1 Corinth 16
16
1Hehe haela v'ila korukaiape la moni ve oharo ma: Ara Galatia ekalesia oaria maeaeape la horova, e kara hovea hovea leivahaeaki.
Moni korukaiakive ehovea Jerusalem apealula merava haela
2Hepetoma ve oropa hare, e oaria elare maea hovea moni aipevahaeaki, Aualari ero ikiheheroe leivahaeape hovea; laelave arave ekeki hoa, haela la korukaiaki horova kekela va ka. 3Ara eve leia elauki la hoa, eve ikivere haela ve rare pepa haeaki: ara va la haela eve korukaiape moni ila Jerusalem paparaehakilai. 4Aeva ara kara aukive hovea hovea la leikilava, ere araro koarai auvahaeakilai.
Paul havahu ve oharo uku, kai ikiheroe oharo
5Ara va Macedonia ve oki aukive la hoa, ara eve leia kara pekakilai, ehovea ara va Macedonia oki aukive ikivere leive. 6Ara ore va ka, ara eve leia perehekai aeakilai, maora hoa hareho aeakilai la; laelave, ara lela oki hahi ve aukilai, e kai araro hukapakilai. 7Ara ikivere va ka ero naoae naoae hahi hoa hiki eavakive: Aualari ve ikivere hovea, ara e i hareho aeakilai. 8Aka ara Ephesus aiai Pentecost hurae hoa. 9Ehovea arave leia horova eapapo oki le hapape — aeva iri haela oaria le apearo.
10Timotheus eve leia la pekakilava, are eve leia aeaki hoa horahora kalaivahaealue, ehovea are Amua ve horova leivila, ara hovea hovea. 11Haela arero haure lei v'arekaea. Arero havila ila arave maia kai kiparaeakive. Ara va ikivere are i ekalesia haela ila hareho ovohae eavavahaeakive.
12Ara va ikivere eapapo, elave apoheari Apollos i eve leia ekalesia haela ila hareho aukive. Aka ma hoa are aukive ikivere lei va ka. Are va aireaki, mea veveke hoa, eve leia pekakilai.
13Kiva auhohi leivahaeaki, iki aheke kelavaila. E va haela havahu, aheke iele leivahaeaki. 14Eva horova oaria ikiheroe mai v'ila leivahaeaki.
15Ara ero here leive, apavara e; e v'ore Stephanos ve lalava haela, ere va Achaia ve oropa ekalesia haela, ae va ere mea oaria aposetolo ve horova hukapailula. 16Ereve kilea oharo iapaila, aeva ereve auhohi koarailula haela oaria kara. 17Ara va ikiveveke ehovea Stephanos i Fortunatus i Achaiacus ila ekevahaeape, ehovea ere eve mai hovea elaro hukapape. 18Ere va araro ikiveveke leipe, ere ero leilula la mai hovea, laelave ereve la mekakure iki auhohi kelavaki.
19Asia ve ekalesia oaria ero ikiheheroe oharo paraeaive: Aquila i Priscilla ila Amua ve ikiheroe ero paraeaive, ereve uvi ve la ekalesia haela kara. 20Apavara oaria ero ikiheroe oharo paparaehairo. E va elarelare Aualari ve ikiheroe mai leivahaeaki.
21Ara havahu ve mai ve ma ikiheroe oharo ara paraeaive. 22Amua Iesu Keriso ikiheroe leiki aue la haela are va heaha iele. 23Amua Iesu Keriso ve ikiheroe meru e i hareho apeaki. 24Ara ero oaria ikihuru havahu hela leiro, ehovea Iesu Keriso ve rare ve.
Currently Selected:
1 Corinth 16: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
1 Corinth 16
16
1Hehe haela v'ila korukaiape la moni ve oharo ma: Ara Galatia ekalesia oaria maeaeape la horova, e kara hovea hovea leivahaeaki.
Moni korukaiakive ehovea Jerusalem apealula merava haela
2Hepetoma ve oropa hare, e oaria elare maea hovea moni aipevahaeaki, Aualari ero ikiheheroe leivahaeape hovea; laelave arave ekeki hoa, haela la korukaiaki horova kekela va ka. 3Ara eve leia elauki la hoa, eve ikivere haela ve rare pepa haeaki: ara va la haela eve korukaiape moni ila Jerusalem paparaehakilai. 4Aeva ara kara aukive hovea hovea la leikilava, ere araro koarai auvahaeakilai.
Paul havahu ve oharo uku, kai ikiheroe oharo
5Ara va Macedonia ve oki aukive la hoa, ara eve leia kara pekakilai, ehovea ara va Macedonia oki aukive ikivere leive. 6Ara ore va ka, ara eve leia perehekai aeakilai, maora hoa hareho aeakilai la; laelave, ara lela oki hahi ve aukilai, e kai araro hukapakilai. 7Ara ikivere va ka ero naoae naoae hahi hoa hiki eavakive: Aualari ve ikivere hovea, ara e i hareho aeakilai. 8Aka ara Ephesus aiai Pentecost hurae hoa. 9Ehovea arave leia horova eapapo oki le hapape — aeva iri haela oaria le apearo.
10Timotheus eve leia la pekakilava, are eve leia aeaki hoa horahora kalaivahaealue, ehovea are Amua ve horova leivila, ara hovea hovea. 11Haela arero haure lei v'arekaea. Arero havila ila arave maia kai kiparaeakive. Ara va ikivere are i ekalesia haela ila hareho ovohae eavavahaeakive.
12Ara va ikivere eapapo, elave apoheari Apollos i eve leia ekalesia haela ila hareho aukive. Aka ma hoa are aukive ikivere lei va ka. Are va aireaki, mea veveke hoa, eve leia pekakilai.
13Kiva auhohi leivahaeaki, iki aheke kelavaila. E va haela havahu, aheke iele leivahaeaki. 14Eva horova oaria ikiheroe mai v'ila leivahaeaki.
15Ara ero here leive, apavara e; e v'ore Stephanos ve lalava haela, ere va Achaia ve oropa ekalesia haela, ae va ere mea oaria aposetolo ve horova hukapailula. 16Ereve kilea oharo iapaila, aeva ereve auhohi koarailula haela oaria kara. 17Ara va ikiveveke ehovea Stephanos i Fortunatus i Achaiacus ila ekevahaeape, ehovea ere eve mai hovea elaro hukapape. 18Ere va araro ikiveveke leipe, ere ero leilula la mai hovea, laelave ereve la mekakure iki auhohi kelavaki.
19Asia ve ekalesia oaria ero ikiheheroe oharo paraeaive: Aquila i Priscilla ila Amua ve ikiheroe ero paraeaive, ereve uvi ve la ekalesia haela kara. 20Apavara oaria ero ikiheroe oharo paparaehairo. E va elarelare Aualari ve ikiheroe mai leivahaeaki.
21Ara havahu ve mai ve ma ikiheroe oharo ara paraeaive. 22Amua Iesu Keriso ikiheroe leiki aue la haela are va heaha iele. 23Amua Iesu Keriso ve ikiheroe meru e i hareho apeaki. 24Ara ero oaria ikihuru havahu hela leiro, ehovea Iesu Keriso ve rare ve.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972