Matthew 16
16
Iesu ihova avarakive ikivere ka
1Pharisee haela Sadducee haela ila hareho ekevahaeape. Ere arero au amuraeai arero kaia ve ihova ve velavela leipe. 2Are erero kavale maeaeape, Hailaea hoa eve oharo maria, Mea veveke leikilai, ehovea kaia ovo heheave. 3Kai vevelare hoa e va maria arura, Mahau mea heaha leikilai ehovea kaia uru koave, mea le hihirive. E opore haela e — E kaia ve ihova heheava ore — e va ma mea hovea ore va ka ha? 4Mai heahaha, airi pavora ila vilakao ra ihova haroparo — Ere ihova ava va ka, karia karia iele, Jonas ve la ihova hiki. Are erero haitapai ita lahua aupe.
5Areve kilea haela la ukai elahuka pekahavi pai avakive iki hoapai.
Are kilea haela aihukamaeape ehovea iapaki aue mai
6Iesu erero mari maeaeape, Kiva auhohi leila, Pharisee haela i Sadducee haela ila ve pai avaki ave. 7Ere elarelare iki heheavape maria, Ma oharo ehovea ela va pai au aeakue. 8Iesu ereve ikikekela ore lei erero mari maeaeape, Eve iapa iele va ka. Ipileve e va elarelare heheavaro ehovea e va pai au aeakue ha? 9Aiai ma hoa kara e iapa ka ha? E va kelava ka ha? Haela 5,000 ve pai hue ila, kai e korukaiavahaeape hara kepea leavaila ha? 10Aka haela 4,000 ve pai 7 kara, e eapai kepea korukaiavahai kailape hara leavaila ha? 11Leia va learia e va iapa va ka ha? Ara Pharisee haela i Sadducee haela ve pai kiva leiki oharo maeape hoa ara ero pai iele ve oharo au maeaeaila. 12Ere la hoa iki le kelavape — are va erero pai ve oharo hiki au maeaeaila, aka Pharisee Sadducee ila ve kilea oharo kiva leiki oharo maeaeape.
Peter Iesu va Keriso hihika maeape
13Iesu Caesarea Philippi ve ukaki elaupe la hoa are kilea haela velavela leipe maria, Haela ve Akore va haela va leari aro ara va leita ha? 14Uku maeape, John Baptist, uku maeape, Elias, kai uku Jeremiah aka peroveta haela aea. 15Are erero maeaeape, E va araro leita rare aro ha? 16Simon Peter arero kavale maeape, A Keriso, Aualari ovokake ve akore. 17Iesu arero kavale maeape, A va ikiveveke leive, Simon Bar‐Iona, ehovea aivau kai apu aro la oharo au kileaila, aka arave kaia ve Oa. 18Ara aeka aro maeaive, A va Peter, ma have akea ve ara arave ekalesia kukilai. Hell ve okiape oaria areve oropa ve heaorapa va ka. 19Are kaia ve basileia ve key oaria aro aiarakilai: A va meahaiapo ve eharu ra hahakilava, are va kaia ve kara hahakilai: A va meahaiapo ve eharu ra hehelaukakilava, la eharu kaia ve kara hehelaukakilai. 20Are areve kilea haela ahilavahaeape ere are va Iesu Keriso la oharo haela kamaeailue.
Iesu areve aireaki api kai urouki oharo kileape
21Aireaki hare oaria Iesu areve kilea haela oharo mari kileape: Are Jerusalem pekakilai, kai kakare oaria koarakilai, ehovea haela hoaha, oharo haela, hohoa haealula haela ila: kai ere arero ra harilava — are hare irehoila kai le uroukilai. 22Peter arero arai oki lai aupe kai arero ovoro kopape maria, Amua, A va laria kakekelarue! A laria koara va arekaea. 23Aka are helari Peter mari maeape, Satan e, a araro hararua va arekaea — a arave oropa hereavaki haela, ehovea ave ikikekela Aualari ve hovea ka, aka haela ve ikikekela hovea.
Elare kekela v'arekaea
24Iesu areve kilea haela mari maeaeape, Haela ae araro airekai ra ekekilava, veveke, are elare kekela va arekaea, aka are havahu ve satauro oraiavi araro airekai ekekilai. 25Haela ae elare ovokake aheke ra leikilava, are va ovokake le paraeakilai. Haela ae elare ovokake ra havoavakilava, ehovea arave harihari, are va ovokake iele koarakilai. 26Haela va meahaiapo hareho ra avakilava, areve ove ra havoavakilava, areve kavale iele lahoa? Aka haela ve ove ve le kavale leikilai? 27Ehovea haela ve Akore areve Oa kai aneru ve haharika iele ila kihorerakilai. La hoa are haela oaria kavale leikilai, ereve horova hovea. 28O iele, ara ero maeaeaive, Maia epavaki uku haela apihaea mai ore lei va ka aiai ere haela ve Akore ve basileia ve ekeki hoa ra eavakilai.
Currently Selected:
Matthew 16: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Matthew 16
16
Iesu ihova avarakive ikivere ka
1Pharisee haela Sadducee haela ila hareho ekevahaeape. Ere arero au amuraeai arero kaia ve ihova ve velavela leipe. 2Are erero kavale maeaeape, Hailaea hoa eve oharo maria, Mea veveke leikilai, ehovea kaia ovo heheave. 3Kai vevelare hoa e va maria arura, Mahau mea heaha leikilai ehovea kaia uru koave, mea le hihirive. E opore haela e — E kaia ve ihova heheava ore — e va ma mea hovea ore va ka ha? 4Mai heahaha, airi pavora ila vilakao ra ihova haroparo — Ere ihova ava va ka, karia karia iele, Jonas ve la ihova hiki. Are erero haitapai ita lahua aupe.
5Areve kilea haela la ukai elahuka pekahavi pai avakive iki hoapai.
Are kilea haela aihukamaeape ehovea iapaki aue mai
6Iesu erero mari maeaeape, Kiva auhohi leila, Pharisee haela i Sadducee haela ila ve pai avaki ave. 7Ere elarelare iki heheavape maria, Ma oharo ehovea ela va pai au aeakue. 8Iesu ereve ikikekela ore lei erero mari maeaeape, Eve iapa iele va ka. Ipileve e va elarelare heheavaro ehovea e va pai au aeakue ha? 9Aiai ma hoa kara e iapa ka ha? E va kelava ka ha? Haela 5,000 ve pai hue ila, kai e korukaiavahaeape hara kepea leavaila ha? 10Aka haela 4,000 ve pai 7 kara, e eapai kepea korukaiavahai kailape hara leavaila ha? 11Leia va learia e va iapa va ka ha? Ara Pharisee haela i Sadducee haela ve pai kiva leiki oharo maeape hoa ara ero pai iele ve oharo au maeaeaila. 12Ere la hoa iki le kelavape — are va erero pai ve oharo hiki au maeaeaila, aka Pharisee Sadducee ila ve kilea oharo kiva leiki oharo maeaeape.
Peter Iesu va Keriso hihika maeape
13Iesu Caesarea Philippi ve ukaki elaupe la hoa are kilea haela velavela leipe maria, Haela ve Akore va haela va leari aro ara va leita ha? 14Uku maeape, John Baptist, uku maeape, Elias, kai uku Jeremiah aka peroveta haela aea. 15Are erero maeaeape, E va araro leita rare aro ha? 16Simon Peter arero kavale maeape, A Keriso, Aualari ovokake ve akore. 17Iesu arero kavale maeape, A va ikiveveke leive, Simon Bar‐Iona, ehovea aivau kai apu aro la oharo au kileaila, aka arave kaia ve Oa. 18Ara aeka aro maeaive, A va Peter, ma have akea ve ara arave ekalesia kukilai. Hell ve okiape oaria areve oropa ve heaorapa va ka. 19Are kaia ve basileia ve key oaria aro aiarakilai: A va meahaiapo ve eharu ra hahakilava, are va kaia ve kara hahakilai: A va meahaiapo ve eharu ra hehelaukakilava, la eharu kaia ve kara hehelaukakilai. 20Are areve kilea haela ahilavahaeape ere are va Iesu Keriso la oharo haela kamaeailue.
Iesu areve aireaki api kai urouki oharo kileape
21Aireaki hare oaria Iesu areve kilea haela oharo mari kileape: Are Jerusalem pekakilai, kai kakare oaria koarakilai, ehovea haela hoaha, oharo haela, hohoa haealula haela ila: kai ere arero ra harilava — are hare irehoila kai le uroukilai. 22Peter arero arai oki lai aupe kai arero ovoro kopape maria, Amua, A va laria kakekelarue! A laria koara va arekaea. 23Aka are helari Peter mari maeape, Satan e, a araro hararua va arekaea — a arave oropa hereavaki haela, ehovea ave ikikekela Aualari ve hovea ka, aka haela ve ikikekela hovea.
Elare kekela v'arekaea
24Iesu areve kilea haela mari maeaeape, Haela ae araro airekai ra ekekilava, veveke, are elare kekela va arekaea, aka are havahu ve satauro oraiavi araro airekai ekekilai. 25Haela ae elare ovokake aheke ra leikilava, are va ovokake le paraeakilai. Haela ae elare ovokake ra havoavakilava, ehovea arave harihari, are va ovokake iele koarakilai. 26Haela va meahaiapo hareho ra avakilava, areve ove ra havoavakilava, areve kavale iele lahoa? Aka haela ve ove ve le kavale leikilai? 27Ehovea haela ve Akore areve Oa kai aneru ve haharika iele ila kihorerakilai. La hoa are haela oaria kavale leikilai, ereve horova hovea. 28O iele, ara ero maeaeaive, Maia epavaki uku haela apihaea mai ore lei va ka aiai ere haela ve Akore ve basileia ve ekeki hoa ra eavakilai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972