Mathew 27
27
1Naŋ me maran, ira oloolo liwoa nol tara tamaragai tamaira sul me nit saratuwale naliŋara goro i Jesus si a ge mateia. 2Wa neira me rotia, we lavia at, wa qara ukegia sur i Pontius Pilat i governor.
3Naŋ i Judas i gene me maniriŋia me ilo si me veveg qaloa, ni me nomleas, wa ti le kel o silver saŋavul tol ilone munra oloolo liwoa tara tamaragai, ti vet wa, 4Nau me ganganor ape nau me maniriŋ o nara, tagai ran o pugai apena. Nava neira we vet wa, O sava ilone amen kamam? si ka ilo moma apena. 5Naŋ ni me savrag siwo o silver ilo ima we roŋo, ti sere lue, ti vanreag, ti ligo mate kelua. 6Naŋ ira oloolo liwoa me taur kalo o silver we vet wa, Gate wia si a sakarag kel iloke ilo tano som, o manigiu o som rusarusai nara iloke. 7Wa me nonom tuwale apena, ineira me wol natuqen i mawu lasatano si a tavig ira tawu alolona. 8Wa o manigiu o ine me log ran ma o tuqei ilone si o Tuqe nara gai niŋa o qoŋ nake iloke apena. 9Naŋ alo ilone me ge tira o vavae me vava ti mun i Jeremia i prophet we vet wa si, Ineira me taur o silver saŋavul tol, o som me vet si we tira ape wolia nia, pa ra nanat Israel me ligogia apena; 10wa neira me la vano ape tuqen i mawu lasa tano, tama i Lord me vareg ti mun nau.
11Naŋ i Jesus me tira goro nanagon i governor, wa i governor me varusia wa, Iniko, gai, o Maranaga nora ta Judea? Naŋ i Jesus wa, Ko we vava. 12Wa ira oloolo liwoa tara tamaragai we tila ineia, pa ni gate valui gorora vatuwale. 13Naŋ i Pilat me vet munia wa, Ko gate roŋotag si neira we tila iniko ape gene ŋaŋ we qoqo? 14Pa ni gate valui goro iloa si mun o vavae tuwale, wa i governor me mamakei lava apena. 15Naŋ alo lakalaka ilone naliŋan i governor si a ukeg val tau o tanun rotrot tuwale munra sul, isei tea ineira qe maros. 16Pa o tanun rotrot tuwale amaira, me gilala nol ineia, nasasana i Barabas. 17Wa ineira me vug tuwale, i Pilat qara varusira wa, Kamiu we maros si na ukeg isei mun kamiu, i Barabas si i Jesus we logia si i Christ? 18O manigiu ni me ilo vaglala si neira me ukegia ma o manigiu o matawolowolo.
19Wa alo ni we pute avawo tano veveg, i rasoana me vatraŋ isei suria, ti vet wa, Nipea amaiko wa amen i taniniga ilone, o manigiu me rakut aneane inau anaqarig alo qoreqore ape neia. 20Pa ira oloolo liwoa tara tamaragai me vasurat o sul, si neira a paere i Barabas, wa we ge tagea i Jesus. 21Nava i governor me valui gorora wa, Isei nan rarua kamiu we maros si na ukeg mun kamiu? Naŋ neira we vet wa, i Barabas. 22Naŋ i Pilat wa, Pa si ta tamaine, o sava nau te ge mun i Jesus, we logia si i Christ? Naŋ neira nol wa, Si ka woso teterpania. 23Naŋ neia wa, Ape sava? avea o gene kiskislag ni me ge ti? Naŋ neira me awoawo aneane wa, Si ka woso teterpania. 24Pa i Pilat we ilo tamaine si ni gate ge ilo lai o sava, nava si me qeteg matikotiko nan amoa apena, ti taur o pei, ti savsavula alo nagora sul, ti vet wa, Napugak tagai ape naran i gene we taniniga iloke; pa ikamiu a ilogoro momiu apena. 25Naŋ o sul nol me valui goro, we vava tuwale wa, Nanarana avunamam wa avunara nanatumam. 26Paso nan ni me ukeg i Barabas mun neira; pa me towos i Jesus ni qara suegia si neira woso teterpania.
27Naŋ ira soldier anan i governor me lav i Jesus ilo iman i governor, qara vile tuwale o vavtigiu nol. 28Naŋ me saru savrag paso non o siopa, ineira qara saru goroa mun o siopa we memea. 29Wa neira me vir o vilvilqat mun o wolakaukau, we map vawo qatuna, wa o togo alo matuana, wa me vatieqau goroa, we poroporoa, we vava wa, We wia, gai, Maranaga nora ta Judea! 30Naŋ neira me anus avunana, neira we taur o togo wa we vus naqatuna nia. 31Wa me poroporosag paso ineia, neira qara saru savrag o siopa ilone, wa me saru kel non o siopa, wa we lavia at si a woso teterpania.
32Naŋ alo we sere lue neira me ilo qalo isei ta Kurene nasasana i Simon; pa neira me ge vavakae munia si ni rig non o wolowolo. 33Naŋ neira me va niŋa o vatine o sasai Golgotha, wa si o tano qat tamate, 34we le munia o wine me kal tuwale mun o siu, si ni un, wa ni me nim ilo, pa gate maros we un. 35Naŋ neira me woso teterpania, wa me vile valval non o siopa, we map nor o vaglala apena; si o vavae mon i prophet ni tira ran apena, me vet ti wa, Neira me tirag nok o siopa, wa neira me map nor o vaglala ape nok o moe siopa. 36Wa neira we pute siwo aia we matagisgis goroa. 37Naŋ neira me map kalo sage avawo qatuna o vavae me tila ineia ti nia, me rave wa si, ILOKE I JESUS I MARANAGA NORA TA JUDEA.
38Wa o tanun vus palu nirua me woso teterpan tuwale amaia, tuwale ape matua wa o varuei ape galao. 39Wa ragai we sirsala aia we liŋasapuria, we gagamail naqatura, 40we vet wa, Gai, i sese wora ima we roŋo, wa i tape kel alo qoŋ nitol, ka vaesuko; si ko ta Natun God, ka siwo sur ma nan o wolowolo. 41Wa tamaine mulaŋ ira oloolo liwoa we porosagia, tara tamaragai ŋaŋ wa ira vatogo, we vet wa, 42Ni me vaesura we sea, pa ni tete vaesu kelua lai: si ni ta Maranaga nora Israel ni siwo sur ma ilokenake nan o wolowolo, wa nina qara nomtupua. 43Ni me sov apen God, pa ni ge esua ilokenake si qe marosia; ape ni me vet wa, Inau Natun God. 44Wa ira vus palu mulaŋ me woso teterpan tuwale ti amaia we vasvasir tamaine.
45Naŋ o siliga me gara goro o vanua nol alo masao qoŋ laveteai gai niŋa o lavevatiu. 46Wa ape masaoi lavevatiu i Jesus me log raka mun o liŋai we poa wa, Eli, Eli, lama sabakthani: wa si, God inau, God inau, ape sava ko me toavtag nau? 47Naŋ o tuaniu we tiratira aia me roŋotag, we vet wa, I gene iloke we log i Elia. 48Wa gaplot i tuwale nan neira me valago, me la o maŋmaŋ pul, me ge ura mun o vinegar, me sisgag ape au, me sigag kalo munia si ni un. 49Pa o tuaniu ti me vet wa, Nipea, nina ilo monina si i Elia te van ma si a vaesua. 50Wa i Jesus me log raka mulaŋ mun o liŋai we poa, qara ukeg naatana.
51Wa ilo, o siopa we ningoro o ima we roŋo me sare wora ma avunana me niŋa ape kerei; wa o rir me rir, wa o vat me maworawora. 52Wa o qaraŋ tamate ŋaŋ me waka kelkel, wa o tamate we qoqo, o tanun we roŋo nane me mate ti, me kekete raka kel. 53Wa me rowolue nan o qaraŋa alo ni me tavaraka veta, wa me van pata ilo laqlaqe vanua we roŋo, wa me rowolue mun ragai we qoqo. 54Naŋ i liwoa goro soldier melnol tara ragai amaia we matagisgis goro i Jesus, me ilo o rir wa o savasava me ge, we gogolo aneane, we vet wa, We nun gai, iloke Natun God. 55Pa o retavine we qoqo aia we iloilo aras; iragai ŋaŋ qa me tatataga i Jesus ma ti a Galilea we rowrowovag munia. 56Wa i Meri ta Magdala amaira, wa i Meri ravevenra James tana Joses, wa ravevenra nanatun Sebede.
57Wa me ravrav veta, wa o meresom o ta Arimathea, nasasana i Joseph, me van ma, ineia mulaŋ o tiŋqoro anan Jesus. 58Iloke me van sur i Pilat, me paere naturian Jesus. Wa i Pilat me vatraŋ si a la at naturiana. 59Naŋ Joseph me la naturiana, me lolos goro mun o siopa we wenewene, 60wa me map alo qaraŋina we garaqa me tit ti alo vat; wa ni me tiwila o vat liwoa goro o mate qaraŋa, ti vareag. 61Wa i Meri ta Magdala aia, wa i tuara Meri, we pute ape nago qaraŋ tamate.
62Naŋ a tavala maran, ape kule qoŋ gismamate, ira oloolo liwoa ŋaŋ tara Pharise ŋaŋ me vug tuwale amen Pilat, 63we vet wa, Wowut, kamam qale lolomaran apen i gale ilone, alo ni qale esu, si ni me vet wa, Me paso o qoŋ nitol na te tavaraka kel. 64O manigiu si ka vatraŋ si a ge taurmate goro o qaraŋ tamate, gai niŋa o qoŋ vatoliu; nan ira tiŋqoro anana wun wa van ma alo qoŋ, wa palua, wa qara vava mun o sul si, Ni me tavaraka nanra mate; wa o lerava a tagir te qara tatas nan o moai. 65Naŋ i Pilat me vet muneira wa, O vavtig ilogoro amen kamiu veta, tur vano tur ge taurmate goro tama kam we gilala momiu. 66Wa neira me va at, me ge taurmate goro o qaraŋ tamate, wa me tapu goro o vat, wa o vavtig ilogoro amaira.
Currently Selected:
Mathew 27: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mathew 27
27
1Naŋ me maran, ira oloolo liwoa nol tara tamaragai tamaira sul me nit saratuwale naliŋara goro i Jesus si a ge mateia. 2Wa neira me rotia, we lavia at, wa qara ukegia sur i Pontius Pilat i governor.
3Naŋ i Judas i gene me maniriŋia me ilo si me veveg qaloa, ni me nomleas, wa ti le kel o silver saŋavul tol ilone munra oloolo liwoa tara tamaragai, ti vet wa, 4Nau me ganganor ape nau me maniriŋ o nara, tagai ran o pugai apena. Nava neira we vet wa, O sava ilone amen kamam? si ka ilo moma apena. 5Naŋ ni me savrag siwo o silver ilo ima we roŋo, ti sere lue, ti vanreag, ti ligo mate kelua. 6Naŋ ira oloolo liwoa me taur kalo o silver we vet wa, Gate wia si a sakarag kel iloke ilo tano som, o manigiu o som rusarusai nara iloke. 7Wa me nonom tuwale apena, ineira me wol natuqen i mawu lasatano si a tavig ira tawu alolona. 8Wa o manigiu o ine me log ran ma o tuqei ilone si o Tuqe nara gai niŋa o qoŋ nake iloke apena. 9Naŋ alo ilone me ge tira o vavae me vava ti mun i Jeremia i prophet we vet wa si, Ineira me taur o silver saŋavul tol, o som me vet si we tira ape wolia nia, pa ra nanat Israel me ligogia apena; 10wa neira me la vano ape tuqen i mawu lasa tano, tama i Lord me vareg ti mun nau.
11Naŋ i Jesus me tira goro nanagon i governor, wa i governor me varusia wa, Iniko, gai, o Maranaga nora ta Judea? Naŋ i Jesus wa, Ko we vava. 12Wa ira oloolo liwoa tara tamaragai we tila ineia, pa ni gate valui gorora vatuwale. 13Naŋ i Pilat me vet munia wa, Ko gate roŋotag si neira we tila iniko ape gene ŋaŋ we qoqo? 14Pa ni gate valui goro iloa si mun o vavae tuwale, wa i governor me mamakei lava apena. 15Naŋ alo lakalaka ilone naliŋan i governor si a ukeg val tau o tanun rotrot tuwale munra sul, isei tea ineira qe maros. 16Pa o tanun rotrot tuwale amaira, me gilala nol ineia, nasasana i Barabas. 17Wa ineira me vug tuwale, i Pilat qara varusira wa, Kamiu we maros si na ukeg isei mun kamiu, i Barabas si i Jesus we logia si i Christ? 18O manigiu ni me ilo vaglala si neira me ukegia ma o manigiu o matawolowolo.
19Wa alo ni we pute avawo tano veveg, i rasoana me vatraŋ isei suria, ti vet wa, Nipea amaiko wa amen i taniniga ilone, o manigiu me rakut aneane inau anaqarig alo qoreqore ape neia. 20Pa ira oloolo liwoa tara tamaragai me vasurat o sul, si neira a paere i Barabas, wa we ge tagea i Jesus. 21Nava i governor me valui gorora wa, Isei nan rarua kamiu we maros si na ukeg mun kamiu? Naŋ neira we vet wa, i Barabas. 22Naŋ i Pilat wa, Pa si ta tamaine, o sava nau te ge mun i Jesus, we logia si i Christ? Naŋ neira nol wa, Si ka woso teterpania. 23Naŋ neia wa, Ape sava? avea o gene kiskislag ni me ge ti? Naŋ neira me awoawo aneane wa, Si ka woso teterpania. 24Pa i Pilat we ilo tamaine si ni gate ge ilo lai o sava, nava si me qeteg matikotiko nan amoa apena, ti taur o pei, ti savsavula alo nagora sul, ti vet wa, Napugak tagai ape naran i gene we taniniga iloke; pa ikamiu a ilogoro momiu apena. 25Naŋ o sul nol me valui goro, we vava tuwale wa, Nanarana avunamam wa avunara nanatumam. 26Paso nan ni me ukeg i Barabas mun neira; pa me towos i Jesus ni qara suegia si neira woso teterpania.
27Naŋ ira soldier anan i governor me lav i Jesus ilo iman i governor, qara vile tuwale o vavtigiu nol. 28Naŋ me saru savrag paso non o siopa, ineira qara saru goroa mun o siopa we memea. 29Wa neira me vir o vilvilqat mun o wolakaukau, we map vawo qatuna, wa o togo alo matuana, wa me vatieqau goroa, we poroporoa, we vava wa, We wia, gai, Maranaga nora ta Judea! 30Naŋ neira me anus avunana, neira we taur o togo wa we vus naqatuna nia. 31Wa me poroporosag paso ineia, neira qara saru savrag o siopa ilone, wa me saru kel non o siopa, wa we lavia at si a woso teterpania.
32Naŋ alo we sere lue neira me ilo qalo isei ta Kurene nasasana i Simon; pa neira me ge vavakae munia si ni rig non o wolowolo. 33Naŋ neira me va niŋa o vatine o sasai Golgotha, wa si o tano qat tamate, 34we le munia o wine me kal tuwale mun o siu, si ni un, wa ni me nim ilo, pa gate maros we un. 35Naŋ neira me woso teterpania, wa me vile valval non o siopa, we map nor o vaglala apena; si o vavae mon i prophet ni tira ran apena, me vet ti wa, Neira me tirag nok o siopa, wa neira me map nor o vaglala ape nok o moe siopa. 36Wa neira we pute siwo aia we matagisgis goroa. 37Naŋ neira me map kalo sage avawo qatuna o vavae me tila ineia ti nia, me rave wa si, ILOKE I JESUS I MARANAGA NORA TA JUDEA.
38Wa o tanun vus palu nirua me woso teterpan tuwale amaia, tuwale ape matua wa o varuei ape galao. 39Wa ragai we sirsala aia we liŋasapuria, we gagamail naqatura, 40we vet wa, Gai, i sese wora ima we roŋo, wa i tape kel alo qoŋ nitol, ka vaesuko; si ko ta Natun God, ka siwo sur ma nan o wolowolo. 41Wa tamaine mulaŋ ira oloolo liwoa we porosagia, tara tamaragai ŋaŋ wa ira vatogo, we vet wa, 42Ni me vaesura we sea, pa ni tete vaesu kelua lai: si ni ta Maranaga nora Israel ni siwo sur ma ilokenake nan o wolowolo, wa nina qara nomtupua. 43Ni me sov apen God, pa ni ge esua ilokenake si qe marosia; ape ni me vet wa, Inau Natun God. 44Wa ira vus palu mulaŋ me woso teterpan tuwale ti amaia we vasvasir tamaine.
45Naŋ o siliga me gara goro o vanua nol alo masao qoŋ laveteai gai niŋa o lavevatiu. 46Wa ape masaoi lavevatiu i Jesus me log raka mun o liŋai we poa wa, Eli, Eli, lama sabakthani: wa si, God inau, God inau, ape sava ko me toavtag nau? 47Naŋ o tuaniu we tiratira aia me roŋotag, we vet wa, I gene iloke we log i Elia. 48Wa gaplot i tuwale nan neira me valago, me la o maŋmaŋ pul, me ge ura mun o vinegar, me sisgag ape au, me sigag kalo munia si ni un. 49Pa o tuaniu ti me vet wa, Nipea, nina ilo monina si i Elia te van ma si a vaesua. 50Wa i Jesus me log raka mulaŋ mun o liŋai we poa, qara ukeg naatana.
51Wa ilo, o siopa we ningoro o ima we roŋo me sare wora ma avunana me niŋa ape kerei; wa o rir me rir, wa o vat me maworawora. 52Wa o qaraŋ tamate ŋaŋ me waka kelkel, wa o tamate we qoqo, o tanun we roŋo nane me mate ti, me kekete raka kel. 53Wa me rowolue nan o qaraŋa alo ni me tavaraka veta, wa me van pata ilo laqlaqe vanua we roŋo, wa me rowolue mun ragai we qoqo. 54Naŋ i liwoa goro soldier melnol tara ragai amaia we matagisgis goro i Jesus, me ilo o rir wa o savasava me ge, we gogolo aneane, we vet wa, We nun gai, iloke Natun God. 55Pa o retavine we qoqo aia we iloilo aras; iragai ŋaŋ qa me tatataga i Jesus ma ti a Galilea we rowrowovag munia. 56Wa i Meri ta Magdala amaira, wa i Meri ravevenra James tana Joses, wa ravevenra nanatun Sebede.
57Wa me ravrav veta, wa o meresom o ta Arimathea, nasasana i Joseph, me van ma, ineia mulaŋ o tiŋqoro anan Jesus. 58Iloke me van sur i Pilat, me paere naturian Jesus. Wa i Pilat me vatraŋ si a la at naturiana. 59Naŋ Joseph me la naturiana, me lolos goro mun o siopa we wenewene, 60wa me map alo qaraŋina we garaqa me tit ti alo vat; wa ni me tiwila o vat liwoa goro o mate qaraŋa, ti vareag. 61Wa i Meri ta Magdala aia, wa i tuara Meri, we pute ape nago qaraŋ tamate.
62Naŋ a tavala maran, ape kule qoŋ gismamate, ira oloolo liwoa ŋaŋ tara Pharise ŋaŋ me vug tuwale amen Pilat, 63we vet wa, Wowut, kamam qale lolomaran apen i gale ilone, alo ni qale esu, si ni me vet wa, Me paso o qoŋ nitol na te tavaraka kel. 64O manigiu si ka vatraŋ si a ge taurmate goro o qaraŋ tamate, gai niŋa o qoŋ vatoliu; nan ira tiŋqoro anana wun wa van ma alo qoŋ, wa palua, wa qara vava mun o sul si, Ni me tavaraka nanra mate; wa o lerava a tagir te qara tatas nan o moai. 65Naŋ i Pilat me vet muneira wa, O vavtig ilogoro amen kamiu veta, tur vano tur ge taurmate goro tama kam we gilala momiu. 66Wa neira me va at, me ge taurmate goro o qaraŋ tamate, wa me tapu goro o vat, wa o vavtig ilogoro amaira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.