Horova 8
8
Ekalesia haela hararuape kai ita lahualahua haruapape
1Saul arero harive ikivere leipe.
La hoa Jerusalem apealula la ekalesia haela oaria, ereve eapapo hararuaki hoa ipopeavape. Ere oaria Judea i Samaria ila la kaipu karikara ve titavape, aposetolo haela hiki au titavaila. 2Hehe haela uku Stephen karu iha are v'ila ikihuru eapapo leivahaeape. 3Aka Saul ekalesia hararuape: are va uvi oaria pekai vilaita i uavila ila hareho hakekeapuvahai uvi muru paparaehape.
Philip Samaria leia
4Au titavape la haela oaria ita oaria iroro oharo avahaelula loaloape. 5Philip Samaria karikara ai Keriso la oharo leia kileavahaeape. 6Haela oaria Philip maeaeape la oharo iapai areve ihova eavi iki le kelavape. 7Ehovea ovehahu ila la haela v'ila ovehahu āra hai le kihoahukape. Epeapo heheva haela i ora heahaha haela ila lei makukuripe. 8La karikara ikiveveke eapapo leipe.
Simon, harea haela
9Aka haela ae rare Simon leia aeaveape. Are va overa hoa harea horova eapapo lei elare rare akea haela hovea leipe. Laelave Samaria haela oaria ikihorahora eapapo leivahaeape. 10Ere oaria la haela ve oharo iapai mari maeape, Ma haela va Aualari ve aheke, eapapo rare itavape la Aheke. 11Ere areve oharo kelavape, ehovea mea haiapo iele ere va areve harea horova v'ila horahora leivahaeape. 12Aka ere Philip Aualari ve basileia i Iesu Keriso ila ve la oharo iapai bapatiso leivahaeape, vilahoaha i uavila ila hareho. 13Simon kara iapai kekelape. Are bapatiso lei Philip i hareho veape. Are areve ihova i horova oaria ovohae eavi ikihorahora eapapo leipe.
Peter i John ila Samaria leia
14Jerusalem apearoape la aposetolo haela, Samaria haela Aualari ve oharo iapavahaeape la oharo ore lei Peter i John ila ereve leia paparaehape. 15Erealila iki leia ere v'ila Ove Veveke avakive ivaiva leivahaeape, 16Ehovea la hoa Ove Veveke erero au koaraila. Ere Amua Iesu ve rare v'ila hiki bapatiso leivahaeape. 17Ere erero mai kohari Ove Veveke ere i hareho le aeape. 18Simon, Ove Veveke aposetolo haela ve mai v'ila ekepe, ovohae eavi, erero moni avarakive ikivere leipe. 19Are maeaeape, Araro ma aheke avikiara, ara kara haela mai kohari Ove Veveke avarakilai. 20Aka Peter arero maeape, A ave moni ila apihaeakilai, ehovea ave ikikekela Aualari ve meru moni ilaea leikive hovea. 21A va ma eharu i hareho aea va ka, ehovea a va Aualari oropa ve iki ehoe au leila. 22Ave haeae ve ikihuru lei Amua ivaiva leikive, ehovea a ikikekelape la haeae are hapururukakilai. 23Ehovea ara eavave ave iki haeae iele, kaeake hovea, kai mai heaha aro le hahape. 24Simon kavale maeape, A havahu ara v'ila Amua ivaiva leiki, a laila la eharu oaria ara v'ila kihoreavaki ave.
25Ere va Amua ve oharo iroro ai Jerusalem aeka pekahavape. Ere pekahavape hoa Samaria karikara oaria kara iroro oharo ape.
Philip i Ethiopia Eunuch ila
26Aka Amua ve aneru Philip oharo mari kileape, Urou, diho hoa Jerusalem aiai Gaza la okiharo ve aula — la ita va huakara. 27Are urai aupe. Iapai, are Ethiopia eunuch haela dedehi ae eavape, Candace, Ethiopia uamari amua ve haela aheke — are areve erohoho eharu oaria kiva leivahaeape haela. Are Jerusalem aupe ehovea Aualari morapaeaki ivaiva arive. 28Are overa helari ai elare chariot haiavi Isaiah peroveta haela ve oharo mureape. 29Ove Veveke Philip maeape, Areve leia ma haela i hareho haiavakive. 30Philip vivila arero Isaiah peroveta haela ve oharo mureavila iapai, arero mari maeape, A mureavila la oharo ve iele a ore ha? 31Are kavale maeape, Ara leari ore leikilai arave kilea haela karia? Are arero apevelavela leipe are i hareho haiavi kileakilai. 32Are buka oharo mari mureape:
Ere arero mamoe hovea harive lai aupe
Hoveahovea, mamoe akore areve kolo hailaeaki haela oropa ve muruha hiki aeavila
Are kara oharo maea va ka.
33Areve maeoka hoa ere arero ehoe au heheavaila:
Areve vilakao leita maeakilai,
Ehovea areve ovokake meahaiapo ve le hareavape.
34Eunuch Philip kai velavela leipe maria, Araro hela kimaeaki — Peroveta haela ma oharo leita v'ila hape — are havahu v'ila, aka haela ae? 35Philip ape ha, ma oharo hoa aiai Iesu ve oharo kara arero kileape. 36Ere auvahaeape la hoa la haela dedehi mariape, Eavi — ma haru ma, a va araro bapatiso leikilai, heroe ha? 37Philip maeape A va iele iki hareho la kekelakilava, ara leikilai heroe. Eunuch haela kavale maeape, Ara va ikikekela! Iesu Keriso Aualari ve Akore. 38Are chariot horova haela au pavakive maeape — erealila hareho Philip i la Eunuch haela ila ma ve hoai — Philip arero bapatiso leipe. 39Erealila ma ve urahukai Ove Veveke Philip hareavi lai aupe. La Eunuch haela arero aireaki au eavaila, ehovea are elare oki iki veveke ila aupe. 40Aka Philip Azotus pekape, kai leia harepai karikara oaria iroro oharo ape aiai Caesarea ve leia pekape.
Currently Selected:
Horova 8: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 8
8
Ekalesia haela hararuape kai ita lahualahua haruapape
1Saul arero harive ikivere leipe.
La hoa Jerusalem apealula la ekalesia haela oaria, ereve eapapo hararuaki hoa ipopeavape. Ere oaria Judea i Samaria ila la kaipu karikara ve titavape, aposetolo haela hiki au titavaila. 2Hehe haela uku Stephen karu iha are v'ila ikihuru eapapo leivahaeape. 3Aka Saul ekalesia hararuape: are va uvi oaria pekai vilaita i uavila ila hareho hakekeapuvahai uvi muru paparaehape.
Philip Samaria leia
4Au titavape la haela oaria ita oaria iroro oharo avahaelula loaloape. 5Philip Samaria karikara ai Keriso la oharo leia kileavahaeape. 6Haela oaria Philip maeaeape la oharo iapai areve ihova eavi iki le kelavape. 7Ehovea ovehahu ila la haela v'ila ovehahu āra hai le kihoahukape. Epeapo heheva haela i ora heahaha haela ila lei makukuripe. 8La karikara ikiveveke eapapo leipe.
Simon, harea haela
9Aka haela ae rare Simon leia aeaveape. Are va overa hoa harea horova eapapo lei elare rare akea haela hovea leipe. Laelave Samaria haela oaria ikihorahora eapapo leivahaeape. 10Ere oaria la haela ve oharo iapai mari maeape, Ma haela va Aualari ve aheke, eapapo rare itavape la Aheke. 11Ere areve oharo kelavape, ehovea mea haiapo iele ere va areve harea horova v'ila horahora leivahaeape. 12Aka ere Philip Aualari ve basileia i Iesu Keriso ila ve la oharo iapai bapatiso leivahaeape, vilahoaha i uavila ila hareho. 13Simon kara iapai kekelape. Are bapatiso lei Philip i hareho veape. Are areve ihova i horova oaria ovohae eavi ikihorahora eapapo leipe.
Peter i John ila Samaria leia
14Jerusalem apearoape la aposetolo haela, Samaria haela Aualari ve oharo iapavahaeape la oharo ore lei Peter i John ila ereve leia paparaehape. 15Erealila iki leia ere v'ila Ove Veveke avakive ivaiva leivahaeape, 16Ehovea la hoa Ove Veveke erero au koaraila. Ere Amua Iesu ve rare v'ila hiki bapatiso leivahaeape. 17Ere erero mai kohari Ove Veveke ere i hareho le aeape. 18Simon, Ove Veveke aposetolo haela ve mai v'ila ekepe, ovohae eavi, erero moni avarakive ikivere leipe. 19Are maeaeape, Araro ma aheke avikiara, ara kara haela mai kohari Ove Veveke avarakilai. 20Aka Peter arero maeape, A ave moni ila apihaeakilai, ehovea ave ikikekela Aualari ve meru moni ilaea leikive hovea. 21A va ma eharu i hareho aea va ka, ehovea a va Aualari oropa ve iki ehoe au leila. 22Ave haeae ve ikihuru lei Amua ivaiva leikive, ehovea a ikikekelape la haeae are hapururukakilai. 23Ehovea ara eavave ave iki haeae iele, kaeake hovea, kai mai heaha aro le hahape. 24Simon kavale maeape, A havahu ara v'ila Amua ivaiva leiki, a laila la eharu oaria ara v'ila kihoreavaki ave.
25Ere va Amua ve oharo iroro ai Jerusalem aeka pekahavape. Ere pekahavape hoa Samaria karikara oaria kara iroro oharo ape.
Philip i Ethiopia Eunuch ila
26Aka Amua ve aneru Philip oharo mari kileape, Urou, diho hoa Jerusalem aiai Gaza la okiharo ve aula — la ita va huakara. 27Are urai aupe. Iapai, are Ethiopia eunuch haela dedehi ae eavape, Candace, Ethiopia uamari amua ve haela aheke — are areve erohoho eharu oaria kiva leivahaeape haela. Are Jerusalem aupe ehovea Aualari morapaeaki ivaiva arive. 28Are overa helari ai elare chariot haiavi Isaiah peroveta haela ve oharo mureape. 29Ove Veveke Philip maeape, Areve leia ma haela i hareho haiavakive. 30Philip vivila arero Isaiah peroveta haela ve oharo mureavila iapai, arero mari maeape, A mureavila la oharo ve iele a ore ha? 31Are kavale maeape, Ara leari ore leikilai arave kilea haela karia? Are arero apevelavela leipe are i hareho haiavi kileakilai. 32Are buka oharo mari mureape:
Ere arero mamoe hovea harive lai aupe
Hoveahovea, mamoe akore areve kolo hailaeaki haela oropa ve muruha hiki aeavila
Are kara oharo maea va ka.
33Areve maeoka hoa ere arero ehoe au heheavaila:
Areve vilakao leita maeakilai,
Ehovea areve ovokake meahaiapo ve le hareavape.
34Eunuch Philip kai velavela leipe maria, Araro hela kimaeaki — Peroveta haela ma oharo leita v'ila hape — are havahu v'ila, aka haela ae? 35Philip ape ha, ma oharo hoa aiai Iesu ve oharo kara arero kileape. 36Ere auvahaeape la hoa la haela dedehi mariape, Eavi — ma haru ma, a va araro bapatiso leikilai, heroe ha? 37Philip maeape A va iele iki hareho la kekelakilava, ara leikilai heroe. Eunuch haela kavale maeape, Ara va ikikekela! Iesu Keriso Aualari ve Akore. 38Are chariot horova haela au pavakive maeape — erealila hareho Philip i la Eunuch haela ila ma ve hoai — Philip arero bapatiso leipe. 39Erealila ma ve urahukai Ove Veveke Philip hareavi lai aupe. La Eunuch haela arero aireaki au eavaila, ehovea are elare oki iki veveke ila aupe. 40Aka Philip Azotus pekape, kai leia harepai karikara oaria iroro oharo ape aiai Caesarea ve leia pekape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972