2 Corinth 3
3
Paul Keriso v'ila karape haela
1Ela va elave oharo veveke ero paraea va heroe ha? Ela va uku haela ve mai hovea, eve uku morapaeaki hohoa ikivere leilula ha? Aka ero lahovea oharo paraeakive ikivere ha? 2E havahu va elave morapaeaki hohoa hovea, elave iki ureve haeape, haela oaria ve oropa ve hihika leipe. 3Ehovea e va hihika aioeaelula; e va elave horova eharu, Keriso v'ila haeape hohoa hovea: La hohoa ink au haeaila, aka Aualari ve ovokake ove v'ila haeape. Have hohoa au haeaila, aka aivau i iki ila haeape hohoa hoveahovea.
4Ara va Keriso v'ila Aualari ve rare laria aheke kekelavila. 5O iele, ela laria ka, elare horova ve pelaea leikive; aka elave veveke va Aualari hiki. 6Are elaro areve oharo ari horova haela veveke la karikipe — hohoa ila hiki ka, aka ove ve: ehovea hohoa hiki le harilai, aka ove ovokake le leikilai.
Pupu ve mekakure hekai, Iroro ve mekakure eapapo
7Aka, apihaeaki la horova, areve have haeape la hohoa, mekakure la leikilava, (laelave Israel ve haela Moses ve oropape eavakive hovea au laila, ehovea areve oropape mekakure eapapo leipe), la mekakure karia lei va ka. 8Ove ve la horova mekakure lei va ka ha? 9Ehovea au heheavi hahape la horova mekakure la leikilava, mai ehoe ve la horova o iele mekakure leikilai. 10Ehovea mekaka leivahaeape la eharu, aireaki mekaka iele au leila, ehovea mekaka iele eharu arero heaorapavila. 11Ehovea karia leipe la eharu mekakure la leikilai, o iele aeavila la eharu va mekakure iele.
12Ehovea ela va aireaki koaraki eharu veveke kelavalula, ela va oharo ehoe hiki arula. 13Moses laria ka, ehovea are va oropape kokaukape, Israel ve Akoremari aireaki hai ka leiki eharu hihika eavavahaeaki ave. 14Aka ereve iki le kokaukavape, ehovea aiai ma hoa, overa buka mureaki hoa, haela ve iki mekari au hapaila, aiai Keriso havahu haela ve iki la hapakilai. 15Aka, aiai ma hoa, Moses ve buka oharo mureaki hoa, ereve iki au hiki kokaukavalula. 16Lae vi va, ere va helari Aualari ve okiharo ikivere leiki la hoa, au kokaukaki la eharu le hareavakilai. 17Amua Iele va la Ove, aeva Amua ve Ove aeavila la ita, ovokake iele ita la. 18Aka, elaviila hareho Amua ve mekakure ma ureve ove hovea la eavavahaeakilava, elaviila mekakure aiai mekakure lei koelarikilai, kai la ove hovea aeakilai. O iele, Amua ve Ove ve okiharo va la.
Currently Selected:
2 Corinth 3: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
2 Corinth 3
3
Paul Keriso v'ila karape haela
1Ela va elave oharo veveke ero paraea va heroe ha? Ela va uku haela ve mai hovea, eve uku morapaeaki hohoa ikivere leilula ha? Aka ero lahovea oharo paraeakive ikivere ha? 2E havahu va elave morapaeaki hohoa hovea, elave iki ureve haeape, haela oaria ve oropa ve hihika leipe. 3Ehovea e va hihika aioeaelula; e va elave horova eharu, Keriso v'ila haeape hohoa hovea: La hohoa ink au haeaila, aka Aualari ve ovokake ove v'ila haeape. Have hohoa au haeaila, aka aivau i iki ila haeape hohoa hoveahovea.
4Ara va Keriso v'ila Aualari ve rare laria aheke kekelavila. 5O iele, ela laria ka, elare horova ve pelaea leikive; aka elave veveke va Aualari hiki. 6Are elaro areve oharo ari horova haela veveke la karikipe — hohoa ila hiki ka, aka ove ve: ehovea hohoa hiki le harilai, aka ove ovokake le leikilai.
Pupu ve mekakure hekai, Iroro ve mekakure eapapo
7Aka, apihaeaki la horova, areve have haeape la hohoa, mekakure la leikilava, (laelave Israel ve haela Moses ve oropape eavakive hovea au laila, ehovea areve oropape mekakure eapapo leipe), la mekakure karia lei va ka. 8Ove ve la horova mekakure lei va ka ha? 9Ehovea au heheavi hahape la horova mekakure la leikilava, mai ehoe ve la horova o iele mekakure leikilai. 10Ehovea mekaka leivahaeape la eharu, aireaki mekaka iele au leila, ehovea mekaka iele eharu arero heaorapavila. 11Ehovea karia leipe la eharu mekakure la leikilai, o iele aeavila la eharu va mekakure iele.
12Ehovea ela va aireaki koaraki eharu veveke kelavalula, ela va oharo ehoe hiki arula. 13Moses laria ka, ehovea are va oropape kokaukape, Israel ve Akoremari aireaki hai ka leiki eharu hihika eavavahaeaki ave. 14Aka ereve iki le kokaukavape, ehovea aiai ma hoa, overa buka mureaki hoa, haela ve iki mekari au hapaila, aiai Keriso havahu haela ve iki la hapakilai. 15Aka, aiai ma hoa, Moses ve buka oharo mureaki hoa, ereve iki au hiki kokaukavalula. 16Lae vi va, ere va helari Aualari ve okiharo ikivere leiki la hoa, au kokaukaki la eharu le hareavakilai. 17Amua Iele va la Ove, aeva Amua ve Ove aeavila la ita, ovokake iele ita la. 18Aka, elaviila hareho Amua ve mekakure ma ureve ove hovea la eavavahaeakilava, elaviila mekakure aiai mekakure lei koelarikilai, kai la ove hovea aeakilai. O iele, Amua ve Ove ve okiharo va la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972