Horova 19
19
John Baptist ve kilea haela Ephesus leia
1Apollos Corinth aeape la hoa Paul ure ita ve okiharo ai Ephesus le pekape — lea ikikelalavalula haela uku eavape. 2Are erero velavela leipe, Ikikelavape la hoa e Ove Veveke avape ha? Ere arero kavale maeape, Ka, ela Ove Veveke avakive la oharo au iapaila. 3Are erero apevelavela leipe, Ero le la bapatiso leivahaeape ha? Ere kavale maeape, John ve bapatiso. 4Paul maeape, John mai haeae ve ikihuru leiki bapatiso leivahaeai haela oaria mari maeaeape — ere areve aire ekeki la haela ikikekelavahaeakilai, la haela Iesu la. 5Ere la oharo iapai Amua Iesu ve rare v'ila bapatiso leivahaeape. 6Paul erero mai koharape la hoa Ove Veveke ere v'ila ekepe. Ere uri lahua oharo hukavi peroveta oharo le ape. 7Ere va haela hareho 12 hovea.
Paul Ephesus leia
8Are synagogue pekai papare 3 hoa ape karava ila oharo hukavape. Are kai mea oaria Aualari ve basileia eharu oaria erero auhohi kileavahaeape. 9Uku haela iki aheke leivahaeai au iapaila, kai Okiharo v'ila o'heaha maeaeape — laelave are erero haitapai ikikelavaki haela lahua kari ai Tyrannus ve school uvi ureve kileavahaeape. 10Ma horova hitolo 2 hovea leipe. Laelave Asia apearoape haela oaria, Jew i Greek haela ila hareho Amua ve oharo iapape.
11Aualari Paul ve mai v'ila ihova lahua leivahaeape. 12Laelave ere muko i mai ila areve maea ve hareavi aihoahukai maea heahaha haela lei veveke leivahaeape, la eharu kara ovehahu le haruapape. 13Aka loaloalula ovehahu haruapalula haela uku ovehahu ila haela Amua Iesu ve rare ve ape: ere mariape, Paul iroro avila la Iesu v'ila ara ero o aheke maeaeaive. 14Jew haela ae rare Sceva, akea oharo haela, ve akoremari 7 la mai leipe. 15Ovehahu erero maeaeape, Ara Iesu ore, ara Paul kara ore, aka e va leita ha? 16Ovehahu ila la haela ereve akea ve hareai erero mea ve la koavi haruapape. Laelave ere la uvi maheare i maea hohara ila vivi lavahaeape. 17Ma oharo Ephesus apealula haela oaria, Jew i Greek haela ila, iapai, oaoka eapapo leivahaeai Amua Iesu ve rare morapaeape. 18Ikikelavape haela perehekai oaria kara iki ereve horova haeae hihika maeaeape. 19Harea mai lahua lahua leivahaeape haela uku ereve buka aikihoahuka haela oaria ve oropa a aroupe. Ere ereve kavale kaoai silver hakakaea 50,000 hovea koarape. 20Amua ve oharo eapapo i aheke leivahaeape.
Paul ve ikivere okiharo
21Ma eharu karia leivahaeai Paul ikikekelape maria — are va oropa Macedonia i Achaea ai Jerusalem pekakilai. Are kai mariape, Ara va leia oropa pekakilai, aireaki ara Rome aukilai. 22Are arero koarai apeape haela Timothy i Erastus ila paraeai, are havahu Asia hare uku aeaveape.
Ephesus urukuku leipe hari
23La hoa haela uku Iesu ve Okiharo v'ila karikara urukuku eapapo leivahaeape. 24Haela ae rare Demetrius, silver horova haela, Diana ve harihu ove karikiki haela, kavale horova oaria horova haela aiarape. 25Are ere i laria horova leilula haela oaria korukaiai mari maeaeape, Haelakaru e, e v'ore elaviila ma horova v'ila erohoho leilula. 26E va ovohae eavi iapailula ma Ephesus hiki ka, aka Asia ita oaria kara hareho, ma haela Paul haela oaria au amuraeavahaeape maria, Mai v'ila karikivahaeape la harihu eharu va Aualari iele ka. 27Elaviila ma horova okiharo heaha leikilai, aeva oharo ma, harihu uamari Diana ve hehe uvi kara haela hahaure lei areve haharika kai hareavaki ave — ehovea Asia i meahaiapo ita haela oaria arero momorapulula.
28Ere ma oharo iapai hihiri eapapo leivahaeai āra mari hape, Ephesus haela ve Diana akea iele. 29Karikara ikihahika eapapo lei haela oaria Gaius i Aristarchus, Macedonia haela, Paul ve hahi koaravahaeape haela, mai papaehai Erau Uvi kari auvahaeape 30Paul ikivere la uvi ve pekakive oharo maeaeakive, aka ikikekelaki haela arero hereavape. 31Uku Asia Amua haela, areve kake haela la, arero oharo paraeai ape karava i arero maeape — la Erau Uvi kapekalue. 32Uku haela oharo ae itavape, uku oharo lahua avahaeape, ehovea haela oaria ikilamukilamuki eapapo leivahaeape, aeva haela oaria haveva ehovealeve ere korukaiavahaeape. 33Ere Alexander haela ve aru hihi ve lai kihoai Jew haela arero oropaki paraeape. Alexander mai laruape ehovea erero hahape la oharo kai kavale maeaeakive. 34Aka ere ovohae eavape are Jew haela, la hoa ere oaria āra haroapo hovea hape, Ephesus haela ve Diana akea iele. 35Karikara hohoa haeavila haela, haela oaria hahari apeaki maeai kai mariape, E Ephesus haela e, Ephesus haela ve karikara akea iele Diana ve Hehe Uvi i akea ve Jupiter ve oaupe la have ove ila kiva leivahaevila — haela oaria ore. 36Haela ma eharu huelapakive hovea leivahaea va ka — laelave veveke e va hahari apeaki, ikihaveva mai kalaivahaelue. 37Ehovea e kari leikevahaeaila haela Hehe Uvi eharu korea i elaviilave harihu uamari o heaha avahaelula haela va ka. 38Laelave, Demetrius are i hareho loalula la horova haela haela hahakive oharo iele ore va laila, heheavaki uvi overa hapai — elare gavana haela me apearo, heroe, ere oharo leia hukavakive. 39E va eharu ae ve oharo hukavakive ikivere laleikilava, la oharo council eapapo oropa ve hukavakive, heroe. 40Ehovea mahau hare ve urukuku v'ila elaviila haeae koaraki ave, ehovea areve iele karia — ae va are v'ila ela learia oharo ehoe hukavakilai. 41Are la oharo avi haela oaria le paparaehape.
Currently Selected:
Horova 19: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 19
19
John Baptist ve kilea haela Ephesus leia
1Apollos Corinth aeape la hoa Paul ure ita ve okiharo ai Ephesus le pekape — lea ikikelalavalula haela uku eavape. 2Are erero velavela leipe, Ikikelavape la hoa e Ove Veveke avape ha? Ere arero kavale maeape, Ka, ela Ove Veveke avakive la oharo au iapaila. 3Are erero apevelavela leipe, Ero le la bapatiso leivahaeape ha? Ere kavale maeape, John ve bapatiso. 4Paul maeape, John mai haeae ve ikihuru leiki bapatiso leivahaeai haela oaria mari maeaeape — ere areve aire ekeki la haela ikikekelavahaeakilai, la haela Iesu la. 5Ere la oharo iapai Amua Iesu ve rare v'ila bapatiso leivahaeape. 6Paul erero mai koharape la hoa Ove Veveke ere v'ila ekepe. Ere uri lahua oharo hukavi peroveta oharo le ape. 7Ere va haela hareho 12 hovea.
Paul Ephesus leia
8Are synagogue pekai papare 3 hoa ape karava ila oharo hukavape. Are kai mea oaria Aualari ve basileia eharu oaria erero auhohi kileavahaeape. 9Uku haela iki aheke leivahaeai au iapaila, kai Okiharo v'ila o'heaha maeaeape — laelave are erero haitapai ikikelavaki haela lahua kari ai Tyrannus ve school uvi ureve kileavahaeape. 10Ma horova hitolo 2 hovea leipe. Laelave Asia apearoape haela oaria, Jew i Greek haela ila hareho Amua ve oharo iapape.
11Aualari Paul ve mai v'ila ihova lahua leivahaeape. 12Laelave ere muko i mai ila areve maea ve hareavi aihoahukai maea heahaha haela lei veveke leivahaeape, la eharu kara ovehahu le haruapape. 13Aka loaloalula ovehahu haruapalula haela uku ovehahu ila haela Amua Iesu ve rare ve ape: ere mariape, Paul iroro avila la Iesu v'ila ara ero o aheke maeaeaive. 14Jew haela ae rare Sceva, akea oharo haela, ve akoremari 7 la mai leipe. 15Ovehahu erero maeaeape, Ara Iesu ore, ara Paul kara ore, aka e va leita ha? 16Ovehahu ila la haela ereve akea ve hareai erero mea ve la koavi haruapape. Laelave ere la uvi maheare i maea hohara ila vivi lavahaeape. 17Ma oharo Ephesus apealula haela oaria, Jew i Greek haela ila, iapai, oaoka eapapo leivahaeai Amua Iesu ve rare morapaeape. 18Ikikelavape haela perehekai oaria kara iki ereve horova haeae hihika maeaeape. 19Harea mai lahua lahua leivahaeape haela uku ereve buka aikihoahuka haela oaria ve oropa a aroupe. Ere ereve kavale kaoai silver hakakaea 50,000 hovea koarape. 20Amua ve oharo eapapo i aheke leivahaeape.
Paul ve ikivere okiharo
21Ma eharu karia leivahaeai Paul ikikekelape maria — are va oropa Macedonia i Achaea ai Jerusalem pekakilai. Are kai mariape, Ara va leia oropa pekakilai, aireaki ara Rome aukilai. 22Are arero koarai apeape haela Timothy i Erastus ila paraeai, are havahu Asia hare uku aeaveape.
Ephesus urukuku leipe hari
23La hoa haela uku Iesu ve Okiharo v'ila karikara urukuku eapapo leivahaeape. 24Haela ae rare Demetrius, silver horova haela, Diana ve harihu ove karikiki haela, kavale horova oaria horova haela aiarape. 25Are ere i laria horova leilula haela oaria korukaiai mari maeaeape, Haelakaru e, e v'ore elaviila ma horova v'ila erohoho leilula. 26E va ovohae eavi iapailula ma Ephesus hiki ka, aka Asia ita oaria kara hareho, ma haela Paul haela oaria au amuraeavahaeape maria, Mai v'ila karikivahaeape la harihu eharu va Aualari iele ka. 27Elaviila ma horova okiharo heaha leikilai, aeva oharo ma, harihu uamari Diana ve hehe uvi kara haela hahaure lei areve haharika kai hareavaki ave — ehovea Asia i meahaiapo ita haela oaria arero momorapulula.
28Ere ma oharo iapai hihiri eapapo leivahaeai āra mari hape, Ephesus haela ve Diana akea iele. 29Karikara ikihahika eapapo lei haela oaria Gaius i Aristarchus, Macedonia haela, Paul ve hahi koaravahaeape haela, mai papaehai Erau Uvi kari auvahaeape 30Paul ikivere la uvi ve pekakive oharo maeaeakive, aka ikikekelaki haela arero hereavape. 31Uku Asia Amua haela, areve kake haela la, arero oharo paraeai ape karava i arero maeape — la Erau Uvi kapekalue. 32Uku haela oharo ae itavape, uku oharo lahua avahaeape, ehovea haela oaria ikilamukilamuki eapapo leivahaeape, aeva haela oaria haveva ehovealeve ere korukaiavahaeape. 33Ere Alexander haela ve aru hihi ve lai kihoai Jew haela arero oropaki paraeape. Alexander mai laruape ehovea erero hahape la oharo kai kavale maeaeakive. 34Aka ere ovohae eavape are Jew haela, la hoa ere oaria āra haroapo hovea hape, Ephesus haela ve Diana akea iele. 35Karikara hohoa haeavila haela, haela oaria hahari apeaki maeai kai mariape, E Ephesus haela e, Ephesus haela ve karikara akea iele Diana ve Hehe Uvi i akea ve Jupiter ve oaupe la have ove ila kiva leivahaevila — haela oaria ore. 36Haela ma eharu huelapakive hovea leivahaea va ka — laelave veveke e va hahari apeaki, ikihaveva mai kalaivahaelue. 37Ehovea e kari leikevahaeaila haela Hehe Uvi eharu korea i elaviilave harihu uamari o heaha avahaelula haela va ka. 38Laelave, Demetrius are i hareho loalula la horova haela haela hahakive oharo iele ore va laila, heheavaki uvi overa hapai — elare gavana haela me apearo, heroe, ere oharo leia hukavakive. 39E va eharu ae ve oharo hukavakive ikivere laleikilava, la oharo council eapapo oropa ve hukavakive, heroe. 40Ehovea mahau hare ve urukuku v'ila elaviila haeae koaraki ave, ehovea areve iele karia — ae va are v'ila ela learia oharo ehoe hukavakilai. 41Are la oharo avi haela oaria le paparaehape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972