Horova 16
16
Timothy Lystra leia Paul i hareho horova leipe
1Are Derbe i Lystra aupe. Iapai — kekela haela ae rare Timothy, ikikekela Jew uamari ve akore, leia aeape, areve oa Greek haela. 2Lystra i Iconium ila apealula la apavara are v'ila oharo veveke maeape. 3Paul arero lai aukive ikivere leipe, laelave are arero peritome mai leipe, ehovea leia apealula Jew haela oaria — ehovea ere oaria ore are v'oa va Greek haela. 4Ere elare oki auvahaeai karikara oaria pekahavi erero kiva leivahaeakive la pupu kileavahaeape, Jerusalem apearoape la aposetolo i haela hoaha ila maeaeape pupu la. 5Laelave ekalesia ve ikikekela aheke leivahaeai oaria leivahaeape.
Paul Asia leipe la hahi
6Ere Phrygia i Galatia ve okiharo auvahaeape — ehovea erero Asia iroro oharo arive le hereavape. 7Ere Mysia ve ukaki auvahaeai Bithynia auvahaeakive ikivere leivahaeape. Aka Iesu ve Ove erero huelapape. 8Ere Mysia hakurepai Troas hoahukape. 9Oroa hoa Paul ivahi eavape — Macedonia haela epavi are ape karava i velavela leipe maria, Macedonia ukai kilai elaro koarava?-?haeakive. 10Are la ivahi eavi ela Macedonia elahukakive oki haropape, ehovea elave ikikekela Aualari elaro itavavahaeape, ehovea ere v'ila iroro oharo arive.
Paul Macedonia elaupe: Philippi leia
11Ela Troas vevaea horeavi, ehoe hiki Samothrace auvahaeape, kai opoa hare Neapolis pekahavape. 12Ela leia harepai Philippi, Macedonia oropa karikara, Rome haela ve kovo karikara, pekahavape. Ela va ma karikara, hare uku apeape. 13Sabati hare ela karikara kara mahokaea ve mai poe ve hoahukape, ehovea elave ikikekela ivaiva ita leia peape. Ela avai au korukaiavahaeape uavila uku ila oharo hukavape. 14Uamari aea rare Lydia, Thyatira ve maupa pura ilaea leivila uamari, elave oharo iapape. Are va Aualari morapaeavila uamari. Areve iki Amua hapape, laelave Paul maeaeape la oharo are iapai ikivere leivahaeape. 15Are i areve lalava haela ila hareho bapatiso leivahaeai elaro ape karava velavela leipe maria, E va iki la kekelakilava ara Aualari ve kekelavila uamari iele, iki arave uvi hela pekahavi apeaki. Are elaro kaupavahaeape.
16Iapai, ela ivaiva ita auvahaeape la hoa kaeamuru mari elaro oki koarape. Areve peroveta oharo v'ila areve kiva haela erohoho oaria koarape. 17Are elave aire ai āra mari hape, Ma haela va Akea Iele Aualari ve horova haela: ere ero ovokake okiharo kileavahaeavila. 18Are hare oaria mari leipe. Laelave Paul, ehovea la oharo ikihairihairi lei, helari ove maeape, Ara aro Iesu Keriso ve rare v'ila maeaive — arero hakurepa. Are la hoa havahu arero hakurepape.
Paul i Silas ila uvi muru paraeape kai kihoahukape
19Areve kiva haela ore leipe ereve erohoho aeaki okiharo kari le leipe, laelave ere Paul i Silas ila mai papaehai karikara hihi ve amua haela oropa hakeapuvahaeai lai aupe. 20Ere erealilara gavana haela oropa ve kari ai mari maeape, Ma haela, Jew haela, elave karikara urukuku leilula. 21Ere mai lahua kilealula, la mai ela v'ila pupu ila, ehovea ela Roma haela. 22Haela oaria urahukai erealilara aeha leivahaeape. Gavana haela erealilave pura hehelaukavahaeai erealilara haru haeakive maeape. 23Ere erealilara haru oaria koavi uvi muru paparaehai — la uvi kiva haela erealilara kiva auhohi leikive maeape. 24Are la oharo iapai erealila ureve lalava paparaehai loa kora mehau iele hahaeape.
25Oroa a hihi hoa Paul i Silas ila ivaiva leivahaeai Aualari ve morapaeaki hivi helavape: uvi muru apeape haela oaria ereve hivi iapavahaeape. 26Mea puipui elavelave leipe, laelave uvi muru ve ihau lalaeapai mahuka leivahaeape. Okiape oaria hapai haela oaria hahaeape la ela hehelaukavahaeape. 27Uvi muru kiva haela avuku ve urai okiape au hapai aeavila eavape. Laelave are lelao kaivape ehovea elare maea harive, ehovea areve ikikekela uvi muru apearoape haela oaria overa vivilavahaeape. 28Aka Paul arero āra eapapo itavape maria, Elare maea kahelue — ela oaria me apearo. 29Are ovava ve itavi iki haparae haparae ila uvi ure pekai Paul i Silas ila oropa ve ekaopape. 30Are erealilara mahokaea kari hoai erero apevelavela leipe, Haelakaru e, ara leari leikilai ehovea ovokake leikive ha? 31Erealila maeape, A Amua Iesu ikikekelaki, a ave lalava haela i hareho ovokake leivahaeakilai. 32Erealila arero i areve lalava haela ila hareho la hoa Amua ve oharo kileavahaeape. 33Are la oroa hoa erealilara kari ai erealilave hohara ma huhelape. Are i areve lalava haela ila hareho la hoa havahu bapatiso leivahaeape. 34Are erealilara elare uvi kari pekai eapai aiarape, kai are i hareho apearoape haela ikiveveke eapapo leivahaeape, ehovea ere Aualari ikikelavape.
35La opoa vevelare gavana haela ereve pura haela paparaehai mari maeaeape, La haela paparaehakive, heroe. 36Uvi muru kiva haela la oharo Paul kileape, Gavana haela ero paparaehakive oharo lakiparaeaila — kihoahukaila, havila ila auvahaeaki. 37Aka Paul maeaeape, Ere elalilara karikara hihi ve haru koavape. Elalila Rome haela, ere elare auhohi au heheavaila, kai elalilara uvi muru paparaehaila. Ereve haeae eapapo. Ere elalilara muruhari paparaehakilai ha? Arekaea. Veveke, ere havahu iki maia elalilara kari aukive. 38Pura haela ai ma oharo gavana haela maeaeape. Ere erealila Rome haela va la oharo iapai oaoka leivahaeape. 39Laelave ere havahu iki erealilara ape karava velavela leivahaeape. Ere erealilara mahokaea ve kari ai karikara hakurepakive maeaeape. 40Erealila uvi muru hakurepai Lydia ve uvi pekahavape. Ere apavara oaria ovohae eavi erero hakakaeaki le auvahaeape.
Currently Selected:
Horova 16: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 16
16
Timothy Lystra leia Paul i hareho horova leipe
1Are Derbe i Lystra aupe. Iapai — kekela haela ae rare Timothy, ikikekela Jew uamari ve akore, leia aeape, areve oa Greek haela. 2Lystra i Iconium ila apealula la apavara are v'ila oharo veveke maeape. 3Paul arero lai aukive ikivere leipe, laelave are arero peritome mai leipe, ehovea leia apealula Jew haela oaria — ehovea ere oaria ore are v'oa va Greek haela. 4Ere elare oki auvahaeai karikara oaria pekahavi erero kiva leivahaeakive la pupu kileavahaeape, Jerusalem apearoape la aposetolo i haela hoaha ila maeaeape pupu la. 5Laelave ekalesia ve ikikekela aheke leivahaeai oaria leivahaeape.
Paul Asia leipe la hahi
6Ere Phrygia i Galatia ve okiharo auvahaeape — ehovea erero Asia iroro oharo arive le hereavape. 7Ere Mysia ve ukaki auvahaeai Bithynia auvahaeakive ikivere leivahaeape. Aka Iesu ve Ove erero huelapape. 8Ere Mysia hakurepai Troas hoahukape. 9Oroa hoa Paul ivahi eavape — Macedonia haela epavi are ape karava i velavela leipe maria, Macedonia ukai kilai elaro koarava?-?haeakive. 10Are la ivahi eavi ela Macedonia elahukakive oki haropape, ehovea elave ikikekela Aualari elaro itavavahaeape, ehovea ere v'ila iroro oharo arive.
Paul Macedonia elaupe: Philippi leia
11Ela Troas vevaea horeavi, ehoe hiki Samothrace auvahaeape, kai opoa hare Neapolis pekahavape. 12Ela leia harepai Philippi, Macedonia oropa karikara, Rome haela ve kovo karikara, pekahavape. Ela va ma karikara, hare uku apeape. 13Sabati hare ela karikara kara mahokaea ve mai poe ve hoahukape, ehovea elave ikikekela ivaiva ita leia peape. Ela avai au korukaiavahaeape uavila uku ila oharo hukavape. 14Uamari aea rare Lydia, Thyatira ve maupa pura ilaea leivila uamari, elave oharo iapape. Are va Aualari morapaeavila uamari. Areve iki Amua hapape, laelave Paul maeaeape la oharo are iapai ikivere leivahaeape. 15Are i areve lalava haela ila hareho bapatiso leivahaeai elaro ape karava velavela leipe maria, E va iki la kekelakilava ara Aualari ve kekelavila uamari iele, iki arave uvi hela pekahavi apeaki. Are elaro kaupavahaeape.
16Iapai, ela ivaiva ita auvahaeape la hoa kaeamuru mari elaro oki koarape. Areve peroveta oharo v'ila areve kiva haela erohoho oaria koarape. 17Are elave aire ai āra mari hape, Ma haela va Akea Iele Aualari ve horova haela: ere ero ovokake okiharo kileavahaeavila. 18Are hare oaria mari leipe. Laelave Paul, ehovea la oharo ikihairihairi lei, helari ove maeape, Ara aro Iesu Keriso ve rare v'ila maeaive — arero hakurepa. Are la hoa havahu arero hakurepape.
Paul i Silas ila uvi muru paraeape kai kihoahukape
19Areve kiva haela ore leipe ereve erohoho aeaki okiharo kari le leipe, laelave ere Paul i Silas ila mai papaehai karikara hihi ve amua haela oropa hakeapuvahaeai lai aupe. 20Ere erealilara gavana haela oropa ve kari ai mari maeape, Ma haela, Jew haela, elave karikara urukuku leilula. 21Ere mai lahua kilealula, la mai ela v'ila pupu ila, ehovea ela Roma haela. 22Haela oaria urahukai erealilara aeha leivahaeape. Gavana haela erealilave pura hehelaukavahaeai erealilara haru haeakive maeape. 23Ere erealilara haru oaria koavi uvi muru paparaehai — la uvi kiva haela erealilara kiva auhohi leikive maeape. 24Are la oharo iapai erealila ureve lalava paparaehai loa kora mehau iele hahaeape.
25Oroa a hihi hoa Paul i Silas ila ivaiva leivahaeai Aualari ve morapaeaki hivi helavape: uvi muru apeape haela oaria ereve hivi iapavahaeape. 26Mea puipui elavelave leipe, laelave uvi muru ve ihau lalaeapai mahuka leivahaeape. Okiape oaria hapai haela oaria hahaeape la ela hehelaukavahaeape. 27Uvi muru kiva haela avuku ve urai okiape au hapai aeavila eavape. Laelave are lelao kaivape ehovea elare maea harive, ehovea areve ikikekela uvi muru apearoape haela oaria overa vivilavahaeape. 28Aka Paul arero āra eapapo itavape maria, Elare maea kahelue — ela oaria me apearo. 29Are ovava ve itavi iki haparae haparae ila uvi ure pekai Paul i Silas ila oropa ve ekaopape. 30Are erealilara mahokaea kari hoai erero apevelavela leipe, Haelakaru e, ara leari leikilai ehovea ovokake leikive ha? 31Erealila maeape, A Amua Iesu ikikekelaki, a ave lalava haela i hareho ovokake leivahaeakilai. 32Erealila arero i areve lalava haela ila hareho la hoa Amua ve oharo kileavahaeape. 33Are la oroa hoa erealilara kari ai erealilave hohara ma huhelape. Are i areve lalava haela ila hareho la hoa havahu bapatiso leivahaeape. 34Are erealilara elare uvi kari pekai eapai aiarape, kai are i hareho apearoape haela ikiveveke eapapo leivahaeape, ehovea ere Aualari ikikelavape.
35La opoa vevelare gavana haela ereve pura haela paparaehai mari maeaeape, La haela paparaehakive, heroe. 36Uvi muru kiva haela la oharo Paul kileape, Gavana haela ero paparaehakive oharo lakiparaeaila — kihoahukaila, havila ila auvahaeaki. 37Aka Paul maeaeape, Ere elalilara karikara hihi ve haru koavape. Elalila Rome haela, ere elare auhohi au heheavaila, kai elalilara uvi muru paparaehaila. Ereve haeae eapapo. Ere elalilara muruhari paparaehakilai ha? Arekaea. Veveke, ere havahu iki maia elalilara kari aukive. 38Pura haela ai ma oharo gavana haela maeaeape. Ere erealila Rome haela va la oharo iapai oaoka leivahaeape. 39Laelave ere havahu iki erealilara ape karava velavela leivahaeape. Ere erealilara mahokaea ve kari ai karikara hakurepakive maeaeape. 40Erealila uvi muru hakurepai Lydia ve uvi pekahavape. Ere apavara oaria ovohae eavi erero hakakaeaki le auvahaeape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972