Luke 9
9
Aposetolo haela 12 paparaehape
1Are haela 12 itavavahaeai aheke aiarape ovehahu haruapakive kai maea heahaha haela lei makukurikive. 2Are erero paparaehape Aualari ve basileia ve iroro arive, kai maea kakare haela mekaka leikive. 3Are erero maeaeape — e va hahi eharu i kaika i aroa i pai i moni ila kaealue. Akea pura orahoka kara kaoreaulue. 4E va pekahavaki la uvi leia apeapea e la ita harepakive. 5Haela ero auhohi leiki aue la leivahaeakilava, e va la karikara hakurepaki hoa eve loa ve kekele mahuvu lalaeapaki, ihova va la. 6Ere auvahaeai karikara oaria oharo veveke iroro avahaeape, kai ita oaria haela lei makukuripe.
Herod ve ikihorahora
7Herod Tetrarch la horova ve hari iapai ikihorahora eapapo leipe ehovea uku haela mari ape — John Baptist api kai le uroupe. 8Uku haela mariape — Elijah la horerape, uku haela mariape — overa peroveta haela la aeka uroupe. 9Herod ve oharo maria, Ara John ve haro haerapape — Ma ve leita haela ara are v'ila maria oharo iapaivila? Are ikivere arero ovohae eavakive.
5,000 haela eapai lalavahaeape
10Apostolo haela helari ekevahaeape la hoa ere leivahaeape horova oaria ere arero kileavahaeape. Are erero lahua kari ai karikara rare Bethsaida ukavupe. 11Aka haela oaria erero eavi ereve aire auvahaeape. Are erero auhohi leivahaeai Aualari ve basileia oharo erero kileavahaeape; maea kakare haela kara are lei mekaka leivahaeape. 12Hare hoauki hoa maeamaea, kilea haela 12 iki arero mari maeape, Ma haela oaria paparaehai maeamaea la karikara avuku ita i eapai ila haropakive, ehovea elaviila maia eapai aue ita apearo. 13Aka are erero maeaeape, E havahu erero eapai aiaraki. Ere kavale maeape, Ela ve maia pai hue ila i ekaka orahokaila hiki: lehae, ela v'ai ma haela oaria ve eapai ilaea leiki learia ha? 14Ehovea ere va haela oaria korukaiape 5,000 hovea. Are areve kilea haela maeaeape, Erero maeaeai hiru lahualahua avakive, hiru aeva 50. 15Ere laria leivahaeape — haela oaria le avape. 16Are va la pai hue ila i ekaka orahokaila kaili ovohae kaia ve iupei erero momorapupe kai le haivavaelape. Are kilea haela haela oaria ve oropa ve aipevahaeakive aiarape. 17Ere oaria lalavahaeai eharau le huharavahaeape. Ere va aireaki eapai kepea kaili — hara 12 heloe le koavape.
Peter Iesu va Keriso maeape oharo
18Iapaila — are lahua ivaiva leipe la hoa areve kilea haela are i hareho apeape. Are erero apevelavela maria leipe, Haela oaria va arave va leari arula ara leita ha? 19Ere kavale maeape, John Baptist, aka, uku haela Elijah rare arura, kai uku overa peroveta haela aro aeka urou rare arura. 20Are erero apevelavela leipe, E va arave va leari aro ara leita ha? Peter arero kavale maeape, A va Aualari ve Keriso.
Iesu ve aireaki api kai urouki oharo
21Are erero ape karava maeaeape — ere la oharo haela ae va kamaeaelue. 22Are mariape, Haela ve Akore kakare oaria koarakilai, haela hoaha i oharo haela i hohoa haealula haela ila arero haure lei harilai: are va hare ilehoila kai uroukilai.
Elare kekela v'arekaea
23Are haela oaria maeaeape, Haela ae araro airekai ra ekekilava, veveke are elare maea kekela va arekaea, aka are havahu ve satauro hare oaria oraiavi araro airekai ekekilai. 24Ehovea haela ae ovokake aeakive ikivere la leikilava, la haela aire ovokake lei va ka — aka haela ae elare ovokake arav'ila haure la leikilava, are aire ovokake le leikilai. 25Haela va meahaiapo eharu hareho ra aeakilava, kai areve ove ra havoavakilava, areve kavale iele lahoa? 26Arav'ila kai arave oharo v'ila makiri leiki la haela, aireaki haela ve Akore areve Oa i aneru ila ve haharika ila kihoreavaki hoa la haela v'ila makiri leikilai. 27Aka ara ero o iele la maeaeaive — Uku maia apealula haela apihaeaki maea ore lei va ka aiai ere Aualari ve basileia la eavakilai.
Iesu ve maea koelaripe
28Ma oharo karia lei aireaki hare 8, are Peter i John i James ila hareho kela kari pekape ivaiva leikive. 29Are ivaiva leipe la hoa areve oropape le koelaripe, areve pura kara houhuka lei ovava eapapo hovea le leipe. 30Iapai, haela orahokaila are i hareho oharo hukavape. 31La haela va Moses i Elijah ila, are i hareho areve aireaki apaki ve la horova oharo hukavape, Jerusalem aireaki leikive la horova. 32Peter i hareho apearoape la haela ovohae hoeavahaeape, aka — ere ovokake iele leipe la hoa ere areve haharika hihika le eavape, are i hareho epavape la haela orahokaila kara. 33Iapaila, erealila arero hakurepape la hoa Peter Iesu mari maeape, Haelapo, veveke elaviila maia apearo; ela kovo uvi ilehoila kukueakilai, ae v'ave, aeva ela ve, aeva Elijah ve — are va ikihorahora learia oharo maeakive. 34Are la oharo laila meuru kihorera erero le aerape — meuru erero aerape la hoa ere oaoka eapapo leivahaeape. 35Meuru ve ara kitavape maria, Maia ara iki havahu akore, areve oharo iapaila.
36La ara kitavape hoa ere Iesu hiki eavape. Ereve oharo kari leilei, ere kai eavape la eharu oaria ere haela au maeaeaila.
Ovehahu ila akore lei makuripe
37La opoa hare, ere la kela ve kihoahukape hoa, haela oaria iele arero oki koarape. 38Iapai, haela haroapo ara mari itavape, Haelapo, ara aro here leive, a arave akore la eavaki, arave akore haroapo hiki ma: 39a iapai, ovehahu arero hulaveravakilava are hi eapapo ave — are areve maea uki hareavave aiai areve ape ve ohare le horerave — are arero hakurepa va ka aiai arero maea kakare oaria leikilai. 40Ara ave kilea haela velavela leipe arero la avakakive; ere va la horova hoveahovea au leila. 41Iesu kavale mariape, Ikikekelaki aue mai hahaeae vilakao e, ara e i hareho aeavila hare leavaila aiai e v'ila heraho leikive ha? Ave akore lai ekela. 42Are ekepe la hoa ovehahu arero mea ve huikapape, arero maea uki eapapo hareavape — Iesu la ovehahu erereai akore lei makuri oa kai le avarape.
Iesu ve aireaki apaki oharo aea
43Haela oaria va ikihorahora eapapo leivahaeape ehovea Aualari ve aheke.
Aka ere oaria areve horova ve horahora leivahaeape la hoa are kilea haela mari maeaeape: 44E va ma oharo auhohi iapaki: ehovea ere va aireaki haela ve Akore haela ve mai ve avarakilai. 45Aka ere va la oharo mekari au iapaila, areve iele au avarapape, laelave ere la iele ore au leila: ere kai areve ma oharo v'ila velavela leikive oaoka leivahaeape.
Maeoka mai veveke: Haela ae haure kalailue
46Hare ae ere elare oharo hahari ape maria — oropa haela leita leikilai? 47Iesu ereve la oharo iapai are akore hekai lai iki ereve oropa ve aepai mariape, 48Haela ma akore hekai arave rare ve auhohi la leikilava, are araro kara auhohi leive: haela araro auhohi la leikilava, are araro kiparaeape haela kara auhohi leikilai: eve ipi ve la haela eve akea ve haela are la.
49John arero maeape, Haelapo, ela va haela ae ovehahu ave rare v'ila haruapaivila eavape: ela ka arero au hereavape, ehovea are ela i hareho au va ka. 50Iesu arero maeape, Arero ka hereavalue — ero iri leiki aue la haela are va eve haela.
Iesu Jerusalem pekape. Samaria haela arero haure leipe
51Iapai — arero lai urapaki hare maeamaea horerape la hoa areve oropape Jerusalem ve ukaki ehoe hiki helari eavape. 52Are kai haela uku areve oropa ve paparaehape: ere ai Samaria haela ve karikara pekahavi areve ita karikikive. 53Ere arero auhohi au leila ehovea areve oropape Jerusalem ehoe pekakive hovea leipe. 54Areve kilea haela James i John ila laria eavi arero mari maeape, Amua, lehae? A va ikivere ela kaia akea ve a kihoaukive itavakive erero a haeakive (Elijah leipe la mai hoveahovea) ha? 55Aka are airelari erero aihukamaeape. 56Ere kai karikara aeva auvahaeape.
57Ere auvahaeape la hoa haela ae arero maeape, A va lahoa la aukilava, ara kara ai hareho aukilai. 58Iesu arero kavale maeape, Viva ka ura ila, kaia ve ori oaria va loro ila, aka haela ve Akore areve haro koraki aihari karia. 59Are haela ae maeape, Araro airekai ekela. Aka la haela maeape, Amua, aupava, ara oropa arave oa ve koru la ihakilai. 60Aka are arero maeape, Apihaeape haela elare apihaeape haela ve koru ihavakive — av'auki, Aualari ve basileia ve iroro arive. 61Haela ae maeape, Amua, ara va aro airekai aukilai: ara va arave apavara haela oaria oropa ikihuru oharo maeaeakilai. 62Aka Iesu arero maeape, Haela ae horova eharu oropa pae aire horova haure la leikilava, la haela are va Aualari ve basileia hoveahovea va ka.
Currently Selected:
Luke 9: ORO
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Luke 9
9
Aposetolo haela 12 paparaehape
1Are haela 12 itavavahaeai aheke aiarape ovehahu haruapakive kai maea heahaha haela lei makukurikive. 2Are erero paparaehape Aualari ve basileia ve iroro arive, kai maea kakare haela mekaka leikive. 3Are erero maeaeape — e va hahi eharu i kaika i aroa i pai i moni ila kaealue. Akea pura orahoka kara kaoreaulue. 4E va pekahavaki la uvi leia apeapea e la ita harepakive. 5Haela ero auhohi leiki aue la leivahaeakilava, e va la karikara hakurepaki hoa eve loa ve kekele mahuvu lalaeapaki, ihova va la. 6Ere auvahaeai karikara oaria oharo veveke iroro avahaeape, kai ita oaria haela lei makukuripe.
Herod ve ikihorahora
7Herod Tetrarch la horova ve hari iapai ikihorahora eapapo leipe ehovea uku haela mari ape — John Baptist api kai le uroupe. 8Uku haela mariape — Elijah la horerape, uku haela mariape — overa peroveta haela la aeka uroupe. 9Herod ve oharo maria, Ara John ve haro haerapape — Ma ve leita haela ara are v'ila maria oharo iapaivila? Are ikivere arero ovohae eavakive.
5,000 haela eapai lalavahaeape
10Apostolo haela helari ekevahaeape la hoa ere leivahaeape horova oaria ere arero kileavahaeape. Are erero lahua kari ai karikara rare Bethsaida ukavupe. 11Aka haela oaria erero eavi ereve aire auvahaeape. Are erero auhohi leivahaeai Aualari ve basileia oharo erero kileavahaeape; maea kakare haela kara are lei mekaka leivahaeape. 12Hare hoauki hoa maeamaea, kilea haela 12 iki arero mari maeape, Ma haela oaria paparaehai maeamaea la karikara avuku ita i eapai ila haropakive, ehovea elaviila maia eapai aue ita apearo. 13Aka are erero maeaeape, E havahu erero eapai aiaraki. Ere kavale maeape, Ela ve maia pai hue ila i ekaka orahokaila hiki: lehae, ela v'ai ma haela oaria ve eapai ilaea leiki learia ha? 14Ehovea ere va haela oaria korukaiape 5,000 hovea. Are areve kilea haela maeaeape, Erero maeaeai hiru lahualahua avakive, hiru aeva 50. 15Ere laria leivahaeape — haela oaria le avape. 16Are va la pai hue ila i ekaka orahokaila kaili ovohae kaia ve iupei erero momorapupe kai le haivavaelape. Are kilea haela haela oaria ve oropa ve aipevahaeakive aiarape. 17Ere oaria lalavahaeai eharau le huharavahaeape. Ere va aireaki eapai kepea kaili — hara 12 heloe le koavape.
Peter Iesu va Keriso maeape oharo
18Iapaila — are lahua ivaiva leipe la hoa areve kilea haela are i hareho apeape. Are erero apevelavela maria leipe, Haela oaria va arave va leari arula ara leita ha? 19Ere kavale maeape, John Baptist, aka, uku haela Elijah rare arura, kai uku overa peroveta haela aro aeka urou rare arura. 20Are erero apevelavela leipe, E va arave va leari aro ara leita ha? Peter arero kavale maeape, A va Aualari ve Keriso.
Iesu ve aireaki api kai urouki oharo
21Are erero ape karava maeaeape — ere la oharo haela ae va kamaeaelue. 22Are mariape, Haela ve Akore kakare oaria koarakilai, haela hoaha i oharo haela i hohoa haealula haela ila arero haure lei harilai: are va hare ilehoila kai uroukilai.
Elare kekela v'arekaea
23Are haela oaria maeaeape, Haela ae araro airekai ra ekekilava, veveke are elare maea kekela va arekaea, aka are havahu ve satauro hare oaria oraiavi araro airekai ekekilai. 24Ehovea haela ae ovokake aeakive ikivere la leikilava, la haela aire ovokake lei va ka — aka haela ae elare ovokake arav'ila haure la leikilava, are aire ovokake le leikilai. 25Haela va meahaiapo eharu hareho ra aeakilava, kai areve ove ra havoavakilava, areve kavale iele lahoa? 26Arav'ila kai arave oharo v'ila makiri leiki la haela, aireaki haela ve Akore areve Oa i aneru ila ve haharika ila kihoreavaki hoa la haela v'ila makiri leikilai. 27Aka ara ero o iele la maeaeaive — Uku maia apealula haela apihaeaki maea ore lei va ka aiai ere Aualari ve basileia la eavakilai.
Iesu ve maea koelaripe
28Ma oharo karia lei aireaki hare 8, are Peter i John i James ila hareho kela kari pekape ivaiva leikive. 29Are ivaiva leipe la hoa areve oropape le koelaripe, areve pura kara houhuka lei ovava eapapo hovea le leipe. 30Iapai, haela orahokaila are i hareho oharo hukavape. 31La haela va Moses i Elijah ila, are i hareho areve aireaki apaki ve la horova oharo hukavape, Jerusalem aireaki leikive la horova. 32Peter i hareho apearoape la haela ovohae hoeavahaeape, aka — ere ovokake iele leipe la hoa ere areve haharika hihika le eavape, are i hareho epavape la haela orahokaila kara. 33Iapaila, erealila arero hakurepape la hoa Peter Iesu mari maeape, Haelapo, veveke elaviila maia apearo; ela kovo uvi ilehoila kukueakilai, ae v'ave, aeva ela ve, aeva Elijah ve — are va ikihorahora learia oharo maeakive. 34Are la oharo laila meuru kihorera erero le aerape — meuru erero aerape la hoa ere oaoka eapapo leivahaeape. 35Meuru ve ara kitavape maria, Maia ara iki havahu akore, areve oharo iapaila.
36La ara kitavape hoa ere Iesu hiki eavape. Ereve oharo kari leilei, ere kai eavape la eharu oaria ere haela au maeaeaila.
Ovehahu ila akore lei makuripe
37La opoa hare, ere la kela ve kihoahukape hoa, haela oaria iele arero oki koarape. 38Iapai, haela haroapo ara mari itavape, Haelapo, ara aro here leive, a arave akore la eavaki, arave akore haroapo hiki ma: 39a iapai, ovehahu arero hulaveravakilava are hi eapapo ave — are areve maea uki hareavave aiai areve ape ve ohare le horerave — are arero hakurepa va ka aiai arero maea kakare oaria leikilai. 40Ara ave kilea haela velavela leipe arero la avakakive; ere va la horova hoveahovea au leila. 41Iesu kavale mariape, Ikikekelaki aue mai hahaeae vilakao e, ara e i hareho aeavila hare leavaila aiai e v'ila heraho leikive ha? Ave akore lai ekela. 42Are ekepe la hoa ovehahu arero mea ve huikapape, arero maea uki eapapo hareavape — Iesu la ovehahu erereai akore lei makuri oa kai le avarape.
Iesu ve aireaki apaki oharo aea
43Haela oaria va ikihorahora eapapo leivahaeape ehovea Aualari ve aheke.
Aka ere oaria areve horova ve horahora leivahaeape la hoa are kilea haela mari maeaeape: 44E va ma oharo auhohi iapaki: ehovea ere va aireaki haela ve Akore haela ve mai ve avarakilai. 45Aka ere va la oharo mekari au iapaila, areve iele au avarapape, laelave ere la iele ore au leila: ere kai areve ma oharo v'ila velavela leikive oaoka leivahaeape.
Maeoka mai veveke: Haela ae haure kalailue
46Hare ae ere elare oharo hahari ape maria — oropa haela leita leikilai? 47Iesu ereve la oharo iapai are akore hekai lai iki ereve oropa ve aepai mariape, 48Haela ma akore hekai arave rare ve auhohi la leikilava, are araro kara auhohi leive: haela araro auhohi la leikilava, are araro kiparaeape haela kara auhohi leikilai: eve ipi ve la haela eve akea ve haela are la.
49John arero maeape, Haelapo, ela va haela ae ovehahu ave rare v'ila haruapaivila eavape: ela ka arero au hereavape, ehovea are ela i hareho au va ka. 50Iesu arero maeape, Arero ka hereavalue — ero iri leiki aue la haela are va eve haela.
Iesu Jerusalem pekape. Samaria haela arero haure leipe
51Iapai — arero lai urapaki hare maeamaea horerape la hoa areve oropape Jerusalem ve ukaki ehoe hiki helari eavape. 52Are kai haela uku areve oropa ve paparaehape: ere ai Samaria haela ve karikara pekahavi areve ita karikikive. 53Ere arero auhohi au leila ehovea areve oropape Jerusalem ehoe pekakive hovea leipe. 54Areve kilea haela James i John ila laria eavi arero mari maeape, Amua, lehae? A va ikivere ela kaia akea ve a kihoaukive itavakive erero a haeakive (Elijah leipe la mai hoveahovea) ha? 55Aka are airelari erero aihukamaeape. 56Ere kai karikara aeva auvahaeape.
57Ere auvahaeape la hoa haela ae arero maeape, A va lahoa la aukilava, ara kara ai hareho aukilai. 58Iesu arero kavale maeape, Viva ka ura ila, kaia ve ori oaria va loro ila, aka haela ve Akore areve haro koraki aihari karia. 59Are haela ae maeape, Araro airekai ekela. Aka la haela maeape, Amua, aupava, ara oropa arave oa ve koru la ihakilai. 60Aka are arero maeape, Apihaeape haela elare apihaeape haela ve koru ihavakive — av'auki, Aualari ve basileia ve iroro arive. 61Haela ae maeape, Amua, ara va aro airekai aukilai: ara va arave apavara haela oaria oropa ikihuru oharo maeaeakilai. 62Aka Iesu arero maeape, Haela ae horova eharu oropa pae aire horova haure la leikilava, la haela are va Aualari ve basileia hoveahovea va ka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972