Matayo 9
9
UYesu akumunaniya umuunu umunya liteela
(Maluko 2:1-12; Luka 5:17-26)
1UYesu iingiye mu waato, iilowokaga inyandza ya Galilaya, iipilukaga ku wudzenge waakwe wa Kapelenahumu. 2Neke avamwadaada vamuleetelage uYesu umwadaada umunya liteela, ágonile mu lupaasa. UYesu pe aluweene ulufuuwo lwawo lukomi lwe vaali nalo, akumulongelaga umuunu uyo iitigilaga, “Mwana vangu, wiikangadze inumbula! Úwodziidzwe indzanangifu dzaako.”
3Avangi mu vawulanidzi va milagililwe avaali apo, viihoodzaga mu numbula dzaawo viitigilaga, “Umuunu uyu akumulonga fivi uNguluvi!” 4Neke kangi uYesu adzidzeelage dzonda dze vaahoodzaga, avawuudzage atigilage, “Kye kiki mwihoodza imbiifu mu numbula dzeenyo? 5Luli kwi ulupeefu, ukumulongela umunya liteela ukutigila, ‘Úwodziidzwe indzanangifu dzaako,’ enewuli, ‘Wiime, ugendage’? 6Neke kangi muludzeelage ukutigila, uMuswamuve va Muunu ali nu wutawulilwe wa kuwodza indzanangifu mu nyi umu.” Neke amulongelage umunya liteela atigilage, “Wiime! Tegule ulupaasa lwako, uhelelage ku kaaya yaako.” 7Umuunu uyo iikwimaga, iihelelaga ku kaaya yaakwe. 8Avaanu pe vadziweene idzo, viikoogopaga hiilo. Vakumupeelaga indolo uNguluvi, ye avapeeliye avaanu uwutawulilwe ngita uwo wa kuwodzehedza indzanangifu.
UYesu akumukemeela uMatayo
(Maluko 2:13-17; Luka 5:27-32)
9UYesu iihegaga apo. Pe iihelela, akumuwonaga umuhaki-pembe yumwinga ye aatambulwaga Matayo, íikalile pe aalundahidzaga ipembe. Neke uYesu amulongelage atigilage, “Uuniniilage.” Baaho na baaho, uMatayo iikwimaga, akumuniniilaga.
10Pambele uYesu aaheliye kuliya ku nyumba ya Matayo. Umusika ugo, viikwadzaga avahaki-pembe voloofu na vanya ndzanangifu, vakwikalaga mu kuliilasa nave na vanyigendwa vaakwe. 11AVafwalisayo pe valuweene ulo, vakuvalongelaga avanyigendwa vaakwe viitigilaga, “Kye kiki umuwulanidzi veenyo iiliilasa na vahaki-pembe na vanya ndzanangifu?” 12UYesu pe aapuliike idzo, akuvalongelaga iitigilaga, “Avasiivawa umuvili vasiisakula ukuhelela kwa muyavi-migoda, nda haamu, va vatamwa swe! 13Lino muhelele mukiiwulanidze ikiganulo kya madzwi aga ukutigila, ‘Ndiisaka ulupyana, si kutawula uwusembe.’#Hoseya 6:6 Pakuva sindaadzile mu kuvakemeela avakwiwona vagolofu, nda haamu, avo avakwiwona vanya ndzanangifu, ukuta vamupitukile uNguluvi.”
UYesu iiwulanidza ingʼaasi imiya
(Maluko 2:18-22; Luka 5:33-39)
14Neke avanyigendwa va Yohana uMudzabisi vahelelage kwa Yesu, vamuwuudzage vatigilage, “Uneefwe na Vafwalisayo tukwiviikila ngʼaani.#Matayo 6:16 Kye kiki avanyigendwa vaako vasikwiviikila ngʼaani?” 15UYesu akuvahigaga iitigilaga, “Avaanu ávalaaliikwe ku noolane, viihugumilila kiki pe vali pamwinga nu mutoodzi?#9:15 Mutoodzi UYesu akwisoonela yumwene. Neke kangi gulaadza umusika gwe alaahedzwa umutoodzi, apo pe peene pe valiiviikila ngʼaani. 16Sikwali umuunu ngana ali nu mwenda umulovela úgudeemwike, ye iipabika ikipabiko ikipiya mu mwenda ugo. Ngana alime ewo, ikipabiko ikyo kihadza kiideemula umwenda ugo, nago guhadza gwideemuka hiilo ukulutila pa kutala. 17Kangi sikoovali avaanu aviisopa idifwayi#9:17 Idifwayi Lole ku Figanulo. imiya mu bogolo idza ngwembe indovela. Ngana vasope, ibogolo dziipwefuka, idifwayi yiikwitika, ibogolo nadzo dziikwanangika. Nda haamu, avaanu vaavisopa idifwayi imiya mu bogolo imiya. Apo fyonda fivili, ibogolo ni difwayi fiinana!”#9:16-17 Kwe kutigila, umuunu ye akumuniniila uNguluvi, kuno iikolaatidza imivedzehedze gya kataali, iiyaga mbandu.
UYesu akumunaniya umwayuuva nu kumudzulubusa umuhindza
(Maluko 5:21-43; Luka 8:40-56)
18UYesu aaviye apilonga na vaanu avo, iikwadzaga umundzaagila yumwinga, iifugamaga pawutalo apaakwe, akumulongelaga iitigilaga, “Umwali-vangu áfuwe liilino. Siiwo tuheleengʼase ukamuviikile iliwoko lyako, nave iivedza muumi kangi.” 19Neke uYesu ahegage pamwinga na vanyigendwa vaakwe, amuniniilage umundzaagila uyo.
20Umusika guugo, umwayuuva yumwinga ye aavawaga uwutamwa wa kuhuma idanda#9:20 Uwutamwa wa kuhuma idanda Umwayuuva umunya wutamwa uwo aavedzaga lupumba, asaavagilaga ukupamya nambe kuhangana na vangi, Valevi 15:25-33. mu myaka ginyikyumi ni givili (12), iihelelaga kumbele kwa Yesu, iipamyaga umudzivo gwa mwenda gwakwe. 21Aahoodziidze mu numbula yaakwe ukutigila, “Ngana ndikapamye umwenda gwakwe, apo ndiipona.” 22Pe amupamiidze, uYesu iiseedukaga, akumuwonaga, akumulongelaga iitigilaga, “Mwali vanguave, wiikangadze inumbula! Ulufuuwo lwako lúkunaniidze!” Umusika guugo, umwayuuva uyo iiponaga.
23UYesu pe aafikile ku kaaya ya mundzaagila uyo, iikwingilaga, akuvawonaga avaanu voloofu, válundiine pa kivembo, viihugumilila mbandu, avangi viitova ifihaadzi.#9:23 Viitova ifihaadzi AVayahudi vaali ni mivedzehedze gya kutova ifihaadzi pa kivembo ukuwoneesa uluhugumo. 24UYesu akuvalongelaga iitigilaga, “Muhege apa! Umuhindza uyu asinaa afuwa, nda haamu, ágoneeliye hela!” Neke kangi avaanu avo vamuhekage uYesu. 25Neke avahumyage kwivala, iingilage kugati kwe aali umuhindza, amwibatage iliwoko, nave iikwimaga. 26Imola idzo dziitagalilaga mu nyi yonda.
UYesu iinaniya avabofu vavili
27UYesu iihegaga pa kaaya ya mundzaagila uyo, avabofu vavili vakumuniniilaga kuno viikemeela viitigila, “Muswamuve va Dawudaave,#9:27 Muswamuve va Dawudaave Lole UMuswamuve va Dawudi ku Figanulo. utupyanile!” 28UYesu iikwingilaga mugati, avabofu avo vakumuhelelelaga. Neke avawuudzage atigilage, “Mwifuuwa ukutigila ndili ni ngufu ya kunaniya?” Viihigaga viitigilaga, “Eena Mutwave! Twifuuwa!” 29Neke apamyage amiiho gaawo, avalongelage atigilage, “Lulimikage ukwenyo ngita ulufuuwo lwenyo kye lugenda.” 30Baaho na baaho, amiiho gaawo giidindukaga, viilolaga. UYesu iitigilaga, “Pogola, mutane ukumulongela umuunu ye avedzaga imola idzi!” 31Neke kangi vahegage, vahelelage viitagalidza imola dzaakwe mu nyi yonda.
UYesu akumunaniya umukitalonga
32Avaanu avo pe viihega apoono apo, avangi vakumuleetelaga uYesu umwadaada yumwinga ye iibiitwe nu mubepo muviifu, ugwamuhuliye uwukitalonga. 33UYesu iilosaga umubepo umuviifu ugo, baaho umuunu uyo iivangaga ukulonga kangi. Ililugu ilyali apo, liidzumaga mbandu liitigilaga, “Idzo dzisinaa dziwonekaga nambe kigono kimwinga mu nyi iya Isilaheli!” 34Neke kangi aVafwalisayo vatigilage, “Umuunu uyo iilosa imibepo imiviifu mu ngufu dza muvina va mibepo imiviifu!”#9:34 Muvina va mibepo imiviifu Kwe kutigila uSetano.
Avanya kubena vakeefu
35UYesu aahelanidzaga mu ndzenge ni mbala dzonda. Avawulanidzaga avaanu mu nyolanilo nu kudalika iMola iNofu dza wutwa wa kukyanya. Kangi aananiyaga uwulemwa ni fitamwa fyawo fyonda. 36Pe aliweene ililugu lya vaanu, lukumugwilaga ulusungu, pakuva vaayugaga hela, vasaali nu munya kuvatanga ngita ngʼolo idzingaya mudiimi. 37Neke avalongelage avanyigendwa vaakwe atigilage, “Imbene yítanile, neke kangi avanya kubena vakeefu. 38Lino mumunyilike uMutwa Nguluvi umunya mbene, avatume avanya kubena avangi mu mugunda gwakwe.”
Currently Selected:
Matayo 9: BEZ
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Matayo 9
9
UYesu akumunaniya umuunu umunya liteela
(Maluko 2:1-12; Luka 5:17-26)
1UYesu iingiye mu waato, iilowokaga inyandza ya Galilaya, iipilukaga ku wudzenge waakwe wa Kapelenahumu. 2Neke avamwadaada vamuleetelage uYesu umwadaada umunya liteela, ágonile mu lupaasa. UYesu pe aluweene ulufuuwo lwawo lukomi lwe vaali nalo, akumulongelaga umuunu uyo iitigilaga, “Mwana vangu, wiikangadze inumbula! Úwodziidzwe indzanangifu dzaako.”
3Avangi mu vawulanidzi va milagililwe avaali apo, viihoodzaga mu numbula dzaawo viitigilaga, “Umuunu uyu akumulonga fivi uNguluvi!” 4Neke kangi uYesu adzidzeelage dzonda dze vaahoodzaga, avawuudzage atigilage, “Kye kiki mwihoodza imbiifu mu numbula dzeenyo? 5Luli kwi ulupeefu, ukumulongela umunya liteela ukutigila, ‘Úwodziidzwe indzanangifu dzaako,’ enewuli, ‘Wiime, ugendage’? 6Neke kangi muludzeelage ukutigila, uMuswamuve va Muunu ali nu wutawulilwe wa kuwodza indzanangifu mu nyi umu.” Neke amulongelage umunya liteela atigilage, “Wiime! Tegule ulupaasa lwako, uhelelage ku kaaya yaako.” 7Umuunu uyo iikwimaga, iihelelaga ku kaaya yaakwe. 8Avaanu pe vadziweene idzo, viikoogopaga hiilo. Vakumupeelaga indolo uNguluvi, ye avapeeliye avaanu uwutawulilwe ngita uwo wa kuwodzehedza indzanangifu.
UYesu akumukemeela uMatayo
(Maluko 2:13-17; Luka 5:27-32)
9UYesu iihegaga apo. Pe iihelela, akumuwonaga umuhaki-pembe yumwinga ye aatambulwaga Matayo, íikalile pe aalundahidzaga ipembe. Neke uYesu amulongelage atigilage, “Uuniniilage.” Baaho na baaho, uMatayo iikwimaga, akumuniniilaga.
10Pambele uYesu aaheliye kuliya ku nyumba ya Matayo. Umusika ugo, viikwadzaga avahaki-pembe voloofu na vanya ndzanangifu, vakwikalaga mu kuliilasa nave na vanyigendwa vaakwe. 11AVafwalisayo pe valuweene ulo, vakuvalongelaga avanyigendwa vaakwe viitigilaga, “Kye kiki umuwulanidzi veenyo iiliilasa na vahaki-pembe na vanya ndzanangifu?” 12UYesu pe aapuliike idzo, akuvalongelaga iitigilaga, “Avasiivawa umuvili vasiisakula ukuhelela kwa muyavi-migoda, nda haamu, va vatamwa swe! 13Lino muhelele mukiiwulanidze ikiganulo kya madzwi aga ukutigila, ‘Ndiisaka ulupyana, si kutawula uwusembe.’#Hoseya 6:6 Pakuva sindaadzile mu kuvakemeela avakwiwona vagolofu, nda haamu, avo avakwiwona vanya ndzanangifu, ukuta vamupitukile uNguluvi.”
UYesu iiwulanidza ingʼaasi imiya
(Maluko 2:18-22; Luka 5:33-39)
14Neke avanyigendwa va Yohana uMudzabisi vahelelage kwa Yesu, vamuwuudzage vatigilage, “Uneefwe na Vafwalisayo tukwiviikila ngʼaani.#Matayo 6:16 Kye kiki avanyigendwa vaako vasikwiviikila ngʼaani?” 15UYesu akuvahigaga iitigilaga, “Avaanu ávalaaliikwe ku noolane, viihugumilila kiki pe vali pamwinga nu mutoodzi?#9:15 Mutoodzi UYesu akwisoonela yumwene. Neke kangi gulaadza umusika gwe alaahedzwa umutoodzi, apo pe peene pe valiiviikila ngʼaani. 16Sikwali umuunu ngana ali nu mwenda umulovela úgudeemwike, ye iipabika ikipabiko ikipiya mu mwenda ugo. Ngana alime ewo, ikipabiko ikyo kihadza kiideemula umwenda ugo, nago guhadza gwideemuka hiilo ukulutila pa kutala. 17Kangi sikoovali avaanu aviisopa idifwayi#9:17 Idifwayi Lole ku Figanulo. imiya mu bogolo idza ngwembe indovela. Ngana vasope, ibogolo dziipwefuka, idifwayi yiikwitika, ibogolo nadzo dziikwanangika. Nda haamu, avaanu vaavisopa idifwayi imiya mu bogolo imiya. Apo fyonda fivili, ibogolo ni difwayi fiinana!”#9:16-17 Kwe kutigila, umuunu ye akumuniniila uNguluvi, kuno iikolaatidza imivedzehedze gya kataali, iiyaga mbandu.
UYesu akumunaniya umwayuuva nu kumudzulubusa umuhindza
(Maluko 5:21-43; Luka 8:40-56)
18UYesu aaviye apilonga na vaanu avo, iikwadzaga umundzaagila yumwinga, iifugamaga pawutalo apaakwe, akumulongelaga iitigilaga, “Umwali-vangu áfuwe liilino. Siiwo tuheleengʼase ukamuviikile iliwoko lyako, nave iivedza muumi kangi.” 19Neke uYesu ahegage pamwinga na vanyigendwa vaakwe, amuniniilage umundzaagila uyo.
20Umusika guugo, umwayuuva yumwinga ye aavawaga uwutamwa wa kuhuma idanda#9:20 Uwutamwa wa kuhuma idanda Umwayuuva umunya wutamwa uwo aavedzaga lupumba, asaavagilaga ukupamya nambe kuhangana na vangi, Valevi 15:25-33. mu myaka ginyikyumi ni givili (12), iihelelaga kumbele kwa Yesu, iipamyaga umudzivo gwa mwenda gwakwe. 21Aahoodziidze mu numbula yaakwe ukutigila, “Ngana ndikapamye umwenda gwakwe, apo ndiipona.” 22Pe amupamiidze, uYesu iiseedukaga, akumuwonaga, akumulongelaga iitigilaga, “Mwali vanguave, wiikangadze inumbula! Ulufuuwo lwako lúkunaniidze!” Umusika guugo, umwayuuva uyo iiponaga.
23UYesu pe aafikile ku kaaya ya mundzaagila uyo, iikwingilaga, akuvawonaga avaanu voloofu, válundiine pa kivembo, viihugumilila mbandu, avangi viitova ifihaadzi.#9:23 Viitova ifihaadzi AVayahudi vaali ni mivedzehedze gya kutova ifihaadzi pa kivembo ukuwoneesa uluhugumo. 24UYesu akuvalongelaga iitigilaga, “Muhege apa! Umuhindza uyu asinaa afuwa, nda haamu, ágoneeliye hela!” Neke kangi avaanu avo vamuhekage uYesu. 25Neke avahumyage kwivala, iingilage kugati kwe aali umuhindza, amwibatage iliwoko, nave iikwimaga. 26Imola idzo dziitagalilaga mu nyi yonda.
UYesu iinaniya avabofu vavili
27UYesu iihegaga pa kaaya ya mundzaagila uyo, avabofu vavili vakumuniniilaga kuno viikemeela viitigila, “Muswamuve va Dawudaave,#9:27 Muswamuve va Dawudaave Lole UMuswamuve va Dawudi ku Figanulo. utupyanile!” 28UYesu iikwingilaga mugati, avabofu avo vakumuhelelelaga. Neke avawuudzage atigilage, “Mwifuuwa ukutigila ndili ni ngufu ya kunaniya?” Viihigaga viitigilaga, “Eena Mutwave! Twifuuwa!” 29Neke apamyage amiiho gaawo, avalongelage atigilage, “Lulimikage ukwenyo ngita ulufuuwo lwenyo kye lugenda.” 30Baaho na baaho, amiiho gaawo giidindukaga, viilolaga. UYesu iitigilaga, “Pogola, mutane ukumulongela umuunu ye avedzaga imola idzi!” 31Neke kangi vahegage, vahelelage viitagalidza imola dzaakwe mu nyi yonda.
UYesu akumunaniya umukitalonga
32Avaanu avo pe viihega apoono apo, avangi vakumuleetelaga uYesu umwadaada yumwinga ye iibiitwe nu mubepo muviifu, ugwamuhuliye uwukitalonga. 33UYesu iilosaga umubepo umuviifu ugo, baaho umuunu uyo iivangaga ukulonga kangi. Ililugu ilyali apo, liidzumaga mbandu liitigilaga, “Idzo dzisinaa dziwonekaga nambe kigono kimwinga mu nyi iya Isilaheli!” 34Neke kangi aVafwalisayo vatigilage, “Umuunu uyo iilosa imibepo imiviifu mu ngufu dza muvina va mibepo imiviifu!”#9:34 Muvina va mibepo imiviifu Kwe kutigila uSetano.
Avanya kubena vakeefu
35UYesu aahelanidzaga mu ndzenge ni mbala dzonda. Avawulanidzaga avaanu mu nyolanilo nu kudalika iMola iNofu dza wutwa wa kukyanya. Kangi aananiyaga uwulemwa ni fitamwa fyawo fyonda. 36Pe aliweene ililugu lya vaanu, lukumugwilaga ulusungu, pakuva vaayugaga hela, vasaali nu munya kuvatanga ngita ngʼolo idzingaya mudiimi. 37Neke avalongelage avanyigendwa vaakwe atigilage, “Imbene yítanile, neke kangi avanya kubena vakeefu. 38Lino mumunyilike uMutwa Nguluvi umunya mbene, avatume avanya kubena avangi mu mugunda gwakwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.