Luka 4
4
USetano akumugemya uYesu
(Matayo 4:1-11; Maluko 1:12-13)
1UYesu aahegile pa mukoga Yolodani ámemile uMubepo uMwimike, iisogodzwaga nave kuhelela ku lungʼalangʼala. 2Uko aagemywaga nu Setano ifigono makyumi gatayi (40). Ifigono fyonda ifyo, asaaliyaga kiinu, pa wusililo akwipulikaga indzala. 3Neke uSetano amulongelage uYesu atigilage, “Ngana uveeve uli Muswamuve va Nguluvi, ulilongele iliganga ili lihambuke mukaate.” 4UYesu akumuhigaga iitigilaga, “Mu Wusimbe uWiimike lúsimbiilwe ukutigila, ‘Ikyakuliya kyene kisikumuhulila umuunu avedze muumi.’#4:4 Ikyakuliya kyene kisikumuhulila umuunu avedze muumi UYesu iilonga ulo ukuhuma mu Lwiwuko 8:3, ukutigila, ‘Umuunu asiivedza muumi wugendela wa mukaate gwene, nda haamu nalila ilidzwi iliihuma mu mulomo gwa Mutwa.’ ”
5Kangi uSetano akumusindikaga uYesu ku kidunda ikitaali hiilo, umusika guugo akumuwoneesaga uwutwa wonda wa mwe naanyi. 6-7Neke atigilage, “Ngana ukuungondamila, ndikukupeela uwutawulilwe wa wutwa wonda uwu nu wumosi waakwe, pakuva uwutawulilwe wonda uwu wangu, na yuune ndikumupeela umuunu ye avedzaga mu mikeelelele gyangu.” 8UYesu akumuhigaga iitigilaga, “Lúsimbiilwe mu Wusimbe uWiimike ukutigila, ‘Umugondamilage uMutwa Nguluvi vaako, kangi umutovelage iligendwa yuuyo mwene swe.’#Lwiwuko 6:13 ”
9USetano kangi akumusindikaga uYesu ku Yelusalemu, akumuviikaga pa kinengʼenengʼe kya lukandzi lwa tembeli ulwaloleengʼanaga ni likwava litaali, akumulongelaga iitigilaga, “Ngana uveeve uli Muswamuve va Nguluvi, wiitoodze paanyi. 10Lúsimbiilwe mu Wusimbe uWiimike ukutigila,
‘UNguluvi akuvatuma avanyamwandza vaakwe wiimila waako, vakuloleele,
11vahadza vakukunyagidza na mawoko gaawo,
ukuta utane ukubumidza iligulu lyako pa liganga.’#Ndzimbililo 91:11-12 ”
12UYesu akumuhigaga iitigilaga, “Lúsimbiilwe mu Wusimbe uWiimike ukutigila, ‘Utane ukumugemya uMutwa Nguluvi vaako.’#Lwiwuko 6:16 ” 13USetano pe aamalile ukumugemya uYesu, akumulekaga musika.
UYesu iivanga amalimo gaakwe ku Galilaya
(Matayo 4:12-17; Maluko 1:14-15)
14Neke uYesu apilukage ku Galilaya, ali ni ngufu dza Mubepo uMwimike. Imola dzaakwe dziitagalilaga mu mugoola gonda. 15UYesu aawulanidzaga avaanu mu nyolanilo#4:15 Nyolanilo Lole Uluholanilo ku Figanulo. dzaawo, na vonda avamupulikidzaga vamupeelaga indolo.
UYesu iikaanwa ukwawo ku Nasaleti
(Matayo 13:53-58; Maluko 6:1-6)
16UYesu iifikaga ku Nasaleti, ku wudzenge we aakuliye. Ikigono ikya Sabato#4:16 Ikigono ikya Sabato Lole ku Figanulo. iikwingilaga mu luholanilo ngita kye aadzooviye. Iikwimaga, ukuta iimbe uWusimbe uWiimike. 17Vakumupeelaga ihaate ya muvidzi uIsaya, neke umwene avalaalulage pa wusimbe uwiitigila,
18“UMubepo va Mutwa Nguluvi ali naane,
pakuva uNguluvi áanyaaguwe ukuvalongela avahangala iMola iNofu.
Áanumile ukuvalongela avali mu ndinde,
iMola iNofu ya kwawulwa kwawo,
navo avabofu iMola iNofu ya kulola kangi.
Áanumile ukuvakombodza avo ávahakiliidzwe,
19nu kudalika umusika gwa Mutwa Nguluvi gwe iikwadzila ukuvapoka avaanu vaakwe.”#Isaya 61:1-2
20Pe aamalile ukwimba, iidindaga ihaate iyo, akumupilusilaga umwimiilidzi va luholanilo, akwikalaga iivangaga ukuvawulanidza. Avaanu vonda avaali mu luholanilo ulo vakumungʼanukilaga amiiho. 21Neke avangage ukuvalongela atigilage, “UWusimbe we múpuliike ndiikwimba, ineengʼuli wúkwiliye.” 22Vonda vakumulumbaga, viidzumaga amadzwi manofu ge álongile, viitigilaga, “Uyu siye muswamuve va Yosefu?”
23Neke uYesu avalongelage atigilage, “Ndiidzeela, muhadza mukuundongela uluselengo ulu ulwitigila, ‘Uveeve muyavi-migoda, wiinaniye wimwene!’ Amalimo ge túpuliike úlimile ku wudzenge wa Kapelenahumu, lino ulime na baaha pa wudzenge waako yuuve.” 24Kangi iilongaga ukutigila, “Ndakyene ndikuvalongela ndiitigila, sikwali umuvidzi ye iikwidikwa mu wudzenge waakwe. 25Ifigono fya muvidzi uEliya, indoonya siyaatoonyile imyaka gidatu ni myedzi mutanda (6), indzala ngomi yiiguwaga mu nyi yonda iya Isilaheli.#1 Vatwa 17:1 Ndakyene ndikuvalongela ndiitigila, umusika ugo kwali koovali avafwile voloofu mu nyi iyo. 26Kangi uEliya asaatumiilwe kwa yumwinga mu vafwile va mu nyi ya Vaisilaheli avo, aatumiilwe kwa mufwile va ku nyi ya Sidoni ku wudzenge wa Saleputa.#1 Vatwa 17:7-24 27Kangi ifigono fya muvidzi uElisa, kwali koovali avaanu voloofu avanya kinyamuvili mu nyi ya Isilaheli. Kangi asaali kwali nambe yumwinga ye aavaliidzwe, yumwene uNaamani ye aahumile ku nyi ya Silya.”#2 Vatwa 5:1-14 28Neke avaanu vonda avaali mu luholanilo, pe vaapuliike amadzwi ago, vaviipage mbandu. 29Baaho viikwimaga, vakumuhumyaga uYesu mu wudzenge waawo uwaali pakyanya pa kidunda. Neke vamusindikage ku ligeema, ukuta vamusuungʼilidze uko. 30Kangi umwene iihelanidzaga pagatinagati apaawo, iihegaga.
UYesu iilosa umubepo umuviifu
(Maluko 1:21-28)
31Neke uYesu ahelelage ku wudzenge wa Kapelenahumu, uwaali mu mugoola gwa Galilaya. Ikigono ikya Sabato, iikwingilaga mu luholanilo, iivangaga ukuwulanidza avaanu. 32Avaanu viidzumaga mbandu imbulanidzo dzaakwe, pakuva dzaali nu wutawulilwe. 33Na mu luholanilo ulo, aali mwali umwadaada umunya mubepo umuviifu. Umuunu uyo iiyovaga mbandu, iitigilaga, 34“Uveeve yuuve Yesu umuhuma ku Nasaleti, wiisaka kiki ukwesu? Wáadzile mu kututipula? Ndiidzeela ukutigila, uveeve uli Mwimike va Nguluvi.” 35UYesu akugukenyelaga umubepo umuviifu ugo iitigilaga, “Dzike! Hume mwa muunu uyu!” Neke umubepo umuviifu ugo gumugwisage pagatinagati apaawo, gumuhegage kitamulemadza. 36Avaanu vonda viidzumaga mbandu, viilonganaga veene viitigilaga, “Idzi dza kudzumwa mbandu! Umuunu uyu iilosa imibepo imiviifu mu ngufu nu wutawulilwe waakwe, kangi nagyo giihuma!” 37Imola dza Yesu dziitagalilaga mu nyi yonda iyo.
UYesu akuvananiya avatamwa voloofu
(Matayo 8:14-17; Maluko 1:29-39)
38UYesu iihumaga mu luholanilo ulo, iihelelaga ku nyumba ya muunu yumwinga ye aatambulwaga Simoni.#4:38 Simoni UYesu amupeeliye ilitaawa ilingi ukutigila Petulo, Luka 6:14. Pe aafikile, akumuwonaga umwayuuva umukwive va Simoni, íibiitwe mbandu ni mungo ya lihilidzi, iinyilikwaga amunaniye. 39UYesu iikwimaga biihi nu mutamwa, iikenyelaga imungo iyo, umusika guugo umutamwa iinanaga, iikwimaga, iivangaga ukumuwombela.
40Pa kyamihe ilidzuwa pe lísotile, ni Sabato pe yíhelaniidze,#4:40 Sabato pe yíhelaniidze AVayahudi vaalagiidzwe vatanage ukulima amalimo ga kunyamula ifitegulo, enewuli ukuhelela mu lugendo mu kigono ikya Sabato, Yelemya 17:21-22. avaanu vonda avaali na vatamwa avanya fitamwa ifili poloofu, vakumuleetelaga uYesu avatamwa vaawo. Umwene pe akuvaviikila amawoko yumwinga yumwinga, akuvananiyaga. 41Kangi aalosaga imibepo imiviifu, neke gihumage mu vaanu voloofu, kuno giiyova giitigila, “Uveeve uli Muswamuve va Nguluvi!” UYesu agikenyelaga nu kugilongela ukutigila gitane ukulonga nambe lidzwi, pakuva gyamudzeeliye ukutigila ye Mesiya.
UYesu iidalika mu Galilaya
(Maluko 1:35-39)
42Pamilaawo pe kwikiya, uYesu iihegaga, iihelelaga apoono apangaya vaanu. Ililugu likomi lya vaanu liivangaga ukumutemula, liifikaga apo pe agenda. Pe lyamuweene, liivangaga ukumudindanidza, ukuta atane ukuhega ukwawo. 43Neke umwene avalongelage atigilage, “Uneene ndili munya kudalika iMola iNofu ya wutwa wa Nguluvi#4:43 Wutwa wa Nguluvi Lole Uwutwa wa Nguluvi ku Figanulo. na ku ndzenge idzingi, pakuva ulo lwe lwene lwe ndaatumiilwe ukululima.” 44Neke uYesu ahelelage mu ndzenge idzingi dza Yudeya,#4:44 Yudeya Uwusimbe uwungi uwa kataali wiitigila Galilaya. kuno iidalika mu nyolanilo dzaawo.
Currently Selected:
Luka 4: BEZ
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Luka 4
4
USetano akumugemya uYesu
(Matayo 4:1-11; Maluko 1:12-13)
1UYesu aahegile pa mukoga Yolodani ámemile uMubepo uMwimike, iisogodzwaga nave kuhelela ku lungʼalangʼala. 2Uko aagemywaga nu Setano ifigono makyumi gatayi (40). Ifigono fyonda ifyo, asaaliyaga kiinu, pa wusililo akwipulikaga indzala. 3Neke uSetano amulongelage uYesu atigilage, “Ngana uveeve uli Muswamuve va Nguluvi, ulilongele iliganga ili lihambuke mukaate.” 4UYesu akumuhigaga iitigilaga, “Mu Wusimbe uWiimike lúsimbiilwe ukutigila, ‘Ikyakuliya kyene kisikumuhulila umuunu avedze muumi.’#4:4 Ikyakuliya kyene kisikumuhulila umuunu avedze muumi UYesu iilonga ulo ukuhuma mu Lwiwuko 8:3, ukutigila, ‘Umuunu asiivedza muumi wugendela wa mukaate gwene, nda haamu nalila ilidzwi iliihuma mu mulomo gwa Mutwa.’ ”
5Kangi uSetano akumusindikaga uYesu ku kidunda ikitaali hiilo, umusika guugo akumuwoneesaga uwutwa wonda wa mwe naanyi. 6-7Neke atigilage, “Ngana ukuungondamila, ndikukupeela uwutawulilwe wa wutwa wonda uwu nu wumosi waakwe, pakuva uwutawulilwe wonda uwu wangu, na yuune ndikumupeela umuunu ye avedzaga mu mikeelelele gyangu.” 8UYesu akumuhigaga iitigilaga, “Lúsimbiilwe mu Wusimbe uWiimike ukutigila, ‘Umugondamilage uMutwa Nguluvi vaako, kangi umutovelage iligendwa yuuyo mwene swe.’#Lwiwuko 6:13 ”
9USetano kangi akumusindikaga uYesu ku Yelusalemu, akumuviikaga pa kinengʼenengʼe kya lukandzi lwa tembeli ulwaloleengʼanaga ni likwava litaali, akumulongelaga iitigilaga, “Ngana uveeve uli Muswamuve va Nguluvi, wiitoodze paanyi. 10Lúsimbiilwe mu Wusimbe uWiimike ukutigila,
‘UNguluvi akuvatuma avanyamwandza vaakwe wiimila waako, vakuloleele,
11vahadza vakukunyagidza na mawoko gaawo,
ukuta utane ukubumidza iligulu lyako pa liganga.’#Ndzimbililo 91:11-12 ”
12UYesu akumuhigaga iitigilaga, “Lúsimbiilwe mu Wusimbe uWiimike ukutigila, ‘Utane ukumugemya uMutwa Nguluvi vaako.’#Lwiwuko 6:16 ” 13USetano pe aamalile ukumugemya uYesu, akumulekaga musika.
UYesu iivanga amalimo gaakwe ku Galilaya
(Matayo 4:12-17; Maluko 1:14-15)
14Neke uYesu apilukage ku Galilaya, ali ni ngufu dza Mubepo uMwimike. Imola dzaakwe dziitagalilaga mu mugoola gonda. 15UYesu aawulanidzaga avaanu mu nyolanilo#4:15 Nyolanilo Lole Uluholanilo ku Figanulo. dzaawo, na vonda avamupulikidzaga vamupeelaga indolo.
UYesu iikaanwa ukwawo ku Nasaleti
(Matayo 13:53-58; Maluko 6:1-6)
16UYesu iifikaga ku Nasaleti, ku wudzenge we aakuliye. Ikigono ikya Sabato#4:16 Ikigono ikya Sabato Lole ku Figanulo. iikwingilaga mu luholanilo ngita kye aadzooviye. Iikwimaga, ukuta iimbe uWusimbe uWiimike. 17Vakumupeelaga ihaate ya muvidzi uIsaya, neke umwene avalaalulage pa wusimbe uwiitigila,
18“UMubepo va Mutwa Nguluvi ali naane,
pakuva uNguluvi áanyaaguwe ukuvalongela avahangala iMola iNofu.
Áanumile ukuvalongela avali mu ndinde,
iMola iNofu ya kwawulwa kwawo,
navo avabofu iMola iNofu ya kulola kangi.
Áanumile ukuvakombodza avo ávahakiliidzwe,
19nu kudalika umusika gwa Mutwa Nguluvi gwe iikwadzila ukuvapoka avaanu vaakwe.”#Isaya 61:1-2
20Pe aamalile ukwimba, iidindaga ihaate iyo, akumupilusilaga umwimiilidzi va luholanilo, akwikalaga iivangaga ukuvawulanidza. Avaanu vonda avaali mu luholanilo ulo vakumungʼanukilaga amiiho. 21Neke avangage ukuvalongela atigilage, “UWusimbe we múpuliike ndiikwimba, ineengʼuli wúkwiliye.” 22Vonda vakumulumbaga, viidzumaga amadzwi manofu ge álongile, viitigilaga, “Uyu siye muswamuve va Yosefu?”
23Neke uYesu avalongelage atigilage, “Ndiidzeela, muhadza mukuundongela uluselengo ulu ulwitigila, ‘Uveeve muyavi-migoda, wiinaniye wimwene!’ Amalimo ge túpuliike úlimile ku wudzenge wa Kapelenahumu, lino ulime na baaha pa wudzenge waako yuuve.” 24Kangi iilongaga ukutigila, “Ndakyene ndikuvalongela ndiitigila, sikwali umuvidzi ye iikwidikwa mu wudzenge waakwe. 25Ifigono fya muvidzi uEliya, indoonya siyaatoonyile imyaka gidatu ni myedzi mutanda (6), indzala ngomi yiiguwaga mu nyi yonda iya Isilaheli.#1 Vatwa 17:1 Ndakyene ndikuvalongela ndiitigila, umusika ugo kwali koovali avafwile voloofu mu nyi iyo. 26Kangi uEliya asaatumiilwe kwa yumwinga mu vafwile va mu nyi ya Vaisilaheli avo, aatumiilwe kwa mufwile va ku nyi ya Sidoni ku wudzenge wa Saleputa.#1 Vatwa 17:7-24 27Kangi ifigono fya muvidzi uElisa, kwali koovali avaanu voloofu avanya kinyamuvili mu nyi ya Isilaheli. Kangi asaali kwali nambe yumwinga ye aavaliidzwe, yumwene uNaamani ye aahumile ku nyi ya Silya.”#2 Vatwa 5:1-14 28Neke avaanu vonda avaali mu luholanilo, pe vaapuliike amadzwi ago, vaviipage mbandu. 29Baaho viikwimaga, vakumuhumyaga uYesu mu wudzenge waawo uwaali pakyanya pa kidunda. Neke vamusindikage ku ligeema, ukuta vamusuungʼilidze uko. 30Kangi umwene iihelanidzaga pagatinagati apaawo, iihegaga.
UYesu iilosa umubepo umuviifu
(Maluko 1:21-28)
31Neke uYesu ahelelage ku wudzenge wa Kapelenahumu, uwaali mu mugoola gwa Galilaya. Ikigono ikya Sabato, iikwingilaga mu luholanilo, iivangaga ukuwulanidza avaanu. 32Avaanu viidzumaga mbandu imbulanidzo dzaakwe, pakuva dzaali nu wutawulilwe. 33Na mu luholanilo ulo, aali mwali umwadaada umunya mubepo umuviifu. Umuunu uyo iiyovaga mbandu, iitigilaga, 34“Uveeve yuuve Yesu umuhuma ku Nasaleti, wiisaka kiki ukwesu? Wáadzile mu kututipula? Ndiidzeela ukutigila, uveeve uli Mwimike va Nguluvi.” 35UYesu akugukenyelaga umubepo umuviifu ugo iitigilaga, “Dzike! Hume mwa muunu uyu!” Neke umubepo umuviifu ugo gumugwisage pagatinagati apaawo, gumuhegage kitamulemadza. 36Avaanu vonda viidzumaga mbandu, viilonganaga veene viitigilaga, “Idzi dza kudzumwa mbandu! Umuunu uyu iilosa imibepo imiviifu mu ngufu nu wutawulilwe waakwe, kangi nagyo giihuma!” 37Imola dza Yesu dziitagalilaga mu nyi yonda iyo.
UYesu akuvananiya avatamwa voloofu
(Matayo 8:14-17; Maluko 1:29-39)
38UYesu iihumaga mu luholanilo ulo, iihelelaga ku nyumba ya muunu yumwinga ye aatambulwaga Simoni.#4:38 Simoni UYesu amupeeliye ilitaawa ilingi ukutigila Petulo, Luka 6:14. Pe aafikile, akumuwonaga umwayuuva umukwive va Simoni, íibiitwe mbandu ni mungo ya lihilidzi, iinyilikwaga amunaniye. 39UYesu iikwimaga biihi nu mutamwa, iikenyelaga imungo iyo, umusika guugo umutamwa iinanaga, iikwimaga, iivangaga ukumuwombela.
40Pa kyamihe ilidzuwa pe lísotile, ni Sabato pe yíhelaniidze,#4:40 Sabato pe yíhelaniidze AVayahudi vaalagiidzwe vatanage ukulima amalimo ga kunyamula ifitegulo, enewuli ukuhelela mu lugendo mu kigono ikya Sabato, Yelemya 17:21-22. avaanu vonda avaali na vatamwa avanya fitamwa ifili poloofu, vakumuleetelaga uYesu avatamwa vaawo. Umwene pe akuvaviikila amawoko yumwinga yumwinga, akuvananiyaga. 41Kangi aalosaga imibepo imiviifu, neke gihumage mu vaanu voloofu, kuno giiyova giitigila, “Uveeve uli Muswamuve va Nguluvi!” UYesu agikenyelaga nu kugilongela ukutigila gitane ukulonga nambe lidzwi, pakuva gyamudzeeliye ukutigila ye Mesiya.
UYesu iidalika mu Galilaya
(Maluko 1:35-39)
42Pamilaawo pe kwikiya, uYesu iihegaga, iihelelaga apoono apangaya vaanu. Ililugu likomi lya vaanu liivangaga ukumutemula, liifikaga apo pe agenda. Pe lyamuweene, liivangaga ukumudindanidza, ukuta atane ukuhega ukwawo. 43Neke umwene avalongelage atigilage, “Uneene ndili munya kudalika iMola iNofu ya wutwa wa Nguluvi#4:43 Wutwa wa Nguluvi Lole Uwutwa wa Nguluvi ku Figanulo. na ku ndzenge idzingi, pakuva ulo lwe lwene lwe ndaatumiilwe ukululima.” 44Neke uYesu ahelelage mu ndzenge idzingi dza Yudeya,#4:44 Yudeya Uwusimbe uwungi uwa kataali wiitigila Galilaya. kuno iidalika mu nyolanilo dzaawo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.