2 Corinth 8
8
Jerusalem merava haela ve meru korukaiaki
1Oharo aeka ma — apavara: Ela va ikivere Aualari Macedonia la ekalesia ikiheroe meru avarape la oharo oaria ero kileavahaeakive. 2Ereve heraho eapapo leivahaeape hoa, ere va eharu perehekai iele la hoa, ere va ikiveveke ila meru oaria aiarape. 3Ehovea ereve maea hovea, ara o iele maeaive, aeva kepea ila, ere meru aiarape. 4Ere elaro here leivahaeape ela ereve la meru avakive, ehovea hehe haela ve kiva leikive horova koarakive. 5Ere va maria leivahaeape, elave ikivere hovea hiki au leila, aka ere havahu ve iki oropa Amua ve haela hovea leivahaeape, aireaki elave haela hovea le leivahaeape, ehovea Aualari ve iki hovea hovea. 6Laelave, ela Titus kara maria maeape, are va ipopeavape la horova are e v'ila kara hoveahovea leikive. 7Laelave, ehovea e va eharu oaria v'ila aheke apealula: ikikekela, kai Oharo, kai ikiore, kai horova eapapo, kai ikiheroe mai kara, e kai ikiheroe meru kara paraeakive, heroe.
Iesu ve ihova
8Ara pupu hovea maea va ka, aka ehovea haela aea ma horova veveke leipe, aeka ela va ikivere eve ikiheroe iele ore leikive. 9Ehovea e v'ore elaviilave Amua Iesu Keriso ve ikiheroe meru eapapo leipe: Are elaviilav'ila erohoho haure lei merava leipe, la mai v'ila e va erohoho iele leivahaeakilai. 10Ara ero maria kirive — ehovea e maria veveke le koarakilai, ehovea e va ma horova overa ipopeavape, hitolo haroapo karia le leipe. 11Laelave, ma hoa horova iele leivahaeaki, ehovea e oropa ikivere leivahaeape, ma hoa iele leikive heroe, eve maea hovea leikive. 12Ehovea haela oropa ikivere la leikilava, areve meru areve maea hovea hiki ela avakive, kai areva karia la eharu kekela va ka. 13Ara ikivere ka maria, haela ae heraho kari leiki la hoa, e hiki heraho leivahaeakive. 14Aka haela oaria hovea hovea leikive, heroe. Eharu karia la haela eve erohoho hukapakilai, e va karia la hoa, ereve erohoho ero kai hukapakilai. 15Overa hape hohoa maria Eharu oaria korukaiape la haela, areve kepea karia — eharu perehekai iele la haela kara merava au leila.
Titus i haela uku ila ve horova
16Aka Aualari morapaeaki — ehovea are Titus ve iki ureve ero kiva leikive maeape. 17Arero maeape la oharo are iapape. O iele, are havahu ikivere lei eve leia aupe. 18Ela are i hareho paraeape apoheari aea, la apoheari ve horova veveke ekalesia haela oaria momorapulula. 19Ae va ekalesia haela oaria arero hareavape — ehovea elave hahi hoa elaro koarakive: ehovea elave ma ikiheroe meru Amua ve rare morapaeaki meru ma. Are ela i hareho kiva leikilai, kai hamureakilai, eve ikikekela kara hovea hovea. 20Ehovea ela ikivere ka haela elave ma meru hamureaki horova haeae oharo hukavakive. 21Ela va ikivere mai ehoe havahu leikive, Aualari oropa ve hiki ka, aka haela oaria ve oropa ve kara. 22Laelave, elave ma apavara āre ere i hareho paraeaive, ela va areve horova veveke hoa oaria ore overa leivahaeape, kai ma hoa kara. 23E ve haela ae Titus v'ila apevelavela la leikilava, are arave kake i horova koaraki haela e ve leia vea. E va elave apavara v'ila velavela la leikilava, ere kai ekalesia paparaehape la haela, kai Keriso ve rare momorapulula haela. 24Laelave, ekalesia ve oropa ve, eve ikiheroe hihika havahu leivahaeaki, kai ela va e v'ila pelaea leipe la oharo o iele leikive, heroe.
Currently Selected:
2 Corinth 8: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
2 Corinth 8
8
Jerusalem merava haela ve meru korukaiaki
1Oharo aeka ma — apavara: Ela va ikivere Aualari Macedonia la ekalesia ikiheroe meru avarape la oharo oaria ero kileavahaeakive. 2Ereve heraho eapapo leivahaeape hoa, ere va eharu perehekai iele la hoa, ere va ikiveveke ila meru oaria aiarape. 3Ehovea ereve maea hovea, ara o iele maeaive, aeva kepea ila, ere meru aiarape. 4Ere elaro here leivahaeape ela ereve la meru avakive, ehovea hehe haela ve kiva leikive horova koarakive. 5Ere va maria leivahaeape, elave ikivere hovea hiki au leila, aka ere havahu ve iki oropa Amua ve haela hovea leivahaeape, aireaki elave haela hovea le leivahaeape, ehovea Aualari ve iki hovea hovea. 6Laelave, ela Titus kara maria maeape, are va ipopeavape la horova are e v'ila kara hoveahovea leikive. 7Laelave, ehovea e va eharu oaria v'ila aheke apealula: ikikekela, kai Oharo, kai ikiore, kai horova eapapo, kai ikiheroe mai kara, e kai ikiheroe meru kara paraeakive, heroe.
Iesu ve ihova
8Ara pupu hovea maea va ka, aka ehovea haela aea ma horova veveke leipe, aeka ela va ikivere eve ikiheroe iele ore leikive. 9Ehovea e v'ore elaviilave Amua Iesu Keriso ve ikiheroe meru eapapo leipe: Are elaviilav'ila erohoho haure lei merava leipe, la mai v'ila e va erohoho iele leivahaeakilai. 10Ara ero maria kirive — ehovea e maria veveke le koarakilai, ehovea e va ma horova overa ipopeavape, hitolo haroapo karia le leipe. 11Laelave, ma hoa horova iele leivahaeaki, ehovea e oropa ikivere leivahaeape, ma hoa iele leikive heroe, eve maea hovea leikive. 12Ehovea haela oropa ikivere la leikilava, areve meru areve maea hovea hiki ela avakive, kai areva karia la eharu kekela va ka. 13Ara ikivere ka maria, haela ae heraho kari leiki la hoa, e hiki heraho leivahaeakive. 14Aka haela oaria hovea hovea leikive, heroe. Eharu karia la haela eve erohoho hukapakilai, e va karia la hoa, ereve erohoho ero kai hukapakilai. 15Overa hape hohoa maria Eharu oaria korukaiape la haela, areve kepea karia — eharu perehekai iele la haela kara merava au leila.
Titus i haela uku ila ve horova
16Aka Aualari morapaeaki — ehovea are Titus ve iki ureve ero kiva leikive maeape. 17Arero maeape la oharo are iapape. O iele, are havahu ikivere lei eve leia aupe. 18Ela are i hareho paraeape apoheari aea, la apoheari ve horova veveke ekalesia haela oaria momorapulula. 19Ae va ekalesia haela oaria arero hareavape — ehovea elave hahi hoa elaro koarakive: ehovea elave ma ikiheroe meru Amua ve rare morapaeaki meru ma. Are ela i hareho kiva leikilai, kai hamureakilai, eve ikikekela kara hovea hovea. 20Ehovea ela ikivere ka haela elave ma meru hamureaki horova haeae oharo hukavakive. 21Ela va ikivere mai ehoe havahu leikive, Aualari oropa ve hiki ka, aka haela oaria ve oropa ve kara. 22Laelave, elave ma apavara āre ere i hareho paraeaive, ela va areve horova veveke hoa oaria ore overa leivahaeape, kai ma hoa kara. 23E ve haela ae Titus v'ila apevelavela la leikilava, are arave kake i horova koaraki haela e ve leia vea. E va elave apavara v'ila velavela la leikilava, ere kai ekalesia paparaehape la haela, kai Keriso ve rare momorapulula haela. 24Laelave, ekalesia ve oropa ve, eve ikiheroe hihika havahu leivahaeaki, kai ela va e v'ila pelaea leipe la oharo o iele leikive, heroe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972