava wa, Isei gai we liwoa sal alo marana tavunana? 2Naŋ i Jesus me suware ma suria o natmera, ti vatira neia ilo vatitnara, 3ti vet wa, We nun nau we vava mun kamiu wa, Si kam qe tete ris wa qe tete qeteg tama o natmera ŋaŋ, kam tete mule pata lai tea ilo marana tavunana. 4Manigiu o ine isei ta ge pepewu kelua tam o natmera iloke, i gene ilone we liwoa sal alo marana tavunana; 5wa isei qe lav vasgot o natmera tama iloke tuwale alo sasak, ni we lav vasgot inau. 6Nava isei qe ge tutuag i tuwale nanra mantagai iloke we nomtup nau, we wia munia si a vatakau o vat galgalolo liwoa ape nenena, wa we tul siwoa ilo roro lama.
7Tur magarosa o marama ape gene ŋaŋ we ge tutuag! ape tete sea lai pa si o gene we ge tutuag te rasu ma aŋaisa; panava tur magarosa o tanun ilone o gene we ge tutuag te rasu ma alo ineia! 8Pa si napanema si naraŋoma qe ge iniko si ka tutuag, ka sal mot ilone, ka savrag naniko; we wia muniko si ka kalo pata ilo esu o mut si o qages, nan mun o panei nirua si o raŋoi nirua we savragiko ilo av ti galava. 9Pa si namatama qe ge iniko si ka tutuag, ke wakele lue, ka savrag naniko; we wia muniko si ka mule pata ilo esu mun o matai taval tuwale, nan mun o matai nirua we savragiko ilo Geena av. 10Tur ilogoro nan kam wa surtagtageag i tuwale nanra mantagai iloke; ape nau we vet mun kamiu wa, si nor o angel ŋaŋ vawo tuka we sagarag vagae nanagon i Tamak tavunana. 11Ape i Nat tanun me mule ma sin vaesu o sava me tagea ti. 12Kamiu we nonom si o sava? Ta toga amensei o sheep melnol vatuwale, pa ta lera i tuwale nan, i gene ilone tete toavtag o saŋavul laveavat o numei laveavat, wa we mule ivune tauwe ŋaŋ, we sikesike ilone we leralera? 13Pa si ni ta ilo suar kel, we nun nau we vava mun kamiu wa, ni we lakalaka sal apena nan ape saŋavul laveavat o numei laveavat ilone gate lera ilo. 14Tamaine gina gate maros non i Tamak tavunana, si tuwale nanra mantagai iloke a tagea.
15Pa si i tasima qe tames goroko, mule gaganag lue munia ape pugana, kamurua magesemrua. 16Wa sin qe roŋotagiko, ko me taur raka moma i tasima; pa sin qe tete roŋotagiko, ka lav piriŋiko mulaŋ si tuwale si nirua, o manigiu si alo valara nirua si nitol we gaganag we tira val vavae a tira ran apena. 17Pa sin qe siriga nan wa roŋotag ratol, ka gaganag mun o loglue; wa sin qe siriga mulaŋ nan wa roŋotag o loglue, ni toga muniko tama o loloqoŋ wa o rowoagtalsom. 18We nun nau we vava mun kamiu wa, si o savasava kam qe rot alo tano te toga rot vawo tuka, wa o savasava kam qe ul alo tano te toga ulul vawo tuka. 19Wa mulaŋ nau we vava mun kamiu wa, si pulrua nan kamiu qe nom sara tuwale ape sava tea si rara te paere apena, te lai mun rara tamaine amen i Tamak tavunana; 20ape tarua si tatol ta vug tuwale avea alo sasak, pa inau aia alo vatitnara.
21Paso nan, i Peter me mule ma suria, we vava wa, Lord, i tasik te tames vagavisa lai goro nau, wa na te nomvitag lai munia? ta niŋa vaga lavearua? 22Naŋ i Jesus me vava munia wa, Na gate vava muniko si te niŋa vagalavearua, nava si vaga lavearua vaga saŋavul lavearua. 23O manigiu o ine we tenegag ape marana tavunana, si tama o tanun o maranaga me maros we nunuw amera rowrowovag anana ape pug. 24Wa ni me qeteg nunuw raka, wa neira we tak ma suria isei o pug avunana, o talent tar vaga saŋavul; 25wa i tagai amaia sin wono nia, wa i tagina me vatraŋ si a wol reagia, wa i rasoana, wa ira nanatuna wa pulan o savasava ŋaŋ, wa si qara wono pug apena. 26Naŋ o rowrowovag ilone me vatieqau goroa, ti vet wa, Lord, ka lolo malumlum galtag ape nau, wa na te wono qet ran. 27Wa i tagin i rowrowovag ilone me magarosa ineia, me ukegia, me nomvitag napuguna nania. 28Nava o rowrowovag ilone me rowolue, me ilo suar isei i valuna, wa mon o pug mulaŋ avunana o pene melnol vatuwale; naŋ me takulia, me gisiria, we vet wa, Wono mok pug ma avunama. 29Naŋ i valuna ti masu siwo ape raŋona, ti tiasia wa, Ka lolo malumlum galtag ape nau, wa na te wono qet. 30Pa ni gate maros, nava me mule me tuqeragia ilo ima rotrot, ni gai wono qet o pug ilone. 31Naŋ ira valuna me ilo mora o sava me ge, wa nalolora we wono aneane apena, wa neira we mule we gaganag lue mun i tagira o savasava ŋaŋ me ge. 32Paso nan i tagina me suwarea ma we vet munia wa, Gai sokore rowrowovag, na me nomvitag ran muniko o pug nol ilone ape ko me tias inau apena; 33pa gate amoma si ka magarosa mulaŋ i valuma tama nau me magarosa mok iniko? 34Naŋ i tagina ti lologagara, ti ukegia mun rasei ti gege rarakutia, ni gai wono qet ran napuguna. 35Tamaine gina mulaŋ i Tamak tavunana te ge mun kamiu, si kam qe tete nomvitag val kamiu nan natoqamiu napugara tatasimiu muneira.
Currently Selected:
Mathew 18: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mathew 18
18
1Naŋ alo masao qoŋ nane ilone ira tiŋqoro me mule ma sur i Jesus, we vava wa, Isei gai we liwoa sal alo marana tavunana? 2Naŋ i Jesus me suware ma suria o natmera, ti vatira neia ilo vatitnara, 3ti vet wa, We nun nau we vava mun kamiu wa, Si kam qe tete ris wa qe tete qeteg tama o natmera ŋaŋ, kam tete mule pata lai tea ilo marana tavunana. 4Manigiu o ine isei ta ge pepewu kelua tam o natmera iloke, i gene ilone we liwoa sal alo marana tavunana; 5wa isei qe lav vasgot o natmera tama iloke tuwale alo sasak, ni we lav vasgot inau. 6Nava isei qe ge tutuag i tuwale nanra mantagai iloke we nomtup nau, we wia munia si a vatakau o vat galgalolo liwoa ape nenena, wa we tul siwoa ilo roro lama.
7Tur magarosa o marama ape gene ŋaŋ we ge tutuag! ape tete sea lai pa si o gene we ge tutuag te rasu ma aŋaisa; panava tur magarosa o tanun ilone o gene we ge tutuag te rasu ma alo ineia! 8Pa si napanema si naraŋoma qe ge iniko si ka tutuag, ka sal mot ilone, ka savrag naniko; we wia muniko si ka kalo pata ilo esu o mut si o qages, nan mun o panei nirua si o raŋoi nirua we savragiko ilo av ti galava. 9Pa si namatama qe ge iniko si ka tutuag, ke wakele lue, ka savrag naniko; we wia muniko si ka mule pata ilo esu mun o matai taval tuwale, nan mun o matai nirua we savragiko ilo Geena av. 10Tur ilogoro nan kam wa surtagtageag i tuwale nanra mantagai iloke; ape nau we vet mun kamiu wa, si nor o angel ŋaŋ vawo tuka we sagarag vagae nanagon i Tamak tavunana. 11Ape i Nat tanun me mule ma sin vaesu o sava me tagea ti. 12Kamiu we nonom si o sava? Ta toga amensei o sheep melnol vatuwale, pa ta lera i tuwale nan, i gene ilone tete toavtag o saŋavul laveavat o numei laveavat, wa we mule ivune tauwe ŋaŋ, we sikesike ilone we leralera? 13Pa si ni ta ilo suar kel, we nun nau we vava mun kamiu wa, ni we lakalaka sal apena nan ape saŋavul laveavat o numei laveavat ilone gate lera ilo. 14Tamaine gina gate maros non i Tamak tavunana, si tuwale nanra mantagai iloke a tagea.
15Pa si i tasima qe tames goroko, mule gaganag lue munia ape pugana, kamurua magesemrua. 16Wa sin qe roŋotagiko, ko me taur raka moma i tasima; pa sin qe tete roŋotagiko, ka lav piriŋiko mulaŋ si tuwale si nirua, o manigiu si alo valara nirua si nitol we gaganag we tira val vavae a tira ran apena. 17Pa sin qe siriga nan wa roŋotag ratol, ka gaganag mun o loglue; wa sin qe siriga mulaŋ nan wa roŋotag o loglue, ni toga muniko tama o loloqoŋ wa o rowoagtalsom. 18We nun nau we vava mun kamiu wa, si o savasava kam qe rot alo tano te toga rot vawo tuka, wa o savasava kam qe ul alo tano te toga ulul vawo tuka. 19Wa mulaŋ nau we vava mun kamiu wa, si pulrua nan kamiu qe nom sara tuwale ape sava tea si rara te paere apena, te lai mun rara tamaine amen i Tamak tavunana; 20ape tarua si tatol ta vug tuwale avea alo sasak, pa inau aia alo vatitnara.
21Paso nan, i Peter me mule ma suria, we vava wa, Lord, i tasik te tames vagavisa lai goro nau, wa na te nomvitag lai munia? ta niŋa vaga lavearua? 22Naŋ i Jesus me vava munia wa, Na gate vava muniko si te niŋa vagalavearua, nava si vaga lavearua vaga saŋavul lavearua. 23O manigiu o ine we tenegag ape marana tavunana, si tama o tanun o maranaga me maros we nunuw amera rowrowovag anana ape pug. 24Wa ni me qeteg nunuw raka, wa neira we tak ma suria isei o pug avunana, o talent tar vaga saŋavul; 25wa i tagai amaia sin wono nia, wa i tagina me vatraŋ si a wol reagia, wa i rasoana, wa ira nanatuna wa pulan o savasava ŋaŋ, wa si qara wono pug apena. 26Naŋ o rowrowovag ilone me vatieqau goroa, ti vet wa, Lord, ka lolo malumlum galtag ape nau, wa na te wono qet ran. 27Wa i tagin i rowrowovag ilone me magarosa ineia, me ukegia, me nomvitag napuguna nania. 28Nava o rowrowovag ilone me rowolue, me ilo suar isei i valuna, wa mon o pug mulaŋ avunana o pene melnol vatuwale; naŋ me takulia, me gisiria, we vet wa, Wono mok pug ma avunama. 29Naŋ i valuna ti masu siwo ape raŋona, ti tiasia wa, Ka lolo malumlum galtag ape nau, wa na te wono qet. 30Pa ni gate maros, nava me mule me tuqeragia ilo ima rotrot, ni gai wono qet o pug ilone. 31Naŋ ira valuna me ilo mora o sava me ge, wa nalolora we wono aneane apena, wa neira we mule we gaganag lue mun i tagira o savasava ŋaŋ me ge. 32Paso nan i tagina me suwarea ma we vet munia wa, Gai sokore rowrowovag, na me nomvitag ran muniko o pug nol ilone ape ko me tias inau apena; 33pa gate amoma si ka magarosa mulaŋ i valuma tama nau me magarosa mok iniko? 34Naŋ i tagina ti lologagara, ti ukegia mun rasei ti gege rarakutia, ni gai wono qet ran napuguna. 35Tamaine gina mulaŋ i Tamak tavunana te ge mun kamiu, si kam qe tete nomvitag val kamiu nan natoqamiu napugara tatasimiu muneira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.