Horova 24
24
Paul Gavana Haela Felix oropa ve
1Hare 5 karia laila akea oharo haela Ananias i haela hoaha uku ila oharo avila haela lai kihoaupe rare Tertullus. Ere gavana Paul v'ila la oharo maeape. 2Arero itavape la hoa Tertullus areve hahaki oharo mari ape,
Festus mekakure e, ela a v'ila havila veveke ila apealula, ehovea ave la mai veveke v'ila, ma vilaipi ve heaha oaria kari le leivahaeape. 3Laelave ela ikiveveke ila aro thank you eapapo maearo. 4Kahara, arave oharo haiapo leiki ave, ara aro here leive, a hela elaro ikiheroe leivahaeai oharo perehekai iapakive. 5Ela ma haela eavape areve mai heaha iele — Jew haela ve ita oaria are urukuku leivila — are va Nazarene haela la hiru ve oropa haela. 6Are ikivere Hehe Uvi kara heaha leikive, aka ela arero mai paeape. Ela ikivere arero elave pupu hovea heheavakilai. 7Aka akea kapena Lysias iki elave leia arero mai karava ila arero elave mai ve hareavape. 8Are ape karava maeaeape — areve hahaki haela ave maia ekekive. A va arero la heheavakilava, ela arero haharo la eharu oaria a ore leivahaeakilai.
9Jew haela kara ma oharo oaria koarai are ma eharu leivahaeape hoveahovea maeaeape.
10Gavana haela Paul oharo maeakive itavi, Paul kavale maeape, Ara va ore a va hitolo oaria ma vilaipi ve heheavaki horova leipe, laelave ara kavale oharo ave oropa ve maeakive horahora va ka. 11A velavela la leikilava, a va ore leikilai — ara Jerusalem ivaiva leikive pekape la hare ikiki mahau hare 12 hiki. 12Ere araro synagogue oharo hahari avila au eavaila. Ere araro Hehe Uvi i karikara hihi ve urukuku leivila au eavaila. 13Ere araro mave hahave la eharu v'ila ere ave oropa ve vavavakive ore va ka. 14Aka ara aro ma oharo maeaive — ere hiru rare arura la Okiharo. Ara elave aualau ve Aualari ve horova leivila: pupu v'ila i peroveta buka ve hape la oharo oaria ara kekelavila. 15Ara Aualari ve okoare ikikekelavila, ere kara laria, mai veveke i mai haeae haela oaria apai kai urahukakilai. 16Ara va maria kekela ara Aualari i haela oaria oropa ve haeae au leila. 17Hitolo oaria kari leivahaeai ara arave merava haela ve meru i Aualari ve meru aiarakive pekape. 18Ere araro Hehe Uvi ureve la horova leivila eavape. Haela oaria ka, aeva ikihahika karia. Aka Asia ve ekevahaeape Jew haela uku leia pearoape. 19Ere va araro hahakive ikivere ma laila, veveke ere va ave oropa ve ekevahaeakive. 20Aeka, ara council ve oropa ve epavape la hoa, ere arave leia eavape la haeae hihika maeaeakive, heroe. 21Ara āra mari hiki ereve oropa ve hape, E araro api kai uroukive la oharo v'ila mahau heheavaro.
Felix, ikihorahora, uku oharo aireaki iapakive maeape
22Felix ma oharo iapai, ehovea are la okiharo ve ore perehekai overa leipe, are mari ape, Aupavaila — Akea kapena Lysias ekeki la hoa ara ma oharo ve iele haropakilai. 23Are hevehe kapena Paul kiva leikive maeape, aka arero horou hahava ka, areve apavara kara arero ovohae eavaki pekahavakive heroe.
24Hare uku kari lei Felix i areve uva Drusilla, Jew uamari, leia ekevahaeai Paul itavape. Are arero Iesu Keriso ikikekelakive la oharo velavela leipe. 25Are mai ehoe i mai haeae i aireaki heheavaki hoa ila ve oharo hukavape la hoa, Felix iki oaoka eapapo lei mariape, Ave oki aula — arave aireaki ikivere leiki hoa ara aro itavakilai. 26Areve ikikekela haela ae Paul v'ila moni avarakilai — laelave are arero hoa oaria itavi are i hareho oharo hukavape. 27Hitolo orahoka karia lei Porcius Festus, Felix ve ita le avape. Ehovea are va ikivere Jew haela ikiveveke leivahaeakive, are Paul uvi muru ve hiki kiva leipe.
Currently Selected:
Horova 24: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 24
24
Paul Gavana Haela Felix oropa ve
1Hare 5 karia laila akea oharo haela Ananias i haela hoaha uku ila oharo avila haela lai kihoaupe rare Tertullus. Ere gavana Paul v'ila la oharo maeape. 2Arero itavape la hoa Tertullus areve hahaki oharo mari ape,
Festus mekakure e, ela a v'ila havila veveke ila apealula, ehovea ave la mai veveke v'ila, ma vilaipi ve heaha oaria kari le leivahaeape. 3Laelave ela ikiveveke ila aro thank you eapapo maearo. 4Kahara, arave oharo haiapo leiki ave, ara aro here leive, a hela elaro ikiheroe leivahaeai oharo perehekai iapakive. 5Ela ma haela eavape areve mai heaha iele — Jew haela ve ita oaria are urukuku leivila — are va Nazarene haela la hiru ve oropa haela. 6Are ikivere Hehe Uvi kara heaha leikive, aka ela arero mai paeape. Ela ikivere arero elave pupu hovea heheavakilai. 7Aka akea kapena Lysias iki elave leia arero mai karava ila arero elave mai ve hareavape. 8Are ape karava maeaeape — areve hahaki haela ave maia ekekive. A va arero la heheavakilava, ela arero haharo la eharu oaria a ore leivahaeakilai.
9Jew haela kara ma oharo oaria koarai are ma eharu leivahaeape hoveahovea maeaeape.
10Gavana haela Paul oharo maeakive itavi, Paul kavale maeape, Ara va ore a va hitolo oaria ma vilaipi ve heheavaki horova leipe, laelave ara kavale oharo ave oropa ve maeakive horahora va ka. 11A velavela la leikilava, a va ore leikilai — ara Jerusalem ivaiva leikive pekape la hare ikiki mahau hare 12 hiki. 12Ere araro synagogue oharo hahari avila au eavaila. Ere araro Hehe Uvi i karikara hihi ve urukuku leivila au eavaila. 13Ere araro mave hahave la eharu v'ila ere ave oropa ve vavavakive ore va ka. 14Aka ara aro ma oharo maeaive — ere hiru rare arura la Okiharo. Ara elave aualau ve Aualari ve horova leivila: pupu v'ila i peroveta buka ve hape la oharo oaria ara kekelavila. 15Ara Aualari ve okoare ikikekelavila, ere kara laria, mai veveke i mai haeae haela oaria apai kai urahukakilai. 16Ara va maria kekela ara Aualari i haela oaria oropa ve haeae au leila. 17Hitolo oaria kari leivahaeai ara arave merava haela ve meru i Aualari ve meru aiarakive pekape. 18Ere araro Hehe Uvi ureve la horova leivila eavape. Haela oaria ka, aeva ikihahika karia. Aka Asia ve ekevahaeape Jew haela uku leia pearoape. 19Ere va araro hahakive ikivere ma laila, veveke ere va ave oropa ve ekevahaeakive. 20Aeka, ara council ve oropa ve epavape la hoa, ere arave leia eavape la haeae hihika maeaeakive, heroe. 21Ara āra mari hiki ereve oropa ve hape, E araro api kai uroukive la oharo v'ila mahau heheavaro.
Felix, ikihorahora, uku oharo aireaki iapakive maeape
22Felix ma oharo iapai, ehovea are la okiharo ve ore perehekai overa leipe, are mari ape, Aupavaila — Akea kapena Lysias ekeki la hoa ara ma oharo ve iele haropakilai. 23Are hevehe kapena Paul kiva leikive maeape, aka arero horou hahava ka, areve apavara kara arero ovohae eavaki pekahavakive heroe.
24Hare uku kari lei Felix i areve uva Drusilla, Jew uamari, leia ekevahaeai Paul itavape. Are arero Iesu Keriso ikikekelakive la oharo velavela leipe. 25Are mai ehoe i mai haeae i aireaki heheavaki hoa ila ve oharo hukavape la hoa, Felix iki oaoka eapapo lei mariape, Ave oki aula — arave aireaki ikivere leiki hoa ara aro itavakilai. 26Areve ikikekela haela ae Paul v'ila moni avarakilai — laelave are arero hoa oaria itavi are i hareho oharo hukavape. 27Hitolo orahoka karia lei Porcius Festus, Felix ve ita le avape. Ehovea are va ikivere Jew haela ikiveveke leivahaeakive, are Paul uvi muru ve hiki kiva leipe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972