Horova 14
14
Paul i Barnabas ila Iconium leia
1Iapai, Iconium leia ere Jew haela ve synagogue pekahavi iroro oharo avahaeape — laelave Jew i Greek haela oaria ikikekelavahaeape. 2Aka au iapaila la Jew haela ita lahua haela au amuraeai apavara v'ila ikiheahaha leivahaeape. 3Ere leia haiapo apeapea Amua ve aheke v'ila ape karava oharo ape. Are areve ikiheroe oharo ve ereve mai v'ila ihova i ikihorahora leilula eharu oaria leivahaeape. 4Aka karikara haela oaria au hamureai iki lahua lahua leivahaeape. Uku haela Jew haela ve ukaki, uku apostle haela ve ukaki koarape. 5Ita lahua haela i Jew haela hareho ereve amua haela ila oharo hukavape ehovea erero hararua have koavakive. 6Aka ere la oharo ore overa leivahaeai, Lycaonia, Lystra i Derbe i la ita maeamaea ve hukaupe. 7Ere iroro oharo veveke leia ape.
Lystra leia
8Lystra haela aeva aeaveape — areve loa ukai ukai heaha hiki, epape hoa ikiki la hoa, loa urou va haveva. 9Ma haela Paul oharo hukavavila iapape. Paul arero ovohae auhohi eavi ore lei areve ikikekela arero lei makurikive hovea, laelave, 10Are āra hai eapapo maeape, A va loa aheke ila urouki. Are hareai loa veavelaripe. 11Haela oaria Paul leipe la horova eavi āra hai eapapo Lycaonia uri mari maeaeape, Elave Aualari oaria akea ve haela ve maea hovea lakihoahukaila. 12Ere Barnabas Jupiter rare itavape — Paul ere Mercury rare itavape, ehovea are oharo avila haela. 13Jupiter ve Hehe Uvi karikara okiape mahokaea ve peape. Areve oharo haela, boromakau i au hahai kora mere okiape ve aikepe, ehovea areva ikivere haela oaria i hareho maea morava mai leikive. 14Aka aposetolo haela la oharo iapai elare pura haipararapai haela oaria ve oropa ve vivila, 15Ara mari hape, Haelakakaru, e ma eharu leivahaero ehovealeve ha? Elalila kara eve iki hoveahovea kelavalula haela: elalila e v'ila oharo veveke kilearo — ehovea e ma eharu haure leivahaeai ovokake Aualari iele kekelakive. La Aualari kaia i meahaiapo i Ahea Ma i ereve eharu oaria ila karikivahaeape. 16Overa vilakao elare ikivere mai leivahaeape — are erero au hereavaila. 17Aka are are v'ila vavaki eharu eve avarape, ehovea are horova veveke lei kaia ve lai i hae hovare hoa aiarape — kai ero eapai i ikiveveke oaria aiarape. 18Ere ma oharo avi, ereve la maea morava horova hereavakive heraho iele leivahaeape.
19Aka‐Antioch i Iconium Jew haela leia ekevahaeape. Ere haela oaria au amuraeai Paul have koavape — ere arero karikara mahokaea ve hakileavape — ereve ikikekela are huru la. 20Aka kilea haela oaria arero helari hupakai: are urai karikara le pekape. La opoa hare are i Barnabas ila Derbe aupe.
Ere Antioch aeka helari pekahavape
21Ere la karikara ureve iroro oharo avahaeai ikikekela haela oaria karape, aireaki are Lystra i Iconium i Antioch ila auvahaeape. 22Ere leia ve ikikekela haela lei aheke leivahaeape, kai erero oharo karava maeaeape — iki auhohi kekela apeakive — ehovea elaviila heraho oaria v'ila Aualari ve basileia arahavakive, 23Ere ekalesia ve uku oropa haela rare itavavahaeai ere i hareho ivaiva lei, ere erereape, kai ere v'ila ere kelavape Amua ivaiva leivahaeape.
24Ere Pisidia heaorapai Pamphylia pekahavape. 25Ere Perga iroro oharo avi Attalia hoahukape. 26Ere leia vevaea horeavi Antioch auvahaeape, ere leivahaeape la horova ve hareavape ita la. 27Ere iki leia ekalesia haela oaria korukaiavahaeai Aualari ere v'ila leivahaeape la eharu oaria i Aualari ita lahua haela ve ikikekela ve okiape hapape la oharo hihika hukavavahaeape. 28Ere ekalesia ila hareho perehekai haiapo apearoape.
Currently Selected:
Horova 14: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 14
14
Paul i Barnabas ila Iconium leia
1Iapai, Iconium leia ere Jew haela ve synagogue pekahavi iroro oharo avahaeape — laelave Jew i Greek haela oaria ikikekelavahaeape. 2Aka au iapaila la Jew haela ita lahua haela au amuraeai apavara v'ila ikiheahaha leivahaeape. 3Ere leia haiapo apeapea Amua ve aheke v'ila ape karava oharo ape. Are areve ikiheroe oharo ve ereve mai v'ila ihova i ikihorahora leilula eharu oaria leivahaeape. 4Aka karikara haela oaria au hamureai iki lahua lahua leivahaeape. Uku haela Jew haela ve ukaki, uku apostle haela ve ukaki koarape. 5Ita lahua haela i Jew haela hareho ereve amua haela ila oharo hukavape ehovea erero hararua have koavakive. 6Aka ere la oharo ore overa leivahaeai, Lycaonia, Lystra i Derbe i la ita maeamaea ve hukaupe. 7Ere iroro oharo veveke leia ape.
Lystra leia
8Lystra haela aeva aeaveape — areve loa ukai ukai heaha hiki, epape hoa ikiki la hoa, loa urou va haveva. 9Ma haela Paul oharo hukavavila iapape. Paul arero ovohae auhohi eavi ore lei areve ikikekela arero lei makurikive hovea, laelave, 10Are āra hai eapapo maeape, A va loa aheke ila urouki. Are hareai loa veavelaripe. 11Haela oaria Paul leipe la horova eavi āra hai eapapo Lycaonia uri mari maeaeape, Elave Aualari oaria akea ve haela ve maea hovea lakihoahukaila. 12Ere Barnabas Jupiter rare itavape — Paul ere Mercury rare itavape, ehovea are oharo avila haela. 13Jupiter ve Hehe Uvi karikara okiape mahokaea ve peape. Areve oharo haela, boromakau i au hahai kora mere okiape ve aikepe, ehovea areva ikivere haela oaria i hareho maea morava mai leikive. 14Aka aposetolo haela la oharo iapai elare pura haipararapai haela oaria ve oropa ve vivila, 15Ara mari hape, Haelakakaru, e ma eharu leivahaero ehovealeve ha? Elalila kara eve iki hoveahovea kelavalula haela: elalila e v'ila oharo veveke kilearo — ehovea e ma eharu haure leivahaeai ovokake Aualari iele kekelakive. La Aualari kaia i meahaiapo i Ahea Ma i ereve eharu oaria ila karikivahaeape. 16Overa vilakao elare ikivere mai leivahaeape — are erero au hereavaila. 17Aka are are v'ila vavaki eharu eve avarape, ehovea are horova veveke lei kaia ve lai i hae hovare hoa aiarape — kai ero eapai i ikiveveke oaria aiarape. 18Ere ma oharo avi, ereve la maea morava horova hereavakive heraho iele leivahaeape.
19Aka‐Antioch i Iconium Jew haela leia ekevahaeape. Ere haela oaria au amuraeai Paul have koavape — ere arero karikara mahokaea ve hakileavape — ereve ikikekela are huru la. 20Aka kilea haela oaria arero helari hupakai: are urai karikara le pekape. La opoa hare are i Barnabas ila Derbe aupe.
Ere Antioch aeka helari pekahavape
21Ere la karikara ureve iroro oharo avahaeai ikikekela haela oaria karape, aireaki are Lystra i Iconium i Antioch ila auvahaeape. 22Ere leia ve ikikekela haela lei aheke leivahaeape, kai erero oharo karava maeaeape — iki auhohi kekela apeakive — ehovea elaviila heraho oaria v'ila Aualari ve basileia arahavakive, 23Ere ekalesia ve uku oropa haela rare itavavahaeai ere i hareho ivaiva lei, ere erereape, kai ere v'ila ere kelavape Amua ivaiva leivahaeape.
24Ere Pisidia heaorapai Pamphylia pekahavape. 25Ere Perga iroro oharo avi Attalia hoahukape. 26Ere leia vevaea horeavi Antioch auvahaeape, ere leivahaeape la horova ve hareavape ita la. 27Ere iki leia ekalesia haela oaria korukaiavahaeai Aualari ere v'ila leivahaeape la eharu oaria i Aualari ita lahua haela ve ikikekela ve okiape hapape la oharo hihika hukavavahaeape. 28Ere ekalesia ila hareho perehekai haiapo apearoape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972